喜來稀肉 (金巴利道)

Open Now

Now Closed

星期五晚上，7點幾入座，都有七成滿，攞枱嗰陣侍應已提醒食100分鐘。咁好啦，得100分鐘又要睇餐牌又要落單又要燒又要食，都預咗趕頭趕命，就快快手落單快快手食。食到咁上下，都好多人食完埋單，吉枱越來越多，又冇第二輪嘅客，即係冇人等我地張枱啦？咁我地就繼續食，諗住嗌多轉肉，嗌多幾杯飲品⋯點知嗰位廣東話麻麻嘅男侍應好有趣，可能想早啲收工，唔想幫老細搵錢，同我地講last order，又隊張單過唻催我地埋單。咁冇計啦，我想幫襯畀多少少生意佢做，都唔做喎！我地就埋單啦，淨係坐多陣，飲吓水、吹吓水，又畀嗰位男侍應催我地走，指我地已坐咗超過100分鐘。如果有人等枱，我會明白佢有理由催我地走。但全場吉咗一半，我地又淨係坐喺度飲枱面支水，為咩事要係咁趕客？？係咪想盡早清晒啲枱，就可以早啲收工？！

係韓國街搵餐廳成日都唔知道搵邊間🫣於是就遂間試下哈哈～呢間多數係食燒肉的，但冇太多時間所以簡單食lunch set🙂‍↕️結果都要等15分鐘….=🍗||醬油烤雞排定食 $88||賣相不錯！但味道普普通通，雞有啲鞋🥲唯獨個大醬牛肉湯好飲好足料！🍜||烤肉水冷麵 $95||水冷麵超低cp值…..韓國街其他賣～$70左右，呢度要成$95，仲要好普通&唔太夠凍🥹 唔知係咪叫錯了，但成個面得兩三舊水煮五花肉薄片？但太趕時間就冇理到～下次都係試燒肉吧～平日lunch去到唔多人，應該可以舒舒服服燒肉👍🏻

呢排心血來潮想食燒肉，見到呢間燒肉有前菜任夾就覺得好吸引，最鐘意食佢青瓜同芽菜，可以解膩，味道又唔錯，醃得幾好另外仲見咗牛肋肉同埋豬護心肉，牛肋肉同護心肉厚切得嚟唔韌，覺得有啲意外驚喜當然仲有唔少得係夏天必食嘅水冷麵，涼浸浸好舒服好正，啲麵都好有韌度，好有口感，另外仲有埋必備嘅爐邊蛋，鐘意芝士味，鹹鹹香香嘅好食。📍喜來稀肉 (金巴利道) (尖沙咀)尖沙咀金巴利道79-81號金栢閣地舖及1樓（仲有好多分店）

好耐都冇去韓國🇰🇷旅行了，好多時都好掛住當地韓國食物😽會好想即刻食到韓國嘅味道😋😋今次就去咗韓國🇰🇷人氣燒肉過江龍喜來稀肉，佢哋無論店舖嘅裝修定係餐廳嘅氣氛都充滿着韓國嘅味道，用嚟燒烤嘅爐同韓國地圖燒烤店🍖都一樣。我哋一於叫幾款野食試吓😬😬喜來烤肉🍖烤肉捲成花形🌹加上印咗「喜來稀肉」嘅菇🍄‍🟫打卡一流👍🏻牛肉厚薄適中🐮燒幾秒即熟，肉質有咬口，而且醃咗甜甜哋嘅燒肉汁，好入味😋😋招牌「豬護心肉」屬於豬最珍貴部位🐷護心肉原來係位於豬嘅橫膈膜同肝之間🩷之所以咁珍貴，味道濃郁，配上生菜，再加上韓式辣醬，一定要加上生蒜片，就係正宗嘅吃法。石鍋牛肉拌飯🐮石鍋飯熱辣辣好足料，滿滿嘅紫菜配上太陽蛋🥚紅蘿蔔🥕麻油菠菜同芽菜等韓式拌菜加埋韓式🇰🇷辣醬撈飯，味道👅好好👍🏻柚子梳打🥤好足料嘅柚子梳打，又不會好甜，濃濃嘅柚子味，配上烤肉🍖真是一流想食地道韓國🇰🇷燒烤不妨一試

家有幼嬰，平日難免要顧及孩子，很少有機會去食韓式燒烤（火爐始終有一定危險性）🥲今日難得有二人時光，決定去喜來稀肉食返次，回憶下拍拖時的時光！估唔到這間餐廳現在連平日晚上也座無虛席，受歡迎足咁多年真的厲害👍🏼喜來稀肉的烤肉堪稱是地道韓式風味，肉質鮮嫩多汁，搭配自製的各式醬料更是層次豐富，令人食過返尋味❤️他們的泡菜餅算是一個驚喜之作。口感比賣相高分太多🤣！酸甜可口，少脆，真的好好吃🤤人蔘雞湯更是溫潤滋養，湯頭鮮美，飽滿耐嚼的雞肉更增添了口感。原隻雞上，真材實料✅順帶一提，佢哋嘅前菜係任食！對於經常外食嘅人嚟講，可以瘋狂食佢嘅沙律菜都幾好🤣🤣無論是情侶約會，還是朋友聚會，喜來稀肉都能滿足味蕾和心靈。期待下次再來品嚐他們的招牌菜式,讓味蕾再次得到驚喜和滿足！

某人突然間想話食韓式燒肉，揀咗尖沙咀嘅喜來稀肉。我都係第一次嚟呢間舖，上樓梯之後就見寬廣嘅內部，有獨立間隔座位，也有圓枱和方枱。店裏播放住比較強勁韓式嘅音樂，入座之後，店員就會將一嚿肥豬肉放響烤盤上面，一路燒一路出油，燒肉嘅時候就冇咁容易黐底。烤盤邊有兩條坑槽，一邊放咗泡菜，一邊放咗芝士，店員會加湯汁落去。叫咗『一頭豬』豬肉拼盤$480，包括護心肉、豬頸肉、五花肉，韓式豬皮、喜來五花肉。除咗有豬肉之外，仲有菇片、翠玉瓜片，另外仲有一碟黃豆粉係配豬皮的。店裏面有一個自助前菜吧，有菠菜、大豆芽、青瓜、韓式泡菜、生蒜片......，另外仲有生菜籃，都可以無限添加，當然食得晒先好拎啦。前菜味道又唔會太濃，好好食呀，添了好幾次呢。豬肉整體好有肉味，我最鍾意就係韓式豬皮，好有驚喜，烤到外面脆卜卜，入口煙煙韌韌好特別，點埋黃豆粉食又香啲，仲冇咁膩。成個餐都份量都好足，我哋食到飽飽。原來follow佢哋社交平台就可以免費獲得一杯，食埋甜品就完美啦。

一坐低侍應已經幫我哋淋蛋汁🥚鐵板蛋係分兩邊㗎 一邊係有泡菜 一邊就係芝士味🧀我鍾意芝士嗰邊多啲另外都會用一嚿肥膏起鑊叫咗一款🥩牛肉、一款🥓豬肉護心肉 & 牛肋骨肉係一個碟仔咁樣送上，但係份量都唔少㗎啲肉都醃得幾好 夠新鮮！！🫓迷你海鮮蔥餅 有三大塊我哋再擺喺個鐵板上面 再煎下佢變成外脆內軟🥦入邊有好多餡 例如魷魚洋蔥🧄好有韓國風味啊🇰🇷🍜雪濃湯🍲好滋味 順滑嘅湯 好清甜加少少鹽就吊起啲味🍜入邊有牛肉片仲有粉 & 另外一碗白飯🍚熱辣辣滾住咁樣送上嚟就算係夏天 都會俾佢嘅清甜吸引住🇰🇷跟住再叫咗兩杯嘢飲 🥭芒果梳打& 🍚米汁梳打都幾大杯 好啱夏日嘅感覺米汁 有米嘅清香幾好味 酸酸甜甜甜甜地酸酸 開胃

黎到尖沙咀好出名食韓國野既韓國街，最信得過就係喜來稀肉，有信心保證。一坐低 oppa 就會落左蛋圍邊先，慢慢再揀野食，再出去攞前菜。前菜係任食的，都請珍惜食物唔好浪費呀，不過好好食，會攞多round 就真！ 菠菜和泡菜必食！ 燒牛肋骨肉，加上燒肉汁 + 鹽，厚身好有肉味！ 燒大蝦，好大隻，燒一陣已經好香，啖啖肉！伴冷麵，好夠凍，酸酸地，Oppa 提醒上枱要盡快食，好開胃呀！啤酒做緊買一送一，見到差唔多枱枱都叫，配燒肉確係一流。

係香港元組級燒肉喜來稀肉 好多年前已經開始食雖然一段時間無黎 但水準衣然keep到 原來衣家變左半自助形式 韓式配菜 包肉既生菜都可以無限添加 加埋爐邊既芝士蛋同泡菜蛋 我地2個人叫左幾樣野已經好飽好滿足豬護心肉每次黎都必叫 每隻豬只有手掌大小左右既護心肉 無油柔軟且有咬口 好味牛肋骨肉呢個又係我至愛 有濃厚牛肉味 充滿肉汁 軟淰香口香煎海鮮餅即叫即整 上枱熱辣辣 外脆內軟 餡料有魷魚又有蝦 口感豐富韓式炒年糕年糕煙靭有口感 辣度適中 加埋魚糕吸哂湯汁 正呀衣家Follow佢地FB/IG 仲有Dryers雪糕送 我地揀既2隻茶味都好好味 特別推介烏龍茶 好清新

近來忙得不可開交，放工想去鬆一鬆，兩口子到尖沙咀吃韓燒。一進入內，就充滿韓國燒烤店的感覺。所有枱凳都像韓國燒烤店一樣，電視不停播着韓式歌曲MV。自助餐區有不同的泡菜、韓式芽菜、豆皮，醃製蘿蔔，麻油菠菜、生菜等任取。枱子中央已有韓式鐵板，鐵板旁邊還備有蒜片、兩款蛋供我們吃，更可隨時添加。我們點了：石鍋牛肉拌飯:當上菜時，啪啪啦啦的響聲營造出一種熱騰騰、現烹現吃的氛圍，令人食欲大開。有很多不同蔬菜在內，以紫菜和牛肉一同拌炒，加上韓式辣椒醬，有濃郁的韓式風味。 牛五花肉肉質細嫩柔滑，肥瘦比例恰到好處，肉汁豐沛，入口即化。我們輕輕一烤，肉汁伴隨著濃郁牛肉香氣瞬間爆發。我們配以清脆可口的生菜，正好中和了牛肉的油膩感。喜來韓豚五花肉:韓豚五花肉肉質紮實，油脂豐厚，咬下去有濃郁的豬肉香氣。同樣包着清脆的生菜一同吃，十分鮮味！大醬湯:湯頭濃郁，帶有少少辣味。湯內有大蒜、洋蔥、蒜片等香料，還有蜆和蟹，香氣四溢，令人回味無窮。我們在social media 打卡，還可以免費享用Dreyers雪糕是很豐富的一餐！

今次又食喜來稀肉🤣之前去咗瓊華中心果間食唔錯，所以試尖沙咀果間。餐牌裡面除咗肉，仲有好多唔同種類嘅韓式熟食，選擇都幾多。燒肉揀咗牛五花同醬油雞，牛肉花比較薄身易熟，油花好香，醃料亦都幾好食！至於雞都好大件，食落都好滑。另外叫咗韓式海鮮辛辣麵，好足料，有好多海鮮，麵亦都好煙靭。餐廳都相當闊佬，有自助Bar，可以自已任拎泡菜、芽菜、酸蘿蔔、新鮮生菜等等，選擇比旺角分店多。而爐邊蛋都唔洗另外加錢，有泡菜同芝士味，充滿濃濃滑蛋香。飲品就有好多款，包括韓式飲品同特飲，同埋芒果梳打，非常消暑解渴！

每次想食地道韓國嘢必定會諗起呢間餐廳，除咗有韓燒之外，所有其他韓式食品都超級好食，另外就係鍾意呢度夠多服務員，所以想再速度或者加嘢食，全部都好快手，不過最最最最鍾意都係呢度個伴菜款式夠多！今日收工過到嚟大概7:30 ，好多已經坐滿晒人，我哋坐低都叫咗幾樣嘢，全部都覺得好正！今次韓燒我哋叫咗牛護心肉，加埋可以任用嘅生菜包，夾埋泡菜食真係勁好味！今次都係第一次食咗雪濃湯，湯底真係又清又夠濃，唔使加鹽已經覺得好好食。朋友就叫咗個石鍋牛肉拌飯，份量超大。最後因為仲想食，所以另外要多一份海鮮拉麵，估唔到我哋真係都食得晒，咁樣真係代表食物超好味囉！

喜來稀肉係香港韓燒代表NO.1😛咁多年都係咁好食！而且仲變左有free flow前菜😍無限自己refill，仲有生菜可以拎黎夾肉😗人均$220已經食到好飽！燒肉種類唔少，推介食牛五花，肥脂分佈岩岩好，燒大約1分鐘都已經夠熟又香🤤夾埋蒜片芽菜泡菜💯分🫢另外熟食十分推介牛肉石頭鍋飯，飯焦好出色，份量超級多！泡菜海鮮煎餅都有燶邊😛最後like埋佢地IG仲有Dreyer’s雪糕送🤪🤪🤪📍喜來稀肉 (金巴利道) (尖沙咀)尖沙咀金巴利道79-81號金栢閣地舖及1

今日夜晚同朋友特登去咗九龍尖沙咀嘅「喜來稀肉」食燒肉，細個時成日嚟呢度食飯，仲好記得佢嘅爐邊蛋！！原來而家有前菜自助區。除咗一般嘅韓式沙律，仲有好多道地韓式小菜，如泡菜、韓式芽菜、豆皮，醃製蘿蔔，麻油菠菜等。生菜任攞，呢度嘅生菜又脆又清新，正好用嚟包住d肉一齊食用，中和返食肉的肥膩。我試咗兩款肉類，一款係牛五花，肥瘦比例適中，牛味濃厚，咬落有小小油脂，入口即化;另一款就係雪花牛，肉質較厚實，細滑啲，但同樣牛味。我最後都選咗石鍋牛肉飯作為主菜，上菜時，聽到啪啪啦啦嘅響聲，配有不同蔬菜同紫菜，牛肉，自己添加韓式辣椒醬！雖然呢間餐廳座落尖沙咀，但價錢都算公道,性價比ok !

我同朋友嚟過食喜來稀肉過好多次，但每次佢都可以保持一樣嘅質素，真係抵佢永遠都係咁受歡迎嘅燒肉店❤️佢有一個自助沙律吧，可以自己拎生菜同各種醃製嘅小菜等…好正❤️仲有爐邊蛋可以食，佢有兩邊，分別加咗芝士碎同泡菜碎🥰大愛呀！1.牛護心肉呢樣係我嚟到喜來稀肉必點嘅肉，佢味道濃郁醇厚，不同於普通肉類的清淡感，而且帶有一定嚼勁整體而言，護心肉的口感比一般肉類更加豐富細膩，入口即化，綿密有嚼勁。2.韓豚五花肉佢嘅肥瘦間隔剛好，食落口香得嚟又唔會油，係我每次嚟呢度都一定會嗌嘅肉👍🏻夾埋生菜同蒜一齊食，冇得輸！3.嫩豆腐湯燒肉食得乾乾地，就會好想飲吓湯😂佢個湯好足料，濃郁嘅泡菜湯底，加上大大嚿豆腐，仲有蜆、金菇、翠玉瓜等，飲完真係好爽！4.凍大麥茶對唔飲酒嘅人，真係必推介大麥茶，超解渴同油膩👍🏻