Seoulmate Cafe (Moved) New Location

seoulmate次次去到都已經滿座 難得果晚有位就即刻入去啦～我哋2個人 嗌咗2個嘢食 1個冰叫嘢食個形式同food court差唔多 要去cashier嗌嘢食同俾錢然後店員就會比部機你 嘢食準備好部機就會震 就可以出去攞啦～之前有朋友食過呢個 話超正 所以我哋諗都無諗就點咗呢個飯喇真係冇介紹錯 一界開個飯 d蛋漿即刻流晒出嚟😍 真係好特別～而且除咗少少嘅辣之外 仲有好香嘅黑松露味！！呢個pizza都好特別 因為佢個餅底係用飯煎香整成架～其實個飯同pizza食到一半已經覺得好飽 無奈又叫咗個冰 所以都要食咗佢啦😂冇諗過個冰可以咁大兜！！平時食冰下面部分嘅冰可能會因為冇汁而無味 但呢個就好夠汁好夠味！oreo碎同棉花糖都有好多😍真係食到超飽😂我哋兩個人真係食唔到咁多嘢 所以最後個冰都食唔晒☹️所以大家真係要睇下自己嘅食量先嗌嘢食呀😂

下雨天，跟閨蜜選擇到人流不多的西環區覓食，每一間小店都充滿著特式！Seoulmate座落於第三街，只有約十多個座位，店舖選了溫馨的木材和石磚裝潢，最適合女孩子坐下慢慢談心！餐牌以微微泛黃的紙料製作，更添小店溫馨感！紫薯拿鐵 $48濃濃的紫薯味，入口不會太甜，值得一試！Cappuccino $30咖啡香而不帶酸味，入口夠滑，盛載咖啡的杯子及杯墊有心思！加分！岩漿蛋拌飯配黑松露煙三文魚 $88出品時店員另跟上一份韓國辣醬，可跟據客人接受的辣度自行加入。然而整體感覺一般，蛋漿不夠，切開時沒有流心效果，黑松露拌入飯後沒有滲出任何松露香氣，飯身亦偏乾，紫菜份量亦不足夠拌混於飯中，建議增加各種配料份量。

有日經開西環見到呢間韓國既餐廳"Seoulmate Cafe"又見好似都幾多人試, 心思思入去試下先!見到其他人叫既甜品賣相好似都相當吸引, 叫左個『亞朱媽年糕多士和雪糕大戰紫薯』 $63個名真係好攪笑, 上到枱見到紫色薯真係好吸引!多士既內層係有年糕係入面夾住, 食落口好QQ, 紫薯味都幾香, 而且唔會太甜, 年糕多士夾埋雪糕配搭一齊食更添一份口感! 1個人其實都可以食到(而且都會幾飽肚) 不過小妹係個眼闊既人, 黎得呢食野當然叫多份野食試下喇!豬肉飯卷唔好以為呢度得甜品出色, 其他食品就會冇咁好食, 絕對唔係嫁! 今次叫左個豬肉飯卷, 其實食落有D似平時既印度果D卷物, 入面有d肉又有d菜入面既豬肉唔會整得好干, 入面其實加左d汁令到個飯卷食落去有d濕潤感覺, 真係整得幾出色! 

甜品，是每個人生命的必須品. 試問，甜作為人既味覺既一部份，如果冇足夠既歷練，又點算係過到依一生? 甜，雖然好多人都覺得好膚淺，但其實，一點都唔簡單. 甜品，就係將甜發揚到千變萬化既野. 而係甜品之中，如果冇試過紫薯，噢，對唔住，但甘同冇食過甜品，分別唔係好大. 當我慢慢行入依間cafe，我就知道，我將會品嘗緊人生入面好重要既野，甜. 當然，甜，都分好多level，究竟我叫既依個紫薯芝士蛋糕係乜level?芝士，當然係好多人杯茶. 芝士蛋糕，亦都使人欲罷不能. 但紫薯芝士蛋糕，相信就唔係好多人食過. 只見到雪白的盤子上，一塊切得乾脆的蛋糕靜靜地佇立其上，佢有著雪白既雀斑，和好像紫薯蓉一般綿密的頭髮，仲有既係，佢飽含著紫薯同芝士的深情內心，正等住我地去食，噢不，去探索.輕輕咬落去，濃郁既紫薯味道就隨住幼滑的紫薯蓉滲入牙間，微涼既口感，清新如深秋的天氣. 然後就食到柔軟既蛋糕，既有著芝士的奶酪味道，又淡淡地透出紫薯既芬芳，甜絲絲的，卻又不會過膩，味道清晰，卻又不會有一方壓倒另一方，稍稍品嘗下，便悄悄融化在嘴裡頭.噢，我非常鍾意依個蛋糕，雖然，我比較喜歡更濃既紫薯味道，但佢同芝士溝出既化學作

禮拜日先黎落雨不過可能係落雨關係 竟然唔洗等位一直以為呢度好細 但原來出面有個小花園噤坐低左就叫左亞朱媽年糕多士和雪糕大戰紫薯仲有燒手肉韓歌飯卷好👍🏻中間有芝士，牛肉同蘿白絲味道出奇地夾👍🏻👍🏻 可能係紫薯關係，呢餐飯飽到兩個人都食唔哂！下次有機會再亞朱媽年糕多士和雪糕大戰紫薯下次有機會試下其他

當日我同P大人諗唔到去邊，於是上openrice睇下有咩新食店，睇到呢間有紫薯產品立即決定起行去西環食返轉。到達餐廳時，室內坐位已經滿左，好彩仲有室外，室外環境好似去左泰國咁，仲要當時冇人!我地叫左紫薯芝士cake - 堅係有紫薯係入面，口感幾好!抹茶芝士cake - 圓形紅色個粒係紅豆，加埋一齊食，正呀都!紫薯latte - 味道唔錯，不過上面既cream就麻麻地了。

和朋友在附近吃晚餐，因餐廳祇有中式糖水供應，朋友便提議去第三街的韓式cafe, 所以就上綱睇下 Soulmate cafe ，見到甜品買相好吸引，同時評語也不錯，就決定去試試！店舖很小，祗有四張枱，好似外面還有花園坐位.但我們到達已差不多9:15p.m，因他們是9:30最後 order.所以馬上看menu 落 order，我心中已決定要試試買非常吸引爆脆米餅配柚子密芒果和士多啤梨雪糕，友人就選了心太軟！這𥚃全自助式，order 后就給你震機等通知，太約等了10分鐘便可拿order!見到就令人開心，當然手機先食，再到我食，先試爆脆米餅，米餅非常脆，味道很淡，但加上柚子密芒果和雪糕等一起吃就把所有的甜和酸都綜合起來，感覺複雜有趣！朋友這時心太軟也做好，說中間的朱古力夠流心，她亦非常欣賞心太軟.大家都在甜甜氣氛下圓滿結束一個愉快晚上！

作為一個超級無敵絕對真正既紫薯控，對於任何同紫薯有關既野，都係我吞落肚既對象. 好明顯，好似我甘既人，係唔會放過依間野既. 自從聽朋友介紹過後(其實都唔係好耐，係幾日前)，今日我就已經黎到現場，並享受緊一個新鮮出爐既紫薯年糕多士.講真，連我自己都覺得自己既口味好神奇! 因為平時食紫薯，都係紫薯撻等etc. 紫薯年糕多士? 乜黎既? 真係完全冇試過同聽過! 完全冇參照物，究竟係咩味，我自己都有點興奮同驚!個多士上面有個雪糕，成個面都撒滿左紫薯粉，望上去幾靚，切開，裡面係有條條年糕，一咬落去，出面個多士幾脆，夾住入面既年糕卻好軟綿，口感好特別，而且紫薯味道幾濃! 唔錯，再食下個雪糕，抹茶雪糕既味道都幾濃，質地軟滑，好綿就算唔上，但係一涼一熱甘食，加上年糕既口感，非常之豐富! 雖然只係第一次食，但我已經鍾意左依種甜品. 希望佢能夠繼續keep住依個水準，因為我好快就會再返來食

岩漿蛋拌飯配黑松露煙三文魚拌飯雖然冇平時嘅石窩，但有靚靚拌碟，岩曬相機食先嘅我地📸拌飯唔只有外在美，仲好有內在美，成隻原隻雞蛋打左入拌飯既內層。呢個拌飯配埋嘅辣椒醬唔係杰撻撻，比平時常見既稀，撈埋飯感覺好creamy仲要唔係得個辣字！食落仲有啲甜味，本身仲以為點解D蛋黃咁快熟同甜甜地，點知原來係蕃薯蓉黎！真係好驚喜，唔食得太辣嘅朋友仔都可以接受到亞朱媽年糕多士和雪糕大戰紫薯呢個名改得幾搞笑但唔知點解有種想特別D但又改得好hea既感覺 不過呢個甜品既質素1D都唔hea丫～ 多士中間夾左紫薯蓉仲有QQ既年糕，面頭再配上豆腐雪糕同埋脆脆既nuts，豐富左成個口感。不過好好奇點解幾個多士烘一烘令佢更香口呢？我相信烘左之後既好味指數應該會更上一層樓

It is rare and ad hoc for me to end up having lunch in Sai Ying Pun. I have been longing to try the purple yam rice cake toast amidst the purple potato craze, but have never found the will to drag myself and hubby all the way to Island West. To avoid queueing, I arrive at noon, right when they start the day. The place was empty that I’d to ask the staff whether they’re open or not. I took the window seat to watch people going by. The stool was even still wet from the morning cleaning.I chose the

Openrice見到呢間小店食物好特別、吸引, 就算由東九龍搭車到港島西都要一試, 真係冇令我失望!店子雖小, 坐位較窄, 食物選擇不多, 但每樣食物都好有特色!燒牛肉韓哥飯卷此卷普通, 適合愛淸淡人仕!韓式涼伴麵個辣辣醬汁係呢個菜嘅靈魂, 冇佢當堂失色晒!岩漿蛋伴飯配黑松露煙三文魚好特別嘅一個菜! 黑松靈好香, 撈匀食到唔同層次嘅感覺, 好得 !亞朱媽年糕多士和雪糕大戰紫薯多士夾住年糕同紫薯蓉, 紫薯好香甜 , 但因為咁感覺唔到年糕嘅存在, 不過也值得一試!夏威夷紫薯K爆米薄餠好like佢呢個香脆餅底! 㗳真原來由飯煎脆做成餅底 , 绝對驚喜!連drink 四人人均消費只昰百多元, 有如此質素, 真係超抵!

從網上或者雜誌，已經得知西環有好多好嘢食，今次終於與他夾到時間，一齊去試特式小食。今次去到呢間 Seoulmate Cafe，雖然門口細細，但玻璃門和門邊的畫真的好可愛，好吸引。在門口旁邊的一張小方枱坐下，店內的 OPPA 店員已經要親自招待我們。先點了一客 甜美K爆雪糕米餅脆脆，甜甜酸酸的芒果，配合香脆的米餅，十分開胃。我們一邊食，一邊看著門口旁邊的餐牌，於是決定加點了兩杯飲品，一杯咖啡和一杯橙汁。咖啡的味道相比平時飲過的較為甜，而我認為橙汁比較特別。這杯名為濟州橙汁的味道比較上甜味，最特別是橙汁是暖暖的。但最令我最開心的是，可以見到一堆新鮮果肉在杯底，感覺很清新。

難得週末小妹最喜歡就係四週搵食！今次一於要試下去西環行行睇下有咩好食～今次小妹就向住第三街出發，原來以前俾小妹感覺舊區嘅西環都已經改變了不少，多咗好多又新又高嘅大廈！行到攰攰地小妹就入左一間叫soulmate小店休息下～店內有幾張桌，還有露天位置同朋友傾計都算係一個好地方～睇下menu先！店內有小食、甜品、咖啡和其他特式飲品～店內仲有小妹喜歡嘅花茶同果茶添！小妹點選食物後就可以安坐位上等候，當食物準備好就會有機器提示先去拎食物～由於小妹見到有個特別優惠，精明小妹當然唔可以錯過啦！只要＄50幾蚊就可以享受到店內甜美K爆雪糕米餅脆脆，另外加送一支正裝Faith in face 溫和柔滑潔膚乳，咁抵咁優惠又點可錯過呀！小妹另外仲點咗杯熱青梅果茶添！脆脆米餅香脆，完全唔會淋baba，而且完全不熱氣，就算食多咗都唔怕～另外配上酸酸甜甜柚子芒果漿係炎炎夏日相當醒胃...加上士多啤梨雪糕更加消暑！當然唔少得要Mix 埋一齊食啦！同分開食完全唔同，味道互相配合好Match又好有層次！因為真係好好食，所以不消一會兒就已經清碟啦！另外點上的有排毒功效嘅青梅果茶，入口酸酸地，唔算甜，細心品嚐青梅味就會慢慢滲

C+食評||與OPPA...下午茶 - Seoulmate Cafe--西環唔知對大家黎講係一個咩地方但對於ms.C黎講係一個陌生國度最多都只係一個坐叮叮路過既地方少之又少去用腳去感受--今次難得同閨蜜去到呢個陌生國度開餐當然要搵間特色餐廳今次既聚腳點就係韓式咖啡室 -Seoulmate Cafe--睇Open Rice資料呢間Cafe係由韓國人開設唔知一陣有冇機會見到靚仔Oppa呢？--呢間精品小店Cafe分有室內同室外用餐區室內有特色擺設外都有冷氣供應但只有10個位左右若果指定坐室就要等下--Seoulmate Cafe特別之處就係一般餐廳既後門可能都用黎做儲存 / 洗碗用Cafe就利用後欄位置打造市區入面較少有既戶外用餐區可以容納既位置比室內仲多開果廿另人既小型Party都得仲設有風扇&冷風機--利用木制既家具更加附設「搖搖椅」形成一個秘密小花園用黎影相呃LIKE一流--P.S不過室外地方始終有好與唔好優點就係可以係戶外享受下大自然缺點就係始終都仲係夏天戶外地方始終有少少熱 & 同小昆蟲--講返野食先今次同閨蜜都係搵果地方坐下吹下水主次主力都係食甜品--我地大約4:00去到都要排

一直都聽說過西營盤一帶開了很多特色餐廳，幸好一早已把心儀的餐廳給收藏了，趁著週末便來個港島美食遊。第一站來到這家紫薯出品不錯的韓式料理，舖面比較細小，但原來裡面還有個後花園，環境悠閒舒適。<紫薯拿鐵>十分香濃的紫薯味，也帶有淡淡的奶香。熱飲味道更突出，而凍飲加了忌廉則比較滑溜。<岩漿蛋拌飯配黑松露煙三文魚>圓柱形的拌飯甚有心思。米飯和蘿蔔絲、青瓜絲、及南瓜蓉相間著，層次分明，色彩繽紛。但三文魚底下放有生雞蛋，所以較易塌下。輕輕地把所有食材攪拌後便可食用，加少許辣醬更為惹味。<流心芝士拌飯配泡菜雞柳>同樣是層次感豐富的拌飯，雞柳與泡菜味道挺相夾。但飯粒也是較硬，溫度微暖。<亞朱媽年糕多士和雪糕大戰紫薯>最令人期待的甜品，賣相極為吸引。多士烘得微暖鬆脆，中間夾著煙韌無比的年糕和紫薯蓉，再配上香滑雪糕和杏仁片等，口感和味道皆一流！