SHAKE SHACK (海運大廈)

Open Now

Now Closed

Chicken Shack: 次次去呢一間餐廳都叫牛肉漢堡，今日就決定叫呢一個雞肉漢堡，佢嘅雞扒都幾大塊，熱辣辣啱啱炸起，再加埋生菜酸瓜同埋沙律醬，成個口咁我覺得都幾好食，沙律醬同炸雞扒嘅味道都match!! 同埋個包嘅整體都做得唔錯，鍾意食嘅朋友都可以試一次！Crinkle cut fries: 波浪薯條就$28，份量唔算太多不過一個人食應該就夠，再加埋餐廳嘅茄汁，酸酸地非常開胃，值得一讚嘅係呢一間係有海景，一路食一路望住個海景都真係幾好，環境都唔錯！

望住維港的海景食，觀感一流。 近期很流行開心過口味的產品， 特登嘗試了開心過奶昔， 味道可圈可點並不是太特別， 略帶開心果一點點的鹹味， 鹽味與奶味的味覺衝擊。 煙肉芝士薯條，質感比較淋，不太推介。 漢堡的包牛肉好有肉味，份量不算太大，性價比一般。

enjoy the garden to grill new fresh veggie shack 🍔 and portobello shroom burger 🍄 crafted with vegetables and grains 🌱 pair with a creamy earl grey shake 🍂 or a refreshing sunset lemonade 🍓盡享 @shakeshackhongkong 素食漢堡 🌿 包括 百分百田園風味 期間限定 美式田園漢堡 🍔 和 酥脆多汁 芝士蘑菇漢堡 🍄 採用多款新鮮蔬菜和穀物製作而成 🌱 搭配香濃伯爵奶茶奶昔 🍂 或清爽士多啤梨美式檸檬水🍓 🌱 美式田園漢堡 HKD$66 🆕veggie shack (vegetarian)由11種蔬菜製成製成全蔬菜漢堡扒包括蘑菇 蕃薯 紅蘿蔔 西芹 等和葵花籽 麥米 藜麥 等 穀物搭配芝士 香脆洋蔥 醃酸青瓜薯仔麵包 柔軟鬆軟 充滿蔬菜香氣🍄 芝士蘑菇漢堡 HKD$67‘shroom burger (vegetarian)酥炸蘑菇 雙層原隻 金黃香脆嫩滑多汁 夾著芝士 流心濃郁麵包柔軟 微

今日去尖沙咀諗咗好耐食咩，諗住半頹咁食個包，飲個lemonade 咁就入咗嚟呢間shake shack 啦聽講呢度都有海景睇 咁啱落地玻璃附近有位 咁梗係即刻坐埋去啦🌟single shack burger單層漢堡包 有菜 有茄 配白醬 個包好濃既牛油香 都埋係挺身 唔會有濕氣！ 個漢堡扒都叫有啲肉汁咁～🌟smoke shack呢個叫咗double 大大份 一口咬唔哂 入邊有兩塊漢堡扒 炸既煙肉 同一個紅既醬呢個包就層次多吹 煙肉炸得好脆🌟cheese fries 波浪薯條配芝士醬 好難唔好食🌟half half紅茶配lemonade 🙂‍↕️🙂‍↕️🙂‍↕️有海景已經贏晒

見推出咗新產品紐約扒房風味漢堡同薯條，仲有期間限定飲品，即刻去試下，呢度環境好靚，可以望住個海一邊食嘢 , 超嘆啊 ! !紐約扒房風味漢堡100 % 全天然安格斯牛肉漢堡，漢堡扒肉質好 juicy牛肉味香濃，搭配白車打芝士及炒蘑菇 , 夾層加上香脆洋蔥配自家製辣根胡椒蛋黃醬，好豐富嘅口感同滋味！紐約扒房風味薯條薯條好香脆，配上炸到香脆嘅煙肉同薯條芝士醬，咸香味濃郁，好惹味！開心果奶昔自家製雲呢拿雪糕口感綿滑、堅果味濃郁，選用意大利開心果、澳洲天然蜜糖、加埋薄脆片同埋開心果碎，配頂層厚厚鮮忌廉令口感更豐富！滿滿一大杯真係飲過返尋味！提子美式檸檬水炎炎夏日最適合飲返杯自家製提子美式檸檬水 , 酸酸甜甜好fresh ,消暑又解渴。

嚟試個開心果奶昔. 成$64... 我叫咗走whipped cream. 好甜... 好滯. 好杰撻撻. 一球雪糕, 好多碎碎嘢, 好似有nuts 同麥皮咁. 唔識欣賞熱狗好在可以加蕃茄, 生菜, 酸瓜. 但嚟到覺得唔夠熱.all beef 硬咗啲. 味道還可以. 不過$36 食個m 記包會係更好嘅選擇.

卡邦尼好普遍；奶昔亦都唔係咩新鮮事物，但係卡邦尼+奶昔，呢個新奇有趣嘅組合又真係未見過😱我竟然喺Shake Shack見倒👀呢杯係Shake Shack同Bar Leone 限定推出嘅聯名威士忌奶昔，卡邦尼意粉嘅常見食材例如黑胡椒、蛋黃醬，喺奶昔一樣有👈卡邦尼奶昔由Shake Shack 自家製雲呢拿雪糕結合帶煙燻風味嘅波本威士忌製成，忌廉面層再撒上蘋果木燻煙肉碎🥓咁大膽嘅材料搭配，就好似突如其來嘅劇情反轉，驚喜又刺激好特別💥卡邦尼本身就係一道充滿鹹香氣息嘅菜式，融入奶昔後同奶味竟然產生強烈對比，同一般嘅奶昔相比，多咗份咸香少咗份甜膩，超濃滑口感配上脆卜卜煙肉碎，果然十分過癮😚💭嗒多兩嗒，威士忌酒香慢慢滲出，剛好中和奶昔嘅甜膩 (唔飲酒嘅朋友都有無酒精版卡邦尼奶昔可供選擇) 對追求新鮮感同創新飲品嘅朋友無疑係勁有吸引力，有興趣快啲試吓😉同場加映Shack Stack 漢堡、Chicken Bites 配BBQ及蜜糖芥末醬、波浪薯條及Frozen Custard，一樣非常出色✔我哋今次係去尖沙咀位於海運中心嘅分店，望住個海啜住杯奶昔食嘢，超嘆呢‼

SHAKE SHACK 位於尖沙咀海港地。自己都喜歡此個VIEW, 晚上對著維港食飯，有一種輕鬆的感覺。double 漢堡牛肉burger $85 很juicy，很好味，比five guy的出色。另外，cheese 薯條 炸得很脆口，基本上每枱的人都會點這個。chocolate milk shake,其實都幾好味，不過$47一杯就貴了一點。Anyway, 質素算是對得住價錢。另外，炸雞$54 和牛肉腸熱狗$36都造得唔錯。論價錢算是偏貴，但以其食物質素和可以在海景view用餐，都算可以的

食完牛丸唔係好飽，行過見到個view 唔錯，入去整多餐。叫咗個普通單層漢堡，cheese fries & Mango bubble shake 個飽都算大個（起碼大過M記），一啖咬落去，果件牛肉味道重過一般漢堡啲肉，畢竟個飽都要$60呢塊野肯定係最「值錢」，個飽都軟糥口感唔錯，其他配件～生菜番茄芝士正常漢堡配搭，唔洗多講。薯條～一般「鬼佬」係用直身粗嘢，估唔到呢度係波浪呢款，講真薯條真係無乜分別讚同彈，真係要講只能講佢脆口唔粉～ok咁，加小小芝士多$10多小小芝士多$10，呢份嘢$37最後杯香港特別版奶昔，入面有啲柚子粒，應該係扮香港名物～楊枝甘露，但味道同「名物」真係有一段距離！真係二頭唔到岸，又唔夠奶味又無芒果味～想點？仲要$56一般呢啲「來佬」店係無套餐，全部散叫，真係食質素，呢度對我呢啲cheap精嚟講，真係「性價比」低，咁同一價錢，我寧願食「五條友」 或者cheap啲食返M記，食嘢真係要計值與不值，呢度可能真係食個無敵海景。回頭度：1/5喺呢個場，想座擁有無敵海景食住嘢慢慢嘆，用呢個諗法呢個價錢咪值囉😂

咁多間SHAKE SHACK最中意就係去海港城呢間，因為朋友中意睇海, 呢間霸到個窗口位真係好無敵。知道朋友仔唔開心，迫左佢出黎陪我睇多啦A夢無人機，睇之前就過左黎呢間食野。 SmokeShack (芝士漢堡配煙熏煙肉、櫻桃辣椒粒、及ShackSauce)雖然呢間D漢堡真係偏貴，但係勝在個麵包鬆軟又充滿牛油香，牛肉唔算大塊唔算厚肉，但係成個組合算juicy多汁!唯一係覺得D辣椒粒應該要平均D，有D位咬到好多辣椒粒都幾嗆下! Avocado Bacon Chicken - Thigh (香脆雞腿配新鮮牛油果、蘋果木燻煙肉、生菜、醃青瓜及牛油奶酪香草蛋黄醬)另外果款揀左雞堡，雞堡好似好食D，不過D牛油果就唔多新鮮，有D可惜。Cheese Fries (波浪薯條配上特製車打及美國芝士醬)朋友話必食的芝士薯條!係好食的，又脆口又Creamy，芝士醬真係好香難怪中意食芝士的你食到個樣咁開心唔知有冇人同我一樣，覺得食咩都唔重要，但見到對方食到個樣咁開心，就覺得好值得!回頭率: 7.8/10Total: $205 

在桌面的QR code落單，收到email話我們堅持即叫即做，食物準備好後我們會送餐給你。結果一等了半個鐘覺得唔對路，就出去櫃檯度拎，個包就咁放咗喺鐵架，問過店員嘅時候仲懵然不知咁，拎返埋位食之後個包已經唔脆，仲有啲凍。另外這間店舖的環境不用多說擁有一個大海景，衛生情況都滿意，只是不明白，惠顧的時候生意不是太忙，而且店內亦有充足員工，都會出現漏送單的情況，希望店員多啲留意送餐服務的orde，避免影響食物質素。

放假特別想食啲唔健康嘅嘢！放縱日！簡左美國好出名既漢堡飽店，譽為紐約最好食既漢堡!今日食咩呢？Shack burger 🍔🍔薯條🍟Lemonade 🥤餐廳無提供任何套餐 單點食物就可以薯條份量多 足夠2個人share 食味道方面 呢間漢堡又真好好味麵飽屬於軟熟果種！餐包果種！牛肉漢堡不得了！超juice！蔬菜又可以好多款簡而且非常新鮮！完全食的出佢漢堡既高品質薯條係鋸齒形果種 熱辣辣！每條都炸得酥脆可口！ 餐廳景觀係一大亮點：180 度無敵海景！靚到值得坐到窗旁打卡的程度望坐咁靚既海景食飯更加提升左成餐飯既質素。

夜晚同朋友來個邪惡burger night🍔，漢堡一如既往好好食，牛肉油脂充足，炸雞都好juicy唔會乾，十分之香，麵包牛油味濃郁，配菜都好新鮮！薯條新鮮炸好，口感十足，一流的享受🩷chicken bites雞塊稍稍有點overcooked，少少乾，但芥末醬同bbq醬都好夾，good👍🏻啤酒其實都不錯，幾香麥味，酒精味唔會話好重，適合啲唔太飲得既朋友，送burger同薯條很不錯！！呢間分店都比較旺，要早啲搵位喇！

🪭新春期間限定既甜辣蜜糖脆雞堡，今個新年一定要同屋企人&朋友食多幾次，過個sweet sweet 既甜蜜新年🥰❤️甜辣蜜糖脆雞堡 超大塊厚厚炸雞加上甜甜辣辣既蜜糖醬汁，嫩滑雞胸/胸腿扒自己揀～配上爽甜微酸既清新青蘋果，仲有新鮮爽脆既椰菜絲同埋鬆軟薯仔麵包，一啖咬落去，豐富口感+味道層次，好有驚喜!! 特別係個醬汁，大愛rrr🧡甜辣蜜糖脆雞粒 炸得好香脆既雞粒，點甜辣蜜糖醬，又香又惹味，食唔停口呀💛自家製士多啤梨及柚子美式檸檬水 帶有士多啤梨及柚子果香既lemonade，清新又香甜，配甜甜辣既burger 特別match!!

講真，今次去咗間唔錯漢堡店，一試就有返個「噢，呢個係咩嚟！」嘅味覺驚喜。水牛城辣雞堡真係喊得出：「味道犀利！」嫩滑雞肉包裹喺微辣嗆心嘅醬汁入面，佢嗰層脆皮咬落去簡直「嘩啦啦」，同埋醬汁含量控制得就好，唔會流得到處都係。轉個彎，試吓佢地嘅水牛城辣芝士薯條，簡直係另一個戰場。啖啖薯條掛住濃稠芝士醬，加埋粒粒辣香粉末，真係「惹味到喊」，脆辣口感正中下懷！而家講講佢嗰水牛城辣雞粒，實話實講，鮮美帶勁。雞肉彈牙，醬汁混合得好，秘製牧場醬嗰陣清新嘅味道跟水牛城辣汁嘅小辣刺激，絕對係「一啖雞，一啖愛」。下次有機會，你都試吓啦！🌶️🍔🍟