山城小麵 (太子中心)

Open Now

Now Closed

間中都會經過太子呢間山城小麵，感覺都幾特別，由於唔係食得好辣既重慶嘢，我今次選擇試吓清湯山城牛肉麵，一上菜，賣相非常唔錯，先是一口清湯，芫荽味係我最愛，好清新，入邊大約有7至8件牛肉粒，粒粒大小差唔多，肥瘦均秤，正好一口一粒，牛肉本身有調味，食到最後湯有些少鹹，可以改善一下。總體來講水準之上。

去花墟之前諗住喺附近搵下有咩好食，朋友推介左呢間小店，店面不大，得五六張枱，可能4點呢個時間冇咩人食飯，所以入到去都係得我地一枱客，本身諗住叫下午茶另外加小食，但侍應姐姐話叫單人餐仲抵，咁我地兩個人就各叫左個麻醬雞絲涼麵醬汁夠多，每條麵都可以沾到醬，味道適中，份量都算大酸辣粉嗌左小辣，但我覺得唔夠辣同唔夠酸，後來自己加左啲醋，味道好左啲下次可以試下叫中辣/大辣同埋加酸，麵都煮得夠淋尖椒皮蛋手拍青瓜味道唔夠酸辣，後加醋好味左啲冰粉質感較實，唔夠啫喱狀，但味道不錯

行過諗住求其揀D野食坐下，叫咗個酸辣粉，本身冇乜期待，不過食落好好味，薯粉軟硬剛好，個湯香料味唔會過濃，味道啱啱好。而且下午茶餐份量亦唔細，35蚊重有豆漿或一罐汽水送。不防一試

因為今日心情好，所以決定選擇重口味的午餐來慶祝一番。這次到訪的食肆是「山城小麵」「山城小麵」顧名思義以麵為主角，麵條有刀削麵、紅薯粉等等麵質很有咬口，我喜歡這種麵質，所以覺得不錯。我點了麻辣雞絲涼麵（小辣）、紅燒肥腸麵（小辣）、秘製排骨麵（BB辣）和雞絲素麵由於我不太能吃辣，即使點小辣已經要不停喝水解辣但辛辣食物就是讓人吃得很爽，越辣越想吃其中值得推薦的是紅燒肥腸麵和雞絲素麵，肥腸煮得入味也很軟而雞絲素麵則適合不吃辣的朋友，雖然沒有刺激的味道但當麵條掛上湯汁時，也能品嚐到濃郁的湯底而且吃完之後沒有口乾可惜秘製排骨麵的排骨只屬一般，不夠入味另外套餐還可以加配小食。蒜泥白肉肉質很爽口豬肉帶點甜味，加上辣椒和蒜泥等佐料，大推!而喜歡吃辣但又不想吃太多肉類的朋友，可選擇手拍青瓜和尖椒皮蛋，同樣非常美味我覺得這小店的食物都很不錯，喜歡吃辣的朋友不妨一試！

今日去醫院拆線，順便在太子試一下，小麵要的是小辣，但是也還是挺辣的，蒜泥白肉味道也很夠，紅油抄手我也挺喜歡的，份量十足，冰粉量小點,甜甜的還可以，不過不能吃辣的要bb辣吧

朋友的辣癮又發作了，這次帶我來到太子一間不太起眼的麵店，品嚐四川風味。小店粉麵的價錢大眾化，晚市套餐連小吃和飲品都只是50多元。📌紅燒肥腸麵湯底比較清，辣味全來自灑在麵上的辣椒碎和大量辣椒籽，個人不太喜歡吃辣時咬到辣椒籽，一來口感不太好，二來也會帶澀味。豬腸清潔得很乾淨，吃的時候沒有腥臭味，肥腸都鹵至軟腍入味。📌尖椒皮蛋皮蛋充滿尖椒和蔥花的香味，辣度可以在下單時向店員提出。皮蛋整得比較軟腍，還是覺得爽口的那種會更好吃。我們還單點了一碗名字十分過癮的「燃情刀削麵」，麵條好有咬口，不過撈麵的醬汁有點少，所以味道比較淡和不夠辣。

其實小店位置唔算好近我office，但因為有個外賣app每逢8,18,28號會同啲餐廳合作做優惠，呢次我就揀咗山城牛肉麵🍜試下。小店位置都幾隱蔽，喺太子大埔道嗰邊，我自己就比較少經過。店舖大大個招牌，去到就一定望到。餐廳都幾細，望落坐唔到多過20人，出面就貼咗好多餐牌。女店員好熟手，我等咗好快就有外賣拎，佢仲好識做生意咁送張卷俾我下次堂食可以送碗冰粉😍，其實我都幾鍾意食，想試下！我買咗🍜山城牛肉麵(原價$38)，要咗粗麵，少辣。首先令我最為滿意係個麵質，我估唔到隔咗成20分鐘先食，又無將湯同麵分開嘅情況下，麵條完全無淋到，仲幾彈牙爽口，加分。雖然話係粗麵，但實則無話真係特別粗。🐮牛肉粒就唔係好多，大約5嚿到，食落比想像中好食，因為肉唔鞋口，又幾入味，嫌略份量較少，可以多啲同大粒啲。至於湯底呢，我就要咗小辣，驟眼望落碗麵都幾紅，以為會幾辣下🌶。好彩個辣度真係小辣嚟，我成程唔飲水都食得哂個麵。食完無口乾，不過都油油地，兩片生菜🥬直頭索哂油，無食到。碗麵本身有蔥同芫茜，唔啱食記得走咗去。總括嚟講，碗牛肉麵算有驚喜，可能我本身估計未必好啱食，但麵質、牛肉同湯底都唔錯，推介可以試下粗麵。外賣碗望

之前喺大埔食過呢間然後發現原來太子都有即刻入咗去食我點左湯麵單人餐 紅燒肥腸面碗麵都幾大碗 我選擇咗中辣佢呢度嘅辣有幾香 唔算好辣 豬大腸都幾好食 下次嚟可以挑戰大辣小食方面點左麻辣手撕雞估唔到係咁大份 ！豆漿普普通通 不過偏甜整體來講性價比好高👍🏻👍🏻👍🏻

又黎到深水埗醫肚，行下行下見到間麵鋪入去試一試，叫左個山城二人餐，叫左個山城牛肉麵加一個麻醬雞絲涼麵，小食叫左蒜泥白肉同手拍青瓜，最後仲有紅糖冰粉做甜品。山城牛肉麵： 牛肉入味非常好，燜得好冧，麵質我非常鍾意，唔笠口，有質感。雞絲涼麵： 好適合夏天食，雞味重啲就更加好。蒜泥白肉： 調味好好，蒜味夠重，辣度適中，值得推介👍🏻紅糖冰粉： 滑嘟嘟，好似啫喱咁，加左少少山楂餅碎，食落酸酸甜甜幾特別，呢個都值得推介。

今日入嚟坐低嘅時候係下午一點50分，等多十分鐘開始就可以食下午茶，點知個阿姐就行過嚟叫我即刻寫嘢，仲講話唔可以坐喺度等下午茶，如果唔即刻寫嘢就叫我起身走人。但係嗰陣時成間鋪仲有幾張吉位，我都唔係霸住個位唔俾其他客坐。係未試過見到服務態度咁差嘅餐廳。同埋前幾日來食野，係全香港無豬肉賣嘅時候，呢間鋪頭仲可以有蒜泥白肉，我而家好懷疑佢嗰啲豬肉嘅來源。The service is horrible and I will not come to eat here anymore.

我不是吃得辣的人，第一次來吃的時候吃了碗清湯麵，碗麵普通到我不太記得自己吃了什麼。但見身邊的朋友常常大讚這裡的辣，決定隨行點酸辣粉，姨姨知我不吃得太辣，建議我吃BB 辣 饞咀的我選了套餐，$52有多碟蒜泥白肉，汽水 / 冰粉。小食先上，眼看很紅但不太辣，姨姨慷慨加勁多生蒜泥，很好吃👍👍墊底的青瓜很清新，解油膩酸辣粉望落平平無奇，喝一口湯，夠酸！朋友話佢用嘅醋跟其他店不同；而BB 辣很適合我，辣度剛好，合適想吃辣但又不能吃太辣的初哥👍👍 (或可將放在一旁的辣醬拿出來）希望有機會升級食微辣 小辣 👍

平常路過這間小店一直沒有機會去試，今天終於找到時間去試。小麵及冰粉都是重慶的特色小食之一，也是店內有名的拿手料理。「小麵」多半是帶辣的素麵，伴上各種調味料，如：花椒粉，花生碎，蔥花等，聽說重慶人早餐也會吃小麵。「冰粉」有點像是愛玉，都是由植物的種籽以布袋搓洗後而成的製品。冰粉是由假酸漿的植物製成，口感冰涼爽口，配上水果，紅糖等可製成不同的口味。雖然下午茶時間已過，但還是不少客人來想買下午茶餐，因為價格親民，大概$30就可以吃到一碗麵配飲品或冰粉，所以很受歡迎。不得不說店員的態度不錯，客人來到，店員會主動問客人要坐卡位還是圓枱。而且說「唔該」的時候，店員都會講「唔使客氣」，感覺很親切。雖然店內位置不多，但是客人流轉速度很快，用餐後也不會停留太久。麻辣雞絲涼麵麵上鋪滿蔥花，花生碎，青瓜絲，雞絲等，用料豐富。而麵身有點乾及粗身，配上底下醋酸的醬汁會更好吃，也令麵條變得軟身一點。雞絲嫩滑，青瓜爽脆，很有層次。涼麵有三種辣度可以揀選：少辣，中辣及大辣。我點了少辣，覺得剛剛好，不會很辣。麵的辣很好吃，並非只有麻或辣，辣味很香，而且辣的味道不會嗆喉。麻的味道會留在嘴巴及舌頭，有點像爆炸糖的麻麻感覺。

放假再同男友出動。一人個餐，有面有小食。 每人$59 。單叫面都係$35 蚊左右。抵食。單叫小食$25 左右... 好味過譚記撚情刀削面同蒜泥白肉係必試！ 夠spicy .. 可回頭的店！舖頭細，坐得唔鬆動。食食下有個行動唔方便的婆婆坐入唻。店家即叫婆婆慢行小心，落order 嗰陣又主動問婆婆面駛唔駛煮冧啲。婆婆想要可樂，仲主動同婆婆講凍可樂得唔得（估計係怕阿婆唔食得生冷野）食食下又遇上送凍飲貨。店員仲叫嗰送貨哥哥仔將啲凍貨放輕力啲，廢事嘈住佢啲客人...咁貼心的態度，係小店好少見。

這晚7點稍過，來到這家重慶美食小店，座無虛席，等了約10分鐘才有搭枱位入座。小店看似家庭式經營，聽說老闆娘正是來自四川呢！首先上菜的是麻辣雞絲涼麵，涼麵和材料份量充足，麵身偏硬，吸汁力不算高，會有點乾，所以個人認為麻辣醬料多加一點就更好！好欣賞麻辣味道好好吃，夠香夠麻，但絕對不會太辣，恰到好處，不似其他食店得個辣字。食完咀唇留下的酥麻感好過癮！另外還有紅油抄手（6粒）亦相當不錯！大大粒包滿肉餡，食到肉汁鮮味，不會被紅油汁搶去風頭，大讚見到旁邊的人點刀削麵好像也很不錯，搵機會下次要再來番尋重慶滋味喇

呢間野開左係樓下好耐因為平時番到屋企附近就寧願番屋企食今日難得屋企冇煮飯所以就過黎試下叫左個單身狗套餐燃情刀削麵、麻辣手撕雞（另+$4）、紅糖冰粉刀削麵好大碗辣味剛好 加埋乾蒜 成個麵好香略嫌味吾夠濃麻辣手撕雞所有野麵岩岩好 唯一吾好係隻雞本身如果新鮮雞會滑好多 但煮法都係正的紅糖冰粉係內地野 香港好粉食到 口感似涼粉解辣最適合除左套餐仲可以散叫同埋仲有其他小食選擇 拍青瓜 木耳等除左單身狗套餐 都仲有一雙一對恨死隔離的二人餐唯一不足係店小 坐得吾舒服但呢d 不足都係吹毛求疵呢個價呢個貨式 仲想略