山城小麵 (太子中心)

Open Now

Now Closed

同同學食通常都會食啲平平哋嘅四川菜菜因為我最鍾意酸酸甜甜辣辣嘅味道你一間餐廳真係好平好抵食估唔到原來依家都仲有20幾蚊一個餸嘅四川菜餐廳麻將雞絲涼粉 $26 麻將味超重而且面都好咬口好食我交相有青瓜同埋好多花生配上食落就更加脆紅糖冰粉$$10入邊係酸酸甜甜好似有啲酸梅嘅味道加上有冰粉係上面冇味道嘅但有啲甜嘅水係側邊配合就好好食再加上莓嘅每所以就會酸酸甜甜五花腩肉面 $$35 米線見到我真係嚇親咁平有咁多五花腩就算去其他四川餐廳加腩肉都唔會有咁多白肉 $$24白肉嘅外面都係有好多花生而且肉質彈牙爽口而且肉質彈牙爽口怕辣嘅朋友都唔使怕因為唔算麻辣黃金皮蛋 $26第一次食到黃金皮蛋真係好香蛋味手拍青瓜 $$22超級無敵爽口再加上份量超多杯裝豆漿 $6 2杯郊外油菜 $$18

小店有驚喜，食物有水準同種類多，辣得好過癮。因為太鍾意食小食前菜嘅關係，所以差不多叫哂餐廳上有的。手拍青瓜，把青瓜切成小粒，經辣味及蒜醬汁醃浸，爽口開胃。蒜泥白肉，蒜泥整得好幼滑，肉片大而薄，用其包住啲蒜泥嚟食，何其美味。蒜泥撈係酸辣粉上味道一流。口水雞惹味非常，肉質夠嫩滑，醬汁夠香，辣味適中，好味。酸辣粉，加上肉碎、花生、芫茜、蔥等非常香口，肉燥同辣油調配。 我鍾意薯粉彈呀口感，有咬口，粉條圓圓的口感煙韌彈牙，非常好吃！！唔食辣嘅屋企人都叫左碗牛肉麵，牛肉份量多，美味。

容易錯過既美味小店，價錢實惠，味道亦相當唔錯，每次黎太子附近都會食~豬軟骨加豬腸刀削麵，兩樣餸都好淋好入味，不過對於一啖面幾啖餸既我黎講係唔夠食的😂所以會叫多d小食~另外呢到既刀削麵較硬身，好鐘意呢種口感~女朋友既腩肉米線，雖然因為怕辣冇試，但睇落份量都幾多下😂必叫手撕雞，一個小食既份量都勁多特別鍾意佢既醬汁，麻香而不辣~ （真係份量好多）冰粉，淨係喺呢到食過，冰糖醬汁加上底部既山楂餅同埋提子乾非常開胃~豆漿，好抵而且豆味濃，甜度適中~

冇乜胃口 不如去食過川菜刺激一下 經過位於深水埗同太子中間嘅呢間山城小麵 係食川菜嘅小店 好多街坊嚟食 午餐時間仲要等位 叫咗個山城牛肉麵小辣 佢個辣汁好惹味 而且唔係太辣 不過上面嘅紅油好多 牛肉係用咗滷水嘅方式去做 好香好入味 面質好彈牙而且份量好多 索曬啲湯嘅味道超正山城軟骨麵 都係呢度嘅招牌菜 軟骨係鹵水豬軟骨去做 夠曬入味 而且軟骨真係粒粒透明 入口即溶 好似啫喱咁 夠曬過癮 老麻紅油抄手 成個乒乓波咁大粒 超足料 外皮唔會太多 而且好幼滑 可以成塊皮滑落喉嚨 個肉醃得好入味 入面仲有肉汁 加上外面嘅醬汁 一齊食惹未 蒜泥白肉 上面有大大個蒜頭山丘 下面就係一塊塊晶瑩通透嘅豬五花肉 望落好肥但食落一啲都唔油膩 配埋蒜蓉一齊食更加係停唔到口 麻辣手撕雞 口水雞翼仲有呢個紅糖冰粉真係超特別 係係用咗植物去做 好清甜 然後上面再加上一啲乾果同紅糖漿一齊食 好有透心涼嘅感覺

今日在深水埗一帶做事，之後就行回公司，剛好LUNCH TIME，就一路上搵食。山城牛肉麵，又是選擇了以餐廳為名的菜式，牛肉入味，麵質彈牙，配上適量的川辣，多了一份刺激的感覺。蒜泥白肉，午市套餐有小食配，起初仲以為是微份量的小食，點知係一份標準的份量，真係好滿足我的胃。川辣配上有份量的蒜泥，一啖再咬下白肉，味道的平衡，不得不贊。紅糖冰粉，冰粉起源于四川的一道著名小吃，近年在多地流行，是著名的夏季小吃。冰凉香甜、嫩滑爽口、生津解暑、清凉降火，又因其爽滑、透明、冰爽、美味、價廉而更受青睞。由於午市套餐，可選冰粉或飲料，我當然選擇了在香港較少有的冰粉喇。大家如果有時間，都快啲來試試。

第一次看見這店舖的牌匾時，讓我想起鄧麗君的「小城故事」，不期然輕輕哼起來，特別親切，這名字改得真好，往往令人有一種親切的感覺及故事性「地道是一種味」，賣的便是味道，店子不算大，但令人很舒服的感覺，不浮誇、不做作，招呼我坐低之後，我看了看內在環境，很地道，清潔、整齊餐牌我也是欣賞的，字體不是刻板印刷，店主一定花上心思，特別覺得很配合山城小麵，並不是吹虛，純粹是我個人的感覺，不知大家是否同意？先點了一個手拍青瓜賣相已不錯，爽甜醒胃，是必點前菜之一再來麻辣手撕雞，本來賣相是不錯，但食落覺得太乾身，雞肉味道好像流失了，少少失望好在重點山城牛肉麵，我會用驚為天人去形容，先説牛肉，大少適中，放在口裏，肉味混和湯汁不期然令我發出「唔」的一聲，滿足極了，湯的濃淡適中，特別要一提的是我選了刀削麵，呢種麵唔係度度食到，就算食到都未必有咁嘅質素，推薦大家一定要試更加估唔到嘅係有一個特色叫「冰粉」，當你食完呢個牛肉麵之後，再食佢，你就會覺得喉嚨之間好舒服，涼涼地，滑滑地，唔會太甜，食完之後真係好滿足！

聽朋友說有間食川菜的山城小面，味道不錯，下班偕朋友前來。店子舖面不大。一到，店內冷氣十足，令春夏的濕熱感盡消。冰粉的味道似冰糖味的涼粉，食落清甜涼浸浸。涼伴雞絲有豐富材料和醬汁：青瓜、蔥花、辣椒油、麻油等，味道好香，跟面食一流。口水雞翼是單骨的很容易食。再有蔥花、辣椒油、麻油等，能做到真正的川菜的香而不辣，想「安哥」。紅燒肥腸面，清湯底味道不算濃。生菜淥得夠爽！但面質好柔軟彈牙，面量亦多。牛肉刀削面，清湯底味道清新。刀削面面質煙煙韌韌，軟滑有彈性，不錯。牛肉肉質柔軟。山城的定價便宜，叫滿台都未過百五元，可說是都市中的隱世小店。

中意食辣野既我發現有間平既重慶面店係深水埗 遠遠地都去食下 睇Menu就唔係好貴 叫左好多小食 麻辣皮蛋加溏心蛋 個蛋黃好正 加上小小辣 建議可以再凍啲更好味口水雞雞翼位多 撈得夠香夠辣有青瓜絲係底 雪得夠凍 食起來啲雞硬硬地唔會太林紅油炒手有六隻 都幾大隻 肉餡好多汁 唔會太辣 肉大粒 但都幾多皮 個人中意小皮啲牛腩面 面既口感岩岩好 煙un又唔會太林太脹 面本身都好香 牛腩都好林 唔會好un牛腩大腸酸辣粉我中意食佢個酸辣粉同大腸 薯粉既un度岩我 有得咬下 大腸都鹵得好林 好入味 加埋辣湯底已經好正冰粉食完辣野叫個冰粉解下涼甜甜地既涼粉 有啲蜂蜜紅棗味值得一食味道係唔錯 下次食可以再辣一度

今個星期實在太忙，難得星期日放假，我選擇左係屋企hea同休息，直至黃昏時段，就打算出太子接媽咪收工，慢慢散步回家，再順道睇下沿途有咩啱食行左一陣，經過呢間小店，望見招牌山城小麵，貌似係食重慶風味野，於是決定一試。入去坐底望下餐牌，第一個感覺係價錢十分相宜，直頭係任叫都唔洗睇價錢果隻我地揀左個二人餐，都係講梗$109炸。我地選擇左招牌山城牛肉麵，紅油抄手，手拍青瓜同埋麻辣手撕雞。青瓜同手撕雞好快就上左枱，估唔到咁平嘅價錢，份量係咁多，麻辣手撕雞十分惹味，佢香得黎唔會太辣，大大啖雞絲放入口，好過癮而青瓜切到一粒粒，好的骰，一啖一粒啱啱好，青瓜新鮮，又甜又脆然後就到主食喇，牛肉麵應該係呢度嘅招牌菜，我轉左麵底做刀削麵，選擇左微辣，刀削麵口感好得意，薄得黎又有咬口，個人認為係必食嘅，而湯底都好清，微辣食落一啲都唔辛苦，係麻香濃而又唔會死辣果隻，牛肉份量多，食落原來係牛腩，入味亦夠淋而紅油抄手呢，佢個味道都好好，粒粒都好飽滿，我甚至覺得太大粒，要分三啖先食完一粒，食兩粒都夠飽了其實佢個二人餐真係好超值，兩個人食絕對夠飽，不過食開有條癮，我地加多左個尖椒皮蛋，味道一樣咁地道，好正啊唔好忘記，二人餐

約左朋友深水埗食野，佢話有間地道四川嘅紅糖冰粉好好味，聽她話冰粉係植物，類似透明涼粉，能夠清熱解毒，而且還有麵同小食架！去到先知係一家家庭式小店，鋪內不太坐位有限，不過為食好野d客都願意排隊等，我地都等左2 張枱到唔算太耐。而且等位時可以揀定食乜好，反而仲快添。朋友話要先食紅糖冰粉，即刻試下什麼味先，好透明似果凍加上紅糖水同乾果。清甜又滑嘟嘟幾特別！不過我就食完鹹野先order當飯後甜品 $10 碗 麻辣手絲雞 $28 賣相吸引口水流，花生碎香蔥配麻辣汁雞絲，個種麻麻痺好過隱，底嘅青瓜絲撈埋可減低辣度 ❣蒜泥白肉 $24蒜蓉霸道但我地鐘意用上薄切的五花腩肉，豬皮煙韌彈牙，但係覺得同麻辣雞絲味道差不多，個嘴已經麻辣到紅痛老麻紅油炒手 $26(6粒)呢個出乎我意料外，竟然一點也不辣少許紅油花椒香，飽滿餃肉又皮薄，諗住食一隻點知要再食燃情刀削麵 (乾撈) $26可以額外加餸選擇紅薯粉配豬軟骨同腩肉，腩肉肥瘦層層分明夠厚身彈牙爽口唔會感到肥膩，豬軟骨就有咬口鐘意軟骨嘅脆。

位於大埔道太子中心地下2B鋪的重慶山城小麵，主打重慶麵食，乘坐地鐵，在太子站A出口步行約五分鐘便到達。這小店的麵食價錢頗實惠，單點一碗麵只需要三十多元。二時至六時更有下午茶時段，食物連飲品只需要三十元。點了一客麻醬雞絲涼麵加炸醬，雞絲、青瓜和炸醬的份量滿滿的，把麵都遮蓋住了。涼麵的口感不會太乾，濕度剛剛好。曾吃過坊間有些涼麵吃時有種涸喉的感覺，有點難呑嚥。如果是二人同行的，可以點兩碗麵，再問店員拿取兩個小碗分享，這便可試試不同的口味。麵的份量也頗為飽肚呢，略嫌炸醬汁一鹹了少許。之後點了一客尖椒汁流心黃金皮蛋，這小菜的味道不會太辣，金黃色的皮蛋中央更有少許流心，面頭加了少許花生碎和香蔥，令皮蛋更加香口。之後點了一客紅糖冰粉，冰粉的質感有點像啫喱，本身沒有味道的，配上用紅糖煮成的糖水，味道甜甜的，清新解暑，適合夏天享用。飲品方面，除了罐裝汽水，特別加錢要了一支消茶，吃麵時喝一口，頗為解膩，而且也更健康。

對麻辣不能自拔，但又不想經常食火鍋咁重皮，呢度的確係一個唔錯嘅選擇！2人餐都係百零蚊起，一人餐就五十幾蚊有齊你食，夫復何求呢～本來想叫2人餐，但最後都係揀咗獨食個人餐，就係貪佢碗麵~小食方面都有好多畀你揀口水雞翼夠麻夠辣，而且雞翼肥美，絕非奀瘦之輩，亦貼心地切開兩邊，等醬汁滲入雞翼之中，有效果！麻辣手撕雞份量十足，估唔到廿幾蚊有咁大碟！黃金皮蛋無一般黑色皮蛋嘅苦澀味，外貌長得晶瑩剔透，美麗又美味~老公叫咗牛肉麵，重慶式嘅牛肉同我哋平時食既台式好唔同，反而似細細粒一口牛，我就比較鐘意個麵條，夠彈牙又唔會好工整，好實在！我自己就要軟骨麵，有啲似燉湯骨，夠軟腍~最後試咗個冰粉，紅糖水加入好似透明啫喱嘅物體，清清涼涼都唔錯，店員話係重慶好出名嘅甜品嚟㗎~

鍾意食辣面既我已經想試山城小面好耐架喇！今日同男友黎食，叫左個二人套餐$109：山城牛肉面個面既質地係預期中咁樣，好食！個湯底唔會得個辣字，有咸香味，好食！牛肉份量算多，肉質好林，好食！10/10燃情刀削面我好鐘意食刀削面架，呢個唔算太辣真係岩曬佢口味呀！🤩個汁比山城牛肉面仲更加香口！10/10麻辣手撕雞係雞胸肉黎，個汁似口水雞，啲青瓜絲浸左啲汁好好味呀！9/10口水雞翼反而冇手撕雞咁入味，似係煮左雞翼跟住淋啲汁上去 7/10冰粉第一次食冰粉，感覺好新奇，從來未食過呢種質地，甜甜地，仲有啲提子乾，幾特別好滿足既一餐，會再黎食、試埋其他野！

早前到中環吃川菜，首次接觸「冰粉」這種四川甜品，一試難忘，不過中環區喎，當然無論造型和價錢都比較「高貴」，今天來到太子的「山城小麵」，終於嘗到了「返璞歸真」版本的、最原始風味的冰粉，而且只是$10/碗，太划算了！ 「山城小麵」是一家小店，主要做街坊生意，提供各款四川麵食和小食，價錢十分相宜，數十元已經可以吃到很飽。 口水雞翼 ($24) 蒜泥白肉 ($24) 老麻紅油抄手 (細，$26) 叫了幾款招牌小食，最喜歡是紅油抄手，每粒都很有分量，六粒已塞滿一碟！鮮肉美味，面頭的辣料好惹味，必吃！ 山城牛肉麵、秘製軟骨麵 ($35@) 點完麵食之後，才發現很多街坊叫酸辣味道，下次應該試酸辣呢！這兩碗我們點了BB辣，個人認為味道有點淡，牛腩肉味不錯，豬軟骨有點像鹹瘦肉。 紅糖冰粉 ($10) 最開心是吃到這碗冰粉！冰粉本身沒有味道，有點像日本的寒天，冰涼軟滑，餐廳加入了紅糖水，還有提子乾、山楂餅，整體感覺好夾，吃完辣食來一碗，perfect！

自從食咗中藥之後，成個人開胃咗不少，下午都會想揾嘢食，但想食既親民又跟平時不一樣的東西，所以就去食山城牛肉麵。店舖的的打骰骰，感覺很光猛和企理。看看餐牌，價格絕對親民，三十幾蚊一大碗麵，確實唔易揾。他單點而我就叫了一個餐。紅糖冰粉金黃色的冰粉，是紅糖的甜味，而冰粉的口感好像涼粉般爽口，而入面有提子乾，咬落酸味味的。手拍青瓜花生芝麻增加咬口，青瓜爽脆又帶少少辣，惹味非常。黃金皮蛋呢味菜係完全不辣的，皮蛋中間是半流心，而蛋白是透明的，令到蛋黃的金黃色完全透出，令整碟都是金黃色，靚得來食落又好軟滑。秘製軟骨麵肉質超腍，連骨都是好腍身，是硬骨都懂得自己甩出來的一種。大大碗，麵身煙勒，肉香爽嫩。山城牛肉麵他轉了麵底為刀削麵，咬落帶點彈牙，而且牛肉是很煙勒的。我們一邊食，一邊喝著飲品，而可樂和豆漿都是凍的，而豆漿是獨立包裝帶微甜的一種。