山城小麵 (太子中心)

Open Now

Now Closed

重慶小麵配滷蛋- 湯底鹹香帶濃重爽辣蒜香味，湯面的紅油及乾辣椒辣勁足，刺激。蔥花添清新爽脆，看到白芝麻但吃不出亦聞不到其味- 滷蛋鹹香，蛋黃呈淡黃色，全熟但不死實，蛋白帶八角香- 小麵煙韌彈牙、凹凸有致，掛湯能力佳

唔知點解，近一、兩年香港多了很多賣川渝一帶流行的小麵的店子，不過水準起落大，有時吃到有其形而沒其髓的，只感無奈。其實小麵的靈魂在於其辣油膽，只要這基本東西做得好，其他也不致會出大問題。這天經過太子這間「山城小麵」，一嚐便覺得它的辣油底做得頗出色。下午茶來一個重慶小麵，基本上是素麵，所以我另加錢配雞絲同滷蛋。配料沒特別，但個靈魂辣油真係不俗，不是死辣那種，而是辣之外吃得出層次感，是一種用多種辣椒才配搭出來的味道也。我點了中辣，刺激但不過火，配白身無味的上海麵甚佳。辣油好，紅油炒手自然好食。炒手包得豐滿，內餡的豬肉夠鮮，加上辣油上的花生碎，加添了香口感。這裏還有紅糖冰粉解辣呢！像未完全凝結的稀啫喱，加上一點葡萄乾，簡單而好味也。看店名山城，便是重慶的意思，估計老闆是重慶人，否則調不出那種辣油味道。當然，我在重慶吃過的小麵還要辣幾倍，相信此店已多少遷就了港人口味吧。

都係上網睇到推介專程同男朋友黎試一試因為上網介紹真係太吸引！完全勾起左我對辣嘅慾望所以一收工就衝着黎試！呢間小舖空間唔大，黎到都等左15分鐘先有位。眼見應該得六張枱左右 。重慶酸辣粉-好正宗地道！好食！夠麻夠香手撕雞涼麵-呢個就調味比較淡，雖然配上香料好搭，但感覺上都係太乾。招牌口水雞-我原本係以為雞件，但原來係雞翼切咗半。亦都係好香口，調味不錯！總括嚟講，食物唔錯，但係因為人手完全唔夠，空間亦都好少，所以要等好耐，淨係埋單都等左15分鐘

中午要吃得重口味我們就選擇了四川菜二人餐是免卻煩惱的好選擇麵類選擇了山城牛肉麵小辣味道最適合我表面浮上一層辣油辛香帶微辣味道牛肉是牛腩位肥瘦適中另點了燃情刀削麵拌上肉燥食用非常惹味刀削麵呈粗身有口感麻辣雞絲以胸肉為主配上麻辣配料感覺強烈蒜泥白肉也是重口味之選蒜泥毫不客氣地堆在腩肉上美味的代價就是持續的口氣老麻紅油抄手是這裡的招牌自家配制的紅油是主角味道複雜有層次絕對是非一般的紅油四川傳統甜品紅糖冰粉是解辣之選冰粉本身沒有味道要靠糖漿來提味吃罷肚皮滿足我還是要趕緊喝杯濃茶除除口氣

今日行過太子呢度見到一間小，店門口外邊都排左幾多人，而入邊係全場滿坐，所以覺得幾特別好想試一試小店點解有咁嘅威力。佢食嘅嘢我覺得有啲係類似川菜，但係有啲菜式又唔係喺川菜嘅範疇。但係無論點都好，佢呢一度嘅套餐我只可以講話係非常之抵食。一人嘅套餐50幾蚊有交易，而我今日所選擇嘅二人套餐只不過係＄109，會有兩個小食，兩個主食同兩杯嘢飲真的非常之抵。呢度嘅小食有我鍾意食嘅蒜泥白肉，佢切到一件件薄片，下面仲會有青瓜薦底，我選擇小辣嘅味道，我就剛剛好，仲會有啲香醋嘅味道同埋麻香。呢一個刀削麵個味道唔錯，切成一條條厚條，而且佢嘅刀削麵嘅口感非常之韌，上面仲會有肉碎，一啖麵一啖肉碎確實不錯。以湯麵來講個味道都幾好，起碼飲落去唔會似味精湯底，而且味道比較特別，有種特別嘅香料香。食完辣野之後最好就係食返一個糖水，可以中和辣度，而呢度就有一個冰粉，食落去似涼粉。但係佢比涼粉滑身，而且佢仲加左啲糖漿同埋有啲提子脯，食落去十分之冰涼透心。

每次去朋友家附近，她都說山城小麵的小食和麵食都是她喜愛的口味，經常推介我去吃，昨日一嚐真的很不錯，亦難怪店鋪雖小，人龍源源不絕，甚至食材都賣得七七八八。蒜泥白肉一端上桌就可以聞到一抹淡淡的蒜香味，超級肚餓時聞到這鮮香真的垂涎三尺。蒜泥白肉份量很多，切成超薄片的白肉吃起來亳不油膩，白肉跟蒜泥辣油一起吃很能安撫飢餓中的我，一口吃完想再吃一口。口水雞翼將雞翼弄成單骨雞翼蒸至滑嫩，再淋上辣椒提煉的紅油及灑上花生，蔥花，雞翼皮頗有彈性，雞肉吸附紅油惹味十足，讓人驚艷，再三吮指回味。尖椒皮蛋亦是一款我很喜歡吃的涼菜，本想加4元升級至流心黃金皮蛋，但是日生意太好賣完，唯有下次再嚐。皮蛋蛋黃部份濃郁，再混搭蔥花，蒜蓉及溫和的辣油及皮蛋的特殊香氣，完美地結合，非常開胃。山城牛肉麵上桌了，不用靠近已聞到濃烈的牛肉香氣啊，湯頭比想像中溫和，因為我點的是中辣，吃起來不太辣，還可以加更多的辣油。牛肉的部份是採用牛腩，帶些半筋半肉的部位，軟中帶彈，卻不失咬勁，肉汁豐盛。紅燒肥腸麵朋友麵選了刀削麵，帶點彈牙的微嚼感。至於紅燒肥腸給了不少塊，口感挺彈牙的，富有咬勁，且肥腸中間的肥膩部份也被去除，新鮮乾淨。老麻紅油抄手

喺香港，要食川菜、火鍋或者酸辣粉有好多選擇，不過如果想食重慶小麵就唔係週圍都有。今次去試深水埗大埔道嘅山城小面，星期日去到，唔使等就有位。嗌咗個單人餐，包括一客麵食、小食同飲品。先蒞咗個紅糖冰粉，好似豆腐花咁，不過係透明嘅，有紅糖粒，食落去好似山楂咁。麻醬雞絲涼麵有少少辣，食落味道香，鍾意清淡嘅人可以試下。仲有個尖椒皮蛋，賣相有重慶風味，但味道唔夠強烈。整體而言係做唔到真正重慶口味，不過喺香港食到有呢個水準嘅小麵係幾難得，而且味道算正宗，只係淡少少，有興趣朋友不妨去試試。

食到呢間山城小麵都算係機緣巧合 平時小妹好少去果邊 係咁啱有嘢做去開附近又經過見到好抵食先走咗入去一直以嚟我同小胖男友都無辣不歡最鍾意食麻辣同紅油既菜色 所以一坐低餐牌樣樣都好吸引 忍唔住叫咗三款小食雞絲粉皮唔算好辣但係就勁多雞肉 好大碟手拍青瓜係小妹最愛 爽脆唔油膩 開胃精選紅油抄手都好食 抄手(即係雲吞)好滑 紅油嘅味道調教得唔錯唔講唔知 小妹麻辣米線就食得多 薯粉好似真係第一次食不過真係一試就愛上 個口感煙煙靭靭好彈牙 唔識點形容 配埋酸辣真係令人食唔停口另外小胖男友 話佢個辣既牛肉麵都幾好食 下次想食辣時應該會再去幫襯

幼稚園和小學都在深水埗區就讀。以前表妹家在大埔道，每天放學去她家，等到爸媽放工才回家。每天都經過這個商場，只知道是學書法的地方，直至早陣子見到山城小麵的介紹，才知道原來它叫太子中心。特地來吃碗麵，順便重遊舊地。遠處見到山城小麵的招牌，沒想到轉個彎去到正門，竟然有點不短的隊。店面不大，猜有二十來個座位，人流轉得都算快。先看餐牌，在物價沸騰的年代，不到＄30一碗麵已經很少見。二人餐兩碗麵，兩個小食，兩杯飲品，＄109，平均每人不到＄60，相當抵食。要不是見到隔離枱的食物，還以為很細份。紅糖冰粉還以為是甜品，卻先上。之前在另一間川菜的餐牌上見過冰粉，但當日沒有供應，沒緣。透明的冰涼，一大塊的，超級滑溜溜，有點似早陣子很流行的水信玄餅，但比它多一點韌多一點爽，口感較強。冰粉本來沒有味道，稍為加了紅糖和提子乾調味，簡單又好吃。冰涼解暑，夏天會是一流的消暑良品，吃完麵，滿口香辣，吃碗冰粉可以去掉遺下的辣和油。蒜泥白肉上面有一堆打得很爛的蒜蓉、蔥和很脆又香口的花生。跟想像中的白肉有點不同，口感豐富得多。先有滿是膠質，帶點爽硬的皮，然後是不嚡不韌不腍、幾嫩的肉，沒有脂肪層，不會油膩。白肉吸滿辣椒油的香

朋友知道我鍾意食辣，介紹我食呢間小店，果然平靚正！門口已經聞到想辣椒味～口水雞翼 貼心～ 整做一支骨，食得方便好多。 乾辣椒味好香清湯抄手麵皮滑～ 餡料唔會太油膩，鮮味。麵係拉麵，夠彈牙麻辣手撕雞必食！ 超香乾辣椒味～ 差d想叫多一碟！山城牛肉麵燃情刀削麵 即係香辣乾撈麵，香辣肉碎配刀削麵，好味～少數地方有刀削麵食～酸辣粉夠曬酸，唔算好辣。薯粉好彈呀～紅糖冰粉 必食！細個o係大陸是過，覺得好好味，呢度食得返當年味道冰粉有d似台灣愛玉，透明jelly。紅糖水唔太甜，易入口，上面有幾粒提子乾同山楂餅碎，消滯解辣一流話平靚正，系因為食咗咁多野，都係二百幾蚊！ 支持良心小店！ 呢日唔係假期，7點幾門口已經要排隊，好在我地早d黎食～

母親大人向來喜歡吃酸辣粉，是晚特別帶她來最近很多人讚好的山城小麵。八點多來到，有二、三枱等緊位，店內坐位不多，而且麵都是即叫即煮，想快也快不了，只好乖乖地排隊等位。等了一陣有位了，坐低即點兩個一人餐（$59/ea），已經有麵有小食，仲有飲品添，本想試試冰粉卻售罄了，轉了喝喝豆漿吧。杯裝豆漿雖然係現醒野，但唔過甜，正好解解辣。口水雞翼雖然講唔上雞有雞味，但幾有咬口，吸了辣汁好正，切半雞翼好易食。蒜泥白肉呢個好正新鮮蒜蓉勁香，白肉半肥瘦，又麻又香又辣，勁好味。手拍青瓜（$22）見隔離枱食好正咁，又叫一份試試。青瓜爽脆，加了花辣油好香，越食越麻，好過引。山城牛肉麵牛肉有咬口但唔韌，好有肉味，麵條要了刀削麵，掛湯好味，要了微辣剛剛好，越食越正。紅燒肥腸麵另一碗係肥腸刀削麵小辣，腸清潔得好乾淨，無異味，有咬口又入味，正，小辣真係幾辣吓，但還可以啦～見隔離幾枱都食大辣，成碗粉紅色㗎，好犀利，雖然自己鍾意食辣，但又唔係幾食得，哈哈，小辣就夠了。

之前經過幾次都留意呢間小店咁啱今日口淡淡，想食d 辣野刺激下味蕾小店內座位唔多，坐得唔太舒服，但仍然擠滿食客，相信食物質素應該唔會太差麵類只需$26-$35，未食已經覺得好抵食，由於想叫埋小食，最後叫左2個精選單人餐，可以揀麵或抄手，加小食或油菜，加飲品或冰粉山城牛肉麵，轉左米線黎得食四川野，一定要加少少辣先刺激嘛，辣度可以揀，我叫左少辣，睇落好似好辣好油咁，其實都唔算好辣牛肉切粒帶半肥瘦，非常軟腍秘製軟骨麵，轉左刀削麵，麵質好滑而透薄豬軟骨亦淆到好腍手拍青瓜，冰涼爽口，酸酸帶點微辣，提昇食慾口水雞翼，原來係單骨雞翼，好貼心底下都有青瓜紅糖冰粉，我好好彩，最後一碗俾我叫左冰粉係四川重慶家鄉地道解辣甜點我都係第一次食冰粉，冰粉晶瑩剔透口感似涼粉和啫哩之間，表面加左d 提子乾，感覺新奇，味道唔太甜黑糖薑母茶，薑味重，都幾辣口，不過幾好飲，飲完仲有好多薑碎

山城，是重慶的別稱，所以山城小麵，賣的是重慶粉麵和小食。食品單價便宜，下午茶更是超值。紅燒肥腸麵 $35肥腸軟腍有脂香，辣度選了小辣（有微辣、小辣、中辣和大辣可供選擇），或者是因為只是小辣，辣度不算很高，但麻勁十足，十分過癮，平日實在吃過太多標榜麻辣的食物卻是只辣不麻！手拍青瓜 $22簡單的涼拌小食，清新開胃之選。紅油抄手 $38/10粒十分大粒多餡，肉餡飽滿多汁，配上麻辣辣椒油，好吃不過辣椒油的份量更多會更好！口水雞翼 $24斬成單骨，十分方便食用紅糖冰粉 $10好奇心驅使我點了一碗嘗試，味道是簡單的紅糖甜味，冰粉口感好像蒟蒻，整體清新怡人，適合吃過麻辣食物後來上一碗當日前往時，大概是中午人流太多，手撕雞和蒜泥白肉等已經售罄，無緣品嚐，有機會定必再來一試。

放工本來約了老公食飯，但他臨時要開會，唯有求其食個快飯。這間位於太子及深水址中間的重慶麻辣粉，我們六點半去到都已經有人排隊，之後就越來越多人。不過店舖比較小，只能容納約15人。老公點了個山城牛肉刀削麵中辣，牛肉比較細粒，但炆得很入味，牛肉軟腍，刀削麵麵質彈牙不糊口，麻辣味香濃，香料味十足，中辣並不算太辣。我就因為喉嚨痛，所以點了個紅燒肥腸雞翼刀削麵走辣，味道始終無麻辣湯底香，最後都忍唔住倒了些麻辣醬落去，味道即刻唔同哂，肥腸不會太肥，滷得很入味，雞翼炆得又腍又滑，非常入味。小食點了個口水雞翼，麻辣味比較淡，反而不及湯底的麻辣強勁，不過香味搭救。蒜泥白肉切得很薄，豬肉一點都不鞋口，蒜味濃郁再加點麻辣汁調味，更香更可口。最後叫了一碗紅糖冰粉去除口腔內的辣味感，冰粉很滑，有點似啫喱，而且不會太甜。這裏的食物都很有正宗的四川味道，為了迎合香港人，更可以將辣度分為三等，令不太吃得辣的朋友都可以食到四川香料的風味，而且價錢便宜，三十多元就有一碗粉，認真抵食。

飲酒前咁岩行過，好多人等，又咁岩有張一人枱唔使等位就試試。叫左碗招牌牛肉麵，湯底唔錯，麵質正常。牛肉略嫌太肥，而且太軟。但一碗麵35蚊，總括黎講，非常抵食。值得一試