香宮

Open Now

Now Closed

2025年元旦，梗係想食好d啦由於屋企人理解錯誤，點左個一人套餐再加三個點心。個套餐都幾多野食，有3粒點心，一個羹，炒蝦球，波菜，牛腩麵同杏仁茶除左個羹，其他我都有試。素餃：正常發揮，冇乜驚喜炒蝦球：隻蝦好大隻，好爽好彈牙。雖然碟野比較油，但配菜都整得好味番茄浸菠菜：好清淡，冇乜味。可能係沖一沖炒蝦球既油膩，然後再食牛腩麵牛腩麵：試飲咗啖湯，好清甜，好飲。麵就正常。舊牛腩好食，有咬口但唔會韌杏仁茶： 已經飽左，係唔錯的點心方面，全部都好有水準蝦餃包得好靚，蝦都係爽口彈牙，餃皮厚薄岩好叉燒腸個皮係薄，好多叉。唔點豉油都好食梨香黑豚肉咸水角個外型已經贏左一半，啤梨甘；味道亦係有水準。皮唔太厚，餡料份量適中服務唔使講都知係好，特別係全場最高個個男仔，好耐心甘幫我哋。

偶爾發現香宮的點心套餐原價$418, 12點前結賬才$278, 頂著香格里拉和米一的頭銜，就來試一下。很傳統的中菜廳，沒有很創新的味道搭配，擺盤餐具算稍有特色，和阿一鮑魚差不多也是那種調味剛剛好，不會太甜不會太鹹，不會吃膩的那種。當然比起米三，香宮還只是米一的水平。擺盤的紅葉本以為是炸透的紫蘇葉，我還是太天真了；灌湯餃泡得太久，餃子皮軟散得救不回來了；不是很懂先上炸點再上蒸點的先後次序；港式牛肉面湯底清香，但面湯濃一點會更好。服務給我很趕的感覺，要說的禮貌話都有說，但就趕SOP的感覺，收拾的時候乒乒乓乓。偶爾有幫忙倒茶，但倒茶和上菜時常"飛象過河", 也因此倒茶時會有灑水的情況。吃過的米星來說，目前就它會這樣，在香格里拉的標準而言，稍令我失望。

有多間米芝蓮，食完之後，只係覺得比其他酒樓好味少少，擺盤靚少少，但係香宮就唔同啦。佢嘅焗蟹蓋，真材實料，超多蟹肉，食完之後就覺得，去第二度食，簡直係嘥錢。佢個兩粒薑味啫喱，都好好食㗎。另外佢個牛腩，睇落去普普通通，但係當你一啖食落去之後，就覺得呢個世界上，都唔知係其他地方有冇再可以食到咁好味嘅牛腩。仲有佢嗰天鵡薈萃甜品，個酥皮又係唔知喺第二度會唔會再食得到。另外佢個三蔥龍蝦，超香蔥味，龍蝦又煮到啱啱好火候，真係好好味。另外我哋加咗，蟹黃蟹肉炒鮮奶，係大閘蟹季節嘅特別菜式，雖然我唔覺得特別多蟹我，但係就超多蟹肉。我個人唔係特別鍾意食大閘蟹，所以冇失望，仲覺得好好食。魚湯海鮮雜菜煲，又係一個驚喜。本來諗住求其有啲菜食，冇乜特別期望，但係佢又好好味喎。同埋餐廳啲人係有幫你諗埋幾時上你加嘅菜係最適合，炒鮮奶佢就同埋蟹蓋一齊上，而雜菜煲就跟牛腩一齊上。剛剛好，真係一間貼心嘅餐廳。另外嚟香宮食嘢，香格里拉酒店有待客泊車，服務一流。雖然一個一人套餐$1688，真係好貴，而且唔係度度菜都難忘，我未必會再食套餐，但係蟹蓋，牛腩，同甜品，係一定會返嚟再食。😋

一入到黎問佢自己帶酒要收幾多開瓶費，佢話1200。我仲諗係咪我聽錯 confirm多次都係1200。個經理就話一係唔好飲囉。你收開瓶費ok i understand 但係1200係咪唔合理呢？ 跟住上餐前茶，攞上黎入面有隻大烏蠅。同waiter講 條友仲話啱啱先飛入去姐。明明係你地攞上黎冇檢查 老屈我地？ 之後上老火湯，碗湯鹹到乜咁，係你廚師味覺失調定係倒瀉左個鹽兜呀 呢啲就係 米芝蓮餐廳既水準？ seriously a piece of crap. Definitely calling consumer hotline for this.

諗住大酒店，唔會差得去邊，可能太高期望，所以最後只有失望，首先去到已經覺得太多人好擠迫，其次服務人員真係比較少，所以佢哋係兼顧唔到咁多客人既，當然冇怪責佢哋，不過有啲失望咁解～同埋因為食過天龍軒，有比較之下香宮失色太多，試一次就夠了，唔會想再食多一次嘅餐廳，因為人太多服務好一般，食物質素平平無奇冇乜特別，食環境又因為人太多完全冇環境氣氛，質素配不上個價位，但未去到唔好食既，只係唔值得呢個價，可能唔好帶任何期望去食反而會有驚喜掛～

平日午餐吃較特色點心，選擇頗多，製作精緻，味道也不錯，只是上菜速度很慢。幸好侍應的服務態度十分好，飲茶傾計來等都還可以，唯有快點叫飯。正當差不多食完準備叫甜品時，侍應便通知將會有糖水奉上，整體也滿足美味。

作為一家傳承多年的粵菜餐廳,香格里拉酒店的「香宮」無疑是香港粵菜界的頂級代表。無論是在菜品、環境還是服務上,這家餐廳都展現出了卓越的水準,令我流連忘返。首先必須提到的是「香宮」的用餐環境。作為香格里拉酒店的頂級餐廳,它所在的空間自然是一流的。優雅的中式裝潢、寬敞明亮的用餐區域,以及落地窗外迷人的維港景致,讓人彷彿置身於一個寧謐祥和的世外桃源。這樣的環境無疑為用餐增添了別樣的情趣和格調。而餐點本身更是這家餐廳的最大亮點。「香宮」嚴選上等食材,並將各種粵式烹飪技藝淋漓盡致地展現出來。例如他們的翡翠蒸餃,皮薄餡鮮,肉質細嫩多汁,令人回味無窮。又如他們的清蒸星斑,魚肉鮮嫩 Juicy,讓人驚歎於主廚高超的烹飪功夫。總的來說,每一道菜品無一例外都彰顯著粵菜的精髓所在。除了菜品本身,餐廳的服務水準也是一大亮點。服務生們態度親切周到,對菜品瞭如指掌,能夠根據客人的口味提供專業的建議。他們細心入微的服務,讓整個用餐過程變得更加自在愉悅。總的來說,「香宮」無疑是一家非常值得推薦的粵菜餐廳。它不僅提供了地道的粵式風味,更為客人創造了一個優雅舒適的用餐環境。

第二次來，今日帶埋老人家及小朋友來，除咗食好嘢之外，係想俾小朋友熟習飲茶時要做的事：斟茶俾人、夾餸俾長輩等。我喜歡傳統粵菜加較新的presentation 令小朋友都connect 到，Lee 度做到old meeting new 的connection。今日人較多所以亦盡情叫餸：例牌叉燒、豉油雞、燒腩仔、豬潤燒賣、蝦餃、牛肉球、紅米脆腸粉卷、海蜇mix、黑糖糕、30年陳皮紅豆沙。老人家特別喜歡叉燒夠味又夠腍。我今日仍然係生酮飲食，所以燒腩仔比較啱食，皮非常脆、鹹香及肥瘦夾層平均，睇得出用好多心機做的一道菜。追求「抵食」唔好去Lee 度，因為燒腩仔平均$30一粒🫶

炸蟹蓋同埋脆米海鮮泡飯係出色嘅，但係好可惜燒鵝同埋上湯菠菜甚至冇一般普通餐廳嘅質素。燒鵝皮唔脆，肉質亦都嚡口，最令人失望嘅係個菠菜竟然係苦嘅，而且非常之嚡口。甜品方面楊枝甘露亦非常一般，坊間普通甜品舖都比佢好食。服務嚟講，同行朋友話餐廳明顯只照顧熟客，我哋第一次食好多時候要非常主動咁樣招手先至會有侍應過嚟幫忙，喺其他同級數嘅餐廳嚟講我冇見過咁差。冇人會問你究竟今日嘅餐點如何，走嘅時候都冇人同你講再見，有朋友慣用手係左手，但係想餐具嘅時候得一個侍應有留意到將餐具擺喺佢左邊，以第一次食嚟講，我好懷疑點解佢仲可以keep到米芝蓮一星？本身久仰大名亦都多有期待，希望餐廳會改善下服務質素同埋食物質素，我哋都支持留港消費，但係餐廳都得好先至會吸引更加多嘅客人或者回頭客。

香宮雖說是米芝蓮星級粵菜食肆, 但對於折扣和套餐的提供也算是慷慨, 除了酒店集團本身的優惠外, 也有餐廳本身的優惠, 例如是一年幾次的Restaurant Week, 不單止可以吃到出色的點心, 也有主食, 蔬菜和甜品, 價錢還可以, 作為商務午餐也算得體. 今次Restaurant Week也是如此, 由擺設精緻的三項點心打頭陣, 黃橋燒餅和芋蓉帶子盒不同層次的酥香做得相當不錯, 前者的芝麻香和後者芋蓉甘甜, 也合乎米芝蓮星級食肆的水準, 相比起來燒賣就顯得有點一般.主食是松露蘆筍炒蝦球, 鑊氣夠而蝦球入味, 蘆筍和蝦球口感爽脆, 配合度完全沒有問題. 另外的蔬菜是猴頭菇奶油津白, 醬汁口感順滑, 也突出了猴頭菇的香味, 津白入味但不會糊化. 兩道菜也做得恰如其分, 個人少少意見是如果主菜可以是純肉類, 而不是配搭蔬菜, 這樣兩道菜的對比會更大, 印象會更深刻.

食物質素只係好食少少既茶樓，茶都十分一般侍應唔了解啲食物，問非所答一般高級中菜係可以按件數計，呢度話唔可以價錢唔貴，但性價比唔高最令人欣賞係佢既廁所米芝蓮一星？我覺得唔值，同埋唔會再有下次。

推介芝士焗蟹蓋！啖啖肉，好濃芝士味。食完配上仲2隻蟹型的薑果凍，清清味蕾。無得輸！龍蝦泡飯個龍蝦湯好濃的龍蝦味，加上脆米同配料，感覺好得意。甜品樹原來已經冇咗。換左隻騰雲架霧的天鵝酥。打咭一流

香宮 - 米之連 ⭐️ (eng version below)💕香港傳統老牌中菜廳！💕🌹🌹🌹🌹🌹🌹🌹🌹🌹🌹🌹🌹🌹🌹🌹總共$ 3500~ 人均約$ 1167推介3/5 🙍‍♀️🥹🥹🥹🥲————————————————————————話說團年飯就必定要食中菜！🤘🏻大力推薦菜品🍴🍴前菜： 鹽燒8頭鮑魚 $98/隻唔錯👍 鮑魚煮得剛剛好，好Q彈，入哂味！不過唐閣椒鹽鮑魚先係最出色！🤤🍴主菜1: 掛爐黑鬃鵝 （例） $318隻鵝皮脆肉嫩！🤤，肥瘦均勻！一啖咬落去係油嫩多汁💕 香而不膩⭐️真心值得一試🤓 會encore! 🍴燉湯：烏雞冬蟲草響螺湯 一盅 $428湯好濃味，3大條冬蟲夏草，而螺頭都大粒既，飲完覺得好潤好健康🤓 ⭐️建議同朋友share飲！🍴甜品: 冰花燉官燕 $628係落足量，落足料！每一啖都係矜貴既味道🤓🤤 啖啖燕窩，好吃好吃！食完塊面都滑d😋☀️仲有好好食既天鵝酥💕（見我可愛送的💕）其他～1. 化皮乳豬件 $ 428 極度失望🙍‍♀️極傷心💔極 不推介2. 尖椒蒜片炒日本和牛 $1068 失望🙍‍♀️3. 雞油炒豆苗 $208 正常～4. 薑蔥蠔煲 $368 正常味道～ ————————

時光飛逝🌞🌙如梭...不經不覺上次去香宮飲茶已經成兩年前 今晚朋友請食飯 未出發先少少興奮頭盤 鹽燒鮑魚/極品蜜汁叉燒皇/黃金皮蛋酸薑 叉燒中上水準 不過同頂級嘅比較就有啲距離 鮑魚鮮甜多汁 可惜外層鹽燒脆漿過鹹 只可以畀80分濃湯花膠雞絲羹擔得起濃湯兩個字 湯羹🥣上枱仍然熱辣辣 不失米芝蓮⭐星級身段雞樅菌蘆筍炒蝦球🦐蝦球爽口鮮甜彈牙多汁 雞樅菌獨特香味突出 蘆筍鮮脆 調味火候控制得宜 星級水準👍魚湯星斑片稻庭麵魚湯材料足 湯底奶白香濃 星斑片過火肉質有啲鞋口 稻庭麵幼細欠彈力 加咗烏冬後廚師忘記相應加調味 以至味道偏淡 平白浪費足料魚湯 可惜😔生磨杏仁茶賣飛佛😍 生磨杏仁香濃 杏仁微粒口感極佳 蛋白推得滑溜 甜度適中 養顏之餘齒頰留香😘😘Petit Fours中式糕點 細細件色彩繽紛糕點錯落有致放上金屬樹型支架 基本上每枱都會打下卡咁囉香宮係其中一間我時不時會去飲茶或者食飯嘅高級中菜餐廳🥢 以往環境服務食物一直保持高水準 米芝蓮⭐或者⭐⭐嘅評級一直當之無愧 估唔到隔咗一排冇去 (呢一餐唔可以話佢質素低) 食品有過鹹同過淡 絕對未到我心中香宮嘅高水平 員工殷勤有餘專業不足 每道菜侍應

食呢個餐，我諗做會員真係有啲慣性嘅消費，食完呢餐我諗會比較耐先再返嚟。之前都有同人再嚟，有叫點心同埋一個套餐。啲點心嘩嘩嘩就上晒嚟，但係嗰個套餐逐個餸都等好耐，但係有時諗吓耐冇嚟又再嚟番，今次印象加深，下次耐啲先黎😂次次一個人都會俾人安排喺呢個位，走廊位旁邊嘅侍應成日行嚟行去嘈到死。黑椒同埋鹽嘅腰果，好味係好味，但係唔敢食太多。啲點心好一般，記得開頭幫襯嘅時候覺得佢點心高質，所以之後先有濾鏡成日間唔中返嚟。佢嘅質素就係存在於套餐嘅點心，如果你散叫嘅話質素會好好多同埋大粒啲呢個先過分，好似罐頭撈咗少少蟹肉，勁漿口，完全冇鮮味。真係好似直接倒罐忌廉粟米罐頭出嚟咁，所以呢個淨係食一半。呢個就好似平價酒樓婚宴食到嘅菜式食完個蝦等咗差唔多四個字我出聲追，佢1分鐘就上（吹唔吹到好，佢需要成20分鐘先上另一樣🙃）。咁樣我覺得幾back feeling。呢樣質素好返，但係個心都已經唔開心普通一碟菜呢個甜品高質，冇我唔鍾意食甜嘢都忍唔住食多幾啖。但係整體食完呢一餐係唔飽嘅，返去再買個鳳爪蒸排骨飯🙃可能食晒佢成個粟米蟹肉羹同埋個甜品會飽，但係真係冇乜興趣。同埋呢一餐都冇咩主食。佢設計菜單嘅時候唔會有人整體