上海姥姥 (Closed)

t2 又平又好食婆婆可以話係no 1豆漿 好味排骨面 同事個個都話正我自己就唔太鐘意食太大舊o既meat五香牛 少少地好d小x 包 $38 一個餐黎講 算係好好好飽 但要等一等 同唔多夠熱 員工$38 飯餐$48 都好好味 但作為每日lunch 就貴左少少

由於要到2號客運大樓check in,辦理好手續後,就找個地方食早餐,去到Food Court有好多選擇,我都快要眼花撩亂,心裡都是泰國菜和上海菜之爭,最後我選擇上海姥姥的五香牛肉麵+熱豆漿可能太早既關係,我係第一個客人,因為票號係001,數分鐘後~~~外表好清淡,湯底算不錯,有一點點牛肉味加鹹味,五香牛肉既顏色好紅,染到好假,肉質不韌,麵線都幾滑,粗幼不一,應該係人手拉出,熱豆漿好好味,豆味夠,唔會太甜,飲完全身滾熱辣......

去開東涌,東涌冇野啱食,見機場咁近,就順便去一趟...睇下有冇好野食2號客運大廈同1號客運大廈都睇勻曬...揀咗上海姥姥叫咗個餐...有炸排骨麵一碗,兩隻小籠包,一杯豆漿...野食即叫即整...唔錯炸排骨同麵分開上...炸排骨幾鬆脆好味,個麵略嫌冇乜味道,湯好淡小籠包反而覺得一般,雖然咬落有湯汁...但唔算太特別Food Court嚟講,算係ok...

一人套餐: 回鍋肉+白飯+酸梅湯+桂花糕--回鍋肉: 個汁超正! 肉跟菜份量各半,而肉是切大塊薄片,肥瘦均勻,好有水準!--白飯: 好硬好乾! 最差!--酸梅湯: 太甜了--桂花榚: 好香桂花味

因為我是機場員エ的機會, 常常會在機場食飯, 上海姥姥, 清亭& 板前都係首選. 上海姥姥的套餐員エprice 是$38, 特別愛五香牛肉麵(包豆漿& 兩隻小籠包), 第一次食塊牛肉係有小小橙色, 但幾好味, 麵好好味又滑, 小籠包不算好好味, 但因本身超愛小籠包, 所以巳經加咗分, 豆漿好飲但食完超飽!

看了樓下這麼多網友的好評,趁接機故意提早了時間與老婆試了這家"姥姥".時間是7月19日晚上8點.價錢其實不算便宜,但在機場這個地方也就算了.整體說來,小籠包,鮮肉餃與其他網友看法一致,Good!但,酸辣湯與上海粗炒都不太合格.粗炒的麵太碎(不夠長),椰菜又切得很大而顯得不太成比列.而且老抽味道過濃,不夠鮮甜.不過,也只有粗炒大大份可以吃飽.我們只點了4樣,但需要眼睜睜看者電子顯示板叫號, 如果跟朋友一起的話肯定會為此而分心.叫一樣跑一次,每次都取一對碗筷和托盤回來.兩個人面對4個托盤還真的不太好意思.

２００８／７／２０下午茶由屯門出去機場,為的只是去那五層樓的戲院看’蝙蝠俠’.看完已經2點2,雖然今早的東西未消化好,但來之前已決定去姥姥吃餃子,不要錯過因下次來又不知要幾時了.款式太多了, 樣樣也想吃,在收銀處磨了十分鐘才有決定.大包圍之下要了一餐一餃.餐包了一飲品一炒麵一甜品.先說那上海粗炒:樣子很吸引,因有大量我愛的椰菜,足有1/3碟,然後就有小棠菜﹑肉絲和冬菇,這三款都有好多,要特別一說冬菇不是切絲,而是切件的!醃到入味又不會因吸盡醬汁後而變得好咸.見麵條是自家制,條條夠粗又勻一,仲要好好咬口.吃完整碟飽了2/3添,碟底無多餘的油,反而濃而不鹹的醬汁就好充足,條條麵沾滿,吃到停不到口.而凍豆漿就夠凍,可惜得甜味而無豆味;另外的桂花杞子糕,樣子靚靚的但味道是淡淡的,明明用上的杞子和桂花都非常之多但始終沒有那陣香味和食味.怪矣!見大家寫餃子是必吃,就豪買一籠蝦肉蒸餃$20/3隻,都等了15分鐘才有.餃子皮厚,餡量是比我預期的少,只得一隻鮮蝦和一少劈豬肉,並沒有’迫爆’情況發生.味道和吃普通餃子沒兩樣,蝦鮮味並不突出,不過確是很多肉汁.雖則這裡是美食廣場,環境算不錯了,坐在落地大玻璃

出外玩幾日,上機前梗要醫飽個肚,未嚟過Terminal 2食嘢就走過嚟試吓.晚上9點已經有好多鋪拉咗閘,Burger King都收咗鋪.走過對面仲有幾間末收.記得有食友推薦呢間就要嚟試吓,叫咗小籠包,鮮蝦蒸餃同雪菜肉絲麵,合共$72,後來發覺原來有套餐,會比較抵D.小籠包同鮮蝦蒸餃一如介绍,餡料味道鮮美,皮都算薄,小籠包內裡有汁,可惜有個穿咗,雪菜肉絲麵比較普通,肉絲好少,但麵質好爽.整體水準唔錯,籍得推薦.

除了薄餅之外，到這裡用膳都會來要一籠小籠包，而今天除了"指定動作"外，也額外要了一客蝦肉蒸餃。以市面的價錢來說，這店的出品可算是偏貴的，特別是以在food court內所收的價錢來作計算。不過，機會內的食店一般都比市面貴上20%左右，所以在評定是否抵食之時，都會把這個計算在內。這店的所有包點都是即叫即做的，所以食物的新鮮度上有一定程度的保證，加上用料也較很多食店為佳。豬肉餡有鮮味，肉質不是完全散掉的，只用一點點的調味來保留豬肉原來的味道。小籠包"湯汁"是正常的多，皮薄而柔韌，不易破損。而這個蝦肉蒸餃，在沒有預料到有大量肉汁之下，一口咬下去時弄到四處都是，有點狼狽。蝦肉爽甜彈牙，這個蒸餃比小籠包更值得一試，不信的話可以看看照片啊，肉汁真的相當豐富啊。二十多元換來的三隻蝦肉餃子，有這個水準絕對是抵食的出品。始終千金易得，美食難求耶~

前日lunch決定去姥姥食,果然系明智嘅選擇!!!!!！！！首先當然系要讚吓啲食物啦～叫左一個上海粗炒套餐，要左豆漿同埋桂花糕．個粗炒好好食，好有～鑊氣～！面唔會太硬～有出邊名鋪嘅水準熱豆漿極有豆味，可能系自己煲架＾＾桂花糕都ｏｋ．我朋友個水煮牛肉都好勁，色香味俱全！另外令我又愛又恨就系啲店員！我點餐時，後邊排晒長龍，但係個矮小收銀妹妹（應該系收銀，姓名牌寫住）仍然笑容滿面，而且我系同朋友一齊買食，兩個都無散，得＄１００，佢仲主動提出要幫我地分開收，免我我地要分開買食或者私下煩分帳，好極了！！相反，出餐嘅高大戴眼鏡阿蟬，竟然將個桂花糕掟落托盤，仲扯走我張票，如果唔系隔離個面圓阿嬸有禮地同我講～多謝晒～，我一定投訴佢．忙還忙，都要俾番禮貌：忙還忙，又唔見個阿妹同個阿嬸炆．．．

apr 30, 08,4人來食lunch因我上次食佢個小籠包,覺得好唔錯,所以建議咗佢哋嚟,叫咗 : 1) 蒜蓉小黃瓜-黃瓜喺爽但個蒜蓉無辛辣feel,而個黃瓜亦無拍扁佢,所以中間唔會入味-好普通 2) 小籠包(4隻) -等咗>5分鐘,所以有機會即叫即包即蒸-個頂頭嘅麵粉集滙處唔會過厚同硬,其次個皮亦薄,唔易穿,內又多湯汁,肉亦無鬆散,好好味。唯1夾硬要挑剔就喺鮮味唔喺濃嗰隻-第2次食都咁有水準 3) xx蒸餃-唔記得咩蒸餃,但個皮可能比我哋攤凍咗,小小乾,裡面喺嘅菜亦比較乾-唔多good4) 北京水餃-皮薄,餡多,伴湯嚟食,濕濕地,呢個唔錯 5) 上海粗炒-合格 6) 高力豆沙-合格有餘,只喺略嫌個蛋白皮未喺好鬆 7) 熱豆漿 x 4-唔喺淡茂茂嘅欺場貨,雖然豆味唔喺好濃,但個豆量都屬足料

無諗過0係機場都食到唔錯0既食物喎!!!佢D餃皮雖然未算好薄, 但餡料0既肉汁是有的!!又OK喎~~~$20/3隻...抵唔抵食, 真係見仁見智喇~

今早去了送機, 現在到機場, 找地方食野已經不再在Terminal1決擇, 眾人直指Terminal2既食堂.本來想飲茶的, 但原本特價時段已過, 惟有在食堂找找, 輕便叫幾個小點, 讓朋友上長途機前, 食返個入得口的麵食.叫了拉麵, 小籠包同生煎包, 拉麵, 即叫即拉, 看到師傅拍拍餐在表演, 麵身的確打得爽口.小籠包肉汁鮮美, 差點兒辣親, 有汁的 小籠包最是好食, 有汁的 小籠包才是王道.生煎包比較遲來, 皮做得很滑, 又香甜, 肉餡都是有汁. 看見其他檔只是久不久發市, 呢間order不絕, 拉麵師傅手不停. 好食始終受歡迎.

apr 26, 08來食d嘢,作回家前嘅最後衝刺,我就叫咗 : 1) 小籠包(4隻)-等咗>5分鐘,所以有機會即叫即包即蒸-個頂頭嘅麵粉集滙處唔會過厚同硬,其次個皮亦薄,唔易穿,內又多湯汁,肉亦無鬆散,好好味。唯1夾硬要挑剔就喺鮮味唔喺濃嗰隻-但已經好有水準 2) 熱豆漿-唔會稀到水咁,都算"杰",唔會好甜,略嫌唔夠豆味-但絶對合格

近年去開機場都會去上海姥姥食野，皆因D熱豆漿真係好得，又香又濃，仲會有層E係面，正！D面又係即時拉，大大碗，幾乎食唔晒。D炸排骨又外層鬆脆，厚身得黎又唔會硬。不過小竉包就普通，唔係太突出。