Video
2-min walk from Exit D2, Sham Shui Po MTR Station
continue reading
Telephone
36145562
Opening Hours
Today
11:30 - 23:00
Mon - Sun
11:30 - 23:00
Public Holiday
11:30 - 23:00
Public Holiday Eve
11:30 - 23:00
*last order: 23:30
Above information is for reference only. Please check details with the restaurant.
細個三叔帶我喺深水埗揾食，就食過呢一間做上海菜嘅萬家村。當然時隔咁多年，仍然可以屹立喺深水埗相信有一定實力，感覺裝修靚咗，燈火猛咗，至於手勢有無好咗今日要食下先知！見到佢其實除咗散叫之外，套餐都好著數，不過今次想試下食多啲上海特色嘅小食，所以就散叫。適逢踏入蟹季，所以都嗌咗一個蟹粉豆腐羹、兩籠鮮肉小籠包、一碟鍋貼同一碗豬扒拉麵。平時去酒樓飲都會有湯羹，一大兜分通常只會食到一兩碗，諗住138呢個價錢都唔會俾得多。點知一拎上來時，嘩，份量真係多唔係講笑。本身呢日開OT有少少餓，揀咗呢個羹真係啱哂。每一羹都有豆腐豐富口感，又滑又嫰，再加埋蟹黃蛋黃，間唔中又食到一兩條蟹絲，無得彈！最重要食完兩碗都唔覺得滯，真係好啱用來開胃，而且仲有剩！可以食完成餐之後再飲，好有住家飯餐前餐後一碗湯嘅感覺。喺店家推介排行榜名列第一嘅小籠包嗌咗兩籠，同友人一人五隻。小籠包呢樣嘢唔單止上海菜，好多其他地方都有得食，但整得好唔好又係另一回事了。食落去有肉汁係基本常識，然之後個皮就當然越薄越好。不過有啲舖頭一味追求皮薄，用筷子一夾個包就穿窿漏哂啲汁，咁都係Fail嘅。不過喺呢度就唔使擔心，夾上手無穿，食落去肉汁爆出來，而且都唔會話太熱淥親條脷。食到最後一個時，距離上菜都已經十五至二十分鐘，凍咗係必然嘅，但啲汁都無話因為咁而乾咗，啫係話由頭到尾每一個包都可以做到食落去有肉汁，一個字，好！食小籠包嘅時候仲可以攞一啲豆腐羹嘅蟹肉上去，食落去好有蟹嘅味道，更上一層樓。 鍋貼又係上海菜另一款基本菜式，喺呢度排行榜佔第四名嘅位置，一樣係五隻，每一隻個底都煎到金黃色，外脆內軟，咬落去啖啖肉！麵食揀咗豬扒拉麵，清淡返啲，佢有唔同嘅湯底選擇不過我就揀咗清湯，飲落去唔覺有味精嘅味道，炸豬扒同鍋貼一樣炸到外脆內軟，炸粉薄薄哋一層唔厚，咬落去唔會話食炸粉多過食豬扒，炸得好！本身無嗌到飲品，不過呢度每個客人都會送杯凍豆漿或者汽水，解渴之餘亦都保持口腔清新，俾條脷休息一下再開始過，而且豆漿嘅豆味都好濃，值得我叫多杯飲。最後嗌高力豆沙做甜品收尾，即叫即做，所以上臺嘅時候熱辣辣，食嘅時候一定要小心啲，咬落去都好鬆軟而且紅豆餡亦都足夠，紅豆嘅味道唔會話太甜，做飯後甜品一流。 食上海菜其實仲有好多嘢想試，例如酸辣湯、擔擔麵、生煎包，連小籠包都有幾款，包括最吸引嘅蟹粉小籠包……而且呢度都有少少撈過界嘅川菜，基本上排行榜單上的十位全部睇落去都好值得去試，所以去一次係唔夠喉嘅，因為仲有好多菜式未食過，再次畀理由我之後再食過。
continue reading
長期爆滿😍😍必食性價比上海菜💯大大力推介俾大家‼️高質小店🥳#sdm深水埗 #sdm太子 #sdm小店 #sdm上海菜 #sdm港式 #sdm中餐 💛#和你食啲咩 💎 上海粗炒麵 $68值得一試‼️ （😋：8/10）👍🏻：高質嘅上海粗炒，每一條麵都炒到非常煙靭、有口感😍唯一輸蝕嘅應該就係冇乜我哋港式嘅大排檔鑊氣🤭🤭👎🏿：。💎 雞絲粉皮 $55值得一試❗️（😋：8.5/10）👍🏻：一見到咁細碟嗰吓其實覺得有少少貴🥲但係 原來非常值得😍啲粉皮真係好滑！真係每一條都晶瑩剔透，口感煙癮，而且雞絲嘅份量都多🥳係非常refreshing 嘅開胃菜🍀👎🏿：。💎 瑤柱賽螃蟹 $108值得一試❗️（😋：8/10）👍🏻：我對賽螃蟹不嬲都係一見鍾情💘而家越嚟越少餐廳整🥹所以！呢個！好推薦🥳啲蛋白好滑🍳份量非常足夠🥰而且調味方面啱啱好，唔會太鹹/太淡👎🏿：。💎 鮮肉小籠包 $48值得一試❗️（😋：7.8/10）👍🏻：一籠4隻🥟招牌菜🥳真係爆汁的，配上好多汁嘅鮮肉😍好好食👎🏿：好可惜🥹皮太厚💎 砂鍋雲吞雞 $88必食💯💯 （😋：9/10）👍🏻：呢個係細size，有1/4隻雞同埋大約4-8粒雲吞(當日冇真係數清楚🙈)呢個砂鍋雞湯超超級濃郁🐓🐓完全係可以飲好多碗🍲不過最後會越飲越鹹🤣勁鍾意食呢個配搭💯啲雞就算煲完湯都依然係滑身嘅🤤加埋啲入唒味嘅娃娃菜非常好食👅👎🏿：。💎 豆沙窩餅值得一試❗️（😋：8/10）👍🏻：好少食呢啲中式甜品，所以叫咗個嚟試吓🤣點知都幾有驚喜🤩真係外脆內軟，紅豆唔算好甜🫘，係一個好好嘅中式甜品👎🏿：。💎 凍豆漿唔洗試❌（😋：3/10）👍🏻：。👎🏿：溝水的，好淡㊙️當日我係9:30pm去嘅，但係依然全間舖頭坐滿人😮亦有幾枱排緊隊攞位（真係超多人🤣）本身舖頭係寫10pm閂門的，但原來成日都會因為太多人，成日都會開到11:30pm，同埋職員都幾好人，唔會趕走人客🤭環境：7.6/10服務：7.5/10 (冇加一服務價)價錢：人均約$100性價比：8.5/10 📍 上海萬家村小館 (深水埗)深水埗福榮街117號地舖可以 follow @sikdmeh_foodie 支持下我哋😙 每星期都會更新唔同餐廳🍽📍帶大家喺香港周圍食💛#香港 #香港好去處 #香港美食 #太子 #太子好去處 #太子美食 #太子cafe #長沙灣黃店 #深水埗 #深水埗美食 #深水埗黃店 #深水埗cafe #深水埗好去處 #cafe #香港cafe #hkcafe #上海萬家村小館 #上海萬家村
continue reading
夜晚9點鐘，都滿晒座😂好誇張😇呢間CP值真心高😜———————————————1️⃣爆汁蟹粉小籠包($118)⭐️估唔到小店都有爆汁蟹粉小籠包🤤小籠包頂端有蟹粉😜小籠包的皮夠晒薄☺️但又唔會一夾就穿😇咬一啖啜晒啲鮮濃蟹汁🦀蟹味濃而不腥🤩肉汁澎湃😝真係爆汁🤓超好食😍餡料舊肉都好juicy🤪好味指數:🍡🍡🍡🍡🍡2️⃣上海粗炒麵 ($68)份量都幾大份🍽️啲肉絲每條都幾粗身🤓醬油味香濃🫙麵質比較煙韌☺️ 仲有好多菜tim😜 上菜時仲熱辣辣，好有鑊氣☺️炒到每條麵都掛滿汁🤩 而且食落又唔好鹹😋好味指數:🍡🍡🍡3️⃣豬扒擔擔麵 ($68)⭐️炸豬扒大大件🐖好好食😍熱辣辣，有肉汁，唔會好乾身😌酥脆可口🤓外脆內軟！擔擔麵湯底濃厚惹味😜略嫌唔夠花生醬😙但麵質好彈牙同軟身😋 好味指數:🍡🍡🍡🍡🍡4️⃣砂鍋雲吞雞1/4隻($88)有4大粒雲吞🥘雞件都有好多件🐔好足料😇 雞件雖不是最嫩最滑☺️但都唔會太乾柴😛兩個人會好飽肚😂 湯味道夠但有少少鹹😣但都有鮮甜味🤪湯中有大量娃娃菜😗幾健康😉好味指數:🍡🍡🍡🍡5️⃣高力豆沙(4隻)$52熱辣辣架😍 高力豆沙質感似沙翁😎咬開入面滿滿豆沙軟綿🫘唔會太甜喎😍，一啖一個😋 口感好軟熟🤓加上糖霜，好好食☺️好味指數:🍡🍡🍡🍡🍡———————————————🌟想知道更多美食🤪記得follow@mochicouple_hk啦😍🎉📸📍 深水埗福榮街117號地舖🚇 港鐵深水埗站D2出口,步行約2分鐘🕒Mon - Sun 11:30-23:00
continue reading
琴晚喺深水埗試咗「上海萬家村小館」，呢間小館主打正宗上海菜，每道菜都充滿家鄉味。首先，水煮鱸魚真係今晚嘅主角，魚肉滑嫩，配埋麻辣湯底嘅香氣撲鼻而嚟，辣得過癮但唔會過火。湯底夠濃郁，辣度恰到好處，唔會搶走鱸魚嘅鮮味，每一啖魚肉都係香辣同嫩滑嘅雙重享受。配搭嘅菜飯亦好正，配上香濃嘅湯底，整體味道層次非常豐富。然後，鮮肉小籠包係必試之選！小籠包皮薄，裏面嘅肉餡非常多汁，每咬一啖都會有湯汁流出嚟，味道鮮甜。肉餡嫩滑，配埋醋同薑絲，簡直係絕配，食一籠真係唔夠喉。生煎餃子煎得金黃香脆，底部酥脆，內裏嘅肉餡多汁，唔會過乾。蒜泥白肉亦係我嘅心水菜，薄薄嘅白肉片，鋪滿濃郁嘅蒜泥同麻辣醬汁，食落去香辣開胃。蟹粉豆腐羹亦都係亮點之一，豆腐嫩滑，蟹粉香濃，味道非常細膩。蟹粉嘅鮮味完全融入湯羹入面，每啖都充滿蟹粉嘅鮮味。「上海萬家村小館」嘅環境雖然唔算華麗，但勝在夠親切，服務態度亦都幾好，員工細心又熱情，上菜速度都相當快，無需等太耐。
continue reading
話說有日一個朋友話想食酸菜魚，另外一個又話要食上海嘢，但係我本人又想食小菜，爭持不下之際，竟然俾我哋搵到間乜都有得食嘅上海小菜館涼拌麻油海蜇食海蜇最怕唔夠凍，呢一個就夠晒凍，超級爽脆，作為前菜啱啱好.招牌酸辣湯話晒都係上海菜館，梗係加$15叫返個酸辣湯試吓。濃稠度，酸辣度都啱啱好。涼浸浸嘅天氣整返碗熱辣辣嘅酸辣湯，冇得頂.川式酸菜魚片魚肉大大嚿，辣度有得揀。我朋友揀咗小辣，辣度啱啱好，成份食晒之後仲有少少麻添。寬粉雲耳芽菜嘅份量都幾好，基本上淨係食呢一個都已經好夠飽.西蘭花炒蝦球呢個價位比到咁多隻蝦球，簡直係抵到爛，炒西蘭花夠晒鑊氣，正柱侯牛腩煲天氣開始轉涼，就係想叫返啲熱辣辣嘅小菜煲物嚟食。牛腩夠冧，柱侯醬入晒味，攞嚟撈飯一流晚飯套餐有得加$15轉擔擔麵初初以為都係同個白飯差唔多大細，點知一嚟到超大碗，有花生味同埋辣辣地夠晒熱，唔錯唔錯.三條友咩都想食嗌咗好多嘢，點知嚟到樣樣都超大份，仲見到隔籬枱嗰碟菜都好大碟🤣今次真係食到捧住個肚走。晚飯時間都幾多人食，證明都係一間價錢親民食物質素OK嘅小店。 順帶一提跟餐飲品可以揀揀道地樽裝茶，坊間少見👍🏻
continue reading