小南國 (Closed)

幾年前, 小南國是我和姊妹好友聚腳的上海菜館。但隨著其他上海菜館的興起, 我們都很少再到小南國吃飯。今早和老公到尖東聽講座後, 便到此店重拾當年味道。我們大約12時來到, 當時只有一檯客人。後來, 客人陸續到來, 都是以住在附近酒店的內地人為主。由於我們不太餓, 所以只點三個菜。小籠包: 水準之作擔擔麵: 不過不失上海炒年糕: 適合喜歡味道濃的朋友餐廳的環境挺舒適, 侍應都能操流利國語應付內地客人, 只嫌性價比不算高。

我們一行3人在星期六去的,我們已經早幾天;已book位，不過full booking ，好彩覆番我地8：30有位。 當日我們去到便真的8：30有位，安排了我們坐窗口位太開心了。 我們叫了7道菜 ;1)唔記得左咩菜(凍食的) (8分)2)醉雞 (9分)3)椒鹽小黃魚(8分)4)毛蟹炒年榚(7分)5)招牌小籠包(9分)6)上海鮮魚羹(8分)7)香蕉豆沙鍋餅(8分)由於我掛住食所以冇乜點影到相 合共食了726元每人242元總括已言抵食的,另外提—提大家最好早d book位

餐廳裝潢優雅,再配上維港夜景,這餐晚飯特別有格調.可能好早預訂枱,所以安排了窗邊位置,能夠看到夜景~第一次黎小南國,當然要食招牌菜啦!!招牌小籠包:皮薄,好多湯包在入面,肉都好嫩好多汁~一流!外婆紅燒肉:本人一向很怕食肥膏,但因為係招牌菜,都試一試吧...果然好味!吃下去唔似肥膏,反而似食緊骨膠...(豬軟骨)既感覺,漿住個口!一食再食~仲有佢入面有爽口既菇,煮到好入味~冷盤茄子:茄子煮到剛剛好,不太林又不太爽,有少少辣味!上海炒年糕:呢樣就覺得一般...有點唔夠入味...生煎包:估唔到生煎包有咁多湯汁,包底煎得脆,入面又有嫩,推介!!!"分"魚:好多骨,但全部是大條骨,所以都唔怕食唔到,好香甜~香蕉豆沙窩餅:香蕉好甜,可能有了香蕉,豆沙偏少,皮炸得脆又不算太油~都ok!overall,都好食~不過都點偏貴~只有渣打信用卡有9折~~~

之前在報紙看到有小黃魚年糕的優惠，便打電話來訂枱。小南國都算多分店，當然訂間最舒適的, 所以選了北京道一號。得兩個人,坐唔到窗邊但都 OK。其實帶了張平 $30 的 COUPON, SERVER 好好, 他提了我一下, 現在有推廣, 用某些銀行信用咭都有同樣優惠, 兼可全單打折，很細心啊!!糖醋小排骨 - 好入味,骨肉分離!黃魚 + 年糕 , 碟下面有火熱住, 但味道麻麻地~仲有叫海鮮兩面黃, 無影相, 普通炒面, 可以一試。仲有幻彩詠香江。

因為想食上海野，所以見到有小南國就上咗去等位～上到去見到環境幾好～暗暗地，重有得望海～如果有煙花睇真係一流～食親上海野我都例牌會叫糖醋小排骨～佢地既糖醋骨甜味較重～肉質比較淋，只要輕輕一夾，肉同骨就會分開～而且好入味～小籠包～皮薄餡靚～入面充滿肉汁～雖然好油，但好香～由於皮太薄，所以要好小心甘夾起～唔係就會流晒啲肉汁～蟹粉豆腐～清淡既豆腐撈滿蟹粉～食到好香既蟹膏味～豆腐亦夠滑～好好食～～重有菜膽雲呑雞～味道較清淡～湯底唔會太油～味道鮮甜～份量算多～2個人飲唔晒～尖咀店比其他分店環境優勝好多～值得一去～

初初係想book旺角，但要分時段，所以去了tst依間無限，可以慢慢坐，慢慢食一入到餐廳燈光暗喑地，個view好正，可以望到維港 我地book左6個人，安排坐左角位仲要係4人枱，根本就有D過份，都擺唔到野食，唔通叫少D野食咩 。後來我地話仲有多個小朋友，先轉張大D圓枱同近窗邊比我地，其實都仲有位，都唔明點解要安排咁既位置...D野食唔算太貴，但味道好一般，黎依度都真係食個view囉

與幾位好友相約小南國，朋友已一早BOOK 8:00枱，但佢話黎到都要等3個字...都正常既...臨近母親節，好多人黎呢度慶祝...因為個環境真係好靚...似食法國FINE DINING多過食上海野...因為燈光微暗，枱上有燭光燈...有落地玻璃...設計又GRAND...我地叫左5樣野...雞絲粉皮唔算大碟，仲要6個人SHARE確實唔夠喉...我少見會配埋生菜一齊食...但都OK...個麻醬好食...粉皮與一般無異...小籠包好食，但唔夠鼎泰豐鬥...可能入面唔夠多汁...同埋肉少D..個上海炒年糕好食...夠味又唔咸..肉絲都算多...啖啖都有肉絲..山根雜菌小棠菜煲...個汁同炒年糕好似...算多雜菌...山根粒硬硬地，第一次食..幾好食...竹笙魚羹好好飲....佢幫手分埋..上枱先知每人分到半碗仲少D...呢度D野食唔差..但奈可碟碟都只夠3人分咁...要叫DOUBLE先夠食...同埋真係好似食法國餐咁...每碟中間既上菜時間極慢...唔知係咪母親節關係定佢地平時都係咁？等到有D唔耐煩...本身想叫多少少野食同甜品都唔叫了...出返厚福街再食多次晚餐！

這個月頭, 我們一班共同努力的戰友舉辦了五個年頭下來第四次的wine dinner, 與一班愛酒的朋友共享酒食之美。一直參加我們活動的朋友自然自動自覺的找來些酒來做盲品, 互相分享心得。但亦見新參與的朋友也逐漸投入大家的節奏當中, 感覺更好玩。可是當晚唯一辜負了的是餐廳安排的食物, 因作為攪手, 晚宴當晚已忙個不停, 除了掌控上菜節奏與葡萄酒的狀態, 還要投入大家的氣氛之中, 哪有時間吃呢? 正因如此, 碰巧翌日有兩個國內朋友到港密聚, 所以便專程的再來吃個夠。訂座入來, 餐廳卻有為我們八人安排了房間。房間設定簡單, 燈光略暗, 卻正好看上對岸維港美景。感覺氣派甚高, 各人進房無不讚嘆。未上正餐卻可先上幾道前菜邊吃邊談近況。這個酸辣蝦球海蔘不錯, 海蔘本為無味, 加上酸辣汁醬拌之, 是結合如酸辣湯與海蔘的效果, 感覺有趣。質感上, 海蔘滑溜而腍淋, 但腍中有嚼口彈性。蝦球肉質也彈, 口中味淡辣, 但是反嫌汁醬略蓋蝦鮮味。鎮江肴肉也是餐廳推介菜, 上層有如水晶半乳濁的糕汁, 入口溶化而帶鹹香。瘦肉油花不多, 所以入口未能做到化口。不過肉質鹹鮮, 有肉香, 整體算中規中矩吧!再來一個是涼拌

這家店不常吃，有些食品令人回味，但價錢太貴，用這個價錢吃同樣的東西，總覺得有點不值得。近日竟然推出團購，以六折的價錢購買現金劵，當然不能錯過。對我來說，最方便的就是這家分店，位處最愛品牌的旗艦店樓上，我想是眾分店中環境最佳的一間，面向海景，雖然不是吃燭光晚餐，但也挺浪漫的。不過食評卻反應一般，尤其是員工的服務態度，不過普普通通吃一餐，又不是宴客，不要太多要求吧!前菜一向是我的至愛，記得幾年前曾經在這兒吃過桂花車厘茄作前菜，好吃得叫人難忘。不過現在已經沒有了，辣蘿蔔乾也非常美味，而花生是以醋煮的，白老鼠讚不絕口，不是我不許他吃完，整小碟已經在肚子裡了。這是炸小黃魚，我每次想起這家店便想起小黃魚。由於燈光太暗，拍得不清楚。要不是要顧及儀態，我已經整條拿起來用手吃。香炸後在魚上加點脆蒜，咬下去皮脆肉嫩多汁，不枉我是為它而來的。每條38元不是太合理，而且非常上火，也不可以多吃。小食涼菜的款式很多，而且很吸引，加上飯麵也不是我那杯茶，也別為難我的白老鼠，小食涼菜是最佳之選。上海醬鴨我起初還以為是涼菜，但原來不是。在鹵好的醬鴨上淋上熱的醬汁。醬汁味濃帶甜，鴨肉入味，重點是醬汁不肥膩，合我口味。醉雞

在groupon買了2張75蚊當150蚊用既團購，總是想要快些用完解決團購，免得又浪費!由於男友現在是在打兩份工，我於該日才致電北京道的小南國詢問可否book該日8點，女同事也很爽快地為我book了!沒有用團購就睇低你既感覺8點到左，要等一等先有位，佢地俾我地既雖然唔係window seat，但都見到維港既美色，好開心啊我地恃住有coupon 係手就不停叫野食!冷盤嗌左4個，熱盤三個，甜品兩個。所有冷盤份量都好足。其實以為好細碟先叫咁多! 拌矮瓜，雲耳都中等水準。海蜇頭就唔太討好，佢既口感好奇怪，唔似我一係其他地方食個啲，佢好硬好爽口，咬落去既時候會有水泌出黎。唔同平時個總有啲淋有啲爽既感覺。而且調味不足，沒有麻醬既味道相反地個醉雞就好好味。花雕酒味香濃入味，應該係雪藏雞但無咩雪藏味。份量頗多，不過咁好食當然唔夠喉!蟹粉豆腐加左魚整，有陣腥味唔係鮮味。豆腐好滑好似百福豆腐，份量依然幾大!莧菜油炆筍啲筍好食啊，男友仲要唔鐘意食，哈哈，打包左第二日番學校食。啲荀係自家炆既，好大舊同爽口。菜就無咩調味，感覺好light好健康!男友對擔擔面既評價係:無左個精髓。佢話無左陣應有既花生香味。試左啖

星期六晚walk-in，接待員說需要等一會。五分鐘後有位，她說：「唔好意思，要你地等咁耐」，其實不算很久，似乎她太客氣了。點了茶，閱讀餐牌之際，侍應主動幫我們倒茶，再拿來茶几放好茶壺和前菜，騰出枱面空間，照顧周到。我們二人點了：砂窩雲吞雞（每人一客，每客$48）湯碗底下用燃料燃燒著，保持熱湯溫度，設計有心思。有兩隻菜肉雲吞、一條小棠菜和一隻雞中翼（？）（感覺有點怪）。熱湯比較多油，但清澈有鮮雞味。雲吞包得紮實，咬了一口，內𥚃菜肉分明但又不輕易散開。雞翼可能煮得久了，肉質較堅韌。最有趣的是，雞、菜、雲吞有雞湯很像各有各的味道，沒有融合。特製蟹粉小籠包（每件$30）比一般小籠包大一點，表面有蟹粉，咬了一口，內裡亦有蟹粉和蟹肉絲，入口有陣陣蟹味。夾雜了豬肉，肥瘦度適中，肉汁甜美，但不算太多。表皮雖然不太通透，但未至於有過重的麵粉味。湯汁清甜，不太多油，味道有鮮味又濃郁。蔥爆牛肉京蔥是幾乎完整奉上，很粗狀，很搶眼。牛肉很軟腍，容易咀嚼，煮得很入味，份量不算少。伴菜有菇類，和茨汁調配得很吻合，甜而不膩。整碟菜沒有太多油，不會太油滯。相依相伴即木耳雜菇炒素菜，賣相吸引，有各式蔬菜放在一起。菇類的莖

11月，一年一度既大閘蟹宴又黎喇! 往年都係去開東海360食既，但係睇雜誌無意中見到小南國都有大閘蟹，價錢仲平過東海 (渣打卡有折)，緊係試下小南國啦!上到黎北京道一號既小南國，我地有懷疑過呢度係咪真係有得食蟹架!? 因為呢度裝潢實在豪華，燈光昏暗，似係fine dining! 見到d客人都係外國人或者係公司gathering，得我地呢枱用手食蟹好似有點兒那個! 一坐低左就裝下前面枱食咩，好彩都有一枱都係食緊蟹，咁我地都放心d! 我們一行5人，因為套餐得兩人餐或者四人餐，我地單丁左一個，所以叫左個四人餐再另加雲吞雞、蟹粉小籠包同薑茶湯圓各一碗。四人餐有: 雲吞雞、每人兩隻大閘蟹、外婆紅燒肉、蟹粉豆腐、蟹粉小籠包、豆苗、薑茶湯圓雲吞雞 - 每人有兩粒雲吞+一隻雞翼，雞翼唔係雪藏架! 大閘蟹 - 算多蟹膏，不過個醋好似無東海戈個咁香，同埋佢一次過上哂全部所以食完第一隻，第二隻已經凍左。外婆紅燒肉 - 本身唔係好食肉，所以食左一件就無食，雖然肥膏痴住舊肉，但係一d都唔覺肥膩。蟹粉豆腐 - 味道偏淡，可能之前食得濃味，蓋過左蟹粉豆腐既味道，唯有自己加d食蟹既醋吊吊味。蟹粉小籠包 - 好多汁!

位於北京道１號，擁有維港景色的小南國走高檔次，無論服務及環境都不錯～　帶日本客人來真不錯！ 上海鮮魚羹 $38/位每人一鍋上，每一鍋也有蠟燭在底部以防湯涼掉。十分細心！味道清淡，感覺健康小籠包 $48/五只枱太小，只能可下一個菜．．．侍應把小籠包放在旁邊的小桌上便離開．．．小籠包當然要熱食．．．於是請侍應分結我們，但是小籠包都給侍應弄破，湯汁都出來了～非常之無奈～火茸津白 $98津白配上金華火腿粒，清淡中帶點金華火腿的香味，不錯！清炒野生河蝦仁 $188做法可選龍井戓咸蛋，選了清淡的龍井做法是否用了野生河蝦仁，所以價錢特別貴．．．？其實味道真的不能分別．．．只知道味道不是雪蝦，因夠爽口，但茶香不足麻婆豆腐 $78鍋下放了蠟燭以防涼掉，十分細心味道辣辣的，十分開胃；配上白飯，絕配～叉子鬆(配燒餅2件) $98燒餅熱，燒得香口；燒餅不太大過，方便入口；肉鬆惹味，奈何燒餅份量不足所有肉鬆．．．唯有用來送飯，下次要多叫燒餅菜肉雲吞　$48 (6只）小南國的點心一向出色，皮薄材料新鮮上海桂花年糕 $38 /3只以為係桂花糕．．．原來係年糕而面上加了小小桂花味道淸淡，都係比較喜歡桂花糕杏仁豆腐 $

一班小學同學〔講緊三十年前的事〕約好今午聚會。很想找个能提供空間感、私穩度、有質素食物及懇勤服務 ，讓我們自在談談食食的地方，今趟非要稱讚北京道一號「小南國」不可！葉經理很好，在我个多月前詢間時，他先電郵獨立房間相片讓我考慮，接着主動幫我建議午膳菜式；很滿意這些服務。食物質素很有保證！！六個開胃前菜先，接着主菜小黄魚，火腿茸津白，紅燒肉，鹹肉菜炒飯 等等 ... 等等，通通令人賞心閱目，尤其大伙兒一起吃，更知味無窮^-^。只是不明白小黄魚不小，有手掌般長 ，但香脆可口，肉質糼嫩。Very good really enjoyable lunch .... 最後由中午十二時坐到五時才離開 ！

之前已經試過九龍灣Megabox, 尖東,兩間小南國水凖頗高. 也在上海試過瑞金花園及浦東兩間分店. 印象中全部都頗滿意. 北京道壹號是我食過咁多間最高尚的分店.上海醬鴨中規中矩，貫徹傳統上海紅燒濃汁特色。雞絲伴粉皮也是中規中矩，下次可以試其他菜式。皮蛋豆腐刀章頗考究，可以推薦。椒鹽小黃魚乃此店一絕, 黃魚內嫩外脆, 椒鹽味恰到好處. 極力推薦. 但上菜時唔記得影相, 唯有影menu補數.清炒蝦仁很高水平, 河蝦鮮美,大細適中.外婆紅燒肉燜得很腍, 很入味, 但盛惠$138, 價錢偏高.