歇腳亭 (福昌大廈)

Open Now

Now Closed

星期六下午，做完運動，體力消耗。想飽肚又不想吃太飽，吃又渴，想補充糖分及體力。朋友推介我飲珍珠鮮奶，我以為自己聽錯，是珍珠奶茶吧？朋友是是鮮奶，而且有豐腴的Cream在飲品上。我心感好奇，一再追問，有cream的珍珠鮮奶？那真的又去嘗試一下，我是最喜歡忌廉的...到歇腳亭，趕快決定買「厚黑糖珍珠鮮奶·濃乳霜」原來濃乳霜是解作豐腴的忌廉，因為想試真味道，這次就不減糖不走cream，下單後只需等候大約7-8分鐘可取飲品，飲品的顔色白啡色相間，非常好看，我忍不住快快的攪拌，然後一口喝下.... 噢！厚重的奶香配上甜度適中的黑糖珍珠，整杯感覺不會過甜，珍珠的份量也剛好，是值得一試的飲品，但相信這杯飲品的卡路里頗高，只好繼續努力做運動囉！

喺附近食完飯諗住過黎share tea 買杯珍珠奶茶🥤飲，點知一波三折🤦🏻‍♀️首先order左一杯布丁奶茶少甜🍮，等左好耐都無，跟住去問下啦，點知佢先話布丁賣哂，叫我轉其他飲品。咁我就惟有轉左飲混珠奶茶。跟住又等，等左一陣終於有，點知一飲係超甜！問一問店員，佢竟然話我無講要少甜！😱😵好彩店員肯幫我再沖過一杯。最後等左差唔多成10分鐘先飲到一杯珍珠奶茶。至於杯奶茶，質素好普通，茶味唔出。☹️混珠奶茶（$20)

厚黑糖珍珠鮮奶加濃乳即係黑糖鮮奶，上面加cream因為有cream同無cream都係一樣價錢所以試有cream就試得晒兩種味道首先貌相唔錯，有黑糖虎紋其次佢嘅珍珠微微暖，唔會燙手反而我鍾意呢種多啲，因為唔會令到成杯飲品好快溶冰而變室溫我唔將cream撈勻，只係攪咗底部嘅珍珠同奶先味道幾好幾平均，珍珠黑糖味適中不過當食緊珍珠嘅時候就會稍稍蓋過奶味而on top加上去嘅cream係蛋糕嗰種cream好甜，撈埋入去就蓋咗好多奶同黑糖味建議唔加cream或者首先食咗面頭嘅cream會好啲

一到下午茶時間三點三,已經聊我嘅為食同事一齊飲番杯甜嘢嚟調劑一下心情,正所謂HAPPY FRIDAY嘛然後拎住張外賣menu左諗右諗諗咗好耐都唔知飲乜好,我個豬同事竟然話歇腳亭都出咗厚黑糖珍珠鮮奶喎老老實實我平時唔太鍾意飲歇腳亭嘅飲品...因為本人都覺得佢比較偏甜同埋味道唔夠天然,所以我可免則免都唔飲呢間,之但係連佢都出厚黑糖珍珠鮮奶咁我就試下啦 因為公司就係喺附近,打個電話落嚟叫定柯打,之後就可以起程行過嚟攞喇~行到埋嚟,真係估唔到連辦公時間都仍然係有不小嘅人喺度排隊等嘢飲...所以話呢,我成日都講:香港人都鍾意排隊增肥🤭🤭🤭果然時間啱啱好,我哋張單都即刻有得攞,我哋總共叫咗五杯厚黑糖珍珠鮮奶 拎到番上公司,本來唔算係抱有期望嘅我,飲完之後又覺得都唔錯喎鮮奶夠味,不過就唔算厚,黑糖味唔算好濃,所以唔會太甜,至於裡面嘅珍珠口感同佢平時嘅其他珍珠飲品有分別,唔知係咪因為煮過呢?腍身啲,有咬口,彈牙咗喎大家要記住,飲呢個嘅秘訣記得要攪勻先開始飲呀,咁樣啲味道先至會啱啱好 咁都係$30蚊一杯又唔洗等成個鐘嘅話,呢杯確係唔差嘅不過聽我同事講,呢款口味係咪期間限定呢?

而家觀塘愈開愈多呢D台式飲品鋪頭今次試左SHARETEA，呢間鋪頭成日見到都好多排隊，今日下午同D同事一齊打電話落去叫定，轉頭落去羅叫左杯黑糖珍珠鮮奶感覺係較健康的黑糖珍珠，同埋係杯入面有放到一層黑糖漿在杯邊，加埋D鮮奶，望落去好似見到一種虎紋狀的樣貌外觀已夠吸引了，而在味道方面奶味夠濃，黑糖份量適中，唔會話好甜，估唔到黑糖，珍珠，鮮奶呢三樣，簡單既材料加埋一起，可以做到甘美味的化學作用，下次可以再試其他款

旁邊排長龍，係長期都排長龍。明明貴好多，但都長龍長到打晒蛇餅咁。我果陣淨係覺得好熱好熱，洗晒汗，想立即有杯冰凍飲品，於是買歇腳亭奶綠，好，好耶，唔洗排隊，一買即有，哈哈哈。綠茶清香唔苦澀，奶味香濃，又夠冰凍。一飲立即解渴，超正呀。邊行邊飲極消暑。所以話，唔一定貴就好，平野都可以好好。奶綠好飲，我推薦👍🏻 顏色雖然好衰，屎綠色好核突，不宜打卡，但好實際，就係好飲又解渴。飲野就係咁簡單。但有樣野要記住，就係千祈唔好飲奶蓋呀，甜奶蓋還可以，咸奶蓋就極伏。 我精叻醒目無中伏，唔飲奶蓋😆

我一直都好中意飲珍珠奶茶 亦係好中意歇腳亭，但呢一間真係令我好難忘可能真係因為我好少一次過飲兩杯真係咁相似既飲品做比較，所以令我今次既體驗咁真實係咁既，同朋友好隨意咁按自己喜好一人嗌一杯，點知我同佢嗌既都差唔多。一杯：珍珠烏龍奶茶另一杯：沖繩黑糖烏龍奶茶。由於兩杯都係屬於「烏龍奶茶」+ 半糖少冰，因而更飲到些微既分別，令我覺得原來真係唔係求其沖。先睇外表，沖繩黑糖烏龍奶茶確實比珍珠烏龍奶茶深色；而後者既烏龍味較重，而前者就真係有好重黑糖既濃味，黑糖既味道甚至些微蓋過烏龍既味道，但佢仍然能夠從中控制到甜度既大小，佩服！唯一挑剔既係珍珠較其他歇腳亭無咁甜，但韌度保留不枉我一直都咁中意歇腳亭

友人飲隔離嗰間芝士奶蓋，由於本人忍受唔到嗰陣味，就轉戰隔離呢間台式飲品店。見佢sell緊個凍仙草鮮奶，好似幾吸引，就叫左杯微甜少冰試下。其實我都好少飲呢間連鎖店，次次見親都冇打算試。今次係因為冇野好飲所以先試下。點知都幾伏.......啲仙草都幾甜，每啜一下都覺得啜左成啖糖，已經叫左微甜，但都係好甜。個鮮奶係有奶味，但好稀，講真，一啲都唔好飲。唔怪得冇人排隊買。一杯仙草奶茶只係$18，但呢杯仙草鮮奶就要$24，加多$6真係唔抵。下次唔會再幫襯。

聽聞觀塘最近開左好多間小食店飲品店 今日同囡囡放假黎試下 點知就中伏其實一直以黎我都係睇人地食評居多 但遇到呢件事真係要即刻開個ACC 同大家分享下今時今日咁既服務係唔係因為大集團連鎖店就唔憂做? 唔憂冇生意? 啲員工態度差到離哂譜!!我同囡囡買左一杯珍珠奶茶 因為囡囡唔飲太甜 所以叫左少甜既比左錢之後我睇睇張單 發現同事冇同我落到少甜 我問一問佢確認下佢有冇同幫我做少甜啦佢就即刻黑面 之後用把好串既聲同後面既同事講 珍珠奶茶少甜WO~不過算啦 有講就得 然後我地排隊等 等--等--等---足足等左差唔多30分鐘 明明我後面買既人都拎哂野飲 點解仲未到我地?我望一望入面 啲同事全部坐低哂係度傾計同玩手機 我真係唔耐煩 究竟我地杯野飲去左邊?然後先知道係漏左單 哇! 有冇搞錯啊?! 前前後後成半個鐘先等到杯野飲?! 杯野勁甜 我真係好懷疑係咪唔記得左要少甜 不過果一刻已經我唔想再同果位收銀理論但我保證呢間野/其他分店唔會再幫襯 就算味道再好 咁樣既服務根本趕客!!

見新開去買柸野飮下，其實歇腳亭好多人都飲過，應該有一定水準，而且我只係飲鮮草奶凍咁普通，點會有問題！竟然係好似無鮮草，只有頭兩三口有鮮草，基本上成柸只係奶水，可以講係無鮮草咁，從來未試過飲鮮草奶凍的鮮草少得如此可憐同難飲，我唔會再去這間買野飲！

間中會嚟到觀塘區工作, 有時食完lunch都想買下台式飲品邊飲邊做嘢. 而我就冇咩特別話鍾情邊間台式飲品店, 因為每間嘅味道落差都唔會太大, 最緊要位置夠就腳. 歇腳亭飲品款式都仲有唔少係十幾蚊就買到1杯, 算抵飲.凍炭燒咖啡加芝士奶蓋 ($27), 之前飲過好幾次都係熱嘅, 今次失誤咗唔記得講熱定凍, 咁不妨試下凍啦.過往飲熱係最先嘆到頂層嘅芝士奶蓋, 再夾有濃濃炭燒咖啡香. 而凍嘅要用飲筒飲, 變咗先品嚐到咖啡味再隱隱帶出些微芝士奶蓋香, 所以都係熱嘅最好飲!呢度觀塘分店新開仲送咗一張Coupon Leaflet, 分別可以喺今個月凡買任何一杯減$3, 咁又多個理由再幫襯囉~