拾味山西刀削麵館

Open Now

Now Closed

🍜上次試過銅鑼灣的拾味山西刀削麵館，對它的刀削麵相當滿意，原來灣仔也有分店，雖然店舖面積不大，但還是整潔衛生，坐位也舒適，這一次就試試它的上海菜飯吧。🥬📋餐牌款式配搭很多，麵類有熱湯類、冷麵類、熱拌類。除了主打刀削麵之外，🍜也可轉配拉麵、米線、年糕和上海菜飯。🥟滋味小食的種類都非常之多。📱每張檯面上都個QR code讓食客自行Order，而且選擇細項很個人化，例如麻辣類可以選擇辣度、🌱什至走蔥走芫荽多蒜蓉等等。🥩麻辣肥牛菜飯 $60 + 豬扒 $10 + 🥤凍檸蜜 $10🥬雖然相比起傳統的上海菜飯，🍤少了火腿和蝦米，但單憑炒香了的青江菜也足以讓整碗飯香味提升。🥓大大份香蒜肥牛，加上肉質鬆軟的煎豬扒，🌶️麻辣香氣撲鼻而來，香辣惹味，辣度十足。📍拾味山西刀削麵館（灣仔）🏠灣仔灣仔道212-214號怡康大廈地下A號舖⏰11:00 - 22:00🚙港鐵灣仔站A3出口，步行約7分鐘#hkig #hkfoodie #hongkongfood #hkfood #hkfoodporn #hkfoodies #instafood #hkfoodbloggers #hkigers #ilovesharin

朋友無麵不歡，帶我到灣仔吃正宗的即叫即整刀削麵。 在山西刀削麵最出名，被譽為中國著名的五大麵食之一。店子嘅裝修都幾乾淨企理，環境坐得 舒服。想吃水餃加$10便可，豬肉份量都不少，水餃外皮Q彈，真材實料皮薄餡靚！秘制滷牛展，滷後的肉酥軟又有嚼勁，而且調料味道充分融入肉中，香美無比。熟練的廚師，每分鐘能削一百多刀，每條麵的長度剛剛好，大開眼界。製作刀削麵，搓麵團要恰到好處，入口軟而不粘，越嚼越香。糖心蛋都做得唔錯，軟綿綿好好食。加埋熱豆漿滿足地吃了一餐正宗的山西料理。

去完寵物展，朋友介紹話灣仔有間刀削麵，好好味又不貴，就慢慢行過去，會展行過去路途有點遠😅不過絕對物有所值🤤麻辣豬軟骨刀削麵+加$10有牛筋腩🐮一定要點多蒜！生蒜🧄將味道提升！刀削麵即叫即削，每條麵厚度都差不多，食落有口感！師傅抱住大大舊麵團，一刀一刀手削出來，全世界獨有的山西刀削麵是國家級非物質文化遺產呢！ 淨雲吞/10隻🥟粒粒脹卜卜，豬肉份量都唔少，真材實料，皮薄餡靚！都只係$50菜心腩汁菜心份量好多,兩個人絕對夠食!果然冇介紹錯，味道好份量足！為了食好東西，我也不會介意就多幾步😊

拾味山西刀削麵館(灣仔)地址：灣仔灣仔道212-214號怡康大廈地下A號舖刀削麵如果是人手做同機做，好明顯食得出分別$60 麻辣豬耳刀削麵，標旁即叫即做,麵身中間有啃口，兩邊削得薄，一條麵兩從口感。+$10 有飲品 凍檸7 用來解下辣 因為個豬耳超多辣油辣椒子， 點dd 都辣小食都是以麻辣為多,試了份雞腎，如果唔食得辣是可以走辣的，雞腎外爽內腍，口感不俗。$25 一個油菜，要了菜心，香港地出街食都是沒什麼綠色菜。

晚餐想食清清地嘅時候，通常都會鍾意食一碗麵食🍜今日經過灣仔見到呢一間刀削麵價錢都幾相宜 一於入去食晚飯～望一望餐牌，有分熱食 同埋凍食 主打都係即叫即削嘅刀削麵 配上唔同嘅配料另外亦都有菜飯 方便啲鍾意食飯嘅人我就揀咗 溫泉蛋木耳刀削麵 上海水餃加粟米同豆漿刀削麵份量極大 超大碗！ 刀削麵真係條條都唔同size 非常之彈牙 更加食得出師傅嘅功夫 上海水餃好飽滿 食落去有啲麻油味道同埋材料豐富嘅豬肉餡 好食！溫泉蛋其實係此糖心蛋 蛋味香濃 木耳夠爽口 再加上大量粟米 🌽 凍凍地食一碗 非常之幸福！至於豆漿豆味香濃 飲落去好舒服～ 簡簡單單嘅一餐晚飯 開心滿足 順帶一提侍應姐姐超級好禮貌，值得一讚！❤️

🫶🏻呢間刀削麵專門店喺多區都有分店，上次食完感覺不錯，今次喺上堂前專登搵時間去食～ 😇🔹 熱拌刀削面 + 熱豆醬 熱拌刀削面包含雜醬及一款餸，今次試左豬軟骨再加配埋木耳及一杯熱豆漿 🥛 （點餐時，可以選擇雜醬另上、多蔥少蔥、麵條軟硬度等，十分貼心）撈勻雜醬及面條，入口有雜醬嘅甜香以及些許豆瓣醬既辣味，面條煙靭爽口。😋至於豬軟骨就非常值得人大力推薦。首先一件都比較大，但餐廳仍然可以將豬軟骨煲煮得黏林，肉質鬆軟易咬兼且醬汁入味，真正既可以將一大口既骨膠原吞落肚‼️木耳則爽口好嚼，屬於味淡健康既一類餸 😎😎🔹🔸🔹🔸🔹🔸🔹🔸🔹🔸🔹拾味山西刀削麵館 (灣仔)📍灣仔灣仔道212-214號怡康大廈地下A號舖💸 ~ $ 80

今日下晝去灣仔行街經過呢間刀削麵店，見到好似幾抵，所以就決定入去試吓😋佢哋Menu都幾多選擇🤩分咗幾款刀削麵，有湯刀削麵、麻辣刀削麵、熱拌刀削麵、冷拌刀削麵，仲有上海菜飯可以揀🤪 我哋今次就決定試吓佢嘅C餐，可以揀一款餸分開上，我哋就揀咗口水手撕雞，另外加多一個餸麻辣豬頸肉，飲品就要豆漿同埋凍奶茶🧋🥛口水手撕雞刀削麵 🌶️$62佢嘅刀削麵都幾大碗，夠晒兩個人食，口水手撕雞個汁酸酸辣辣，開胃惹味，雞肉一絲絲唔會鞋，好入味😋麻辣豬頸肉（大）🐽$70呢個餸真係好大碟，豬頸肉外層燒得香脆，面頭仲加左蒜蓉同辣醬，麻辣揀咗少辣🤤唔算好辣啱啱好🤓

難得有位老死約食飯喎，當然出嚟啦，不過，佢放工有少少唔定時，地點就梗喺要就佢啦，所以，今晚就過咗嚟灣仔。因為同呢位老死久唔久都見吓面，所以，今晚就純粹食餐飯，搵間經濟實惠嘅小店，喺網上搵到呢間「拾味山西刀削麵館」，諗住十拿九穩。 睇相你就知絕對喺間街坊小店，一室灰白色調，裝修平實，簡簡單單，勝在整潔光猛，又有電視撈飯。嚟嘅都喺打工仔，收工過嚟食碗粉麵先返屋企。 餐牌有兩大頁，A至H系列，有麵有菜飯，仲有滋味小食同飲品，一時間睇到眼花撩亂，都要慢慢研究吓。 而落單就自己嚟，晌枱角有二維碼，相信依家大部份人都熟晒用。如果搞唔掂，就搵阿姐落單啦。 此外，枱上有少少調味料擺晌度任用，枱側嘅櫃桶就如茶記咁，擺咗筷子同牙簽。 H07 上海雲吞溫泉蛋木耳刀削麵 $63老友醒目，揀咗款多配料嘅刀削麵，雖然隻溫泉蛋唔喺好「溫泉」，不過，木耳就俾咗好多，雲吞都有4大隻，可以講餸料俾足，味道亦唔錯，木耳好爽脆，雲吞好爽滑，啲刀削麵喺點？下面再講。C04 蒜泥牛展刀削麵 $62小弟就揀咗個蒜泥牛展，麵餸喺分開裝，加上麵條之上就再無任何配料，所以，顯得碗麵好寡。講到啲牛展，其實都幾好食，滷到好入味，咬落有咬口，

- ¨̮♡︎I went wanchai today and suddenly craving for a bowl of warm noodle soup. Passed by this restaurant seeing its menu quite attractive with reasonable pricing, we decided to give it a try.There was only 1 staff in this noodle shop. She was so welcoming and friendly that make you feel like home. She brought us the menu and asked us to read it slowly even order was placed through QR code. I’d give a big thumb up to her service. There were many items to choose, ranging from mix and match sliced n

⭐️ 今日一個人灣仔放lunch，見到呢間刀削麵坐滿人，我本身好鍾意食刀削麵。======= ======= ======= =======呢間刀削麵有好多選擇，有冷又熱、有辣有唔辣，全部都好吸引，我揀咗最簡單湯麵。🐓🍜花雕醉雞刀削麵刀削麵煙煙韌韌好有咬口，啲雞都幾鮮嫩, 有淡淡的花雕酒香味，好好食🤤加$12🍳糖心蛋日本嘅糖心蛋食得多，呢間刀削麵糖心蛋都做得唔錯，好好食+$6🥤熱豆漿埋單$80好抵食。

私心推介呢間灣仔同銅鑼灣都有分店嘅拾味山西刀削麵館💖每次想食刀削麵，我都會諗起佢！食任何湯麵第一時間先飲一啖湯😉呢度嘅湯頭好清甜，食完成碗都唔口渴！刀削麵口感煙韌，非常有咬口同有彈性😇麵嘅餸菜方面真係有好多配搭，基本上都好好味，無中過伏😆今次我揀左食蒜泥燻蹄 上海雲吞 刀削麵😜燻蹄有陣陣煙燻味，豬蹄唔會過分肥，口感爽脆！重點蒜泥真係正到飛起，重口味人士必點💕上海雲吞有三大隻，雲吞皮超滑溜，菜肉餡料調味鹹甜適中😚朋友揀嘅麻辣豬肚 麻辣大腸 刀削麵😌麻辣香濃惹味，食得好過癮！豬肚口感軟嫩帶點嚼勁，大腸口感彈牙一啲都唔肥膩🥰最後叫埋微甜嘅熱豆漿☺️簡單而又大滿足的一餐！拾味山西刀削麵館 (灣仔)灣仔灣仔道212-214號怡康大廈地下A號舖

夏天咁熱真係要下冷麵消下暑今次要為大家介紹既係拾味山西刀削麵館拾味山西刀削麵館係位於灣仔灣仔道212-214號怡康大廈地下A號舖今次點左佢地個涼伴刀削麵食我勁愛佢地麵個質感超厚身同埋好彈食落好有口感而佢地可以比你選擇個辣度同埋辣都可以另上 超貼身配料我就揀左雞絲夏日炎炎食真係岩哂啦Location: Wan ChaiPrice : $50-$100/p.pYummy (10 is delicious): 7/10.

雖然已經踏入初秋，但係天氣仍然好熱，偷懶唔想煮飯，有人提議帶我去灣仔「拾味」食刀削麵。店子地方不大，一般茶餐廳格局，但入面嘅裝修都幾骨子，燈火明亮，環境乾淨企理。第一次嚟呢間麵館，原來呢度嘅刀削麵有幾種食法，可以揀湯麵、熱拌或冷拌，而且餸料超多花款；如果唔想食麵，仲可以選吃上海菜飯、淨水餃或雲吞等。我哋點咗碗冷刀削麵、上海淨水餃同一碟油菜。 消暑冷刀 ($69)  刀削麵可以轉拉麵或米線同任選一款餸，如果想配多啲餸料，就每款 +$10。揀咗燻蹄絲和手撕雞 (+$10)，配料有青瓜絲、粟米粒同黃金芝麻醬。麵條粗度均勻，食落好爽身，煙韌有咬口，配上濃香嘅麻醬，啖啖滋味。燻蹄皮爽肉嫩；手撕雞入味又不嚡口，食落仲帶陣陣麻油香。另外跟餐 +$6 就可以配杯豆漿，冷熱同價，非常經濟，飲落都幾順滑，甜度亦啱啱好。上海淨水餃 ($50)  水餃一碗有 10 隻，外皮厚度做得剛剛好，食落幾有彈性，入面包住滿滿嘅豬肉同椰菜，豬肉新鮮、椰菜清爽，味道唔錯。郊外油菜 ($25)  有唐生菜、芥蘭、菜心可供選擇，菜心鮮爽翠綠，入口清甜又無渣👍

窩夫喜歡煙韌的口感，所以愛吃刀削麵，但平日不多機會吃到。某天一個人在灣仔覓食，在灣仔道發現「拾味山西刀削麵館」，便決定入去吃晚飯。刀削麵自由配有三大類，另外還有窩夫第一次見的冷刀削麵，以及配四川擔擔醬的熱拌刀削麵等，食物選擇比預期多。點餐系統頗完善，可以因應個人口味提出不同的要求，不喜歡刀削麵的朋友亦可免費轉拉麵、米線或年糕。一定要吃飯的「飯桶」則可選上海菜飯。點刀削麵可享飲品優惠，加6元便有一杯原價10元的豆漿，豆漿不會太甜。窩夫點了C類的刀削麵，麵和餸是分開上的，先送來蒜泥牛𦟌，一上桌便傳來蒜香，牛𦟌是較有咬口的那種口感，味道不錯。刀削麵來了，超大碗呢！窩夫加了雪菜(10元)，雪菜爽脆，令整碗麵的口感和味道更有層次。刀削麵厚薄均勻，十分滑身，咬下去煙煙韌韌。因為份量足又飽肚，窩夫下次再吃要扣底呢。

在英國待了三個月，非常掛念湯麵。回來第二日便急不及待二訪灣仔的拾味山西刀削麵館。這店的刀削麵麵條口感勁道，有嚼勁，富有彈性；而米線則爽滑彈牙。一口麵條一口湯，讓我回味無窮。我點了一份麻辣東坡肉加豬肚米線（$70）。指明多蒜少辣，東坡肉和豬肚另上，麻辣惹味濃郁。由於湯頭醇厚，另上便能既有美味的麻辣小食，又能嚐到湯頭的甜味。另一碗是越式春卷加上海雲吞刀削麵（$72）。越式春卷炸得香脆，份量不少，上海雲吞有三大粒，雲吞皮滑，白菜肉餡鮮美。這家店的山西刀削麵非常值得品嚐，價格親民划算，配菜選擇多，讓人吃得飽足又滿意。