幸福鳥 (K11購物藝術館)

Open Now

Now Closed

幸福鳥係海港城幸匠燒姊妹店，所以質素都有返咁上下. 有時約朋友食飯唔想行去海港城咁遠，黎K11呢度都好方便Lunch set都有好多選擇，我哋3人各自叫咗🐟燒銀雪魚定食🍲牛肉壽喜燒定食🍢串燒定食食物質素真係好好，份量又足，服務又好，可以舒舒服服食個晏傾下偈

想試吓日式居酒屋嘅餐廳，呢間探探地去尖東有間分店就入嚟試吓成個裝修都好靚，如果夜晚嚟飲埋杯sake仲正我哋叫咗兩個午市定食（每個$168）主菜叫咗一個壽喜燒牛丼，一個滑蛋吉烈豬扒丼呢兩個主菜我覺得一般，上菜嘅時候已經凍咗同埋醬汁太甜，牛肉都比較韌不過串燒係好食嘅呢個係燒雞肉同埋免治雞棒串燒尤其係免治雞棒串燒撈埋啲雞軟骨都幾有咬口，而且每串都係即叫即燒所以上枱嘅時候都熱辣辣雞皮好邪惡，但係都燒得好脆，唔係太油燒雞翼就冇得輸🤣然後燒腩肉同埋多春魚都好食嘅，但係唔及雞肉咁有驚喜總括嚟講串燒大部份都好好食，但係其他食物就不過不失

串燒午餐有六串串燒個套餐有前菜 溫泉蛋 味噌湯同白飯連我叫走飯都夠飽而且味道非常不錯啲串燒一啲都hea全部都好高質另外加咗燒茄子🍆起初以為係一條咁 原來係串燒魷魚筒都好好味真係原隻上 份量夠多

去耐無去太古城揾食，趁連假就同老公四處揾下好野新野試，點知先發現舊嘅cafe已經轉左新嘅點，仲要係食日本燒物刺身窩物嘅幸福鳥，太開心又點興奮，同老公決定試下呢間新店，店員招呼周到都唔使叫，自動幫客人加茶，好窩心。讚~~食物質素高，樣樣都熱辣辣上枱，燒物惹味，可惜未有酒牌，好想嘆杯beer, 不過店員話可以出面買回來的，安排一聲就可以。刺身拼盤 $318 幾款時令刺身帶光澤，厚切帶子，鮮甜味美，三文魚，油甘，鯛魚牡丹虾都好肥美。燒雞泡魚乾，燒牛舌，燒免治雞肉串，兩款鹽燒同汁燒，燒物熱辣辣上枱，各有特色。原條汁燒九洲槍魷魚 $158汁燒味濃魷魚鮮肉質彈牙跟薑蓉同食就突出。驚喜之幸福燒雞 $188 皮脆肉嫩又多汁，調味適中夠入味，好正呀 驚喜感高牛肉壽喜燒 $188甜甜香香壽喜燒汁配上肥牛，再加埋其他食材金菇豆腐菜蔬冬菇鮮雞蛋，層次感就提高，健康之選。

*✲ﾟ*。🍢日式居酒屋 Lunch set 🇯🇵呢間喺K11嘅居酒屋裝修幾日式 又有lunch set 好似幾抵食所以就試吓🤣幸福串燒六盛合包前菜 溫泉蛋同味噌湯
六款串燒有雞翼、免治軟骨雞肉串、雞脾肉、雞肉長蔥燒、秋葵、同大蘑菇🍄每款都幾好食 特別鍾意免治軟骨雞肉同雞脾肉 肉質keep到幾嫩 食落唔乾身😋牛肉壽喜燒湯底好濃🍲牛肉同其他配料份量都幾多 呢個set都有溫泉蛋同味噌湯好豐富😆-✨ 幸福串燒六盛合 ($158)✨ 牛肉壽喜燒 ($148)+10% service charge-📍 幸福鳥 @shiawaseyakitori尖沙咀河內道18號K11購物藝術館地下G18-19號舖

因為會員有生日禮券，滿$300-$100，本身想乘機去「日山」試Sukiyaki，我好難book 位，最後轉戰嚟呢度。睇相覺得餐廳幾有格調，而且因為祥仔師傅而對Foodstory 出品有d 期待，最後都係有d 失望兩個人，每人一入午餐，呢度lunch set價錢介乎$100 - $200，由牛舌丼到燒肉、壽喜燒。係尖沙咀 K11 呢個位置嚟講，算係划算！我帶咗一份嚴選部位嘅燒牛肉套餐，chunchan有溫泉蛋、沙律菜、麵豉湯同一碗白飯。我呢份套餐大約10分鐘後上菜，賣相都唔錯，有燒烤既味道，肉味濃厚，醬汁同牛肉相當夾，不過略嫌唔係熱辣辣咁上盤，至於旁邊嘅烤蔬菜都幾好食。男朋友嗌咗壽喜燒，但等候時間比較耐，大概係我完成70% 呢份壽喜燒先至送上枱。壽喜燒嘅湯底，非！常！甜！我哋食過咁多間香港專門做sukiyaki既餐廳（中環Mori、灣仔Sukiyaki），冇一間係甜到漏，好似飲緊糖水一樣。就算家用版嘅濃縮醬汁，都未至於呢個甜到漏嘅程度。值得留意：呢度午餐壽喜燒係用火鍋上菜，原來係廚房入面已經煮熟，再用熱既容器（鐵鍋）盛載。唔知夜晚會否用明火呢？ps: 留意到旁邊幾台食客，佢哋都有嗌壽喜

久未重訪，掛念着非常型格的吧台及多款醬汁的免治雞骨肉串，當年啟業，有如此競爭力者少，可惜現在已非優勢，燒功依然保持，但…好似啲雞肉冇以前咁好食！  餐前小吃    好味指數:2.5/5非常大路的貨式。京都特濃男前豆腐 $48   好味指數:3.5/5先來一客男前豆腐，豆味特濃，質感棉密醇厚，無需任何調味醬汁，味道已佳。 幸福鳥（免治軟骨雞肉串燒） $68*2    好味指數:4/5鹽燒、汁燒、芝士、激辛急不及待，先來四式四串，賣相吸引。 其實亦只是噱頭，除了汁燒之外，其餘三款基本上都是鹽燒再額外加芝士或辣醬，但能一次過嚐多款口味的感覺是開心的。雞肉與雞軟骨混合，口感既軟既有嚼勁，向來都是我至愛。華味鳥雞脾肉燒 $76*2   好味指數:3.0/5鹽燒、汁燒、紫蘇梅醬、山葵同様是四款醬汁，各有特色，紫蘇梅醬少少酸、山葵輕輕的辣，分別不大，沒什麼所謂，只可惜、重點在雞髀肉失色，並非預期中滑，口感似不嚡的雞胸肉！秘製牛肋串 $88   好味指數:4/5香嫩有點嚼勁，味道豐富無過鹹。 豉汁活鰻 $78   好味指數:3.5/5招牌之一，輕度適量的鼓汁，存在感沒有過高，相比中菜好得多，活鰻新鮮肉

行過呢間餐廳比個門面吸引左，外面掛住一堆日本祈福木制繪馬同埋御守，有啲似係神社求福咁。我叫左幸福鳥串燒六盛合，友人要左汁燒牛舌丼。幸福鳥串燒六盛合入面有雞脾肉燒、雞肉長蒽燒、雞手羽先、免治軟骨雞肉棒、秋葵、冬菇。最中意雞脾肉同埋雞手羽先，燒得吾會太乾，肉質保持嫩滑，仲包一隻溫泉蛋，用嚟送飯好正。汁燒牛舌丼牛舌充滿住油脂香，連埋洋蔥同蔥花一齊食減低油膩感。餐廳座位闊落舒服，平日lunch time 都好full，記得要提前book位。

覺得門口裝修好吸引， 所以好想試下。 入到去有啲失望 ，因為店內比較窄， 座位空間 比想像少， 枱與枱貼得好近😔，似茶餐廳。點咗三個餐： 牛舌丼 ，串燒盛合 ，雞肉壽喜燒。全部都好食。 伴菜不過不失牛舌丼嘅牛舌係一粒粒厚切， 伴上大量 炒洋蔥。串燒盛盒， 有六串不同食物， 最好食係免治雞肉串。雞肉壽喜燒， 好重味淋，加大量 椰菜。加咗20蚊，要了一杯 葡萄特飲， 超甜😵‍💫， 建議加十蚊要杯可樂好了。

雖然講到一星期內嚟兩次好似好誇張，但係要事先申報，其實唔係話勁好食，只係地方方便，同埋唔使book位都一定可以食到嘅串燒lunch今次同上次一樣都係叫滑蛋豬扒飯，照樣冇乜特別。串燒就試多咗幾款。雞大髀我覺得好好食，夠晒嫩滑又入味多春魚同埋免治雞肉棒我就覺得一般，比起好多其他串燒店冇咁好食，同埋免治雞肉棒點可以冇蛋醬點㗎？豬大腸同埋雞心我都覺得唔錯，至少冇臭味！所有串燒我覺得其實都唔夠熱，可能因為佢等齊先一次過上。

2022.04.28 lunch近日比較懶，儲咗成六、七個都未寫⋯⋯終於都寫咗兩個較近期食嘅。而家又寫下先，唔好怪我⋯⋯有啲都就快過咗成兩個月⋯⋯🙇🏻放假放假，係四月尾疫情回覆正常啲啲就決定出街食，醒起呢一間，幾好坐加服務態度好，當然食物好味先 encore 😁😁今次女友又叫牛肉壽喜燒，同之前一樣 (其實其他都不是我們首選😅) 都係好味嘅😋 但忘記了，呢一個set 總是有兩隻蛋，希望下次記得唔要前菜個隻。我就揀咗汁燒牛舌丼，舊時好鍾意，但停咗一輪冇食，見咁耐冇食就揀咗嚟試，對我嚟講味道正常咋，牛舌我都係鍾意鹽燒多啲😝 但當然整個set 都係有水準嘅，又夠份量👍🏼

They have a great deal for lunch sets. One main course with 3 choices of skewers. If you add $26, can choose 2 more. Plus miso soup, appetiser and a soda. The skewers were just average. I ordered the chicken wing, pork belly and the chicken gizzard. Out of the three, the chicken wing was the best. The pork belly was too fatty for my liking, and the chicken gizzard did not have a good chewy texture. For main, i ordered the sukiyaki beef don. Nothing too special. Regardless for the price of $168,

𝘛𝘩𝘦 𝘍𝘰𝘰𝘥 𝘚𝘵𝘰𝘳𝘺 呢個group有好幾間餐廳都好好食，品質一定有保證👍 今次就決定嚟K11呢間日本餐廳食串燒🍢 原來佢平時週末都有一個Lunch 定食Set，包括一個前菜、沙律、麵豉湯、串燒（自由選3串）、御食同埋汽水😋😋 好豐富！我試咗佢嘅免治雞肉棒、牛舌同埋燒豚腩串燒👍😋 整得好好食！另外御食就揀咗鰻魚飯同埋鍋燒雜錦烏冬，整得唔錯👍 另外都試左佢既燒雞泡魚干，點埋佢啲醬汁特別開胃！

叫咗好多嘢食🤤最特別係嗰支斜嘅酒 如果可以成功將枝酒打斜擺 店員就會請你飲一杯😍😍我哋試咗大概5秒就成功咗啦😝免治軟骨雞肉棒 $138/4  ⭐️⭐️⭐️⭐️⭐️ 一碟有晒四隻口味 芝士味 汁燒 鹽燒 辛辣燒菠蘿⭐️⭐️⭐️⭐️⭐️ 好甜好多汁 一定要食雞泡魚乾⭐️⭐️⭐️ 不過不失啦稻庭烏冬 $68 ⭐️⭐️⭐️ 唔係好特別 但係如果想食飽啲嘅話就可以嗌呢個兩大人兩小朋友食咗大概$1200 有少少貴 但係嘢食係好味嘅🤤

一直以嚟都覺得串燒應該係喺夜晚配住啤酒嘅時候食，原來晏晝食串燒都一樣咁開心，最近同朋友喺幸福鳥食lunch，午市套餐性價比高又豐富，一邊食住串燒一邊傾計，幸福就係咁easy🤣• 幸之敍自由選串燒五點盛 $196我哋order咗兩個五點盛，所以total可以揀十串串燒！串燒款式都幾多，樣樣都想試吓，選擇困難症又發作🤣最後揀咗雞肉、免治雞肉棒、燒豚腩、雞軟骨、一口番薯、粟米、冬菇、極上牛舌心(+$28)、大虎蝦(+$38)同醬燒日本魷魚筒(+$78)，坐喺bar枱可以見到師傅燒緊我哋啲串燒😚極上牛舌心係我嘅心水推介，雖然佢有返咁上下厚度，但係咬落就一啲都唔韌，質感爽彈仲好香牛味添！另外醬燒魷魚筒大大份，燒得夠焦香，一樣值得加錢upgrade！成個set當然唔止串燒咁簡單，仲有前菜、麵豉湯、汽水同埋一個自選主食，今舖真係飽到癲🤣和風鰻魚丼(+$16)鰻魚大塊厚身，醬汁唔會死鹹，夠撈曬成個飯，16蚊抵加啦！幸福壽喜燒牛丼有齊牛肉、溫泉蛋、芋絲同豆腐，牛肉煮得好入味，不過私心鐘意多啲汁撈飯😛• 幸福炸雞 $28午市可以優惠價加配小食，炸雞一共四件，炸皮薄脆中間包住嫩滑多汁嘅雞肉，加少少檸檬汁可以