士林台灣小吃 (Closed)

行街行到深水埗，西九龍食堂冇諗過甘多人，叫左開心便當，食完一D都唔開心！開心便當其實係炸雞扒飯，一D都唔好食，只可以話份量好多，雞扒薄薄的，炸得好油，完全好似食緊味精粉甘，連小小肉汁都冇，炸得好乾身，份量夠但唔好食，係冇用架配料豆腐也做得好一般，雖滑身但冇豆腐味！完全醬料味同台灣食既。相差太遠了

想念台灣的美食，特意來西九龍試試這間士林美食，原來西九龍美食廣場超多人，揾個位都有點難道，叫左肉鬆蛋餅$24，即叫即做，比起台灣食的,差太多，也貴太多了吧，還以為收得不便宜，就應該不錯，肉鬆没有肉香，蛋冇味，最好的已經是甜甜的醬汁了！不過我見人叫雞扒好似不錯，唯有下次再試下啦

近期小弟同西九龍中心真喺有啲緣，繼上個月中晌依度嘅必勝客食飯賀細佬生日，早個星期又同親友晌Cafe Charm's食飯聚一聚。今日又再嚟到8/F嘅美食廣場食餐晏仔！事緣早前晌U Magazine網站抽獎，中咗「台灣士林小吃」嘅4人套餐，所以，趁到期前享用埋佢。平日嘅西九龍中心都有啲靜，不過，星期日嘅景況就不可同日而語，就算未至水洩不通，都人頭湧湧。嚟到美食廣場就更加唔使講，食物種類選擇多之餘，大部份都定價大眾化，二、三十就有交易。但喺，啲位就一定喺唔好坐，枱與枱密到呢都算，全部高脚枱櫈（部份非高腳枱櫈喺優先座，俾有需要嘅人，如老人家、小朋友），啲櫈微微前斜，仲有，啲位明顯喺裁成4人位，但非常窄，所以，極有目的要你食完快啲走，坐多陣都會唔舒服嗰種。望入去店內就喺廚房，感覺都幾乾淨企理。店內都喺主打幾款嘢食：超大雞排、蚵仔麵線、甘梅地瓜、甜不辣、肉鬆蛋餅……等等，另外，每日特價有幾款套餐組合。此外，亦有啲新產品，如芝味香瓜雞、監酥金針菇。所抽中嘅套餐叫「富貴八方全家餐」，包括兩客肉鬆蛋餅、一客超大雞排、一碗蚵仔麵線及4杯蜂蜜檸檬，所以，拉咗住得最近嘅表哥一家三口幫手食。等大概10分鐘就有得

肉鬆蛋餅($24)Lam脷: 4/5抵食: 3/5相機: 3/5呢間小食店專賣台灣小食呢款蛋餅係煎香左既薄餅，包住蛋同肉鬆, 配埋燒汁好香口 薄餅脆脆地，肉鬆都幾多，但蛋太薄唔夠口感 蛋餅係即叫即做, 所以熱辣辣好正!! 整體幾好味 攪到Vi好掛住台灣既野食 呢度仲有好多其他台灣小食!下次一定要試下

到深水埗買過新Notebook之後, 今個月又要捱平飯, 所以決定闖西九搵平食 第1站去到士林台灣小吃, 叫左個肉鬆蛋餅加柯仔面:肉鬆蛋餅超驚喜, 蛋香四溢, 棉棉香脆, 啖啖肉鬆, 外層是薄薄的蛋皮, 內是真材實料, 外是口感與味道的交戰, 真係諗起都想食實在諗唔到係Foodcourt會享受到如斯美食 柯仔面反而無咩特別, 湯非常的淡而無味, 可能加了太多水的源故; 但蚵仔卻是挺大粒的, 可惜在這個淡湯底下就浪費了總括這誠意小店, 下次定必繼續支持

甜不辣味道有點辣，口感彈牙，愈食愈好味，份量多，女生當小食都夠飽。甘梅地瓜外皮甜甜地，即叫即炸，非常香脆！內裏甘香，老少佳而。最正既係蚵仔麵線完全搵返台灣既味道，湯已經好香濃加上蚵仔既海鮮味，諗起都想再叫單點多個！P.S 蚵仔很大粒很肥美!肉鬆蛋餅內裏既肉鬆份量充足，加上少少咸既特制醬汁，令人胃口大增。最後飲返杯蜂蜜檸檬很貼心既想法. 當依完甜不辣和甘梅地瓜後,用黎中和炸物係十份適合!

一行四人來到很快便找到位子這是兩個二人餐食物的份量都很大也很足料甘梅地瓜 很好吃但偏甜肉鬆蛋餅 很鬆脆的蛋卷口感炸雞 炸起時很脆，比怪薄身，可一口一啖甜不辣 口感軟軟的 好好咬蚵仔麵線 個湯味道怪怪地，但蠔有蠔味蜂蜜檸檬 本身的甜味配上檸檬的酸味 so match總括而言食物和服務態度都好好下次可以再食過咁多人的份量可以叫多d人一齊食

對台灣菜情有獨鐘，便來一試食物大份和足料超大雞扒 － 可算是最佳保證甜不辣 － 口感似咬魚蛋 味道不太正宗肉鬆蛋餅 － 太少肉鬆 有特制醬汁但俾得太少甘梅地瓜 － 脆脆地幾好食 但我朋友說太甜了 我就覺得剛剛好蚵仔麵線 － 第一啖飲覺得好酸 蚵仔都唔夠新鮮 唯麵質軟軟地容易入口蜂蜜檸檬 － 味道調教得幾好味

今日同個frd去試左古林台灣小吃，正宗好食，都幾surprise下！我地兩個人點齊衣度概招牌小吃： 甘梅地瓜條、、甜不辣、肉鬆蛋餅、蚵仔麵線、蜂蜜檸檬。甜不辣賣相好好，炸到金黃色，睇到就食指大動啊，而且好chewy 哈哈最中意概系甘梅地瓜條，外酥內嫩卜卜脆，加上出邊概梅粉，甜甜地口感超好(*@ο@*) 又香又好味仲唔會膩！搭埋杯清清爽爽概蜂蜜檸檬好絕配。啲小吃分量都幾大下，兩個人食到好飽好滿足。下次都會再黎過！

台灣街邊小食一直大受香港人歡迎，去台灣旅行個個都係以食為先。但其實係香港都可以食到充滿台灣風味既街邊小食。大大雞排：店員將大塊雞排炸好，然後在雞排兩邊都落調味料，再將雞排剪成小塊，食落都方便d。雞排外皮夠脆，夠味。唯獨肉質較乾、較” 鞋”。甘梅地瓜：值得推介！！好食！脆口，味道酸酸地，甜甜地，梅子味同地瓜個口感好夾！讚！！肉鬆蛋餅：外皮薄薄地，涵料豐富，加埋類似燒汁既醬，都好味！甜不辣：普普通通，有咬口，像新年食既煎堆。蜂蜜檸檬：甜甜地，幾清新，食完煎炸野飲岩哂。

即叫即整。職員手腳快。都唔需要等好耐。甘梅地瓜好香脆。甜甜地。食到停五到口。忍不住自己食曬成包。真係好好味甜不辣口感煙煙韌韌。。好有咬口。。好似食炸魚旦果d感覺。好好味

剛從台灣旅遊回來，正回味在台灣夜市的美食之際，就喺西九龍中心food court見到呢間食店，二話不說就點咗幾款小食！除咗麵線外，其他嘅小食都係煎炸為主。呢間嘅招牌係超大雞排，所以點都叫嚟試下！雞排已經剪成小塊，食落好方便，讚嘅！ 雞排啱啱炸起，加上調味粉，非常香脆惹味！唯獨雞排有啲薄身，如果厚啲口感會更好。讚嘅係雞排唔會炸得太乾，而且唔會太老而「鞋烚烚」。甘梅地瓜條係我最鍾意嘅！又係啱啱炸起，每條都脆卜卜！上面有甘梅粉一齊食，甜甜地，好味指數爆燈！！(冇誇張，試過就知！)每一條都炸到金黃色，而且每條地瓜條係「好實在」，咬落唔會話食空心條咁。力推呢款小食呀喂！

甜不辣好有嚼頭，加上黑椒粉，好飽肚。甘梅地瓜有啲糖粉係上面，香脆得黎又有甜酸味！炸雞炸到脆卜卜，入面又軟林林啖啖肉，超滿足！仲有個肉鬆蛋餅，不得了，啖啖肉鬆，外層包住薄薄既蛋餅，真係諗起都想食！最後果兩杯野飲，岩岩中和返食果啲肥膩，perfect池！

與其他店舖既雞扒相比起上黎有d遜色，太薄，味道亦唔通非常吸引，但辣味比較可取，個人推介甜不辣，有咬口，味道吸引，加上辣味更吸引，不過建議可能要辣些少，可能本人辣精既關係，如果鐘意煙韌食物既朋友會鐘意食。

27.06.2015 士林台灣小食下午和一位友人，路經西九中心，在Food court竟然見到，台灣 士林分店。因為幾年前去過一次台灣的士林夜市，當時朝拜過紅極一時的，炸 雞扒，地瓜條，蚵仔麵線。可惜，因為時間太短，肚子太窄，錯過了甜 不辣。剛巧，今天在香港再次偶遇甜不辣。衝著甜不辣，我和友人叫了兩個餐，包括炸雞扒，蚵仔麵線，甘梅地瓜，甜不辣和蜂蜜檸檬。 先評甜不辣味道甜中帶辣，口感似魚肉春捲，份量亦比較多，適合兩人用。蚵仔麵線湯比較濃稠，麵線軟棉，蠔相對較多。甘梅地瓜熱油快炸，灑上調味粉，速做速上，令我唸起傳統煎三寶的炸番薯，分別在於獨特的調味粉，份量較大，適宜兩位朋友分甘同味。甜不辣蜂蜜檸檬冰凍透心，在這個淡熱的夏天，絕對是解暑之選。檸檬酸甜，配合幾種炸物使我貪令的友人大讚一番。最令人驚喜的是肉鬆蛋餅蛋餅皮厚薄適中，令我和友人最開心的是肉鬆充足，味道匹配。加上特制醬汁，令人倍感驚喜。