將太日本料理

Open Now

Now Closed

之前同朋友食過幾次，食物新鮮，價格合理，而且有好多菜式選擇。今次收工經過買外賣食，依然好高質！仲要開到好夜，元朗已經好少餐廳開到夜晚11，12點，對於夜收工既人都係唔錯既選擇！

元朗美食眾多， 日本料理店數目更加係接近飽和。 喺呢度可以開足十幾年，水準一定要有番咁上下。將太日本料理位於內街，比較多區內人幫襯，如果冇book位，好多時都要排隊等位。主餐牌食物種類都有200幾款，仲有唔同嘅時令菜式推出，真係需要時間慢慢揀🤣。 ❤ 深海池魚王刺身（$75）外表晶瑩剔透，非常新鮮飽滿，厚度適中而且肉質爽滑肥美，好似啱啱從海水撈上黎咁😋。 ❤ 鱈魚白子刺身（$138）呢個係餐廳喺黑板手寫嘅時令菜式，質地細膩順滑，好腍好鮮甜。 ❤ 天婦羅綠茶冷麵（$77）推介🥇好抵食~冷麵綠茶味濃郁，麵質幼身，爽口有彈性，如果要share的話，仲可以要多碗冷麵汁。天婦羅都好正，外層炸得好鬆脆而且熱辣辣，種類又多，有兩隻大蝦、茄子、南瓜、番薯同燈籠椒。 ❤ 金菇牛肉卷（$78）又係份量好足嘅一道菜，有12件金菇牛肉卷，肥牛有少少焦香，包住大量爽脆金菇，淋上濃厚醬汁，加埋炸蒜粒同蔥花真係好香口🤩。 ❤ 紫芋栗子薯餅（$38）係可樂餅嘅酥脆質感，紫芋蓉味道濃郁，栗子係細細粒混合喺芋蓉入面，甜甜地又有咬口。 ❤ 紫蘇雞肉丸串（$38/2串）雞肉丸係用免治雞肉做嘅，外脆內軟，餡料入面加左唔少切成絲

食日本菜要食到有日本人精粹就是用心，將太做日本菜有相當歷史，我由他們在屯門老舖幫襯至今，今晚又同老友一家到元朗來尋舊味。🤣店舖不算大但勝在坐得舒服有個人空間感。🥢先來碟蟹籽青瓜蟹柳沙律，青瓜是新鮮即做的所以保持水份同清甜爽口感覺，添加了芒果肉加倍醒胃。😋🥢再黎係我必食芝麻雞翼將太芝麻雞翼相當出色，脆香可口肉嫩入味無可比美。👍👍👍🥢燒物方面有牛舌同三文魚旗，係啤酒嘅最佳伴侶。🥢天婦羅最緊要脆得黎要乾身不可以有油，這裡掌握非常好，粉漿亦不太厚啖啖肉。👏🥢龍卷這個龍卷我哋每次都必食，炸蝦🍤、燒鰻魚、牛油果、飛魚籽即卷即上檯，溫度剛好炸蝦酥脆，鰻魚油脂甘香肥美，今晚真係大飽口福。😋🥢刺身船🥳🥳望落去都興奮，生蠔肥美鮮香、赤貝爽口彈牙、北海道海膽膏香濃厚味甘甜、三文魚厚厚一塊入口份外甘腴、野生池魚肉質鮮嫩肥美，仲有大大隻牡丹蝦同甜蝦，兩者各有特色，前者比較鮮爽甘香，總結件件新鮮啖啖滋味！😋🥰🥰這個晚實在太豐富了！多謝老友開心仔🥳

The sushi shop isn’t bad, quite many ppl even during weekdays, but the seats are not spacious at all, not that comsy Crab stick with cucumber salad is in good taste, yumm crab sticks is so appetising Avocado shrimp roll is really nice with crispy shrimp insides, love the taste quite so much Salmon soft crab roll is fine but the salmon taste is overrode by the salad sauce, avocado one seems better haaRamen with whole eel not really matching my stomach, the texture of ramen isn’t so good, not outs

OT回到元朗已好夜，又想食日本野，結果去左將太日本料理食。佢會開到一點am,岩晒的地d夜鬼。今晚好肚餓又想吃刺身，所以就選了雜綿刺身飯。刺身飯的刺身都不少，共有4款不同的刺身，以$98來講算交足貨了。平時的雜綿刺身飯通常只係三文魚和吞拿魚，但這裡刺身則閃三文魚和油甘魚，每片都足足1cm厚，算好厚切，可見小店用心製造。甜蝦和魚子都好鮮甜，十分好吃。連平時不是特別愛吃飯的我，都竟然可以食晒成碗雜綿刺身飯。

兩個人去食，如果無book位，好多時都要排隊，朋友介紹過嚟，價錢唔算貴，食材新鮮，唔怪得之咁多人刺身拼盤，好新鮮好鮮甜玉子壽司沒有太大驚喜鰻魚好好食芝士焗蠔都好味，不過要等半個鐘

朋友話想食日本野，咁我成日見人都話呢間唔錯，咁今次就試下佢啦～3種刺身，兩種係當日話日本送既刺身，我唔記得咩魚啦～但2種魚加埋要$3××蚊 ，未計帶子刺身架~個2種魚都唔啱我地條利~魚味淡口，一種就肉韌有渣，另一種就淋啤啤👎👎，好似梅肉咁！😖😖好在有個酸汁咋，唔係個魚重唔掂呀～帶子就正常鮮甜，呢個鹽燒油金魚鮫👍👍😋😋好正 ，燒到外脆內軟又唔乾，好好食牛脷，都燒得唔錯，好香有牛肉味，又冧唔韌👍👍芒果卷，芒果好酸入面係炸蝦，無咩特別，唔會再食，牛油果卷，原來係上面唔同，入面都係一樣炸蝦既，所以唔會再食佢呢到d咩咩卷~因為只係飽肚，唔會有咩滿足你想食好野既要球，係我自己唔知中伏姐，海膽，三文魚子 ，鰻魚壽司，都唔錯，蟹子沙律，正常野總括黎講價錢偏貴，食物水平一般，由其係日本直送既魚生刺身，個人自得性價比低！試過就算~

元朗嘅日本壽司店有好多，有啲係放題性質，有啲就係食幾多俾幾多。今日食嘅呢間鋪頭，係我會比較推薦嘅，因為佢哋刺身比較新鮮，鋪頭唔大，但係坐得幾舒服。呢間鋪夜晚walk in都幾full，佢通常會有啲推介嘅就會寫咗出嚟，不過我食開嗰幾樣，次次都係點果幾樣～今晚叫咗燒雞泡魚干，芒果卷，蟹籽粟米沙律，三文魚，甜蝦，帶子刺身。如圖片所示，刺身真係好新鮮，不過略嫌雞泡魚乾有啲硬。二人消費五百幾左右埋單，間唔中食一次，好過劣食放題～

上星期與爸爸到元朗買東西買完東西路過這店我們都餓又見好耐冇吃日本料理於是就琳住試下就入左去吃入到去有位有位男職員招呼還不錯開始點餐時來了位阿姐，呢位阿姐態度極差我和爸爸各叫了一個吉列豬排蛋飯和鰻魚飯啲飯一點味道都冇，豬扒根本就不脆一點都不好吃，服務又一般，冇下次

想吃海膽，便找一間日本店吃。整版海膽，目測都覺好味，味覺享受。壽司刺身都新鮮。很愛吃金目鯛。很多食店都不新鮮。這小店給我驚喜。炸物不會太多麵粉。老公很喜歡，我反而喜歡牛舌。厚厚的口感很好。喜歡。可以再來吃。

原本打算晚餐去食漢堡包🍔但太耐無食壽司🍣最後改左轉食壽司心大心細。今日假期前席到處都是人，食晚餐既地方都好爆場，今日差吾多9點先黎食都仲有大半人先剛吃晚餐，好彩有位坐坐低店員已送上熱茶望望餐牌都幾多野食揀揀左尼到招牌大卷，有成十幾款以上，因為得兩個人揀吾到好多，最後揀左一款。《三文魚炸軟殼蟹卷》$82切開分成8件超抵食壽司飯整得好好食，佢既卷既沙律醬同壽司底既燒汁可能夠多，三文魚同蟹子都好足料，最正係個炸軟殼蟹仲係保持住脆口同暖暖的之後我地再揀左2款壽司🍣一款係《厚切鰻魚壽司》鰻魚沒有腥味，鰻魚汁又夠多，成舊鰻魚帶到包住夠壽司飯好好食另外叫咗《火炙三文魚腩》尼個雖然都不錯但就無咩驚喜另外叫了一份《芒果蟹籽沙律》$48蟹籽超多不過芒果就得幾片，沙律醬好滿，青瓜絲又夠新鮮，撈埋食認真滋味又夠FRESH最後仲叫左《原板海膽炒飯》$128炒飯非常之乾身，飯雖然炒到一粒粒好靚仔但就食吾到海膽味，除左面果塊海膽刺身，感覺食緊普通炒飯好似浪費了個海膽唯一失望的一道菜。以壽司店黎講尼間壽司出色得黎又夠抵食不錯的平民壽司店

元朗將太，係元朗日本料理嘅老店，斷斷續續食咗八年，價錢唔係最平，但食物有一定水準，款式都多，每款都係水平之作，會有生蠔、池魚刺身等，比較出名係佢哋嘅自創卷物。今次兩個人食，4佰幾落樓。①炸芝士年糕可選擇燒/炸，小食都有伴碟不馬虎，上枱熱騰騰，細心每件剪開，容易入口上面仲有紫菜絲，加分②刺身組合細3件三文魚3件油甘魚3件原隻甜蝦食材新鮮，件件厚身，食落充滿滿足感一樣擺盆靚靚。另外將太刺身，可以半客一客叫，人少可以叫半客，非常貼心③泡菜牛肉鍋加烏冬天氣凍，食個鍋物暖粒粒，叫鍋物必加烏東，一上枱出曬煙香噴噴，一人一碗share食。④甜蛋、鰻魚壽司以前將太玉子係廚師整，近年變左叫貨款，略為扣分，但可以接受。鰻魚夠厚，但不突出～⑤龍卷有牛油果、炸蝦、飛魚子、一整條非常飽肚，每次必點（有不同款式）總結，有質素，服務👌，加茶收碟速度很快，支持小店！

元朗嘅日式餐廳多不勝數，以前最出名嘅肯定係田中、酒泉同埋一番，高檔貴價嘅就有鮨文。不過頭三間嘅質素越嚟越差，唔知係咪因為轉過手，所以都冇乜再去食。至於將太，食過幾次質素都可以維持得到喺高水準，佢嘅皇牌芒果卷真係幾好食，我差唔多每次去都會嗌嚟食。另外，佢嘅刺身都好新鮮，唔知出邊好似是但切啲鮮肉俾你咁樣，仲有佢嘅鰻魚炒飯同燒牛舌都值得推介！環境方面，事實上係會有啲迫，不過我就無乜所謂，唔係高級餐廳又唔會要求太高，最緊要價錢正常又好食

琴晚來了元朗呢間不太起眼既日本菜試試，佢就係［彩］同［過橋麵檔］附近 ，但原來佢係過江龍人氣食店！佢係屯門亦有分店。☺️ 佢店內都有新聞。對我黎講，呢個日本菜感覺上整體質素都唔錯，羊架幾香又淋，係我平時中意羊架既口味，個青口都好重芝士味，焗得幾好！然後個芒果卷入面既炸蝦仲脆，但個芒果醬就有d甜，未必人人喜歡☺️但係兩個人食我覺得就岩岩好 ，叫左呢3樣野都幾夠飽 ，眼見都好多一家大小黎食飯 ，價錢略貴，但味道都還好，可以一試😋

夜深人靜，約11點的時候，大部分餐廳也不做生意了，食晚飯的選擇變得很少, 特別是常常要OT的香港白領人士, 放工以後都已經沒飯食. 平時路過都不會發現這家店, 因為門面較平常, 位置也不起眼. 但當其他店舖都在這深夜時分關門了, 剩下的這家開了燈的店就像夜空中最光的星. 原來這家店的總店在加拿大, 而且營業了近10年.很高興看到火灸壽司套餐, 雖然我很喜歡火灸SUSHI, 不過這家店的SUSHI 偏細舊, 不能產生火灸和肥美魚生的化學作用. 明太子SALAD有很多明太子, 不過如果能多加點青瓜絲, 讓SALAD的份量看起來多一點, 令菜色更實惠, 提高食客滿足感. 由於青瓜絲太少, 做唔到一啖沙律一啖青瓜絲, 扣分!!!食完呢餐, 朝早有其他選擇的時候是不會選舉這家進餐.