Video
2-min walk from Exit J, Tsim Sha Tsui / East Tsim Sha Tsui MTR Station
continue reading
Introduction
The restaurant is spacious and with the floor-to-ceiling windows that can enjoy the views of Victoria Harbour. The restaurant specializes in authentic Sichuan cuisine, and well presented the essence of Sichuan cuisine in the aspect of mala, spicy and fresh.
continue reading
Opening Hours
Mon - Sun
12:00 - 17:30
18:00 - 22:30
Above information is for reference only. Please check details with the restaurant.
那天很多人，所以只能編配水吧的座位。雖然位置麻麻地未能睇到窗外的美景。但係都影響唔到食物嘅質素。辣子雞同埋酸菜魚都非常美味可口。員工雖然都非常忙碌但係都非常細心友善。喜歡食川菜的都可以試下。
continue reading
K11 Musea多好嘢食，真係係人都知，我以為多數都係西餐了得，但係原來呢度都有一間好出名嘅川菜，本身我以為呢間餐廳係打邊爐，但係原來佢係食川菜小菜的，今次就同朋友一齊嚟食囉位於較高樓層嘅佢，門面都幾有裝橫，係得呢度嘅，確實都係有一種高級嘅感覺我個人食呢啲新嘅餐廳，最鍾意就係叫套餐，因為唔需要自己煩，唔使逐樣諗食啲乜，所以我同朋友都揀咗套餐A，因為相對比較適合我哋，而且套餐內容都已經好豐富，基本上都已經好充足坐低之後，當然黎一壺茶先啦，我哋揀嘅係鐵觀音，水滾茶香，一路飲住等我哋嘅川菜嚟啦等緊啲川菜嚟嘅時候，我哋環顧四周，望到有一邊係窗口位位置，可以望住維港，今次冇被安排坐呢度，真係有啲可惜，如果望住維港，一路食川菜，箇中感覺應該真係冇得頂第一個先來嘅係鮮拆魚蓉羹，雖然我唔係好知乜嘢叫拆魚，但係佢呢個羹，飲落好舒服，當中好似包括翠玉瓜粒喺入面，大量先魚肉包含在內，飲落都幾有口感呢三個都係好好味嘅頭盤小食，分別係燒椒金錢肚，蒜汁秋葵琴 及 香菜拌豆乾，淨係睇到呢度，其實都見到佢整體嘅份量都已經好多我個人就覺得呢個秋葵最好食，因為蒜汁非常香濃，滲透每一條秋葵之餘，秋葵亦都非常有口感，林林地，但係食落都幾爽口，我就真係好鍾意啦之後嚟嘅，有呢味川菜非常著名嘅菜式，宮保雞丁，佢嘅味道帶有辣，食起嚟，有鑊氣，雞粒炒到非常香口，當中包括西芹及腰果等等嘅配料，全部都做得非常出色，味道非常平衡除咗啱啱嘅宮保雞丁，我哋仲見到有其他嘅小菜都上枱啦，最大碗嘅當然就係酸菜桂魚！另外仲有蔥爆鮮蝦頭，乾鍋手撕包菜同埋成都擔擔麵！成個賣相都已經非常吸引，基本上只係其中一兩道菜，都已經可以令到你好飽了成都擔擔麵，我同朋友都有一小碗，佢嘅味道非常香濃，上面鋪滿肉醋，佢呢個擔擔麵可以講係非常正宗，因為麵條非常有口感之餘，整體嘅味道都好平均，唔會太鹹，亦唔會太辣呢個鮮蝦球就不得了喇，除咗炒得非常有鑊氣，最主要係呢個蝦球真係大大粒，食落極有口感，令到你愛不釋手，就算飽，你都好願意將粒蝦球放落口！最後，就用呢個薑汁湯圓來做結尾，食到嚟最後呢個位，基本上你已經捧住個肚，因為真係好滿足，成個套餐內容非常豐富，冇可能食你唔飽！
continue reading
我同朋友近年都愛上咗食辣🌶，特別係麻辣，所以會專登搜羅邊度有川菜餐廳。呢日喺某App見到位於尖沙咀K11 Musea嘅「蜀客」有提供訂枱優惠😜，晚上八點半入座可享五折，咁鬼抵就一於試吓。餐廳環境好有氣派，燈光昏暗，部份座位望到海景🌃，而且呢度好似仲有包廂同室外區添。雖然成個格局好似好高檔咁，但食物定價其實唔係想像中咁貴，即使原價計算都一樣。水煮牛肉(半價$234)，餐廳現時做緊限時優惠🈹，凡八點半後入座，可以以半價點選酸菜桂魚(原價$428)或水煮肥牛(原價$468)。原價我覺得有少許貴，但半價後即刻變得抵食。水煮牛超大鍋，如果配飯食，四個人都夠呢。我本身擔心水煮菜式會好辣😳，皆因眼見紅湯上面佈滿辣椒籽，不過出奇地佢係多麻少辣，辣度介乎於微辣至小辣之間，並加入大量炒香咗嘅地道四川香料同花椒辣椒，令到味道好香濃，而又易入口。🥩牛肉採用咗美國安格斯肥牛，質素唔錯，肥瘦適中，肉質嫩滑多汁，牛味濃郁。另外，底部仲配以煙煙韌韌嘅粗薯粉同埋爽脆油麥菜一同索味，口感層次進一步提升。乾鍋手撕包菜($168)，佢比我嘅感覺其實即係回鍋肉，而食落其實亦都似🤣。包菜係指椰菜，以手撕成小片，配以芹菜同辣椒一齊炒，微微辣，而且估唔到仲帶有一浸孜然味，好香、好惹味。話明似回鍋肉，當然唔少得豬腩肉🐷，豬腩片既入味又搭調，但略嫌份量少咗啲。香辣雞軟骨($98)，🦴雞軟骨係大路菜式，中式小炒同日式串燒均常出現，不過蜀客嘅出品竟然能突圍而出。軟骨本身唔會太硬，亦無多餘嘅肉，而外層炸衣就炸得非常酥脆，薄得嚟又唔油，而且仲散發住陣陣辣香。但記得要盡快食用，因為都淋得快。頭抽珍菌($88)，呢個係素食菜式💚，菜式包含多種菇菌，例如有本菇、冬菇同杏鮑菇等。🍄雜菇以素豉油爆香，鹹香十足，而且難得係一款唔辣嘅菜式，所以可以順勢清清味蕾，換換口味。珍菌綿陽米粉($68)，我都係今日先知綿陽原來係四川嘅一個地方🇨🇳，當地流行著米粉呢道傳統美食。米粉可以揀配豬腸、牛肉或者珍菌，前兩款係配以辣湯，而菇呢款就走辣。🍜米粉幼細，口感綿滑，餸料有菇、蔥同黃豆等，味道OK，夠大碗，但就未算好有驚喜。成都擔擔麵($48)，呢個擔擔麵同平日食開嘅唔同🍜，因為佢並唔係湯麵，而係拌麵。再者，佢無乜花生醬或麻醬味，相反辣味就好強🥵。麵質亦相對稔身，所以整體被其他菜式比下去。四川冰粉($38)，冰粉晶瑩剔透，口感似果凍，甜度適中。我最欣賞嘅係佢加咗唔少果仁同水果乾一併食用🌰，而當中更有久違嘅山楂餅，除咗酸酸甜甜之外，佢更加係童年嘅味道👶🏻。酒釀湯丸($38)，甜湯配以三粒大湯圓不似預期，因為我希望佢係採用冇餡嘅小丸子🍡。甜湯富有糯米酒嘅香氣，暖胃，湯丸則係芝麻餡。餐廳會收取茶芥費($20/位)以及餐前小食費($25/碟)，由於太多嘢食，我哋都無乜理過碟小食。經理以外嘅店員們態度積極，不時主動為我哋添茶🍵。總括嚟講，蜀客嘅川菜盡顯麻辣鮮香精粹，啱哂我口味😋，我同朋友一致認為呢度絕對值得再次到訪，推介！主餐牌入面嘅菜式多到一個點，食三次都未必食得晒，而且佢仲提供多款套餐，人均三百幾蚊有成十道菜🥢。最後，我上載埋餐廳嘅餐牌以供參考，但平台只可上傳30張相片，所以未能盡錄。
continue reading
本來想去試一下感覺超值的午市3人套餐。最後竟然去左食晚餐我估大部份人去食川菜都會點酸菜魚或者水煮菜式。我都唔例外。首先我覺得酸菜魚的湯,可以再多點花椒的香味去平衡酸菜的咸味。另外，主角桂花魚的肉出奇地唔滑，是切得太厚的原故嗎？還是煮太久呢？因為份量頗多，然後點的其他菜式基本上同時間出現，所以酸菜魚食了一半就涼了。如果用微火熱著比較好同時上菜的有兩個前菜，蒜泥白肉同埋鲜椒海鮮滙。兩個冷盤都比較出色。海鮮滙係當晚我最like的菜色。簡單的辣椒加醬油就幫小海鲜提鲜。而白肉質地滑而搭配的醬料都好惹味，就係蒜味有點不足。最後一道菜乾煸四季豆，都炒得幾香口，唔會太咸。就是有點貴最後點了冰粉，老實講冇乜特別，又唔凍又唔覺得解辣。。後話：其實服務唔錯（會自動加茶)，餐廳裝潢都幾靚，又有維港景。不過臨走前好似見到不速之客在玻璃牆上百葉簾上走過，都是眼不見為乾淨
continue reading
首次到蜀客食酸菜魚，進入餐廳，就望到一個維港夜景，當天沒有煙霞，所以特別美麗。當天點了酸菜桂魚，鮮椒海鮮匯，胡椒牛肉，宮保雞丁，甜品擂沙湯丸。酸菜桂魚肉質好滑，口感一流，湯底沒有味精，食完沒有口乾；美中不足，酸菜過酸，有少少扣分，不過還是推薦大家。鮮椒海鮮匯一般般，雖然店員推薦。胡椒牛肉，肉嫩，配碟芽菜有驚喜，好新鮮，給我清晒，我朋友都大讚。宮保雞丁送飯一流，一口一口雞丁連飯扒進口，好野味，停唔到口。擂沙湯丸不試，也不可惜，沒有什麼特別。雖然有靚夜景，但因為枱跟枱中間，沒有間隔，所以比較嘈吵。可能加上屏風，會擋到餐廳較中間位置，看不到夜景吧。K11 吃晚飯，人均消費600左右，想再食有質素川菜，我會再去。
continue reading