漁川米線 (沙咀道)

Open Now

Now Closed

原本想到四坡坊的Eat with Me吃特色雞蛋仔，怎料鹹食雞蛋仔只在星期六日供應，只好另覓食點。漫無目的地在街上遊走，看見出名吃魚湯米線的漁川，自認愛吃米線的我從未吃過鮮魚湯米線，一於試試。魚類有黃花魚，馬友，大眼魚，黃腳立，三文魚扒，鯇魚等選擇。點了蕃茄黃花魚米線，湯底不夠蕃茄味，也沒特別鮮的魚味與想像中有出入。全條黃花魚放在米線上，另給一隻碟放魚骨。黃花魚不會太細條，頗多肉，放湯後皮也浸淋了。這間試過一次便好，下次嚐嚐其他魚湯米線，希望能改善我對魚湯米線的印象。

好耐無黎食了， 叫左個鮮茄雙菇米線，哈哈，個魚湯真係好好味，不知不覺會飲左好多，叫左個通菜 , 好大碟😁😁😁😁哈哈😋😋😋😋😋.............

見開咗咁耐，本人都係住荃灣好慚愧，竟然咁多米線呢間冇去過！好一於去試吓啦，入到去都幾爆人大概六點幾，記住嗰度卡位好迫嘅，好似我肥嘟嘟嘅入到去都有啲頂住頂住，成個餐牌基本上你 唔喜歡食魚嘅人入到去就可能有啲困難，因為大部份都真係全部係魚！同佢個名一樣係漁村酸菜大魚頭：正到無朋友，絕對冇任何腥味，只要一唔新鮮就會好聲但係佢一啲都冇所以應該真係好新鮮，酸菜又好味，個湯底真係冇得頂，飲埋豪仔蜆米線又係好新鮮，湯底又係唔使講嘢，再加埋因為有蜆更加甜冇沙嘅涼拌魚皮$33唔好食，因為佢唔係薑蔥豉油，佢純粹係魚皮跟住放啲芥辣豉油俾你點炸雞翼＄27有四隻普普通通中規中矩不過不失，唔試都唔可惜腐乳通菜嗰個腐乳醬好食因為甜甜的蠔油菜心好鮮甜菜心好靚間野一定要再去多幾次，唔怪得知咁鬼多人啦！

行過見呢間唔駛等位就入去試下，人多應該唔會差得去邊。星期六lunch時間好full，全場爆哂，好好彩我地係最後一張枱入，之後就開始有幾個人排隊，企出面咁熱又太陽曬住都有人等。自選米線同行朋友因為唔太好魚，所以揀左普通自選米線，但湯底都係魚湯底招牌米線（魚腩，魚腐，魚餅），$52碗粉好大碗，三款餸每款有兩件，魚腩好大件，呢個價錢都幾抵食，魚湯底好鮮味，再濃一啲就更好下次有機會會再encore，大大碗好抵食

今晚突然想食米線，無諗個行經多間有名的米線，都滿座了經既苦惱推理下，諗到依間魚湯米線。店內雖小，說真的，不要展望會坐得舒服，因晚市多人，每個人都要同陌生人坐哦。見到旁邊的人都食一整條魚加泡飯or米線，自問本人食魚技術勁淺，好怕有魚骨插到，所以今次就揀左店內牆壁相片中的南瓜木瓜鯇魚尾米線了魚湯感覺無咩味情，店家都豪不客氣地俾左食極都有既木瓜同南瓜，個人十分喜歡食木瓜同南瓜，店家都煮得淋淋的，值得1讚哦，魚尾無咩碎骨，對於食魚會5小心吉到既人嚟講，係1件好事，不過小編都係小心為上米線彈牙，湯內除了有魚尾外，仲有3塊鯇魚肉以40幾元既價錢，食到咁多魚，值哦而就揀左招牌米線，米線內都係真材實料，有2,3塊鯇魚喇，仲有魚腐同魚餅，都感覺到魚腐同魚餅係用真魚整既，可知道坊間有幾多無魚既魚蛋同魚餅嫁喇手打墨魚餅，都不錯哦，好彈牙，如果有埋原本甜甜地既醬仲好總括而言，40幾50元食到咁有魚既米線，抵丫！

本人係一個米線的忠實粉絲，基本上一個星期可以吃上兩至三次米線， 總之就係無湯不歡。 但平時幫襯的也是一些連鎖的米線店， 雖然辣度和配料可以任意選擇，但總會有吃膩的一天吧。 有一天和我一個好朋友到荃灣逛新之城附近的商場，突然想吃米線的衝動又發作。 就立刻上openrice 睇下有咩米線好食。 發現左一間標榜冇味精既魚湯米線，看見食評也不錯，就膽粗粗過去沙咀道那邊試試。幸好是下午茶時間，所以不用等位，但基本上這間餐廳可以說完全沒裝潢，就像一間有二三十年歷史的舊式茶餐廳一樣，頓時不敢抱太大期望。拿起餐牌後選了兩個招牌的魚湯米線，分別是鮮蕃茄黃花魚米線和黃腳立魚湯米線。 等了大約十五分鐘才上菜，可能是即叫即煮的關係吧。 我急不及待試一試那個黃花魚蕃茄湯。 想不到那麼驚喜。魚湯的魚味非常濃郁，但一點腥味也沒有，而且我敢肯定一點味精也沒有，因為新鮮食材的味道是味精取代不了的。 那種鮮味我忍不住連續喝了五六啖才停下來。到了要嚐嚐這個米線的主角黃花魚， 黃花魚是原條上的，店主好細心，每碗米線會為你提供一個吉碟，讓你可以把整條魚放在碟裏，而不影響你進食米線。 這條魚煮的時間剛好，肉質非常嫩滑，而且有輕輕

之前黎過食三文魚扒吾錯，之後見到有東星斑，但黎到話冇貨，今日黎到有當然試返個再多一個米線和菜，差不多200價錢都ok..最後我地2個仲要食吾晒添。但整體只屬一般。大眼雞勝瓜米線…係姐姐推介話今日大條，黎到堅條，以$75黎講幾抵食，魚湯濃郁而 米線滑溜，但勝瓜就麻麻地新鮮。東星斑蕃茄米線$88加飲品…一直想食黎左2次都話冇，今日終於碰到啦…肉質比心目中普通，魚味吾算十分濃，蕃茄可能太生所以魚湯偏淡而蕃茄味都偏弱。

Lunch食得太飽太heavy 收工想食得清清地去完outlet見漁川竟然唔洗等位就即刻今晚決定食佢啦睇下餐牌先 選擇多多鐘意食魚嘅人應該好興奮 因為可以獨霸成條魚 哈哈有選擇困難症嘅人都唔洗怕 因為有啲已經幫你配好嘅選擇鮮三文魚扒米線煎至金黃色嘅三文魚一啲都唔細份三文魚扒有有厚度 一啲都唔鯹瘦啲嘅位比較鞋口 帶肥嘅位置則有魚油較有魚香同軟滑頂瓜瓜黃腳𩶘米線條魚真係原條煎好再上碗 見到有煎過 但係可以再香口啲魚質較淋 我就岩食嘅不過鐘意食實肉嘅可能揀另一款魚會開心啲魚湯同上一碗有啲分別 唔只得魚味仲多左南瓜同木瓜嘅清甜 令到個湯更有層次感手打墨魚餅好厚切嘅墨魚餅 非常之彈牙感覺到係手打 誠意小店新鮮即叫即整 好熱好熱 上到枱即食會辣親咀下次再試下其他小食同款式好想試爽魚皮 見到其他人食好正

荃灣另一間被推崇的米線，每日lunch time都會滿座。據聞老闆每天3AM煲魚湯－以打造招牌魚湯米線－蜑家魚湯。惟我始終覺得奶白色的魚湯有點淡，同事說幾年前，魚湯是濃一點的，更重奶白色。必點的配料是－手打墨魚餅！！好足料，煎得香口！同事和我都好鐘意食！ 這店霸氣之處是可以點全條魚，原條上！不過lunch又總不會叫接近70元吧~如果想吃得清淡，健康一點這家是荃灣不二之選～！但我較重口味，通常也會走前一點，在同一條街吃麻辣刀削面呢：Ｐ

呢間野份量少，態度差，價錢貴，又難食！！完全唔值，好失望…譚x味道好過呢間多多聲…話就話魚湯米線，但湯底淡到一啲都食唔出，感覺似白水落鹽煮面咁，得鹹味冇鮮味！而且唔夠人手，員工掛住收錢等好耐都冇人落order，到幫我地落order果陣又落錯，食物經常上錯，俾左人地果份俾我地屋企人叫左個吉列豬扒米線，個吉列豬扒上到黎好似未熟咁，咬落去仲要“乾真真”，食左一舊已經唔想食落去另外環境細，繁忙時間可能會比較逼

第一次食呢間~諗住試碗蕃茄米線,叫3碗都唔送,我唯有落左Order再去店舖攞外賣。叫左一碗蕃茄湯泡飯,一碗蕃茄湯米線走青,同一碗清湯米線,等左成20分鐘拎到返公司先發現3碗都比左清湯走青個碗仲要多聰!一碗米線又變左做米粉燥爆之下打電話去問下點解會咁,點知比人罵返我轉頭,話我無講清楚!我打去order個時附近d同事都聽得好清楚我無落錯.今時今日咁既態度我唔會再有第二次囉!未食已經一肚氣!!!!!!

睇完網上的介紹，昨晚特意和女朋友走去一試，叫左兩碗米線和一碟祕製蝦餅。老實說米線不錯，但蝦餅內裏竟然發現藏有一條有如手指般長的膠，當場什麼胃口都沒有。不會再有下一次。

身邊的朋友對魚，一直都無咩好感，但我又非常愛吃魚！漁川米線一直都係我既最愛，因為可以快趣一個人食完走人，但價錢在米線界，不算便宜！餐牌上我選擇亦有很多，即使唔食原條魚，亦有很多選擇.餐廳每日都會貼出今日有咩新鮮魚選擇！我今日揀左黃花魚貪佢無咩骨，肉質較滑！侍應阿姐很細心，另外提供一隻碟比我裝魚骨當然我把碟用黎裝魚因為魚不算細條！把魚夾到碟上面 更易食（如果漁川能夠考慮魚另上，就更完美）湯底沒有味精，平時不喝米線湯的我，也把又白又香的魚湯飲曬，先離開店鋪題外話，另外$5 可以轉蕃茄魚湯底！味道更鮮甜

在荃灣搵食，實在很容易，全因這裡選擇多，高級餐廳，廉價小店，應有盡有。因為近日開得多聖誕派對，每次也大魚大肉，多雞少菜，今日想食清淡一點，所以就target佐魚湯泡飯。魚湯泡飯，「魚魚魚」是我的最愛，每次想起魚，也會想起這間老店，但今日沿途前往既時候，途經沙咀道，發現了這間同樣是以魚湯作主打的餐廳，決定一試。餐廳標榜用上新鮮魚80斤和火腿鮮豬骨去熬製而成，貨真價實。步進餐廳，座無虛席，下午1時午飯時間，已經座滿客人，生意很好呢，而座位上，我覺得是比「魚魚魚」好座既。由於餐廳人真的很多，所以設有最低消費，每人$16，合理。看看餐牌，選擇夠多，魚湯米線/泡飯是主打，另外也有飯餐可供選擇。新鮮丸類，水餃雲吞，相信也是附近街坊會買返屋企煮麵食既選擇。鯇魚腩泡飯 ($42)由於餐廳很多人，所以最後我決定叫外賣，返屋企食，泡飯沒有分湯上，所以湯已經被飯吸收了8成，裡面有3大塊鯇魚腩，豆卜，香菇，和蔥。鯇魚腩好好味，但係略嫌小骨比較多；魚湯已經和飯粒混成一體，魚湯味是有的，但味道不算很濃，而且食落有少少「鑊勞」味。鯇魚腩夠大塊，啖啖肉，感覺很好，但要小心少骨。總括來說，也是不錯，而且最少，可以食到鯇

又到星期六啦！又係賴生望穿秋水久違既拍拖日，唔知點解，就算係無化妝既屈小姐，都係咁靚女既！(睇尼賴生係時候驗驗眼啦) 係佢由小巴落車果一瞬間，賴生既世界又由黑白色變成七彩繽紛！今日好好天呀，所以賴生就挾持左自稱胖胖子既屈小姐去行元荃古道⋯係行之前，當然要餵飽左屈小姐先行啦（傳說胖胖子餓親的話，連身邊既人都食嫁）為左可以達到食好西+無咁肥+(懶)健康既效果，賴生約左屈小姐係荃灣漁川米線食Early Lunch!一黎可以滿足到愛食魚既我地，二黎可以滿足到(聲稱)減緊肥既我地 （偷偷地講你地知⋯減肥同食魚其實都係屈小姐傳染賴生嫁）由於我地2個都好懶，加上成條魚放係碗米線面好似好殘忍咁（君子遠庖?!）所以我地冇叫到原條東星班米線⋯我地叫左⋯⋯屈小姐之選 ： 三文魚扒蕃茄魚湯米線 （4星）$50+5- 三文魚扒輕輕煎過，外皮帶少脆，啖啖肉，好大舊好正！最重要係即叫即整！- 米線既配料有豆卜，芽菜同蔥，吸晒d湯食落好juicy好有味道- 可惜既係蕃茄魚湯2頭唔到岸⋯蕃茄味得少少，但冇乜魚湯味 （轉湯+5蚊嫁！）賴生之選 ： 酸辣魚湯招牌米線 （4.5星）$50+5- 招牌米線有2大舊鲩魚腩，2舊魚