川府宴 (Closed)

偶然會想食中菜，而中菜當中，最感興趣的就是川菜。朋友帶我去銅鑼灣的店，雖然係樓上店，但內裏裝修好夠排場。座位舒適而且闊落，牆上亦見到唔少獨特的擺設。隨意點左幾款小食，先來一個皮蛋豆腐，醬汁夠晒惹味。乾撈麵的蔥油好香，正好打定底，陣間就唔怕辣啦！主角上枱了！賣相超靚，好有心思。兩大件魚頭上鋪滿青色和紅色的辣椒粒、蔥花同蒜粒。又香又辣的配料同魚鮮味融合，又鮮又辣當中更帶少少酸，味道非常之有層次。毛血旺亦都係我最愛的食物之一。最鍾意佢又麻又辣的湯底，裏邊通常都會有齊晒我鍾意食的元素。呢間店的毛血旺非常足料，有約十種配料。蔬菜亦甚有看頭，有健康的秋葵。食得飽飽，最好再配一款中式甜品。紅糖冰粉冰涼解辣，確係唔錯。呢間店的冰粉仲加上杞子同埋山楂片，更添風味。

川菜,係中菜當中我最愛既菜式之一,而且唔會想過學煮,因為無論用料/辣椒/油/河鮮等等,都唔會容易搜羅,何況廣東人煮辣根本就係事倍功半,所以我情願出去嚐辣!近來見CWB開左間川府宴,標榜傳統川菜,所以滿心歡喜約三五知己去開餐! 不過今次就有意外"驚"(無喜)!打開餐牌,我差d以為去左酒店川菜館! 酸辣土豆絲$88??其一呢款係愛最愛的湘菜,屬唔屬川菜都係一個問題。其二我用少于$10都可以煮到既菜,我唔會用$100去食唔肯定係正宗的菜式。好啦,再諗下叫條正宗水煮魚啦,但見到要差唔多$500食條桂林魚,我真係說服唔到我自己囉!唯有再選其他啦,叫d普通川菜啦! 點知再望仲驚…麻婆豆腐$128??莫非四川空運到港的山水豆腐,食完識飛?我再次說服唔到自己叫!結果我意興闌珊,交返個波比朋友點菜：1st 紙包牛肉：朋友見台台都叫,應該係招牌菜,所以點左呢道! 上台既時候,賣相就一流,用玉扣紙包住,要切開來食,唔講以為食緊鹽焗雞添啊! 店員介紹個牛係安格斯黎架,肉質嫩滑! Well,個牛既質地幾好既,不過真心食唔出同旁邊辣椒有幾大關係。牛肉係多少吸左辣椒既辣,但得辣椒味無辣香! 講真唔明點解要紙包,鹽焗

友人很好, 知我喜歡去high tea, 故每逢長假期都會帶我去不同地方tea一tea, 聖誕假期去了淺水灣, 而今個復活節就去了尖沙咀, 仲要吃我最喜歡的抹茶。為了答謝她的悉心安排, 今晚輪到我請她吃飯作為答謝。知她一向喜歡吃川菜, 越麻越辣就越喜歡, 雖然我未必受得住, 但相信一定有所選擇, 不用擔心, 哈! 今晚又走到食肆雲集的登龍街, 還要上到25樓高層, 透過大型的半落地玻璃窗, 可看到夜景, 雖然我們到達的時間上早, 但食食下就有夜景啦!餐廳地方不算大, 只設有三張四至五人圓枱和五張四至六人方枱, 走入一點還有一間可容納十多人的獨立房, 地方雖小, 但環境舒適。內裏以紅色為主調, 掛了多個中國臉譜, 簡約平實, 但具代表性。餐簿的設計亦富中國色彩, 內裏設計簡簡單單, 但很清晰。分別有多款前菜、主菜、主食和數款特別推介。******************************等待上菜之際, 先吃贈送的餐前小吃醫醫肚, 不止花生咁簡單, 而是香辣芋片花生 ($0)。金黃的芋片 又薄又脆, 還有香脆的花生, 也沾上辣粉, 好滋味過癮 , 用來佐酒一流! 不過, 越吃越火辣,

我對川菜每次都有點卻步，主要原因也是來自自己不太能吃辣，但這次誤打誤撞跟著朋友來到川府宴，老實說，本來是有少許心知不妙的感覺，但是當看到菜單時，仍然有多款不辣的菜式，讓我也放心享受這一頓晚餐。 雞絲海蜇先來的是常見的前菜- 雞絲海蜇，清爽的口感叫人相當開胃。冰菜爽脆多水份的冰菜用上胡麻醬汁調味，作為前菜的菜式。 紙包牛肉紙包牛肉也是川菜獨特的菜式，這次我們也有嚐到川府宴的紙包牛肉。用一張紙包裹著牛肉，雖然這薄薄的一張紙在此，仍能有助鎖住牛肉的味親。當店員幫忙把張紙剪開時，辣香瞬間飄出，充湧著味蕾。 辣椒把牛肉都遮蓋著，撥開辣椒又有另一陣牛肉香味散出來。炸牛肉非常酥脆，帶著辣勁，一點都不感負荷。 手撕包心菜包心菜的外型有點像椰菜花，再跟五花腊肉炒在一起。而這碟菜沒有加入川菜的辣感，額外再帶點農村風味。在全部辣的菜式上，添上一份溫和。 然而在川府宴的晚市，很多人都選擇火鍋。我們吃了幾個小菜之後也是有點動搖，怕開鍋後又只吃得一、兩碟，最後取而代之的是老闆介紹的花彫藥膳醉羊湯。 一喝下去，朋友不約而同地說：「嘩，呢個好補啊！」藥膳材料十足，相當足料，叫人不禁添加之後再添加，相當推薦呢！

聽朋友說銅鑼灣開了一間很出色的四川菜，喜歡吃川菜的我當然不能錯過！！位置位於登龍街，就在時代廣場後面，非常方便！一進入餐廳，已經被它充滿中國風的裝潢吸引！地方骨致，座位舒服，而且餐廳裡面有一位置可作獨立房用，適合喜歡私人空間的朋友！菜色方面，可以點小菜或火鍋，而我和朋友們今晚就點了小菜！首先上冷盤，我們點了麻辣雞腎和雞絲海蜇，雞腎味道夠辣，而且口感軟，不會好硬好難咬！而海蜇的味道，麻油味比較突出，不過都夠辣，而且爽口又好味！再上主菜，當然要試水煮桂花魚！水煮魚的魚夠滑身，而且煮得好入味，又辣又夠麻！另外我還點了大大粒辣子雞，手撕包心菜，香肉干鍋花菜和泡椒安格斯牛柳！辣子雞的辣很特別，煮得夠乾身而且辣得很！手撕包心菜非常好吃！菜煮得入味，上面鋪了些少辣椒，算是比較清淡的一道菜！而香肉干鍋花菜其實就是椰菜花，這樣特別的煮法令椰菜花生色不少！泡椒安格斯牛柳則辣而味重，雖然辣，但都沒有蓋過牛肉的味道！最後我們一行四人吃得飽飽，埋單１３ＸＸ，每人大約３百—４百，而且每道菜份量都很大，晚餐來說算價錢公道！

這間位於銅鑼灣的川菜館地點很方便，走高檔格調，裝潢簡單舒服，枱與枱的距離很寬闊，坐得很舒適。前菜很香脆好味。夫妻肺片 牛𦟌和牛肚腍度適中，不會太辣，還帶點麻香，加上芝麻很香口。招牌大大粒辣子雞 辣椒的份量有點嚇人，但原來炸雞又不太辣，雞塊炸得脆鬆仍能保持嫩滑，是整晚我最喜愛的菜式。香肉炒花菜 花菜外型似椰菜花，但比較爽口，用香肉來炒幾香口，但有點油膩。担担麵 這個乾拌担担麵有別於一般京滬有湯的担担麵，肉碎香口花生味濃，但我還是喜歡有湯的味道會再濃一點。

就嚟出差，當然係想食好啲， 出去8日，由華北去華南， 食盡各省分中菜，但麻辣非常鬼佬能接受， 所以就決定係出差前食番餐川菜 ，預先慰勞自己， 首選銅鑼灣呢間冇劣評 嘅川府宴， 因為自己未試過，而且啲相望落去環境好好。一嚟做就畀咗個前菜小食，個芋片好好味，唔油膩， 比出面一般嘅 更有心思。冷盤我哋叫左拍手拍青瓜，夫妻肺片價錢唔平， 但勝在份量足。 青瓜爽脆，而且層層疊起， 每層中間均掃有辣醬辣油， 減少青瓜被油浸的肥膩咁。夫妻肺片係我經常會叫嘅川菜，因為同滷水係同一煮法，只是更重味一些，加了 辣椒油 ，花椒粉、滷水、芝麻、芹菜等。 而且佢堆到座山咁，分量算多。蔥爆肥牛， 牛肉好鮮嫩，問咗侍應， 佢地話係用安格斯牛肉，唔怪之得牛肉味重。 炒得有鑊氣，大蔥都好好食， 牛肉又唔會過熟。紅油抄手，皮做得好薄，晶瑩通透，而且廚師叫我哋要盡快食， 因為剛做起，冷卻後個皮就會冇咁滑， 果然個外皮係好幼滑， 而且每個雲吞上面都鋪上了均勻辣椒醬，好惹味。另外叫咗擔擔麵，但原來呢間擔擔麵係乾麵，比我想像有落差，覺得唔夠花生， 麻醬味，但定價錢38蚊係全晚最平的一項整體嚟講食物質素好,環境唔錯 ,可以enco

位於銅鑼灣登龍街永光中心25樓的川府宴，主打正宗川菜，愛四川菜的人士值得一試。餐廳在午飯時間也會提供午市套餐，價錢約40元。餐廳的裝潢以中式高尚格調為主，配上橙紅色的燈光，感覺高貴舒適。而且採用了小型梳化，用餐時坐得頗為舒適。餐廳的空間不算十分大，約有三十至四十個座位。首先來到的是擔擔麵，建議開動前先把配料攪拌均勻，配料為榨菜、肉碎、辣醬及花生。擔擔麵味道香辣，吃了一小口後，辣味會慢慢在舌頭擴散，持續一段時間。涼拌皮蛋豆腐來到了，滑豆腐的感覺涷冰冰，瞬間為舌頭降降溫，醬汁酸酸的夠開胃，再配上中間流心的皮蛋，作為前菜頗開胃。如果豆腐得小塊一點便好了。招牌大大粒辣子雞丁是個人頗喜愛的一款菜式，雞粒先炸香後，再和乾辣椒、香蔥、花椒等略炒。😋上桌時，已傳來陣陣香氣，雞丁炸得香口，味道先是辣辣的，之後舌頭便會有點麻麻的（應該是花椒的作用了）。在辣椒堆中尋找著雞丁的蹤影也是一件頗有趣的事情呢。最後來到的為香肉炒花菜，上桌時鍋還在滋滋響，發出誘人的香氣。靜候幾分鐘後，可以開動了。椰菜花吸收了醬汁，味道鹹香而清新。吃到最後，舌頭已經辣得沒有知覺了，不太能吃辣的朋友要考慮一下呀🙈

發現登籠街樓上鋪有間川菜館評價高，約埋家人去開餐先，訂定位實無走雞啦！ 準時到達安排圓枱，4個人也不會迫，可以坐得舒舒服服，店小二見我未齊人，主動提供茶同小食比我，之後還比埋Menu我參考下添，超好服務又細心。Menu用上中國風手工藝做的圖案，好有特式。其實除左火鍋還有小菜，見到都好吸引，不過今晚家人要食麻辣火鍋！雙拼鍋底麻辣牛小排鍋拼椰皇五指毛肚豬骨湯 奶白豬骨湯椰香好多似樹枝的五指毛肚粟米紅蘿蔔。紅辣辣麻辣代表，滾起香辣味已湧出，花椒香原材料有點嚇人但唔算好辣反而麻多些。起骨爽羊腩片起初驚見到呢碟咁肥同店員講話換瘦d, 但他們解釋呢部位每隻羊得好少，係爽口唔會肥膩，咁我碌一碌轉熟就食啦！ 入口後真係無肥膩嘅味道，反而有羊應有嘅羶同麻辣極合拍！ 阿根廷牛脷牛脷薄切可以食舌心的軟淋同邊位的彈牙部位，份量足，越嚼慢慢滲出牛味。花枝片，新鮮夠薄食時只需灼兩灼好鮮味一點都不韌，彈牙易咬。響鈴 來自自家師父用上靚腐皮自己做的，香濃豆味，放湯過一過吸引晒個湯底，外淋中心還脆脆地，正呀！ 紐西蘭鴨血同麻辣湯底係天生一對的，同埋店長話用上紐西蘭來貨價錢比普通香港為高但絕對有保證，提我們早點落鍋滾耐

一班朋友當中成日會交換飲食情報，他們每每食過覺得正會推介，今期銅鑼灣登籠街永光頂樓25/F, 有間高質，無論環境同食物都得到高度評價！即管訂位去嘆下先。門外已有大大個招牌，實唔會揾唔到。 齊人到達店內環境舒服，非一般火鍋店，其實他們也有小菜見到都好正咁，不過幾位朋友投票決定火鍋麻一麻佢喎，先上配料小食同茶和Menu比我們揀湯底同食物。可以選雙拼湯底麻辣牛小排鍋同椰皇五指毛肚豬骨鍋各半份先講麻辣好啱我呢個初哥，睇落有點擔心食唔到，但估唔到麻嘅感動比辣強，尤其喜愛鴨紅，他們menu寫明用上紐西蘭鴨血，仲話貴點都想客人食得安心的。不過真係好入味軟滑，口感非常正。一碟都好多件 $58 價錢合理 薄切牛脷 亦係呢道好正嘅，只需灼幾灼就已經可以食，食到牛味質地就脷心軟熟邊位有咬口。手切安格斯 $168肥瘦適中還有雲吞石紋理，入口嫩滑可能薄切但都有牛味。田園雜菜 $78好豐富，繼粟米，生菜，皇帝菜，A菜同旺菜多款。新鮮蔬菜火鍋必備！其他食材都好多選擇，自己就覺得黑柏葉同牛黃喉亦係爽口之選。

愛辣的我，今天跟朋友一同來吃川菜，賞賞麻辣的滋味！餐廳以黑色和紅色為主色，形成強烈對比！檣上以四川面譜作為裝飾，充滿住詭異的氣氛！再以射燈打落面譜，更顯神秘😆餐廳燈光比較昏暗，地方雖小，但環境不錯。枱與枱之間都有一些距離，給客人留有私隱度。餐廳約有7-8張枱左右，所以如果想來的朋友們，最好還是預先訂枱啊！餐廳主要以小食，小菜及火鍋為主！看到隔離枱點了火鍋也很想點，不過前兩天才吃完火鍋，還是點小菜好了！剛坐下，店員為我們送上的小吃擔擔麵 $38這擔擔麵是一人份量，雖然份量不多，但用來配以其他餸菜也是不錯之選！這擔擔麵的麵質很爽口，跟外面餐廳吃到的有點不同口感，辣道適中，配以少許肉碎、乾蔥、炸菜更添滋味！紙包牛肉 $288這紙包牛肉名附其實是「紙包」，剛上枱時用「紙包」包住，之後店員幫我們剪開它！打開的時候陣陣辣椒🌶️的香味！炸過的安格斯牛很酥脆，那陣陣的酥味及辣味瀰漫於整個口腔，但不算很辣，那辣味剛好，不會吃得很辛苦😆。雞絲涼麵 $46吃完紙包牛肉，雖然不是十分辣，但吃多了，嘴脣開始覺得有點麻，這個時候最適合來一個涼麵！這涼麵帶來涼快的感覺，麵質爽口，有點雞絲，雞絲嫩滑，配點芝麻更顯香口！

同朋友都好鍾意食辣成日都去唔同嘅地方搵吓辣野食所以就上網搵咗一間高級嘅銅鑼灣區川菜入到去燈光昏暗好有feel 而且裝修好有中國特色 見到都有好多遊客嚟食叫咗個酸辣土豆絲 酸酸地好開胃 而且土豆絲軟硬度適中 而且好入味之後仲有手撕包心菜 特登叫佢整辣啲所以好惹味 唔會好似平時啲炒菜咁淡叫咗個夫妻肺片啲料好足 而且好精緻而且都好夠辣然後就叫咗個毛血旺入面啲鴨血勁好食 仲有毛肚最後叫咗個雞絲涼麵涼麵好有咬口 仲要好夠辣勁嘅惹味

依排成日見啲朋友post上facebook食麻辣野，搞到我都口痕想食哈哈見銅鑼灣依間川府宴上網睇啲評價都唔差，就拉埋男朋友去試環境裝潢都幾唔錯，燈光設計令依度既氣氛好優雅，同我想像中好嘈雜既四川菜飯店好唔同，好適合同幾個朋友嚟傾計食飯~兩個人嚟食所以叫一個前菜二個主菜就已經好豐富了前菜揀咗海哲雞絲，海哲好爽彈，配上雞絲同青瓜撈埋食，好有麻油香，好開胃，海哲既份量都比得好多！之後先上既就係水煮東江魚~叫既時候揀咗要小辣，因為我本身都怕辣既不過依個真心好驚喜好推薦！因為啲魚滑到好似豆腐咁，夾起卻唔會散開，仲要好足料食極都仲有魚~而且個辣湯係會食到個口一陣陣咁發麻，但又唔會辣到咩味都食唔到，好出色！另外叫咗粒粒辣子雞，一嚟到見佢成碟紅色已經流曬口水。佢啲辣子雞係炸雞粒，每一粒面頭都有辣粉同其他調味，對比起頭先水煮魚嗰種麻辣，依個就偏向香辣多啲，係兩種唔同既辣，唔似出面嗰啲全部都同一隻味對於依度覺得最印象深刻既都係個水煮東江魚，下次帶朋友嚟食一定要再點過！

川府宴可謂最近吃過的川菜餐廳中最為滿意的一家。從地方、菜品款式到質量皆為上乘，而價格合理，性價比高。店面裝橫格調矜貴，坐位舒適寛敝，提供足夠的私人空間。招牌菜首選担担麵，特別在沒有湯底，近似熱拌，特制醬料帶有川菜必備的麻辣，配上香蔥花生和肉末，足夠香口。麵餅份量十足，沒有湯浸下更顯爽滑，確是與別不同，堪為招牌。另我個人最喜愛作冷盤的涼拌皮蛋豆腐，冰涼嫩滑的豆腐配上溫軟的皮蛋，淋上微辣醬汁，十分開胃。干鍋花菜中夾帶咸肉，亦是鑊氣十足，菜花處理得很干爽，保留了爽口的特點，和著辣椒爆炒，存於干鍋中，更是香脆。另一個要讚的是夫妻肺片，所謂是川菜必備，夫妻肺片以牛肉為主料，夾以牛腱，肥瘦相夾，簿切、爽嫩，而且份量很足，用料不吝。下層墊有青瓜絲口感更加豐富。本身是好魚之人，水煮魚是川菜必嘗，此份水煮東江魚可謂童叟無欺。魚片魚腩分量十足，魚片嫩滑，雖刺較多，但常言道多骨魚才份外鮮美，除了魚片還有大塊頭的魚腩，相對就少骨易入口，更為肥美。麻辣湯的口味適中，雖為川菜卻不會大咸大辣，恰度好處。整體來說，出品上乘，分量可觀，絕對物有所值。

原本想食拉麵，突然醒起晚上已經約咗朋友食日本嘢，故此馬上上網睇下附近有什麼食肆吸引，終於找到呢間只有好味笑臉讚好的川菜館，而且還有非繁忙時段優惠入到嚟呢間川菜館，裝修簡單舒服，很喜歡牆上掛上不同面譜，還有餐牌封面，富有中國色彩但不老套我哋兩個人叫左四款食物：1. 口水雞 - 比起平時食的味道較不麻辣，但醬料咸香，喜歡味濃的我很欣賞2. 雞絲涼麵 - 麵質爽口3. 健康彩虹菜 - 色香味全，最出色4. 爆寸香骨 - 好夠鑊氣，主角骨好味、配菜蔥也非常惹味唯其中一位服務員的服務態度欠佳