Simplylife The East The West (Closed)

大角咀以家Simplylife 唔似九龍塘，沙田果兩間咁多人，而且比較特別，唔止西餐，仲有泰國菜。平日黎比到，我地點泰國菜比較多，因為份量，價錢比質素都好，性價比高 今日點左三個菜，第一個係酸辣柚子沙律，柚子酸甜，配上脆脆既花生碎，加上辣辣地既sauce，好開胃我地仲點左辣肉碎炒飯，以個好有鑊氣，個飯炒得粒粒分明，加上帶微辣既肉碎，同豆角，上面既煎蛋仲係流心既添！每啖都好有層次，愈食愈好食，正！之後係幾乎每次黎都點既泰式燒雞。以個需時20分鐘，大家要耐心等等，但絕對值得！佢燒得皮脆，但肉仲係非常嫩滑，加上特配既sauce，好好食呀

今日過左黎大角咀呢邊，搵到呢間simplylife~一睇個餐牌，好似比其他的分店多少少野食，再望真d，其實都係熟口熟面既餐單，不過薄餅同沙律就多幾款咁點了個炸魚薯條同海鮮蕃茄自家製麵條，炸魚既賣相麻麻，薯條炸到好乾好燶，有點失望喔～之前係第二間食都好海鮮麵則有少少驚喜，除左有大塊魚外，仲有幾隻蝦，又有蜆，好唔錯自家製麵講真就普通左少少，無乜特別驚喜。餐飲跟橙茶，以往都有水果幾片，不過今次就無lu.雖然無水果片，味係夠的。整體而言，不過不失，都可以一試

同朋友約左好耐，終於夾到一日去食下午茶，睇完餐牌，兩個不約而同叫咗車打芝士煙肉牛肉漢堡。Tea set 以呢個份量嚟講，真係好飽,比lunch set 更抵食，但係味道就正正常常，無特別驚喜，如果要排隊我就未必會嚟食。

仲記得第一次去simply life係因爲朋友帶住個BB想坐得舒舒服服，所以就揀左尼間餐廳，當時係食tea, 比佢D蛋糕深深吸引。後來時不時同三五知己再黎食午餐或晚餐，星期天起身見咁好天氣，一於出去走走，食個靚lunch，係繁忙既生活裏幫自己叉叉電。Lunch 有West & East brunch揀，食物種類多選擇朋友叫左個生菜包，賣相不錯，不過略嫌肉碎有點un同多肥膏另外叫左個泰蒜香辣蝦膏炒通菜，通菜爽口，蝦膏香我就叫左個車打芝士煙肉牛肉漢堡，分量頗大，牛肉grill得好香口，加埋溶溶地既芝士，絕配。薯條鬆脆好味個burger set 可以揀餐湯或沙律，我就揀左甘筍湯，甜甜地幾好味最後叫埋杯香濃咖啡，完美的一餐。因為太飽無食到cake, 不過就咁睇都已經好吸引，麵包都係必吃之選，新鮮製造地方夠大，樓底高，天氣無咁熱，可以坐outdoor, 又係另一番風味

環境好relax, 食物多選擇（多國菜）！今次試了burger, 唔可以叫得好好未，但食物溫度夠熱。食物水平多年來keep倒，麵包又正。好似9:00pm後麵包有折！最差午餐就係冇得預早book，要walk in! 呢個問題我覺得要改善下😑😑高峰期要排隊等等等～不過好味的香港多數要排隊。我以前喜歡在奧海城三期有outdoor的歺廳食，但他們現在生意大受影響，因為嚴打，有outdoor但不能帶狗！（為何不能帶？😡😡😡）希望政府終有一天能放寛條例。

來跟男友吃Birthday brunch，原本是因為這品牌的蛋糕十分非常美味，打算給不太喜歡吃蛋糕的男友點上一份可能讓他驚喜的蛋糕，可惜飽得忘記了我點了是日餐湯加炸魚薯條及冰茶，男友則點了沙律、all day breakfast 和可樂，我的南瓜湯甜甜的，點著香脆可口的面包讓我很回味，炸魚略帶啤酒香，即使已放置了好一會仍保持溫度，最後飽得薯條吃不完給了男友吃，而男友的all day breakfast 雖然我沒嚐上一口，但嗅起來很香，兩旁的食客也有點all day，但男友也是吃不完，問他會不會不好吃，他說不是，只是不餓缺點是枱與枱之間很逼，同時有太多人在同空間；其次，我曾經在九龍塘分店喝過冰茶，印象中很好喝，但這裡的冰茶比較淡，喝到最後還略苦，可惜了

忽然好想食泰國菜，於是一家大細一行九人book左附近的simplylife east and west, 安排左一張真係好長的長檯，唔係咁方便食嘢同傾計，餐廳無適合6人以上的圓檯。初開業嘅時候幫襯過一次都係冇BB櫈提供，以為新開張所以未能夠提供到，但係後面有幾次幫襯都發覺冇，今次都係無。帶著小朋友來唔係咁方便，建議美心可以增加呢項設備。繁忙時間上菜速度都快，食物夠熱，泰式食物整體都比較辣，小朋友唔太適合，大人可以接受。前區員工好似比較少，需要服務就要叫多幾次啦。因為長檯太長關係，影左少少相☺️

中午去食 人1/2滿 有中西set menu, 價錢$100內 點左一中一西 大大碟 味道又可以喎 唔會得量無質素 沙律可以 可以汁太多 水汪汪 跟餐蘑菇湯 唔滑但成口蘑菇 餐飲西柚冰茶可以 中餐叫左手撕雞酸辣米粉 味道ok 但唔夠辣 另外套餐有個迷你小食拼盤 總括抵食夾大件

呢個年頭，由街坊超級市場，漸漸變成高級超級市場，連鎖麵包店，都演變成高級麵包店，正所謂一分錢一分貨，吃不慣平價的空氣麵包，被逼選擇了高級版的麵包，一個麵包$16，半碗飯價錢，真係唔食唔知米貴。⭐️chocolate almond cinnamon$16買左個朱古力杏仁玉桂卷，細細個已經要＄16 ,價錢一啲都唔可愛。但係聞落去已經有一大陣玉桂香，麵包好紮實，食落去有好濃烈嘅朱古力味，朱古力同玉桂好夾。麵包真係好香軟，出面有杏仁片，增加口感，鍾意食肉桂嘅朋友一定會好鍾意食。

因為入座時間係星期六既13:30，所以比較多人，等左大約10分鐘！奧海城既simplylife地方比較大，裝潢都有用心，好岩傾計！set lunch有好多選擇，「主食+沙拉+面包 = $118」，小妹點左個「黑松露磨菇意粉+沙拉+面包」！沙拉酸酸味味，非常開胃👍🏽配左硬既法包，有好豐富既麥味，因為個人鐘意硬面包，所以非常推薦！「黑松露磨菇意粉」有豐富既蘑菇👍🏽好香濃既芝士味同黑松露，每條意粉都好入味！食完有啲飽😂

Simplylife都食過好几次了。質素一向都可以。美心集團其下。之前食其他的只有西式。奧海城呢間叫simplylife the east the west。除左西式之外。仲有埋東南亞菜式。𣎴過西式選擇就小左。燒黑鱈魚。份量夠。有2大件。配菜多。燒得吾系話脆邊嗰款。但肉質juicy。泰式柚子沙律。其實全部系柚子。冇其他。大碟。茄香燒虎蝦手製扭紋粉。扭紋粉口感吾錯。煙靭有咬口。汁就溜左d了。泰式辣肉碎炒飯。好香口惹味。微辣。不過越食越咸。旦煎得好。馬拉盞芥蘭。咸左D。麵包系free既。出名西柚冰茶。原個西柚咁滯。足料。環境大。有outdoor位。間間都系open kitchen。環境衛生。醒目有訂位。有限時1小時30分鐘好短。但出品超快。

六點左右去到已有十個、八個人係到排隊，我哋沒有訂枱，都只是等了一陣便可以入座，餐廳都很大，但光線就偏暗一些。餐飲種類不算多，餐牌只有一張紙印底面的，不像其他泰國餐館咁一大本。而餐牌一面是西式餐類，一面是泰式。但通常見到d客人都是揀選東南亞美食多，而價錢方面亦不太貴，只是種類少咗d。越式春卷很香口，不油膩，餡抖足炸軟壳蟹必試，只是賣相欠佳，和斬得比較碎。串燒ok這燒雞是西餐套餐，跟餐有飲品、沙律或餐湯。飲品方面就麻麻，叫了個柚子凍飲，味很淡，沙律算新鮮。主菜方面唔錯，份量大，雞肉很嫩，配菜都好味。菠蘿海鮮炒飯就真係欠美觀，海鮮亦少，味道普通no good炸虾餅，又係必食之選擇，好香脆，饀料足有虾味咖哩麻麻，偏辣及無咩咖哩味，香草味太濃。這三款甜品蛋糕是在近門口的餅柜選擇的，餅柜有幾款蛋糕選擇，味道很好。如不喜歡蛋糕，餐牌上亦有些少甜品選擇。整體上美觀程度欠佳，沒有什麼配菜襯托，很簡單的上碟，喜歡相機食先就有點失望。

Sampler plate 雜錦拼盤 &Viet raw beef wif flat rice noodles in soup 越式生牛肉湯河粉個pho 湯底唔差🤔🤔至於哩個雜錦拼盤入面有 脆炸春卷，脆炸蟹鉗，豬肉碎蒸粉包，雞沙嗲，木瓜沙律，芒果素菜米紙卷。當然唔會人人都覺得入面每一款都好岩自己口味， 覺得好好食🤷🏻‍♀️我都唔會例外...所以我就簡我中意果幾款講講....雞沙嗲👍🏻👍🏻應該係話好難唔好食.... 雞串係其次， 佢最主要係個沙嗲醬😎😎唔會好辣， 所以唔食得辣既人都可以享受下沙嗲嘅滋味😋😋另外仲有個要提既係芒果素菜米紙卷💕冷盤健康又帶芒果既果香甜👍🏻👍🏻Cherry tomato wif mozzarella cheese pizza 車厘茄馬酥里拉芝士薄餅黎到哩間鋪頭， 點都一定要叫個pizza, 佢地店子嘅芝士薄餅冇得輸🤔🤔*最緊要嘅係，大件夾抵食😁

耐不耐就會來這間餐廳吃飯，因為媽咪喜歡這裡的菠蘿海鮮炒飯。每次來到，總是見到人龍排隊等位。我都唔明，點解唔打電話訂位呢? 醒目的我，當然會訂位啦! 我們三個人，六時準時來到，無須等位，直入!被安排坐靠窗口位，幾開揚，天還未黑。而餐桌，已點亮了燭光。望著 open kitchen，廚師們開始忙碌起來，為客人造晚餐了。食物、飲品選擇多，東、西 style 都有。媽咪至愛的菠蘿海鮮炒飯是必然之選，再叫了一客燒黑鱈魚和一客燒美國安格斯肉眼扒，飲品叫了一杯紅酒和一杯可樂，還叫了一客沙律大家 share。【餐包】這裡的麵包是按客人人數而送的，這個份量足夠我們三個人有餘。麵包比較煙韌有咬口，不過對上了年紀的媽咪嚟講，是有點難度。【餐飲】可樂是跟餐的，無需另加收費，而紅酒，就需要加$18。紅酒味道一般，下次不會再加錢叫紅酒來飲了。【沙律 $10】一大碗是日沙律，三人來 share 就剛剛好。香橙、青瓜、紅椒絲、生菜、橄欖油，配搭得唔錯，清新開胃。【菠蘿海鮮炒飯 $98】水準依然，用料足，媽咪必讚。【燒黑鱈魚 $198】黑鱈魚燒得火喉剛剛好，肉質嫩滑，入口即時化開，配上酸弄橄欖醬一起食，非常可口。薯蓉有

奶皇雪山、朱古力雪山係呢間既特色，好似唔係間間都會有！呢個朱古力雪山係可取既但桂圓杞子餐包就要blacklist , 杞子得2粒、桂圓一粒，仲要係空氣包同食落仲有朕怪味