盛記酒家

Open Now

Now Closed

同家人食晚飯想搵間交通方便又坐得舒服既中菜餐廳，就黎左盛記酒家。餐牌真係好多選擇，我地BOOK枱時訂左碟燒鵝皇，另外叫左幾個小菜。辣子雞煲好辣，雞好嫩滑，啲配料好入味。叉燒夠味肥瘦適中。通菜炒花姿就稍嫌通菜無乜味道。薑葱本地筒蠔煲既蠔大大隻，配料又係吸哂D汁，餸飯一流。瑤柱蛋白炒飯有炒底，粒粒分明，好食。

📍 盛記酒家 Sing Kee Restaurant🌍灣仔杜老誌道6號群策大廈3樓 3/F, Kwan Chart Tower, 6 Tonnochy Road, Wan Chai📝整體評分：８／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝一家傳統老字號既酒家，以前同屋企人黎過飲茶，但一直都未試過佢既夜市。⤫ 干撈海皇粉絲煲 ⤫＄１６８材料搭配左乾同鮮蝦同魷魚，令鮮味更香，粉絲好乾爽，唔會油笠笠，份量勁多，兩個人每人食三四碗！！！⤫ 香煎蓮藕餅 ⤫＄１４８外層煎得酥脆卻唔會乾柴，肉汁豐富，擺耐左都仲好乾爽不滴油，選用左新鮮蓮藕，質感脆嫩，不過用料好足，令肉既比例偏多，多返少少蓮藕就口感更佳~ ⤫ 椒鹽鮮魷 ⤫＄１４８鮮魷裹上薄薄炸漿，輕盈鬆脆，好少見到咁大件魷去炸！椒鹽就唔係好夠，但佢個香醋好特別，唔會好剌激，同炸物好夾。

聽講盛記轉過幾手，佢前身叫兜記。外面見到個牌都未換名，本身對佢期望唔太大，但佢既食物出奇咁好食。🐷馳名靚叉燒這是我食過最好食的叉燒，肉質嫩彈，肥瘦適中，均勻，不起筋，多汁，湛稱完美。🦪潮式蠔仔肉碎粥這是我食過最好食的蠔仔粥，蠔肉多，咬起上嚟蠔仔多汁而鮮。肉碎把粥提升到了另一層次，飯粒有咬口，美味非常。♨️蟹籽蒸燒賣啲燒賣粒粒都好足料好大粒，係高質既燒賣。♨️盛記小籠包小籠包很新鮮，湯汁都很美味。♨️流沙奶黃包這個奶黃包的包很鬆軟，而且奶黃奶味重，味道不俗。♨️盛記米網腸粉腸粉皮是屬於很厚的類別，而且米網很脆，蝦肉很彈牙，整體唔錯。♨️盛記生煎包呢個生煎包真係好好味，煎得好金黃鬆軟。外脆內軟的包比人感覺味道幾好。🥛大良雙皮奶新鮮製作，奶味香濃，都很滑漏，食到停唔到口。♨️養顏紅棗糕晶瑩剔透，堅韌彈牙，棗味香濃。呢個酒家食物質素好，可以再幫襯。#盛記酒家 #馳名靚叉燒 #潮式蠔仔肉碎粥 #蟹籽蒸燒賣 #盛記小籠包 #流沙奶黃包 #盛記米網腸粉 #盛記生煎包 #大良雙皮奶 #養顏紅棗糕

約咗位朋友在灣仔食晚飯聚舊，要搵一間可以慢慢坐的，他就提議不如去酒樓食晚飯吧。起碼一定坐得舒服，又不會限時。在朋友辦公室附近就有一間酒樓，我們看到盛記酒家似乎不錯，一於就先打去訂座。晚上來到時，見到有很多家庭聚會、工作聚餐，看來盛記都是灣仔區非常受歡迎的酒家之一。以酒樓來說，盛記的菜式選擇絕對是多不勝數。海鮮、燒味、小炒、湯類等等都應有盡有，多款食物種類，多種烹調方法，真的是花多眼亂。不過，店員非常貼心地會介紹一下是日精選，會問我們的口味推介小菜。● 1. 盛記燒鵝皇下庄店員推介這裡的燒鵝，我們本身都想食的，那就一於點個下庄。下庄就有鵝脾，盛記的燒鵝又滑又香，食落啖啖肉之餘又富濃郁的鵝肉香味，而且燒鵝都非常大隻，又夠油香，份量都夠3-4人食用。● 2. 椒鹽鮮魷除了燒味之外，又想嚐嚐酒樓的椒鹽鮮魷，看看盛記處理的椒鹽鮮魷又夠不夠水準。未食已經知道椒鹽鮮魷一定不會差的，原因是鮮魷夠大塊，口感果然一流，食到其爽口彈牙的感覺，而且不會過鹹，點少少喼汁就最好食。● 3. 啫啫雜菜煲食了濃味的主食之外，當然要叫個菜中和一下吧。但普通清菜又會有點悶，那就一於要個啫啫雜菜煲。盛記的啫啫雜菜煲非常足料

本身老公呢晚會喺呢頭放工，又想食中菜小炒煲類嗰啲，所以就諗起群策大廈。自己早到喺大堂見到有間「 盛記 」， 有諗前身係唔係兜記，不過無所謂啦，一於試試。菜式都幾多選擇，一般小炒$108-$148。眼見份量都幾足、幾大煲，所以諗住兩個人嗌兩個餸就得。點知阿爸阿媽忽然打嚟話喺附近，想一齊食飯！好彩呢度坐得算舒服唔迫夾，啲野食又幾惹味同大份，兩老應該會滿意，所以就忽忽然變成一枱4人嘅family dinner。芥醬 $4/位茶茗 $15/位白飯 $14/碗見啲煲熱辣辣好香，一次過叫咗三煲！《 南乳粗齋煲 💲118 》好多料，雪耳、雲耳、茄子、菇、西蘭花、菜同粉絲，全部索晒汁好正，啲汁好香濃惹味。《 鹹魚雞粒豆腐煲💲118 》啲豆腐粒炸過幾香口，入面就好滑，鹹魚雞粒都幾多，啖啖都食到。整體咸香又不過分。《 紅酒燴牛尾煲 💲148 》牛尾好多，啲肉好稔又帶點膠質好正，再加咗洋蔥同甘筍，夠稔入味，個醬汁更多份鮮甜～呢三個煲都好岩撈飯食！《 炸子雞半隻 💲148 》炸得雞皮好香脆，但啲肉又唔會乾同油，蘸喼汁好提味。4人4個餸加白飯已經飽到上心口，埋單都係$600有找。

每次經過呢條街度，都是來去匆匆，原來有間老字號酒家，都係今晚朋友請食飯先知道啲餸碟碟都勁大份量，好抵食‼️🔥「盛記招牌辣子雞煲」果然係招牌菜式未放上檯，已經係遠處聞到呢個雞煲嘅辣香味每舊辣椒都好有睇頭，食落仲好爽脆，唔會煮到淋哂啲雞炒得好香又入味，呢個雞煲真係極力推介🍲⭐️「椒鹽百福豆腐」炸衣夠薄，而且唔會甩皮甩骨每粒嘅大小好平均‼️「海蜇拌燻蹄」海蜇味道咸左啲～～🥦「濃湯海皇什菜煲」材料+份量簡直係完勝啲料一啲都唔hea，有龍躉片、珊瑚蚌、魷魚、蝦係魷魚口感比較韌左啲～～其他似全部都好好食食飽仲有糖水送㗎

今日由街坊介紹去左試盛記酒樓，發現點心比有集團式酒樓好食，店內同事亦充滿人情味，會再次幫襯。另外推介，叫左醉雞試，雞滑酒香。本身沖茶，茶葉都有啲誠實，唔洗自備茶包。

以舊式酒家來講：衞生算可以。杯杯碗碗碟碟沒有破損。筷子略為黐笠。各式各樣點心即叫即蒸覺實到位、精神。不得不讚山竹牛肉加入了檸檬草令口感大增。薑汁紅棗糕軟糯好好味。值得一試。

呢間酒樓比起灣仔區的酒樓點心款式多好多啊， 份量也好足夠！ 價錢完全唔貴， 服務員態度可以。 點心熱辣辣，我們最後食唔曬都要打包回公司食！ 建議大家預先訂位，walk in 未必有位的。

一句講晒大件夾抵食免開瓶費所以嗰度好多麻甩佬全場爆滿但係你話好唔好食呢？我覺得就一啲啲正常酒樓質素唔差嘅但係唔會特別有啲咩好驚艷如果喺嗰頭返工或者住喺附近我覺得一班人過嚟食飯OK嘅但係唔會話好味到食過返尋味咁但係如果想平，又想飽咁佢味道真係唔差我哋八個人叫咗差唔多17個餸菜，食唔晒，因為好鬼大同埋佢上菜超快食唔切啲餸又會凍哂搞到你趕頭趕命不過真係好啱麻甩佬我本身嚟呢度最想就係食龍仔蒜蓉蒸飯本身係配蟹嘅佢嗰日冇晒蟹俾我陪咗個龍蝦都係$388咁大籠味道好好蒜蓉返配上龍蝦嘅鮮味龍蝦都好食好多餸我哋都冇影到因為真係嚟得太快好急😂咕嚕肉我就覺得佢整得麻麻地椒鹽鮮油同粟米斑塊望落好似好厚粉但係食落佢入邊啲肉有幾嫩滑所以都唔錯個粉薄返啲會好啲燒鵝好食但係叉燒麻麻地係我唔鍾意嗰隻鹹鹹地有啲似泰興嗰款叉燒冇乜咬口薑蔥桶蠔，煎肉餅同埋海王粉絲煲就幾好食整體上不過不失中規中矩咁啦想經濟實惠又食得飽，又免開瓶費任飲唔嬲咁幾好選擇Around $500pp 8pax

於農曆新年前，於openrice 網站預訂了年初六1月27日星期五12時45分，與公司同事食開年飯。預訂了12位。當日我們於12時35分，早十分鐘已到達。但等到一時20分，尚未比到枱我們。因為已等了半個小時之久。下午還要上班。同事為免不知要再等多久。唯有各自找食。新年流流。開年飯就此不歡而散。此餐館不是第一次光顧。平時也是用openrice訂枱。從沒遇過這問題。其實如果餐館一早知道overbook，就應預早電話聯絡通知客人。等客人決定取消或繼續等。而不是叫客人久等。或是於節日期間，定明不可以openrice預約。今次不是兩三人，而是十二位。冇位開年飯叫人何去何從？為免再次出現尷尬場面。敬希貴餐館掌握好客人訂枱之數量及有關服務。

垃圾食店，服務態度非常惡劣，今日年初六，已訂枱12至1:30午膳，一行十人，坐在大約中庭位置，下單顯示12:06，第一輪點心12:35.差不多完成，加單，時間仍然充裕，一名女部長打扮工作人員竟然催促我們食完就走，表示大量人客等位，我們非常錯愕，20分鐘後再催促我們結帳，表示我們已經逗留太久，我們表達非常非常不滿，而該名女職員仍然極度囂張跟我們爭論，其時只大概12:56，一小時都未夠，令我們即時火起，大聲爭執，該女工作人員囂張表示她好清楚，因為是她負責帶我們入座，但事實上是另一人負責，其時對方仍然不罷休，態度惡劣，邊駡邊走。原本開開心心聚餐，竟然遇上如此惡劣情況，簡直是這食肆之恥，如果不是要寫評語，一粒星都不值

11號成功用openrice預留14號晚7：30去盛記團年，跟住就約好屋企人。點知13號晚突然被酒樓取消booking！我立即打去酒樓詢問，聽電話嘅女職員即刻話：“係呀！係我取消㗎！咁你咪打電話嚟囉！14號唔可以book 7：30喎！一係6：30，一係晏D；另外要預先落訂！”一聽火到嚟我話：“要改時間、要落訂，你可以打電話比我同我講，而唔係咁樣取消booking等我打電話嚟囉（我13號整晚都係太古城中心，電話唔會打唔通）！旺場日子訂枱有限制，你咪唔好比人用openrice 訂枱囉！點可以咁樣取消booking又唔call個客㗎！”呢個女職員竟然話：“無得block openrice訂場㗎！我唔識啦！你嚟教我啦！”本來想去食餐飯啫！點知仲慘過求佢咁，幾好食都唔想受呢D氣

我曾多次光顧這家盛記酒家，但今次給我們的印象十分差，無論食物質數及職員處理手法都有問題。當晚我們叫了一碟椒鹽鮮魷，上枱已見到炸粉又厚、兼且炸粉外層與鮮魷分離，食落更加冇乜椒鹽味，我們向洒家職員反映只想更換另一款正常菜式，當晚前後三個職員話會跟進，最後一個大家姐竟然由廚房拿着一樽椒鹽出來，話呢一碟鮮魷係佢哋酒家嘅特色做法，氣得我們沒有再進食這碟鮮魷便立即結賬離開。這碟鮮魷以$148這個價錢，做出咁嘅水平，真是不值！今次寫食評是希望給其他食客參考值不值得去光顧這家食店。值得一提就是收據上的九折並不是酒家給我們特別優惠，是因為酒家不想OpenRice收佢地每位$10人頭費，所以職員話OpenRice有九折，他們都可以給我們九折，又想有生意，但又做唔到應有嘅服務，下次仲有客人會幫襯咩？

今日星期六同阿媽飲茶 ,細佬搵左呢間盛記,屬於舊式酒樓,可能地點關係星期六去都唔洗等位👍整體食物質素幾好味燒賣 牛肉球 都大粒 鳳瓜 金錢肚 醬汁入味 腸粉 皮簿 餡料都足👍脆皮炸雲吞 外皮真係好脆 配埋個甜酸汁 正 同埋依家唔係好多酒樓有得食