盛記酒家

Open Now

Now Closed

食物味道不錯，乾炒牛河牛肉軟熟，入味，大大碟，乳豬皮脆肥瘦適中，乾撈海皇粉絲煲，乾身得嚟唔會令到個口好乾唔舒服咁，叉燒瘦得嚟唔係柴皮，唔會燒到過燶，籠仔金蒜蒸班腩飯，我食果舊比較多骨，不過都係大骨，肉質算滑，但蒜味唔出，一定要落豉油先有味，茶錢$15位，服務都ok，不過幫我哋裝湯果個男職員有啲論盡，倒瀉咗啲湯喺我朋友個袋度，不過整體來講都ok.#中式#洒樓#晚飯#dinner#飯局#魚#牛肉#牛河#灣仔#樓上#燒味

在盛記吃了數次晚飯，水準都維持得很好，但今次，……真的有少少失望😞。㸃了以下餸：蒜蓉粉絲蒸扇貝豉椒炒蟶子1/4乳豬豉油皇鵝腸咕嚕肉蒜蓉炒菜心杏汁白肺湯鹵水豬仔腳蒜蓉粉絲蒸扇貝上檯時，看上去很好吃，黃金炸蒜很香，粉絲很多，但吃到重點時，就十分失望，塊扇貝肉色澤灰暗，不是平時的白色，老公吃了一半即説，是急凍貨。同枱的親友的意見都一樣。😱😱😱🤦🏻‍♀️杏汁白肺湯足料，但好像帶有少少即沖杏仁粉的感覺🤔值得讚賞是豉椒炒蟶子，蟶子熟度剛好，鮮甜爽脆，獻汁略為鹹了少少，但不失為👍🏼鵝腸爽脆👍🏼，其他都是有水準菜餚。

同一個地址，最早是「兜記」、然後是「勝記」，早三年又轉了名字做「盛記」。睇返之前2015年寫「兜記」的食評，發現今日的「盛記」無論室內裝修、環境格局、主打菜式（燒乳豬），甚至現場人手即燒乳豬的位置佈局，同當年的「兜記」差不多一模一樣，只不過四周的裝修有少許改變。很懷念廚房班底、甚至酒樓老闆，根本一直是同一班人。當然，分別仍然有，而且相當明顯，一睇餐牌就知道：價錢貴了！乾隆醉雞（$88）以冷盤小食及餐廳的級數定位來說，這個價錢算偏貴。味道方面唔合格，欠缺花雕酒香。浸雞時間太長，雞皮太過光滑，口感唔夠爽滑；雞肉亦變得太過結實，欠缺嫩滑口感。唔知什麼原因，近年乳豬價錢越來越貴，不要說疫情關係影響貨運，即使疫情之前，坊間燒味店也不是經常有貨；幸好，仍然有部份港式廣東酒樓以即燒乳豬作為賣點，可以滿足饞嘴一族，「盛記」就是其中一間。即燒乳豬(半隻)（$548）已經唔算特別貴，星級食府的乳豬還可以貴50%或以上！但翻查2015年的「兜記」食評，當年¼隻只是$178；比較下來，原來同級餐廳的乳豬定價也升了接近60%！酒樓賣的乳豬同酒席乳豬差不多大小，一般來講，比燒味店乳豬較為細隻；所以，豬皮脂肪也減少

第一次來到這間位於灣仔舊式的酒樓，感覺良好👍枱與枱之間的距離也十分寬落，樓底又高傾談時也不會影響隔離枱，衛生和服務態度也好，食物質數不錯（有圖），整體裝修和環境都是值得的一讚，這些舊式酒樓真係不多了，所以有空要多點支持，滿意的一餐😋

呢間酒樓原來係灣仔都幾出名，好多附近地盤員工放工去食飯。朋友話呢間嘅燒乳豬出各，所以叫咗個例牌，加烤雞半隻，白灼蝦，雜菜煲。有一蘢包可以夾住乳豬嚟食，乳豬皮脆，有肉放底，真係幾出色嘅。烤雞都好食，食得出係啱啱烤好，雞肉都好滑。雜菜煲正正常常。蝦好正，新鮮，彈牙，鮮甜。酒樓環境都幾舊下，用餐當日係星期五，酒樓好爆，人多都幾噪，不過食物唔錯，下次去試吓其他菜式。

我今天去盛記食肉絲炒麵.幾好食, 夠我一個人食.價錢: 港幣五十元.茶錢: 十四元, 另加一服務.總共要: 港幣 八十元.偶爾一餐, 也無方.   下一次, 我會試點心.  到時告訴大家.

我今天去了盛記吃點心.揀了: 1.) 蝦蛟                2.) 叉燒腸粉.1,) 蝦蛟, (有點霖)2,) 叉燒腸粉, 好最後:  他們送了甜品: 綠豆沙.  總共: 港幣 六十八元.

我今天決定去試下灣仔盛記,我今天叫了心想的- XO 醬海皇炒飯.  等了大約十七分鐘, 終於來了飯.我立即試一口, 蝦好大隻.  但飯有些個別飯粒比較硬, 可能炒得耐.  炒飯好大碟.   一個人也不能吃完.  總共要港幣:  一百五十七元正.   

價錢偏貴，外賣盒雖大，食物份量頗少，乳豬略貴，但味道不錯，豬皮脆口，野菌花膠豆腐，豆腐滑，有甜醬味，頗特別，小菜一口牛，牛肉沒有牛肉味，只有梳打粉味，劣，失望。

盛記是其中一間我常去的酒樓, 招牌菜是乳豬, 我已食過很多次, 無論是外賣還是堂食, 都不會令人失望。 之前我有朋友店舖開張, 我在盛記買了一隻乳豬去祝賀, 因為有拜神儀式, 所以我們吃時, 乳豬已經放了數小時, 雖然已經不熱了, 但乳豬皮仍是脆的, 大家都讚乳豬好食。除了招牌乳豬, 盛記其他小菜都非常有水準, 還有老火杏汁豬肺湯 (訂位時要預留), 菜式價格亦很合理, 而且盛記不收開瓶費, 所以是我們這些喜歡bring my own wine的人的首選! 😊

追評做節前幾天的星期六，諗住試下以前兜記，全酒家爆滿，無冷氣，無氣抖，坐位擠迫。預訂乳豬其實是中豬，又唔好食。粉絲㷛未夠㷛好就上菜，莧菜咬唔開。未食完就叫我哋埋單，訂位時無話要早交枱，其實只吃咗不多於一個半鐘。無一碟餸好吃，價錢比其他的貴很多。

呢度既乳豬真心好食，咁就帶家中長者試吓啦。食物質素係好既，乳豬真係又脆又香口；馬拉糕亦做得好食；仲叫咗第啲點心，全部即叫即做 ，係吾錯嘅。樓面服務都ok,唯獨門口埋單阿姐超無禮貌，問一句可用八達通埋單（可用咗消費卷嘛）竟換來一句悔氣回應超大聲無之餘再不忘大大聲教訓客人「你好check清楚張單，俾咗錢無得退」究竟發生乜事，真的莫名奇妙。高質食物低質服務，其實吾係高級餐廳都吾會期待乜嘢高質服務，但吾駛俾說話同面色個客掛，食餐飯啫！

是咁的，一家比較老派嘅廣東菜館，有一陣古舊味，唔會坐滿，亦唔會有優質服務。但不要覺得係中咗伏，因為食物確係有驚喜，經濟實惠，絕對係超值🤭———————————————————————————🍽香煎蓮藕餅💬手工菜必試，如果有呢款多數都會叫，香口嘢，混入豬肉煎至香脆，有水準☺️.🍽乾隆醉雞🐓💬賣相感覺好似麻麻，但嗒落又叫滋味，連骨都滲透花雕酒香，簡單而隆重☺️.🍽椒鹽豆腐粒💬皮脆內嫩都係唯一嘅結果，否則都唔會合格，乾身而不油膩，絕對做得到☺️.🍽菠蘿🍍咕嚕肉💬呢一味又係考牌戰，如果太多粉會好實，如果太多油亦會影響到上汁同感，賣相已經知道幾有質素，不容置疑☺️.🍽啫啫芥蘭煲🥬💬以前踎大牌檔，夠鑊氣又有風味，買少見少，「啫啫煲」絕對係勾起回憶，加入肉末炸蒜，成件事提升咗，煲仔嘅溫度亦很重要‼️.🍽干撈海皇粉絲煲💬超級乾身，粉絲唔會黏埋，有蝦乾、魷魚🦑等餸料，代替飽肚嘅白飯，更滿足😋

很旺全場爆滿已訂位都要等（我食飯很早 枱是有的 等是因為接待姐姐一人處理20人 太亂太忙 熟客又多 唔得閒理我）口位窄窄都有20人等候坐在最近門口位5人坐4人枱咁迫朋友右手頂住後面雙人枱張嘅椅背對方啲頭髮掃响佢手背後面雙人枱果位朋友仔仲要窄到側住身坐更嚴重的是沒冷氣（一絲都感受唔到）同唔好食結果沒食完就走燒鵝半隻 份量足 肥而不脆 件件肥膏足半cm厚鵝掌翼 正常上湯魚肚白菜仔 魚肚還是硬硬地醉雞 沒酒味 像一碟嚡嚡的凍雞因為熱到呼吸唔到前菜和燒鵝未食完就走咗

一行八人到盛記飲茶, 叫了多款點心&小食, 連加一服務費都係$999, 價錢比其他連鎖酒樓飲茶較便宜. 訂座可在Open Rice訂位, 非常方便. 不過交通工具以私家車, 巴士, 電車落車行至店舖較搭港鐵近. 餐枱距離比較密. 服務質素都可以. 另外以下各類食物質素都不錯, 可以再回頭或者可試食晚餐小菜類😋煎炸類:香煎蘿蔔糕, 蜂巢芋角, 芋絲春卷, 家鄉鹹水角&椒鹽魷魚鬚蒸點類:山竹牛肉球, 蟹籽蒸燒賣, 潮州粉果, 野菌蒸粉果, 薑蔥牛柏葉, 流沙奶黃包, 籠仔馬拉糕, 蜜味叉燒腸粉&香茜牛肉腸粉小食&粉麵類:紅燒BB乳鴿, 干煸四季豆, 麻辣豬肚絲, 蜆蚧鯪魚球&豉油皇銀芽炒麵