盛記酒家

Open Now

Now Closed

已惠顧 這間酒家 不下數次了 之前都是 午市來吃 點心 較傳統的款式 食材新鮮 全部即叫 即蒸 即炸 即焗 口味出色 吃過都讓人回味 讚！👍👍這晚和家人 吃飯 再次來到盛記 吃他們的小炒 亦試到 店家名物 脆皮即燒乳豬 🐖🐖乳豬皮酥脆 配上貝殼餅吃 皮下亦沒多少脂肪 肉味濃郁 😋😋脆皮乳豬 好吃是 意料中事 但整晚 最讓人驚喜的 竟然是 梅菜蒸菜心 🥬🥬荷葉舖籠底 揀選條條 大小適中 新鮮脆嫩 菜芯 再擺上 切粒狀的梅菜 蒸的時間 恰到好處 灑上豉熟油 味道讓人感到意外 的好吃 而且菜芯沒有渣 🥰🥰干撈海皇粉絲㷛 亦是整晚 最喜歡的三名 粉絲好入口 不過咸 亦不太濕 或太乾 也沒有太油 汁料掛在粉絲上 剛剛好 味道也超正 粉量亦超足 但都給吃光光 😋😋還點了 菠蘿咕嚕肉 啖啖肉 酸甜汁完美沾上 好吃椒鹽白飯魚 鮮魷吃太多 竟然餐牌上有 白飯魚 炸起熱辣辣 脆漿薄薄的 吃得到的 香酥脆感 正呀！脆皮燒乳鴿 外皮香脆 水準之作 🦆🦆另要了兩款小吃 🥢🥢沙姜雞腳 椒鹽豆腐粒 小吃也絕不欺場 同樣出色 味美 👍👍最後店家送了 海帶綠豆沙 完美句號！🥣🥣不得不說 每碟份量非常足 七人吃八道菜

I’ll definitely be coming back. I visited a fair share of dim sum joints and this restaurant exceeded my expectations. It’s very “ traditional”/ local and gets rather busy! Ordered the crispy noodles with seafood and meat and that was tasty; the traditional dim sum dishes were all pretty large in size and also very tasty. If you’re looking for an authentic, tasty and not too expensive dim sum option, Sing Kee is a go-to.

邪惡指數:🐽🐽🐽好食指數:🙆🏻‍♀️🙆🏻‍♀️🙆🏻‍♀️🙆🏻‍♀️難得夾到四個人就梗係食啲平時少啲食嘅嘢啦- 中菜！先講吓有咩正啦💁🏻‍♀️⭕️唔知有冇人同我一樣食中餐都一定要叫咕嚕肉呢？我想講佢哋嘅咕嚕肉正喎，肥瘦適中，甜酸未調得啱啱好，份量大所以絕對可以食完一舊接一舊。⭕️佢嘅香煎蓮藕餅都好有驚喜，煎得香口之餘唔會過鹹，juicy又爽口，完全唔覺得膩。⭕️當然都有叫佢哋出名嘅即叫即燒乳豬，個皮絕對係超鬆脆，加埋啲豬油香，出色👏🏻仲有我想講佢隻碟係超級熱，呢間價錢相宜嘅酒樓做到呢一點值得欣賞。⭕️盛記小炒皇係嗰度啲姐姐推介嘅，我見每一枱都會嗌，試左就明白點解。韭菜加埋啲炸魷魚蝦乾菜脯腰果等等配料，少少辣香口惹味。🐽表示係滿足嘅一餐！整體黎講佢啲嘢食絕對有鑊氣惹味又大份，上菜速度好快，全部都熱辣辣咁上👍🏻仲唔收開瓶費可以自己帶酒水🍷🥂不過都要manage返expectation - 佢絕對唔係一間講求裝修環境嘅酒樓，反而係嗰種舊式好熱鬧嗰種💁🏻‍♀️一去到我哋絕對係拉低左平均年齡，雖然一開始有少少格格不入嘅感覺，不過同嗰度嘅姐姐又吹到幾句水，仲送糖水添🙌🏻。

無意中穩到呢間，老人家喜歡中菜，有大排檔既窩氣，有酒樓既環境，不錯的選擇。招牌即燒乳豬，味道一般，仲有少少濃，可能母親節忙，唔夠人手，比較倉促，個乳豬有少少失望，其他菜式都不失水準。

4人食2至3人套餐己好足夠，一人$104。菜式不錯，點心新鮮熱辣，肉絲炒麵炸得脆卜卜，份量也不少，菜肉包好讚，熱辣辣，包也很軟熟。麻辣豬肚絲就唔夠辣，海鮮羹加點醋一流最後還有甜品紫米露送👍

呢間位於灣仔杜老誌道6號群策大廈3樓嘅盛記酒家，平時經過呢間酒樓，以為都係普通過好普通嘅酒樓，今日同朋友去試，原來比想像中好好多，點心種類繁多，味道亦很好，碟頭都幾大碟，環境坐得很舒服。d餐也很特色，好靚鮮蝦腸粉，甘樣罷法，感覺好大碟雞絲春卷，很脆口咖喱鮮魷、鳳爪、蝦餃、菜苗餃，都好味，皮薄喊靚😋XO 醬煎蘿蔔糕，呢個一定要讚👍🏻，大碟，好味😍，一定要食嘅點心山竹牛肉球，牛肉唔會一pat 野甘，用料十足重有甜品送，紅豆沙，正🙏🏻

燒鵝   2.5/5分可能是晚上的關係,燒鵝通常在日間就準備好,所以放到晚上會不夠脆及味道欠佳~肉質比較普通~小炒皇  4/5分朋友推介的必點小菜,份量超級多,配酒飲一流,最喜歡是炒得又熱又香,確實難得。腰果配椒鹽豆腐   4.5/5分這道是為了再飲酒而叫的小菜,但卻意想不到。加了七味粉的腰果超級好食,椒鹽豆腐切成細粒正方形,內嫩外脆,太高質的小菜!揚州炒飯  5/5分吃不完打包回家做午餐的炒飯,絲苗白米粒粒分明,就算相隔一天依然可口,惟一可惜沒有蝦呢,但卻值得滿分~今次因為朋友生日的原因來到這間灣仔的酒樓,卻意外吃到相當有穫氣的小炒,價格中上(不記得了),但每碟都值得,配酒更是一絕,有機會可以再來品嚐~

啲名未必全對，大慨點左1)乳豬例牌-本人對乳豬一向麻麻，家人話好食2)紅酒牛尾煲-勁好味，牛尾好淋入味，驚喜係連啲Carrot都超好味。3)龍蝦粉絲乾撈煲-炒得好乾身，龍蝦足料，又係太好味啦4)蟹蛋白薑Garlic蒸飯-睇個名就知，啲飯香到呀，都係好好味5)口水雞-夠嫩-入味，少麻辣，好味6)滷水豬仔腳-好淋，滷水味少左啲。7)例湯-唔多味精，抵飲下次會再試其他，咖哩牛坑腩煲，酸悔骨，芝麻雞(要早一日預訂)，因為見到人地碟餸好靚侍應服務態度友善，性價比高!

原本諗住去星記 點知佢暫停五月所以而家諗住試吓兜記好似好多好食評咁去到招呼都可以但每碟餸差唔多等成20度半個鐘今晚點左鮑魚、聖子、鵝腸、乳豬例牌但係對隔離枱招呼10分殷勤可能我哋並不是老客戶 但味道亦都很一般如果你比我揀灣仔酒樓第一間揀溢新第二間喜萬年第三間星記

一向對傳統有返咁上下歷史既舊式酒樓有種情意結，灣仔返工咁耐對盛記耳有所聞，今晚終於有機會黎試下佢個招牌乳豬。川辣口水雞 (小) ($68)雖然叫左細份，但都足有半隻雞，大大塊好多肉。 口水雞調味好正宗，香酥麻辣好過癮，雞肉亦嫩口有雞味，超值。盛記即燒乳豬 1/4隻 ($198)食過唔少老牌酒樓既馳名乳豬，好多時夠脆但太咸，所以保守少少只叫1/4隻，結果一路食一路後悔。 乳豬鬆脆甘口就唔在講，最正係咸淡岩岩好，附上既刈包我冇掂過，空口食都唔會油膩，直接原塊啪入口，起碼要叫半隻先夠。薑蔥美國桶蠔煲 ($228)美國桶蠔炸過之後用砵酒、薑蔥焗，入口真係香到爆。 桶蠔本身有半個拳頭咁大，肥嘟嘟夠鮮味，真係冇可能唔好食。上湯龍蝦伊麵 ($298)可能珠玉在前，雖然龍蝦夠新鮮，相比之下呢味就比較平凡，炸粉略嫌有點厚，但都做到一般酒樓水平。值得一讚座位好闊落，兩個人坐一張細圓台，岩哂成晚慢慢傾計，店員招呼亦不錯，同屋企人黎食岩哂。

I ate a lunch on 26-1-2020 on 1:45 pm.  I ordered three Dim Sum : (蝦蛟, 燒賣, 叉燒腸粉), 章魚雞粒抄飯, It needs totally HK$ 256.  It included +20 per cent due to Chinese New Year Festival.The three Dim Sum Is very good, the Fried Rice is good also.  The environment is congested, the table is small.It overall is good to eat a lunch there.  The price is still cheap even ot needs + 20 per cent increase. 

今日去左灣仔呢間盛記酒家食團年飯！屋企人話專登揀呢一間，因為呢度有即燒乳豬食！！而且乳豬可以唔駛叫哂全隻，而係可以揀全隻、一隻或者四份一隻都得！我地一家四口叫左一份盛記即燒乳豬 1/4隻（$198)四份一隻既即燒乳豬有八大件，份量就岩岩好。乳豬皮超香脆，不得了。另外又點左份足料老火靚湯（2-4位用）（$128)今晚既湯係粉葛湯，湯勁足料，所有湯渣都會上埋檯！另外啲湯都應該無落味精，非常鮮甜。而且雖然係2-3 位用，但其實可以分到大約6-7碗！所以我地四個人都好夠！其他小菜都幾好味，價錢中等，但份量偏多！下次再同屋企人食飯都會再黎！

團年飯係中國農曆新年既傳統習俗，除夕夜一家人齊齊整整，聚埋一齊去酒樓食餐飯。今年屋企人就book 左灣仔呢間盛記酒家。簡單介紹下幾個餸啫啫芥蘭煲（$98)芥蘭煲既芥蘭鮮嫩，味道帶微辣，不過唔算油膩，芥蘭菜莖口感爽脆！而且侍應將啫啫芥蘭煲上檯既時候仲會將個啫啫芥蘭煲快炒幾下，香氣洋溢！我仲偷聽到隔離檯都即刻話要加個啫啫芥蘭煲蒜片牛柳粒（$88)牛柳份量比預期中多，牛柳口感夠淋，有牛味！最有驚喜既係有雜菌同埋啲蒜片都勁香勁好味！最後仲有綠豆沙送，正！泊車免費，開瓶費都唔駛！依家都好難得！

中菜一定是各家庭中的老人家的最愛，中菜的烹調方法也十分之博大精深，各式各樣十分考驗廚師的技術，經朋友介紹之下，來到了這食店嘗試一下正宗的中菜.手拍的青瓜十分之爽口，加上醬汁也是自家製的十分之香濃好味道.啫啫雞煲十分之有鑊氣，上枱時也是熱紅紅的十分之有水準,加上雞件也十分之香滑.另一個港人的最愛就是乾炒牛河，十分之有鑊氣，牛肉的份量也十分之多，牛肉的肉汁充滿了河粉的身上，加上十分之乾身水準之作.這個上湯白菜也十分清淡好味道.

椒鹽白飯魚大大碟, 脆漿唔厚, 夠香脆, 夠鬆化, 而且唔會炸到好油膩, 表面有撤上椒鹽, 好味 !!雞油炒豆苗份量超多, 雞油經爆香後, 散有陣陣香味, 放入幾吸油嘅豆苗, 令豆苗食起黎更加香滑脆嫩 !!乾撈龍蝦粉絲煲即劏生猛龍蝦經走油後再爆香, 肉質非常鮮甜, 而且夠晒爽脆, 粉絲吸收左龍蝦嘅湯汁, 仲有啖啖蒜香味｡ 呢款菜色雖然味濃, 但超級惹味 !!西洋菜老火湯Order 左 2-3 人份量, 每人起碼都可以飲到 3 碗｡ 用料十足, 西洋菜超多, 加入瘦肉一齊煲, 味較清甜｡