燒味滷師 (大廈街)

Open Now

Now Closed

超性價比高的燒味飯，如果你是兩餸飯迷，你就一定會喜歡他的燒味，除有單點還可以兩點，簡直是糧尾恩物，論價錢是無得輸，如果想晚飯加料，又可以試一試飯盒好唔好味先，先再決定加料，或者在馬埸日的時候買一個飯先試吓口味如可，當贏馬時贏咗錢加料就第一時間就想起滷師了，他給予你力量而增加了運氣。除了燒味，還有冷點給你們加料。他的最大優點就係可揸車泊車在門口，加料外賣，但他的最大缺點就是很多人沒有得排隊要等很久先等待到招呼！

我媽媽今日買左半隻燒鵝，師傅趁媽媽拎錢不為意換走鵝髀，回家打開才發現鵝髀的色澤同肉質明顯同其他肉唔同，再次回到鋪頭向師傅詢問，師傅死口不認。冇諗過做街坊生意都咁唔老實，好失望。

路過大窩口這分店，買了一盒燻蹄海蜇$36，當時姐姐話要入去裡面拎出嚟，奇怪無放出嚟，但算了都買左。 返到屋企食燻蹄臭到要吐出嚟，唔會再幫襯。原來都有幾間分店，但一次就夠。

我是荃灣街坊都幫襯呢間鋪頭買燒鵝數次，每次都買半隻。買之前問阿姐，個鵝頭和頸是否比番一半，佢話一定比返畀埋我，斬嗰個老師傅喺度眼望望鬼鬼鼠鼠，原來偷走鵝頭同埋頸。佢唔只一次，街坊生意咁唔老實。

第一個就留意到佢地嘅店舖衛生情況，真係好乾淨整潔，讓人覺得好安心食飯。我哋落座之後，即刻睇住餐牌，唔少菜式都誘人呀，最後決定揀「至尊燒鵝」。聽聞佢地嘅燒鵝好出名，所以好期待呢個食評！啲燒鵝上嚟嘅時候，佢個香氣真係瞬間填滿咗全場，嗰啲燒鵝皮啫喱晶瑩剔透，令人唔禁流口水。第一刀切落去，聽到啲脆脆嘅聲音，啲皮就切得咁薄脆，真係唔會為難到牙齒。食落去，個皮脆又香，真係啖啖香脆！而啲肉嘅部分嫩滑多汁，完全冇咗啲人覺得燒鵝乾身嘅困擾，係一啖入口，滿足感十足！啲滷汁亦都煮得好到位，啲味道滲透入鵝肉，又唔會過分濃烈，令人食得好開心。而我哋一行人就坐喺度講吓笑吓，傾吓計，啲鵝肉真係令我哋嘅肚餓全消！想起喺香港嘅大小事，都覺得係件幸福嘅事，有朋友陪著食飯，食得又咁開心，真係好滿足。

呢間嘢喺我老家屋企附近，我見食評咁好，唸住斬半斤叉燒試吓啦，佢話比多十蚊成舊要好冇，肥叉好靚喎，我冇所謂就話好啦，我好少買餸冇𥄫實舊叉燒有幾靚，點知返到去，我唸十蚊果part都係燶嘅囉，唔緊要，冇下次囉，老實果句唔燶果part都唔算好靚好味，而且睇番食評有九百幾張相upload，試問大窩口小店又點會有咁多相同好評吖，真係好可疑，本來冇唸住寫食評所以冇影到相，街坊就一定知嘅。

今日行過大窩口果邊，見到有幾個人排隊，以為有嘢派，行過去睇吓。行到埋去，聞到好香燒味嘅味道，原來啲人係排隊買燒味。發現佢哋啲燒味唔算貴，街坊價錢，而且色香味俱全，所以我睇咗咁耐，都一直keep 住有4-5個客買緊外賣👍🏻泰式鳯爪拼海蜇 - 泰式鳯爪一啲骨都無，酸酸辣辣，好開胃，辣度不高，一般都應該可以接受。海蜇爽口，用嚟做前菜一流❤️至尊燒鵝（上庄）- 燒鵝啲皮燒得好香，重有少少脆。配有燒鵝汁，食之前才加進去，令燒鵝更肉質更水潤。燒鵝啖啖肉，好食到停唔到口，好耐冇食過咁好味嘅燒鵝，真係一食入魂👍🏻燒味佬叉燒 - 第一次食到咁多汁嘅叉燒，基本上，每一舊叉燒都可以比啲汁包圍，好好味。叉燒汁甜甜哋，重可以用嚟撈飯😍 叉燒好淋，有少少咬口，真係好好食😊客家鹽焗雞 - 雞表面做得好乾身，但雞皮食落口係超滑，無咗雞皮果種油膩感👍🏻雞肉一啲都唔韌，有肉汁，帶有少少咸味，連姜蓉都唔駛，以經好好味。

燒味佬叉燒(半斤) 😙叉燒以精選部位用心製作，微燶的邊位火候十足，👍肉質香濃，軟嫩多汁。至尊燒鵝(1/4隻) 🥰獨門燒烤方法及秘方醃製，令燒鵝外脆內嫩，特別入味！🔥外皮香脆，酥香肉嫩，入口鬆化。海蜇拼泰式鳳爪(半磅)，客家鹽焗雞(半隻) 🐤雞加上鹽和鹽焗粉等醃製，味道鹹香，口感鮮嫩。🥢海鹽在烘烤的時候不會給雞肉增添任何味道，但能吸收雞肉蒸發出來的大部分水分，💕讓雞肉細膩緊實。#tsuenwan

突然間親戚話上黎食飯，屋企唔夠餸，斬料加餸最方便！斬料我通常都會黎呢度，因為比較乾淨衛生！ 而且店員都好友善同冇禮貌！我通常都會叫叉燒，因為甜甜既蜜糖味好正！而且叉燒肥瘦適中，食落去口感鬆軟，又唔會油膩，大人細路都鍾意 我哋多另外買咗隻鹽焗雞，隻雞大大隻又啖啖肉！而且仲會另外配一個鹽焗醬，隻雞都幾入味，肉質都好嫩滑燒鵝又係好正，個皮夠哂脆，另外都會再死醬汁，返到屋企淋上面即刻食就非常正最後就係泰式鳳爪，酸酸甜甜，口感爽脆，少少辣，非常開胃 ！有燒味滷師加料冇難度

燒味滷師 (大廈街)早前都試過另一間分店，今次睇吓哩間有冇同樣水準😋-------------------------至尊燒鵝 鵝肉結實，鵝皮香脆，鵝油香濃，阿媽都讚😍😍玫瑰豉油雞雞肉嫩滑，又唔會太生豉油醬料調得啱啱好，唔會太咸燒味佬叉燒 叉燒軟腍，甜甜蜜蜜，送飯一流泰式鳳爪拼海蜇海蜇爽口鳳爪味道酸甜開胃-------------------------燒味滷師 (大廈街)地址🎈荃灣大廈街17A號地舖

今日幫亞媽加餸✨燒味滷師✨櫥窗入面掛滿各式各樣燒味，有貴妃雞、燒鵝、豉油雞、燒鴨等等，仲有提供涼拌小食，一時真係唔知點選擇四個人食，就決定買4樣番屋企做餸🌈至尊燒鵝單單睇外皮就已經令人留哂口水一啖咬落香脆外皮加上細嫩肉質，啖啖油香四溢，配上酸梅醬完全唔會覺得油膩🌈燒味佬叉燒蜜味濃郁，入口好甜，燶邊位食落有少少焦香半肥半瘦岩岩好，送飲掂呀🌈鹽焗雞皮光肉滑，隻雞好有油水，雞肉肉質嫩滑帶有鹹香，唔需要醬料一樣好好食，加上沙薑醬汁食就另有一番風味🌈泰式鳯爪拼海蜇無骨鳳爪大大隻，食落爽脆，入口酸酸辣辣夠哂醒胃，海蜇爽脆彈口，加上芝麻惹味又香口

🎪燒味滷師 (大廈街) (荃灣)荃灣大廈街17A號地舖呢家舖有好多分店，性價比頗高，舖面又乾淨，吾錯～🌟至尊燒鵝$110/上庄講緊啲鵝翼、鵝胸，鵝胸唔會太肥，厚實又啖啖肉，鵝翼就相反啦，少肉多皮，香口，正！🌟叉燒$40/一斤，完全抵食之選！燒到濃邊，肥瘦均勻。👍🏻🌟鹽焗雞$35/半隻，雞肉嫩滑，啖啖鹹香味😋🌟泰式鳳爪拼海蜇$45/一盒，冷盤鳳爪和海蜇非常爽脆，酸酸辣辣，超開胃👍🏻👍🏻

今日去親戚屋企食飯，去咗佢屋企樓下買斬料加餸。可能係收工時間，呢間燒味舖好多人排隊，之前都試過去其他分店啲燒味，都好出色，所以排埋一份，買返少少燒味一齊去佢屋企度食。至尊燒鵝（上庄）一打開個盒，啲鵝嘅香味已經傳出黎，鵝嘅肉質嫩滑，再點埋佢嗰啲酸梅醬，咁嘅食法配搭真係天衣無縫。燒味佬叉燒叉燒半肥瘦，有好嘢唔怕一講再講，佢呢間啲叉燒汁係另外放開，食之前再倒落去，唔會搞到啲叉燒太鹹。客家鹽焗雞啲鹽焗雞好入味，肉質好嫩滑，完全唔鞋口。泰式鳳爪拼海蜇泰式鳳爪好入味，而且係無骨，小朋友最愛，最遺憾嘅係海蜇有啲少買咗咁多嘢都係大約二百零蚊，都夠八個人食，絕對抵食！

其實我好鐘意食燒味🤫今日經過 「燒味滷師」，遠處都已經聞到陣陣燒肉香味，忍唔住即刻過嚟斬料加餸😋燒鵝上庄、一斤叉燒、半隻鹽焗雞、一盒泰式鳳爪，埋單二百零蚊，非常抵食💯。價錢好經濟，而且呢到櫥窗以全玻璃形式展示，感覺乾淨衛生～⭐至尊燒鵝上庄 ($110)燒鵝肉大大舊又啖啖肉～個皮燒得香脆好好味😋食落肉質好嫩滑，有燒鵝汁配點不過我覺得就夠味，唔洗加都得～酸梅醬就要點埋一齊食，食落一d都唔漏！⭐燒味佬叉燒 ($40)：一斤叉燒$40太經濟😳叉燒肥瘦度剛好，入口甜甜地，食得出係佢地秘製蜜汁😋⭐客家鹽焗雞 ($35) 半隻鹽焗雞切起上黎份量一啲唔少，仲有配埋蔥油、蒜醬、滷水汁雞肉帶少少鹹香，肉質鮮嫩有彈性，我就鐘意點沙薑汁食，大分滋味😋⭐泰式鳳爪 ($32)拆晒骨嘅無骨鳳爪😍爽口又大隻，最緊要係好方便食！入口酸辣，非常醒胃，味道調校得啱啱好～📍燒味滷師 (大廈街)地址: 荃灣大廈街17A號地舖#eatwithlittleme #foodie #foodiehk #food #hkfoodie #instafood#foodphotography#香港美食 #美食 #美食推薦 #852#hkfoo

耐唔耐就要買外賣番屋企，呢日都唔例外，喺大窩口，諗吓買乜嘢好，一於斬大嚿叉燒啦😆，買燒味冇錯嘅，大家都鍾意食😆呢日又叫雞又叫鵝又叫鳳爪仲叫叉燒添🤩：「半斤叉燒🐷」偏瘦但又唔會好硬，又唔會好似一般叉燒咁甜，幾啱我胃口😆。「燒鵝🦢」鵝味豐滿肉質軟熟得嚟不同位置有不同咬頭😋。「鳳爪拼海蜇」少少辣幾爽口，鳳爪去咗骨可以成隻食哂😆。「鹽焗雞🐓」有鹹鮮味兼幾好雞味😆。全部燒味要嚟送白飯🍚同送啤酒🍺🍻都好合適😆街坊價錢，真係幾抵🤩