小桃園海鮮酒家

Open Now

Now Closed

真的很久已經沒有入流浮山了，回想一下都差不多有20多年，由元朗出發，原來超方便，搭64K,三十分鐘直達🚃由於入到去的時間已超過兩點鐘，周圍搵食都很難，終於找到一間叫小桃園的菜館🍴嚟到流浮山，梗係食生蠔啦，睇菜牌薑蔥生蠔煲120蚊，想叫時，老闆說呢個價目是錯的，應該是十八蚊一隻才對😂冇辦法啦，18蚊隻都照order，就叫咗八隻食，上菜時間很快 ，生蠔都算肥美大隻， 沒有overcooked，口內爆汁的感覺很好👍另外蝦仁炒蛋就一般一般但有一些老😬整餐飯食咗四百多元，都是一百蚊一個頭， 這家店的服務態度真有特色，老闆很有性格，唔憂做 👌食完飯再在小街走一走，買了一些海味，烏魚子 ，不貴60蚊半斤，在台灣買是挺貴的，很開心

小桃園海鮮酒家嫲嫲今日想去流浮山行下、食下嘢，大概下午二時多到達。想搵過地方食飯先，點知原來好多食店都休息，要晚市再開。好不容易找到一間仍有開門，就馬上入去坐低。餐廳可能覺得來流浮山的食客應該要食海鮮，若不食的話就你叫的有就有，冇就冇😲 好一句佳話👎🏻見到有些遊人中午都只是想食得簡單，真係有點無奈😕🔸滑蛋蝦仁蝦仁🍤ok大，蛋老了一點，唔係好滑。🔸椒絲腐乳炒通菜用鍋上，見到有椒絲但完全冇腐乳味囉😌，菜梗偏硬🔸楊洲窩面麵的軟硬度適中，料有叉燒、肉片、蝦等，不過不失。🔸羗葱生蠔煲餐牌有呢度菜$120，當我們落單時老板話不是呢個價，蠔要每隻計$18，我地叫咗8隻$144，貴咗$24😰葱好多，蠔是一般大細，冇乜特別🤔埋單$442

小桃園海鮮酒家滋潤響螺湯湯渣有原隻豬手、響螺片， 豬手炆到非常之淋， 而豬手嘅肉又好嫩好滑， 豬手皮滿滿嘅骨膠原入口即溶，而碗響螺湯非常滋潤，滋補一流。椒鹽海蝦個殼炸到脆卜卜， 連埋個殼一齊食種滋味， 椒鹽炒得非常惹味奄仔蟹哇，睇下啲蟹膏， 即係好鮮味， 唔需要落任佢調味， 每一啖肉都有蟹膏喺裏面， 絕對滋味黃金炒飯炒飯最緊要炒得夠乾身， 咁食嘅時候先會食到一粒一粒嘅米飯， 呢個黃金炒飯就炒得非常之好， 喺口腔入面香噴噴日本哈密瓜飯後果有呢個日本嘅哈密瓜， 非常之香甜， 仲甜過將一羹糖放入口， 但係味道一啲都唔假， 好好味整體嚟講呢度嘅食物質素都有保證

小桃園海鮮酒家嚟到流浮山當然就要試下佢呢度嘅海鮮啦咕嚕肉原先以為佢個咕嚕肉同其他喺大排檔食嘅冇乜分別， 點知一食真係有驚喜， 佢個咕嚕肉非常之脆， 的確係真係非常之脆， 咕嚕肉炸粉並唔厚， 唔會太甜亦會太酸，岩岩好， 配菜有三色椒菠蘿同埋杏脯肉。黃金炸蠔包生菜呢個蠔真係好好食， 佢唔單止冇腥味之外， 蠔本身嘅汁同鮮甜味亦都好足夠， 蠔嘅味道亦都好香， 包埋生菜一齊食冇咁熱氣， 鍾意食蠔嘅朋友絕對推介。香蔥啫啫鮑魚煲鮑魚十分之彈牙，個味道調教得非常之好， 醬汁唔會太濃掩蓋鮑魚本身嘅鮮味， 好少可可以食到咁嘅水準。總括而言， 呢度嘅食物質素都有保證。

年初時曾跟隨朋友來小桃園一次，留下不錯的印象，今晚特意帶老友們來這裡嚐嚐。週日傍晚時間交通流量不大，向西飛馳於屯門公路迎著日落，心情甚感舒暢。流浮山大街《劉勝記海鮮》，《劉勝記》老闆娘向我們推薦了本月時令的黃油蟹、東星斑、大瀨尿蝦和蟶子。《小桃園》烹調功夫不俗，黃油蟹蟹黃極多如鹹蛋黃般漏油，入口軟綿綿像布甸，東星斑魚肉嫩滑，椒鹽瀨尿蝦連殼都脆卜卜肉質靚，鹹魚揚州炒飯用料足夠乾身粒粒分明。大家都吃得很開心，快快樂樂返回市區去。

今天點了一份花甲盡然要192，號稱12元一兩，一斤16兩，另外拉尿蝦沒有說明盡然3只都沒有膏，但是按有膏的收費，說是有膏沒膏價格一樣，哪有這樣的事，太不誠實了，香港的餐廳怎麼這樣，還說下次來給有膏的，二個人1260元，簡直非常過分，厄人如果一定來這裡最好先確定一下菜單的價格

流浮山日落靚就係人都知，最緊要係睇完靚景唔使行好遠，再已經有好多餐廳任君選擇。行到熱辣辣，梗係叫可樂飲啦！枝裝可樂比起罐裝既多汽好多，但而家有賣既餐廳真係酸姜糖心皮蛋，經典口味，轉盤才轉一圈就清碟。冰鎮鮑魚，醬汁酸甜帶微辣，有點像泰式沙律既汁，非常開胃口，鮑魚彈牙唔死韌。必食既牛油芝士龍蝦伊麵，牛油芝士汁香濃而不膩掛上伊麵，適量既厚洋蔥加添蔬菜清新味，龍蝦鮮甜多肉。油鹽水花甲，花甲無沙，食落唔會似某d大排檔淨係得殻少肉。豉椒蟶子好惹味，啖啖蟶子肉Q彈鮮味。

由於家姊生日關係，於是係小桃園訂左間房食靚海鮮。客人可於海鮮檔買海鮮，或在酒家直接點海鮮，今次我們選了前者。第一道菜選了清蒸九節蝦，海蝦肉厚鮮甜，食原味是最好選擇。蒜蓉蒸大元貝，呢段時間十分當做，元貝肉跟手掌一樣大，師傅控制時間恰當，元貝肉中間開一刀，減少蒸的時間外，令肉質更為鮮甜。上湯龍蝦伊面，中型龍蝦用開邊煮，令客人可以用刀品嘗龍蝦肉，倍感享受。師傅只用清淡上湯煮龍蝦，完全不蓋過龍蝦鮮甜味，屋企人最讚賞呢味菜式。

一心谂住同阿爸食飯,缅懷過去!不知所謂,冷氣又嘈,服務又差,都開咗好耐啦!可能佢地淨係鐘意做大客,食物一般,價錢昂貴!有枱換位,又話有客订咗!出面大把選擇啦!我埋單成千㗎!

食海鮮貴唔緊要，都唔好咁過份呀⋯⋯白灼蝦得十隻要成$240 炒蟶子係大隻⋯⋯但4隻要成$ 280 ⋯⋯ 魷魚一般般唔係好特別，加埋條魚同埋唔好食既揚州炒飯，埋單要成9百幾⋯⋯⋯不知所謂，一定無下次⋯⋯

每次想食海鮮，咱們家一定來「小桃園」，已經數不清來了多少次呢！點了喜歡的海鮮菜餚後，店家會貼心控制份量，讓你不會光吃一味菜就塞撐了，每道份量剛好，吃到最後，一定是捧著肚子走的～這道油鹽水花甲是眾人必點之選，半只巴掌大的花甲，燙得剛好，不會死韌的，沾些許芥末豉油，鮮甜味美！冰鎮鮑魚，那個醬汁是這道菜的靈魂，微酸甜的滋味配上彈牙腍滑的鮑魚，叫人胃口大開，貼心的切了三小塊，方便進食。豉椒炒蟶子，烹調時間剛好，惹味十足。斑球兩味，啖啖魚肉佐西芹略炒，免去啃魚骨的憂慮，是懶人之選。喜愛香口的，則喜歡吃這炸魚，沾上薄粉酥炸，澆上芡汁，佐酒一流！瑤柱蛋白炒飯，米飯粉粉分明的，充滿住瑤柱的咸香味，以鐵窩盛載，保持熱度。大蝦上湯伊麵，蝦頭滿滿是橙紅色的蝦膏，伊麵夠味，吃罷不會口渴。

到了香港旅游，就想去一些地方比较特别的。上网查了一下资料，就想说不如去流浮山看看吧。于是在佐敦站搭了港铁转到元朗站在乘搭K65巴士前往到流浮山. 流浮山有很多海鲜酒楼，选择特别的多.所以走着狂着就看到这一家海鲜酒楼。我们二话不说就这样进去试一下他们的食物吧。 我们选择了一条普通的斑鱼，三只大虾，清蒸豆腐和烫菜心。等了一会儿班鱼真的不怎么样。肉质不会细嫩又不甜美。干煎虾味道还不错。蒸豆腐一般。油菜非常老又不好吃。价钱贵的吓人。不会推荐朋友到这里用餐。

專程來流浮山入貨～買蠔豉,蝦乾,鹹魚等,仲食左新鮮出爐既皮蛋酥,超開心!當晚系屋企打邊爐買左生蠔,每隻最細都有兩個五蚊銀既Size,都只系$70一斤,超抵!鮮甜肥美呀!買完乾,濕貨行到最尾望到深圳灣影下相,就去返前面酒家食午餐,小桃園系Mami,Daddy拍拖年代已經去,所以我地就直入呢度食海鮮,由經理帶我地去簡海鮮,亦可以買來加工!蒜蓉開邊蒸蝦$250(5隻),好大隻,當然又鮮又甜,有蔥,蒜,豉油特別惹味!生蠔$240(2食),薑蔥生蠔煲,茨汁很上色,卻不會很濃味,蠔的裙邊有點韌,過熟了,略煮後煎炒一下,略略灼的時間不小心過長會令蠔縮得愈來愈少,影響整體口感,砂鍋不是很熱沒有鑊氣!酥炸生蠔,這款較好食,外層鬆化,入口蠔汁四溢,內裏半生熟的很鮮味,食左兩隻都唔系幾夠喉!聖子皇$432,肥大肉厚,洋蔥,豆豉,椒一齊炒永遠是絕配。花螺$288,個汁辣辣地幾惹味,要放d汁入碗,開左個螺再蘸汁食,隻隻大粒又彈牙。奄仔蟹$420,(3隻)最被吸引的就是蟹膏了,離遠已經睇到,其實只睇到金黃色的蟹膏,蟹肉要找一找!!外殻好強鹽焗薰過的香味,不禁嚐一嚐咸咸的蟹殻,蟹蓋全是膏~跟住再啜一啜蟹身的蟹膏,濃

今日母親節去食海鮮，雖然預左貴，不過真有被搶錢既感覺。其實材料係新鮮，味道都唔錯，但係價錢真係幾貴，份量又少。要左4隻椒鹽瀨尿蝦（～$850），揀嘅時候都好生猛大大隻。炒完出黎冇乜肉，偏瘦。感覺最搶錢係佢。象拔蚌5隻（唔記得幾多百），炒完得幾塊...聽到隔離台嘈話象拔蚌點解得咁少，最後都好似不了了之。咕嚕肉($80)，一半都係粉，好少肉....仲叫左個斑（～$1200），係好食嘅，所以都冇咁嬲😂仲有鮑魚同聖子，不過不失。最後7個人埋單$4000....有點兒傷...

每次黎到流浮山都會幫襯呢間餐廳，呢度有幾樣野係必食，炆斑頭腩，咕嚕肉，炸生蠔，豉油蝦球。今次只係叫左其中兩樣。炆斑頭腩 - 每次黎都一定食，絕無欺場，走油時無過火，魚肉鮮甜多汁，保持一貫水準。相中係半份，大概300-400蚊酥炸生蠔 - 黎流浮山點可以唔食生蠔，有時如果季節唔啱，佢會轉美國桶蠔，我就唔太建議，黎呢到緊係食本地野。講返個蠔，唔過火，酥皮夠乾身。一啖一隻，唔使加椒鹽。驚肥膩既包生菜食，加返d Fresh味。咸魚楊洲炒飯 - 推介俾喜歡炒飯之人，另有無咸魚版。炒出黎d飯一粒粒既，不過佢咸魚係硬身，個人比較鍾意梅香。另外仲叫左碟頭菜菜心，不過無影相。