燒夜

Open Now

Now Closed

觀塘區黎講，呢間真係唔錯，重點係唔”柴”，好怕食嗰啲乾憎憎嘅串燒，味道可以，講真，燒烤味來去都係嗰啲，冇咩好特別，亦唔太鹹，而且仲送左個小食比我哋試👍落單嗰個唔知係姐姐定哥哥，好好人，我行返屋企途中，我真係好怕一邊行一邊渣手機，仲要落單🙄一定落錯或者會x仆，但好彩佢肯幫我落，因為一早已經剔好晒影好咗張相，所以佢跟住落就可以，而且好配合我嘅起燒時間😂，因為朋友渣車去攞，驚塞車，所以到咁上下先至通知佢可以起燒，怕啲嘢嚟到凍晒。我係外賣自取，所以有折，算係幾抵，只係同出邊嗰啲貴價串燒舖比較，當然係唔好同大陸比較啦😂大致都係好評，下次會再幫襯嘅🙌🙌

整體幾好食玉子燒 牛舌 茄子 韭菜都好好食 調味岩岩好 唔係重口味仲有得味粉另上好貼心呢到應該得雞皮唔推介跨區外賣黎到保溫做得幾好2人set 幾抵食 價錢合理可以encore

呢間野食左第二次，味道不過不失啦，好符合佢嘅價錢要求，$463蚊已經有33串野，係香港利講已經係抵食😂⋯⋯味道之少唔係得個咸先啦，對我利講覺得唔錯，繼續支持小店💪🏻💪🏻

話就細妹跑馬贏咗錢請我地食宵夜所以今日就試呢間既外賣拎到返屋企佢地既串燒都仲係熱拎出黎好香聞到都流口水不過雞皮可能包住焗得太耐有啲淋所以自己係焗爐焗左5分鐘出到黎個效果好好超級香脆羊肉串唔算好羶好好食其他食物都唔錯，下次宵夜又多個選擇喇

星期六大約9點去到都坐滿 仲有好多外賣單但上菜速度都好好 無因為咁特別慢 所有野食都夠熱👍🏻而且每款串燒都可以簡唔辣或者辣度牛脷（$25/串）估唔到都有4-5舊 原本以為得2舊 夠淋身翠玉瓜 （$14/串）睇落好重味咁 但食落啱啱好 入面仲係juicy珍寶蟹棒 （$15/串）正常味道豆卜串 （$14/串) 超級脆花甲粉 （$42）有齊花甲 粉絲 娃娃菜 金菇 食串燒食到咁上下 食個有湯既幾好 中和下整體都幾好 下次黎開觀塘會再幫襯👌

夜麻麻，都唔知食乜好，就經過呢間叫燒夜嘅串燒店。外賣仲有折添，叫咗啲蔬菜同埋肉咁基本嘢，小店仲送咗燒魚蛋四粒，金菇菜，同埋娃娃菜都好好食，醬汁非常之香辣，燒豆卜就更加好出色，下次一定想試埋佢嘅花甲粉。佢哋亦都好細心外賣個袋係特別設計，唔會揦手唔成勢，拎返屋企嘅時候雖然有啲醬汁會有少少滲咗出嚟，但係都唔會整污糟其他嘢，呢個真係值得一讚。不過叫外賣嘅人非常之多，提議早少少可以先落單，咁就可以去到就拎到啦。

真的很好吃！希望大家能多次回購！多多支持！這間店的串燒色香味俱全，價錢雖然看似小貴，但是絕對值得！行過路過不要錯過……外賣有折！勁抵！而且營業時間啱晒各位夜鬼！諗唔到有咩宵夜食？咁就叫燒夜啦⋯⋯

今晚同男朋友黎叫到成台都係野食D串燒即叫即整熱辣辣！海鮮好新鮮好味最最最好食係嗰個蒜蓉金菇好惹味好好食！大家一定要試埋個燒翠玉瓜，好鮮甜！好耐都未試過觀塘區甘高質既串燒店！

第一次食 喺外賣平台叫外賣～串燒外脆內軟 有火候又唔燶 卜卜脆而食完又唔會有熱氣嘅感覺🤩🤩多汁唔乾身 肉汁保持到喺度😋😋😋娃娃菜好好食！！多汁 小辣嘅調味又恰到好處😋😋司華力腸唔會燶 又脆身送左2粒炸燒賣但好驚喜 心思位係親手寫嘅聖誕快樂 第一次食但感到窩心同埋有人情味會再叫！～～～～～令呢個聖誕更加窩心🥹❤️🎄🎄🎄🎄🎄🎄🎄🎄🎄🎄🎄🎄🎄🎄🎄🎄🎄🎄🎄🎄🎄

見呢間開到淩晨兩點九頓覺方便，仲要適逢食物熊貓外賣有折就叫咗個外賣自取。入到店面十分好生意，張單都要等十幾分鐘，但完全值得的😂 坐喺鋪頭等，幾舒適，環境衛生👾叫咗個外賣二人套餐，有10串串燒、海鮮&蔬菜&炸物，覺得幾抵，宵夜嚟講份量算飽，加埋可樂係滿足的🥹 嗌咗份燒豆卜，見到特登用紙袋裝住，拎到返屋企仍然乾身脆口保持水準🥹推薦燒韭菜，喺一堆中辣串燒之間十分清新，其他串燒就一貫香辣港式串燒味道，店家有另外再畀麻辣沾粉，真係有辣到🥹鋪頭仲送咗份小食，裡面係魚蛋😂

燒夜 Siu Yeah 串燒專門店💛之前成日都幫襯佢地嘅外賣，但串燒呢啲野梗係燒好熱住食先正㗎麻😂佢地搬咗舖之後，有埋堂食，正呀喂👍🏻早排成日都要係觀塘做野做到好夜，難得有間出色嘅💛店，仲要開到零晨，啱哂我地呢啲夜鬼🤣好食又唔貴嘅串燒店，又唔會限我地時間，可以一路食一路同啲同事吹水釋放下工作到咁夜嘅負能量🤭堂食好處就係可以食啲外賣食唔到嘅野，例如燒海鮮🤤🤤🤤呢間食店絕對係可以幫到夜麻麻需要係觀塘搵食嘅朋友🤣#燒夜 #觀塘 #串燒

間唔中都會想食下港式燒烤！今晚又引起，揾到這間會開晚上6時至到零晨時分。完全係港式好味道，夠濃，夠香，夠辣！睇相為證，仲reorder左*牛舌，豆卜串，夠脆！*牛舌 - 不過，記住這間係港式，唔好期日式口感，不過這港味濃而有咬感。以後，幾點想食都可以去食，正！最可惜係無酒牌，無得飲啤酒.....

收工7點幾去到叫左48蚊兩隻蒜蓉蠔得5蚊銀咁大隻雞軟骨牛肉小串韮菜埋單100蚊鬆d唔算抵食勝在味道okay 收工7點幾去到叫左48蚊兩隻蒜蓉蠔得5蚊銀咁大隻雞軟骨牛肉小串韮菜埋單100蚊鬆d唔算抵食勝在味道okay

食物質素超高！！！已經叫過幾次外賣了。喺九龍區嚟講係我食過最好食既燒烤 味到調味料都控制得10分好 唔會話太鹹太淡 味道剛剛好。今次第一次試個花甲粉 同大陸既味道十分想似 好食到唔停口！

行過觀塘道，發現這間燒烤店，嘗試幫襯，發覺食物及味道非常好，試過一次之後，最高峰一星期吃三次，星期五、六晚上很多人，要排隊入座，此店沒有酒牌＇但可自𢹂啤酒，女服務員非常有禮，我會推介朋友吃燒茄子，牛舌，韮菜，海鮮及串燒雞亦，老闆用心制作，每串都係心機！👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻