Six Tea (Closed)

老公話福安對面開咗間新嘅小店，有甜品、小食和台式飲品等，趁星期日就一家大小黎支持小店！喺新港城五期（即係匯豐嗰度）嘅扶手電梯落嚟轉彎就即刻見到，店舖冇椅，但有張小枱仔方便你可以食小食。埋去就見到張雪糕雞蛋仔海報，好吸引啊！點都要試吓，仲要只係$25！有幾隻味可揀,我哋要坐一個士多啤梨一個朱古力，雞蛋仔係即叫即整，保證新鮮，夾住一球雪糕之餘，仲有珍珠！好好味呀！另外小食有魚蛋、燒賣、牛肉可選，每份$12 ，我哋就要左一份燒賣（八粒）同埋一份魚蛋（十粒）有辣有唔辣。都算大粒又彈牙，抵食！我們仲好乖用自己餐具，夠哂環保！最後仲叫左杯大既士多啤梨珍珠奶茶一齊飲，只係$28，抵過其他鋪，而且唔差喎！除左學生優惠，買多過一杯都有得平，希望佢keep住呢個街坊價啦！

今晚同男人行馬鞍山，見到地舖開左間飲品店Six Tea (六茶)，哈哈，個名又改得唔錯，就入去睇下~店舖都乾淨企理，旁邊有得比客人立食~除左飲品，原來仲有其它小食 : 牛肉球、燒賣和魚蛋仲有埋甜品: 雞蛋仔雪糕新地,厲害水果柑桔茶 M ($27) Kumquat Fruit Tea柑桔味道好清新，仲有啖啖果香味紫芋椰奶 M ($27)Purple Taro Coconut Tea呢杯要再攪勻後先飲得，味道方面，本人覺得甜左少少，所以揀呢杯既時候可以揀微甜，因我個時係揀正常~其它都沒有問題，芋香和椰奶味都很出🤘牛肉球$12 (3粒)燒賣$12 (8粒)我地仲叫左牛肉球和燒賣最後都係心思思想食埋個甜品😂，就叫埋個雞蛋仔雪糕新地雞蛋仔雪糕新地 $25雪糕我地就揀左忌廉曲奇大約等8分鐘， 😍雞蛋仔雪糕新地出爐了，賣相好吸引🤤雞蛋仔外脆內軟，重蛋香味再配上忌廉加雪糕，外暖內凍，面頭仲有士多啤梨醬和珍珠粒~總結，不錯的多原化小店

去馬鞍山盈健睇醫生，原來轉彎位有間新鋪開張，有野飲有甜品仲有小食。叫左雞蛋仔雪糕新地 ，真係好鬼靚！佢地係即叫即整，所以都要等一等家。雞蛋仔都幾脆，唔會好薄！除左雞蛋仔同雪糕，其實仲有一大舊cream，士多啤梨醬同珍珠，珍珠都幾煙靭。雪糕簡左一款係特濃朱古力布朗尼，好香濃朱古力味，唔會好甜，連埋雞蛋仔一齊食都唔錯，但同士多啤梨醬唔係太夾。另一個就簡了忌廉曲奇，lee個比特濃朱古力布朗尼甜dd，但反而佢同士多啤梨夾d，好味。見到有水果四季春百香果茶 我緊係要試啦，叫左大size，都真係幾大柸。味道調得唔錯，但生果就少左d。雞蛋仔雪糕新地可以encore $25蚊抵食。

今日放工後，唔係好餓但口痕痕所以就去公司對面間six tea睇下有咩好野食野飲選擇都幾多~於是我地就點左朱古力珍珠奶茶同抹茶珍珠奶茶~唔係好甜唔錯因為最怕d甜yeye的台式飲品跟住就叫左雞蛋仔同埋咖哩魚蛋呢d 雖然係hong kong 的地到小食，好多地方都食到~,但好多都係街邊，覺得衛生唔係好ok~six tea最好就係有鋪到。起埋唔駛像一般街邊鋪咁﹑要係路邊食塵食物質素唔錯如經過想食d 小食或者想飲杯野的話可以去試下

平時喺馬鞍山想搵底雞蛋仔食都好難就算有得買都有貴又唔好食今日經過馬鞍山市中心喺馬鞍山廣場附近俾我發現到一間新開張嘅雪糕雞蛋仔鋪頭二話不說即刻試吓先雞蛋仔一底$13加多一球雪糕都只係$12價錢非常之合理而且賣相非常吸引雪糕口味嘅選擇亦都好多當中抹茶好似最好賣下次有機會嘅話都想試吓忌廉曲奇雪糕雞蛋仔 $25朱古力布朗尼雪糕雞蛋仔 $25呢度嘅雞蛋仔全部都係即叫即製唔知大家有冇聽過一個真正嘅雞蛋仔入面唔應該係空心應該係海綿蛋糕嘅質地呢度嘅雞蛋仔真係比我想像中嘅高質外脆內軟之餘唔會太過硬而且入面真係有海綿蛋糕嘅質地紫芋椰奶 M $27焙茶珍珠奶茶 M $24紫芋椰奶沖完出嚟好似紫色雲石一樣第一啖飲落口 芋頭嘅味道喺口入面爆發出嚟然後慢慢滲出椰奶嘅香味呢個配搭真係不得了好似我甘怕肥嘅朋友不妨叫走甜因為椰奶本身已經係甜所以就算叫一走甜味道仍然冇影響至於珍珠奶茶奶茶嘅味道會慢慢滲出焙茶味珍珠食落口亦都非常煙銀呢度除咗雞蛋仔同埋台式飲品之外仲有燒賣魚蛋山竹牛肉球所以就算唔食雞蛋仔行過篤返串魚蛋都唔錯

之前試過呢度嘅奶蓋抹茶，好好飲, 十分推介👍🏻👍🏻今次就試咗佢嘅水果白桃茶,同抹茶茶底一樣好有茶味！諗住順便試埋咖喱魚蛋，個人認為咖喱汁夠辣，但係魚蛋就麻麻地。職員嘅服務態度好好，絕對會想再幫襯多次😍😻😍

朋友告知馬鞍山市中心個頭，有一家新的小食店，今天終於有時間，可以去幫襯一下。一睇價錢表，喔又幾抵喲，25元左右就買到杯，而且有好選擇下，由台式紅茶，珍珠奶茶，到水果沙冰都有。另外，仲有香港地道小食之王，燒賣魚蛋牛肉球。更加有升級雞蛋仔加雪糕同珍珠今次試左加兩球雪糕，只要37元，非常澎湃既小食，真心大件，因為一底雞蛋仔，加上又有忌廉同雪糕，好香又甜，一凍一熱，超正配撘。另外芒果沙冰都好refreshing因為想環保所以自帶了杯，店家都好願意幫忙入杯。另外燒賣魚蛋同牛肉球都有點，買番屋企慢慢食，正。下次一定再來，要飲下其他野至得。

嚟依到睇戲前，食d小食先入場，出嚟再食遲晚餐！紫芋椰奶 $27樣子幾靚，未混好之前。混好後就全白咁，秘密藏在杯中。芋頭碎粒，椰奶重味帶溫和慢慢滿入口中。平時喜歡椰奶可以飲下依個「重口味」組合。焙茶珍珠奶茶 $24走冰都好夠凍，走哂甜超健康同個人感覺更顯焙茶香同少苦澀口感，順口添口感？！小店珍珠都好煙un，份量都適中，奶味尾隨焙茶個種烘茶乾重味。魚肉燒賣 $12非常軟肉，燒賣皮實淨唔錯！咖喱魚蛋 $12有小驚喜，外皮炸過加咖喱好香口，少少辣。內在魚肉好細嫩咁。小巧一粒粒一串，粒粒都外炸香水細滑！款式多味道由水果到濃味都有。忌廉曲奇被人賣哂，試食一啖幾重牛奶。之後係雞蛋仔士多啤梨雪糕新地 $25上面有淡忌廉同埋士多啤梨醬加珍珠！雞蛋仔款係軟林白淨款，一路食士多啤梨雪糕一路入落雞蛋仔。

馬鞍山台式飲品店上年開始突然間多左好多，飲開嘅都有開，絕對係要打破美食沙漠嘅稱號😎 今次去試試新力軍 - Six Tea!芒果水果茶茶味可以，飲落真係有芒果味架! 再加上啲水果片嘅份量都足夠，有芒果粒、橙片同士多啤梨片等等。白桃烏龍芝士奶蓋茶芝士奶蓋好夠香，可以拍得住其他台式茶飲店嘅奶蓋👍🏻不過可能奶蓋味好搶，相對上唔太飲唔到烏龍茶味同白桃味，真係好鍾意桃味嘅朋友可能會有啲失望喇😣柑橘水果茶柑橘水果茶嘅茶味相對香啲，唔知係咪因為有柑橘味可以帶出茶嘅清香👍🏻 同樣有生果片係杯邊望落都靚啲好飲啲😆其實Six Tea仲有甜品食架 - 雪糕雞蛋仔🍦不過我差不多九點去到已經收晒爐無得賣😫 如果佢夜晚都有得食甜品就好喇...

馬鞍山甜品選擇一向都好少，近來搭車經過新港城見到原來地舖雞煲隔離開左間新野，係小食+茶飲+雪糕店，好似幾正，同朋友去左食～Menu都幾多選擇，全部有圖，好吸引。我地一人叫左一杯野飲同一份雪糕雞蛋仔。好靚呀！雪糕雞蛋仔真係好高質！我個人唔鐘意太脆既雞蛋仔，而呢度既雞蛋仔好正，係好似窩夫既texture，鬆脆，厚身好好味！！熱辣辣既雞蛋仔配上冰凍既雪糕，係完全既配搭，一暖一凍既口感不得了。店家唔止淨係比雞蛋仔同雪糕你，仲會加入珍珠、果醬，整到好靚！我地一個叫左chocolate brownie，一個叫左cookie n cream，我覺得後者好味啲，因爲佢同士多啤利味既果醬隻味超夾，好好味！讚不絕口～朱古力布朗尼隻雪糕自己係好好味，不過同士多啤利味果醬唔算好夾，如果店家可以用其他醬做配襯應該會更好～不過成個雞蛋仔雪糕都真係食得好享受！食到最尾啲雪糕會索咗入啲雞蛋仔度，個口感好正不過如果純粹當甜品或者下午茶嘅話其實兩個人share一個都OK，因為我哋每人一個食完之後已經食唔到晚飯哈哈哈。嘢飲方面，我叫左焙茶芝士奶蓋，呢度嘅芝士賴該係偏鹹嘅口味，芝士味比較重，焙茶味好香，好大杯好kum飲～

最近放棄購買大集團的飲品，試下小店，其實有時更有驚喜。好似呢杯水果柑桔茶，我叫左少甜走冰，味道清甜又唔太酸，亦冇苦澀味。係呢啲略有秋意嘅天氣下，飲下柑桔🍊喉嚨都幾舒服。而且仲有街坊小食，如魚蛋、牛肉球咁。牛肉球$12四粒，價錢合理，雖然比唔想上茶樓咁好味，但係味道都唔差。而且店員都好親切有禮，有杯飲品因機器問題封唔實，導致飲品漏岀，店員一邊道歉，一邊拎紙巾比我，又幫我換過，知道係機器問題，都再次同我講唔好意思，仲俾coupon 我。講真coupon 其實只係$2，可有可無，但店員的態度才是值得加許。其他連鎖店，應該睬我都傻，最多只立即抹地。

上網見評語唔錯，個名簡單夠直接，今日經過就試下啦😁因燈光太强，夜晚時更加突顯店舖，睇下飲咩先，款都算多，最後選了有推介之芝士奶蓋四季春！已係夜晚9点，人流少，所以好快就有，但唔知係咪趕收工，味道勁淡，奶蓋完全唔夾，唔知點解咁多好評🙄🙄

今日試試呢間新開嘅台式飲品店呢度環境都好大 乾淨企理亦都有少少枱仔俾你企響到食嘢飲嘢而且佢款式都幾廣泛由珍珠奶茶到沙冰同水果茶都有所以我首先就叫咗杯水果四季春百香果茶飲下😆可以見到飲品顏色都好靚飲落口唔會話啲茶味太濃多太苦澀我朋友就叫咗紫芋椰奶頭先已經俾佢啲顏色吸引住😍好靚嘅粉紫色同白色ahhh而且入口都好香嘅芋頭味 雖然有椰奶但係都唔會蓋過芋頭嘅香味而且令一樣有驚喜嘅係呢度竟然有小食賣埋添真係口痕嘅話可以杯嘢飲 食啲魚蛋、燒賣😋😋

馬鞍山呢年開左幾間茶店, 呢一間比較唔就腳, 今日終於行落去一試~係匯豐銀行自動電話落去就是了, 比較方便2間小學學生~飲品共有22個選擇, 水果茶, 珍珠奶茶, 沙冰, 奶蓋都有齊!除左飲品, 仲有地道港式小食, 有魚蛋, 牛肉球及燒賣~仲有雪糕雞蛋仔, 可以單叫雞蛋仔, 即叫即整!紫芋椰奶 + 水果白桃茶紫芋好軟滑, 仲有大量紫芋粒粒, 好飽肚水果白桃茶唔係太甜, 白桃味自然, 仲有大量水果係杯內~燒賣 - 肉質實, 有魚味, 唔係街邊 CHEAP野喎! 仲有醬油可以自己再落~雪糕雞蛋仔可以自選口味, 今次食左士多啤梨, 雞蛋仔仲加一球雪糕, 仲有珍珠, 大量的CREAM及士多啤梨醬!雞蛋仔係即叫即整, 好香而且條邊仲係脆卜卜, 雞蛋仔每粒都飽滿, 最正係士多啤梨雪糕內係有士多啤梨肉架!呢個雪糕雞蛋仔我一定要再來ENCORE!!! 勁正呀!! 仲要勁平, 只係$25咋!!

今日同朋友經過馬鞍山，又熱又渴，呢個時候，見到呢間SIX TEA，或者都係一個緣份。因為我地又唔想入餐廳食太飽，於是係呢間小食同飲品店諗住買啲嘢飲嘢食。佢門口就有好大張MENU寫住雞蛋仔雪糕新地，雞蛋仔食過，新地雪糕我都食過，不過兩樣MIX埋一齊就真係冇試過啦！佢一下就勾起咗我同朋友嘅好奇心，我地都各自叫咗一個，另外加埋一碗咖哩魚蛋同魚肉燒賣，我再多叫咗一杯焙茶珍珠奶茶。我叫咗個綠茶雪糕既雞蛋仔，朋友係朱古力，食落其實就係一般雞蛋仔上面加咗兩球雪糕，不過呢個配搭真係夠新奇，兩樣好食既嘢加埋一齊都係好滋味。而咖哩魚蛋同魚肉燒賣都係$12，前者有10粒，後者有8粒，相對嚟講都十分抵食！亦係填飽肚既好食物。杯焙茶珍珠奶茶都好好飲😊 落咗焙茶，所以同一般珍珠奶茶既甜味稍微有啲唔同，但係焙茶既香氣融合左係奶茶裡面，令到成杯珍珠奶茶都好香，既好好飲！真係一餐唔錯既下午茶☺