Six Tea (Closed)

夜晚落樓食飯，食完飯諗住係附近行一陣再返去，點知發現咗有間新開嘅飲品小店。招牌大大隻字寫住six tea，加上夜晚好黑，個招牌仲會發光，夠引人注目。既然咁啱，上前去望下先。店舖上面既兩個顯示螢幕，同埋放置係一旁既MENU都列出咗飲品模樣同名，可以比人知道呢杯係點既飲品。而且佢唔單止賣嘢飲，仲有賣小食，甚至有雞蛋仔雪糕。不過食飽完已經冇第二個胃裝小食，只係嗌杯嘢飲都夠晒。嗌咗最常見既珍珠奶茶珍珠奶茶好唔好飲其實幾視乎店員沖得夠唔夠好，而我覺得呢間既珍珠奶茶係真心好飲！喝咗一啖，唔會甜太過，又唔會覺得唔夠味，味道適中，完美地保留咗珍珠奶茶既氣味。珍珠都唔會難咬，咬幾下好快就食到，味道都唔錯。拎住杯珍珠奶茶邊行邊飲，係返到屋企之前已經唔小心比我飲咗一半到啦，證明佢真係有咁好飲下次又經過既話仲想試埋佢個奶蓋！

馬鞍山又新開咗一間台式飲品店，對於住係馬鞍山又鐘意飲台式飲品既我，今次真係有口福啦同一般飲品店一樣，都好多唔同款式既飲品可以選擇，例如有沙冰、珍珠奶茶、唔同味道既茶呀……款款望落都幾好飲，有朝一日我要慢慢試晒佢啲飲品！而且唔止飲品，仲有唔同既小食都有！雞蛋仔雪糕新地睇落就好吸引，下次有機會再嚟試下今次就叫咗杯大紫芋椰奶，另外加咗款小食-牛肉丸，邊飲邊食！杯飲品好夠紫芋味，不過因為係椰奶，兩陣味混合埋一齊令到成杯飲品味道更甜更加正，芋頭既味道一下子就係口入面擴散，非常享受！鐘意紫芋或者椰奶既人都一定要試飲番一杯！

馬鞍山是美食沙漠嗎？ 依家我當然覺得不是沙漠，因為依家馬鞍山引進很多美食餐廳來。今次我去呢間鋪頭是一個飲品店，有點似台灣飲品店。我 order 了一份魚肉燒賣（8粒），一份牛肉球（3粒），一個雞蛋仔雪糕新地，一杯水果白桃茶加珍珠。店舖職員非常細心，又有熱誠去招呼每一位顧客，還有雞蛋仔是即叫即做，確保新鮮和熱騰騰的。魚肉燒賣，來貨的品質非常好，又香口，味道有點似渣哥的燒賣。店員調教的味道，又非常恰當。牛肉球，又大粒，又滑。原來配李派林喼汁，味道好正。雞蛋仔雪糕新地，雞蛋仔是即叫即做，非常香口，媽媽喜歡抹茶味雪糕，所以叫了抹茶雪糕球，再加上 cream 同士多啤梨醬，還有珍珠吃。原來抹茶配士多啤梨醬是非常夾。水果白桃茶，我 order 少冰，少甜，職員真的有做到，還有水果茶，真的有水果係杯度，有橙，有西柚，有士多啤梨。Overall 來講，呢間店舖，抵讚，服務好好，有禮貌，非常 nice。又到評分時間💯💯💯💯💯:味道💯: 9/10價錢💯: 10/10環境💯: 8/10服務💯: 10/10回頭率💯: 10/10地址🏣: 馬鞍山鞍源街18號MOSTown 新港城中心 (5期) 地下 G20號鋪

今日到朋友家，下午茶時段打算吃小食，朋友就說樓下新開了一間，可以買魚蛋燒賣的台式飲品店，剛好她也想試，於是就出發找食。過對面馬路就見到店，裝潢簡單，大大的開放廚房，長長點餐枱，旁邊有個雪糕櫃而最入面就有個小食醬油企枱呢飲品可選中 或 大杯，見只是幾蚊之差，就要了大杯炭燒烏龍珍珠奶茶職員說是皇牌，朋友試飲後說味道不重，但每啖都有炭燒烏龍茶味道呢朱古力珍珠奶茶本身喜愛朱古力，所以點了這款，亦係朱古力味道不重，整杯喝掉也不會覺得太膩啊燒賣 + 魚蛋港式地道小食，應該沒港人不喜歡，熱熱的可在旁邊小企枱即食，隨心加上豉油辣油，比較惹味呢牛肉球首次配上台式飲品一齊食，感覺比較特別，亦係可隨意加上喼汁進食，肉質比較淋，跟酒樓食的不一樣呢 店內還可點雞蛋仔，但太多都吃不完，留待下次過來再試，配上雪糕應該不錯呢

今日係馬鞍山新港城見到有間新開既台式飲品店，而且又有啲口渴所以就入咗去幫襯吓喇。飲品定價比其他台式飲品店平得多，價錢都係大約 $22 至 $29 蚊杯，除咗賣飲品外，竟然重有雞蛋仔雪糕新地、牛肉球、魚肉燒賣、咖喱魚蛋，真係估佢唔到咁多元化，而且學生重有優惠添，不過可惜我唔係學生享用唔到。只係口渴唔肚餓嘅關係，所以今次只係叫咗大杯既茉莉珍珠奶茶，下次先試下佢其他食品。茉莉珍珠奶茶 ($26) : 實物真係好大杯起碼有 500 毫升，而且唔似有啲出名既飲品店 (X虎堂) 成杯都係冰，飲四五啖就無哂勁塭笨 ; 茉莉珍珠奶茶甜度適中，入口有陣陣茉莉味，珍珠有咬感之剩份量亦唔少。👍🏻 👍🏻

台灣過江到港的珍珠鮮奶，稱得上為本年度熱賣飲品之一。不僅將港人的排隊潛能發揮至極致，更將台茶店開到成行成市。經過馬鞍山，又熱又渴，見到six tea不用多想即刻買！點了炭燒烏龍珍珠奶茶， 奶茶香醇有厚度，珍珠入口煙韌。另外，茉莉芝士奶蓋茶， 奶蓋加上鹹香的芝士，一鹹一甜，更能衝擊味蕾。 茉莉茶底清香，喝罷有陣陣甘香升上口腔。 不算甜膩，適合香港人口味。這間店有點特別，除了飲品，還有熱食，如燒賣、牛肉球等，可以飲飽食醉！

高溫天氣懶得外出，所以就近近地在屋企附近的新港城買波鞋，閒逛完就見到這間新開業的Six Tea。除了主打台式茶飲之外，還有小食供應，而且價錢亦算便宜。雞蛋仔雪糕新地 $25每客附上一底雞蛋仔、忌廉和珍珠，還可選配一球雪糕，這次就選了特濃朱古力布朗尼和京都宇治綠茶。雞蛋仔粒粒圓潤飽滿，質感比較實在，不是空心，不過因為雪糕比較快溶，容易浸濕雞蛋仔，所以想吃到外脆內軟的話，就要趕快趁熱吃。珍珠份量不少，質感粉糯QQ富有嚼勁，可以滿足我這些煙韌控。咖喱魚蛋 $12一客有10粒，咖哩味香濃之餘亦不過辣，魚蛋夠入味，不過略嫌質感未算十分彈牙。魚肉燒賣 $12一客有8粒，魚肉燒賣不會蒸得過腍，豉油鹹甜味道剛剛好。焙茶珍珠奶茶 $26奶味比茶味較重，隱約滲出焙茶的含蓄焙煎茶香。