相馬日式火鍋 (Closed)

都好耐冇打過邊爐，成日心郁郁，心動不如行動💓即刻約朋友！食嚟食去都係牛乜牛乜牛乜乜🤣今次就搵左一間偏啲嘅😎估唔到又幾出色喎！晚市食足兩粒鐘，人均都唔洗三百蚊🤑兩個牛魔王當然係揀美國特選牛肩胛任食🐮質素相當之有驚喜😈呢個牛嘅部位，個人真係勁推介用嚟打邊爐🤤個牛味濃郁，最正就係佢口感極嫩滑，但一啲都唔肥❤️套餐仲可以任食進口牛肉、優質豬肉片同雞腿肉添架😚估唔到其他配角肉肉都唔錯喎，唔會食到好大陣雪藏味👍🏻湯底揀左豬骨湯底同中華辣湯🤩前者好清甜，肉味濃香，後者就相當之惹味🌶但唔食得辣嘅朋友就唔好揀喇🙈

Woohoo嗰日喺大學番intern，做晒啲野，超攰，就決定喺附近食下好西🎉🥳近近地去左火炭搵食😎估唔到比我搵到間咁抵食嘅火鍋任食放題店，即刻自己去刷餐勁嘅🤩嗌左個晚市120分鐘美國特選牛肩胛放題～$268咋🤑加埋一都唔洗三百蚊！呢個價錢真係好抵～因為啲牛好靚，唔洗諗任要食好多去回本🤫呢個套餐除左可以任食牛肩胛之外，仲包嫩滑無骨嘅雞腿肉，啖啖用🍗仲有進口牛肉片，唔好以為好低質呀，都一樣好食架！但當然最高質一定係牛肩胛啦🤤牛味濃郁，入口嫩滑，一個字，正！打邊爐最鍾意就係蕃茄湯底🍅酸酸甜甜，夠開胃，配咩肉食都一樣係咁夾呀！

呢一間火鍋店主打兩款高質肉肉放題：美國特選牛肩胛同日本鹿兒島黑豚肉。見OpenRice都已經有好多人都大讚啲肉好食，所以我就唔多介紹喇～我反而更想講下佢地嘅配角🤣🤣跟餐都可以任食嘅進口牛肉同海鮮拼盤都好吸引！估唔到唔係牛肩胛，普通嘅牛肉片都好食！佢唔係平時嘅肥牛，係高級啲，當然牛味唔算好濃香，但至少唔會好肥或者好鞋口。海鮮方面推介：日本帶子、廣島蠔同虎蝦～三款都好新鮮，夠鮮甜！帶子好爽滑，廣島蠔好大隻，個蝦好爽口彈牙冇雪藏味！揀左泡菜湯底～～變左好正嘅牛肉海鮮湯鍋🤣🤣食到濟濟地，當然要飲下加系無糖可樂同烏龍茶，任飲架！

呢間喺火炭嘅火鍋任食店，係朋友食過介紹嘅。性價比真係好高，兩個鐘頭任食美國特選牛肩胛，平日加埋一都唔洗三百蚊！！平時坊間打邊爐有啲都唔只呢個價錢！而家仲頭有靚牛食！！嗰日去到真係瘋狂食牛食到飽。牛肩胛同牛肉真係兩個世界！口感同味道都嗰唔同層次(☻-☻)肉質真係超嫩滑，仲有少少入口即融嘅感覺，但係又唔會好肥，肉味仲要好香濃，真係唔係講笑！識食一定係食呢個部位嘅牛肉片，打邊爐真係一流！呢到嘅湯底都好多選擇，有十款咁多！揀左兩款最濃郁最惹味嘅湯底，兩款都係免費嘅！豬骨湯底好濃郁，豬骨味好清甜。而中華辣湯叫到個顏色同辣椒🌶️就知佢真係超夠辣！

個人比起牛肉，更加鍾意豬肉❤️呢到竟然有得揀日本鹿兒島黑豚肉任食，咁就唔洗話怕比多左錢食靚牛，可以就咁食靚豬肉😌湯底都好多選擇，有成十款咁多！我嗰次就揀左罕見啲嘅泡菜湯底。食食下 心思思又想食中華辣湯～～好彩醬油區幫到我！自己撈左個麻辣醬出嚟！正！呢個套餐除左可以任食日本鹿兒島黑豚肉之外，仲有雞腿肉同海鮮拼盤！！黑豚肉好爽滑，唔肥唔鞋，好濃肉味。雞髀肉冇骨，好滑，啖啖肉🍗海鮮超豐富有日本帶子、廣島蠔、蟹棒、青口、虎蝦、蜆同螺🤩但最正一定係大虎蝦、日本帶子同廣島蠔！真係靚野嚟，好鮮甜，冇腥味，個蠔仲要勁大隻🦪呢個價錢好高質！

疫情之下～真係令想打邊爐嘅我卻步～好彩比我搵到呢間喺火炭嘅相馬日式火鍋放題👍🏻環境好大好舒服～都幾乾淨～唔會好油笠笠嘅感覺。佢仲提供 一人一鍋～就算同朋友一齊食野都冇所謂。雖然呢到係日式火鍋店🇯🇵但竟然有泡菜湯底，喂出奇地啱我！平時好鍾意食韓國野，特別係泡菜豚肉鍋！！今次一次過比我食到夠食到飽✨呢到有得揀美國特選牛肩胛或者日本鹿兒島黑豚肉套餐👍🏻啱晒唔鍾意食牛肉嘅我！真係靚豬！肥瘦適中，口感爽口又嫩滑，冇豬騷味，係好香濃嘅肉味！邊個話打邊爐食牛肉先正～另外呢度嘅火鍋配料都好豐富～我就清清地～拎咗啲蔬菜返嚟食～加埋入個泡菜湯底度～食落更加清甜呀！

呢幾日喉嚨有少少唔舒服 本身約咗朋友打邊爐 又唔好意思推 所以就照去 不過朋友好好 肯就我揀個清啲嘅湯底 本身都擔心清湯會好淡冇味 不過好彩呢道嘅清湯清得嚟有味 放咗啲料入去等湯滾起之後 都好入味 唔重口味嘅我直情唔洗點汁食都夠味 因為我同朋友都係食肉獸 同埋為咗唔蝕 所以我哋嘅邊爐策略係瘋狂叫肉食 我哋兩個都唔好豬 所以就冇嗌嚟食 主打食牛同雞 牛嘅質素都中規中矩 反而對於個雞好有驚喜 本身以為都係嗰啲普通斬件雞塊 點知上到枱 每嚿雞都好足秤好大舊好滑 似係雞脾嗰啲部位 絕對唔係比啲甩頭甩骨嘅部位 食下食下 我諗個自一個人都啪咗至少兩碟雞 下次等我好返啲 就再嚟挑戰其他湯底

聽講有個國際孤獨程度表 入面有其中一項係自己去打邊爐 我今日就決心去挑戰一個人打邊爐😎去咗屋企附近最就腳嘅相馬火鍋 呢道真係幾抵食下 我平日一至四其中一日去 揀咗最平嗰款任食嚟食都只不過係$188 一個人嚟食都唔算好貴 唔洗怕唔抵食會蝕底😜 呢個價錢已經包晒美國進口牛肉 任食優質豬肉 雞肶肉 仲有自助嘅任食火鍋吧 無限應嘅飲品同埋雪糕🍦一條龍服務有齊晒火鍋湯底我揀咗豬骨湯底 湯底隻色係典型豬骨湯嘅色 面頭仲有啲細葱 十足十出去食日本餐廳又或者日本出前一丁嗰種豬骨湯底咁😂 至於醬汁識食嘅緊係攞兩種 豉油加葱花嘅係用嚟點丸類嗰啲 另一個麻醬嘅就用嚟點肉類 兩種唔同口味 雙重滋味✌🏻因為我自己一丁友 所以為咗唔浪費食物 我淨係攞咗我自己平時鐘意食嘅丸類 芝士丸 牛丸 貢丸 墨魚丸呢幾隻係必攞㗎啦😍 另外都攞咗啲菜食 竟然有蓮藕攞 出面打邊爐真係比較少見一個人打邊爐 輕鬆搞掂😌

之前係觀塘住真係成日都去呢間店打邊爐！但搬咗屋之後就冇再食過啦🥺個日咁岩要去火炭做嘢，竟然比我見到呢間店😳當然二話不說入去食啦!!!!!首先，講下點解咁鐘意呢間啦~有一個好大嘅原因係有一款丸係火炙芝士丸🧀呢粒丸係台灣食過一次後就念念不忘，但係香港一直都揾唔到🥲終於係度比我揾返，真係每次都要食返10粒先滿足!!然後，湯底我就鐘意豬骨湯底同泡菜湯底😍泡菜好有韓國風味但唔會好辣🌶️對我黎講係少辣程度~而豬骨湯就頗濃特別煮菜好入味😙最後，肉類方面我就覺得不過不失，我對肉冇咩特別要求只要肉味適中同淋就可以了❣️不過值得一提係而家竟然有任食嘅即叫即燒嘅串燒，雞翼同炸物！仲要款式好多同埋都好好食😋大家真係可以試下~~

嚟開呢頭諗唔到食乜，相馬日式火鍋都係個好嘅選擇，一個價錢除咗打邊爐，仲有啲燒烤熟食可以叫。重點同一般嘅火鍋任食熟食自助唔同，呢到熟食係用紙落單，保證係熱辣辣新鮮！火鍋：揀咗個免費選擇中嘅泡菜湯，個人覺得有少少偏酸，加上泡菜係一大嚿咁上，如果可以拆細嚿會容易啲分～相馬嘅牛肉係主要嘅賣點之一，統一嚟自美國有質素保證嘅來源，特選牛肩胛同普通牛肉嘅外貌上主要係油花分佈，不過食落其實唔太大唔同，同樣都係牛味香！燒烤：翠肉瓜同菠蘿必食！調味唔算好濃，保留到食材原味～重口味嘅人可能要自己加少少調味。

平日一至四過到嚟火炭搵朋友 平民又抵食之選必定食呢間相馬日式火鍋😛晚餐成人每位都係268再加一 就可以叫任食美國特選牛肩胛同埋好多唔同嘅配料🤘🏻🤘🏻牛魔王真係要嚟呢度試下佢地嘅牛肩胛🐮用薄片嘅形式供應 所以基本上放一放落熱湯就食得⭐️記住唔好過熟 牛味比一般嘅濃少少 再加埋等地揀嘅甜豉油湯底🤤更加加添咗啲日式風味🇯🇵美國進口牛肉同其他肉類都不錯 不過希望可以有啲厚切少少嘅牛 可以有多少少口感上嘅選擇🤎另外都好欣賞佢哋嘅自助區亦都會不斷補充👨🏻‍🍳👨🏻‍🍳衛生意識都高👍🏻👍🏻

自從食過一次後 基本上每一個月都會食一次😂🫣因為除咗可以食火鍋外仲有好惹味嘅串燒🍡身為食肉獸當然超愛啦🥩❤️‍🔥而呢間火鍋係我嘅至愛外我啲朋友都好愛❣️🔺湯底今次冇得一人一鍋，要同朋友share鴛鴦鍋😜我哋就叫咗蕃茄同豬骨湯底🐽兩款湯底都唔係太龍尾，但我哋都覺得係足夠嘅😙🔺美國特選牛肩胛牛肉肥瘦啱啱好，唔會有好多肥肉🤭但完全唔會靭係淋嘅！我哋應該加埋識咗10碟以上😂😂🔺日本鹿兒島黑豚肉豚肉就豬味較濃，但同樣肥瘦適中而且都係霖嘅😊🔺海鮮任食海鮮唔係度度都有而且仲要有七款選擇💕海鮮質素都好好👍🏻🔺配料蔬菜同丸類都有好多嘅選擇，真係每次同唔同人嘅色佢哋都話呢度嘅配菜係比出面多😆🔺串燒，炸物，雞翼因為有好多款就唔逐一介紹了，只好講質素一啲都唔差而且係即叫即燒🙌🏻大家嚟到一定要試！！！

外食揀火鍋最緊要係多選擇🤓位於火炭嘅相馬火鍋放題價錢抵食🤞🏻食物：豬骨湯底同泡菜湯底正常發揮🙋🏻‍♀️如果濃味少少會好啲。有齊美國進口嘅牛肉同優質豚肉雞肉，另外亦都有海鮮，例如廣島蠔、虎蝦同帶子❣️肉類嘅質素都不錯，一個大碟有成十塊左右。自助區嘅蔬菜菇類同丸都好充足齊全😹🥬🥬服務：上食材嘅速度都好快，落完單無幾耐就到，適合餓鬼😹😹收碟嘅時候職員都好有效率，唔怕搞到成枱都係盤影響夾嘢👍🏼👍🏼價錢：埋單三百蚊左右～抵食抵食！🤓食物同服務質素都不錯。

要揾到一間有齊晒牛豬雞海鮮任食嘅邊爐放題真係一啲都唔易 通常有齊咁多嘢食嘅邊爐都只係可以單點咁嗌 咁叫法 個荷包真係頂唔順😵 今次終於比我揾到間放題邊爐 仲要係只需要一個價錢 就可以無限量咁添食所有肉類 海鮮類 丸類 菜類 就連熟食 飲品 甜品都係飲食😱 OMG 心諗邊有咁大隻蛤乸隨街跳 一於就去挑戰下佢係咪路😎 一打開menu見到唔同級數嘅牛同豬揀 牛仲有唔同部位揀🐮例如牛肩胛 牛小排 要留意嘅係平日一至四比起星期六日假期嘅價錢係唔同㗎 會平啲 所以平日嚟食真心好抵🙈就連湯底都有多過10種揀🤩我地今次湯底揀咗一辣一唔辣 肉類都有揀齊牛同豬 咁就可以公平咁試真啲😝佢哋啲肉色澤紅潤 一睇就知係新鮮切出嚟嘅 佢哋嘅presentation都好加分 唔會爛蓉蓉又或者得好細塊咁 唔錯唔錯😌雖然唔記得咗影 但係海鮮類都好值得推介🦐佢哋嘅海鮮拼盤有齊晒日本帶子 廣島號 蟹棒 青口 虎蝦 蜆 螺 仲要洗乾洗淨 味道全部都係好鮮甜 完全係做爛市🥹 自助配料有齊晒邊爐必有嘅丸 菜 麵👍🏻打邊爐另一個靈魂之窗就係飲品 基本上冇凍嘢一路打邊爐一路飲係會熱死🤣好彩呢度飲品區嘅嘢飲都算係幾多選擇 唔會限死得嗰一

火鍋升級之選有豚肉可以揀，對於唔食牛嘅我嚟講正中下懷❣️❣️仲要係日本鹿兒島黑豚肉！平時自己係超市買都唔平，呢到三百蚊就可以任食，自己又完全唔洗供任何準備食材嘅功夫🤓掂啦～經典嘅豬骨湯底配豚肉真係勁有日式風格。加上一見到啲豚肉嘅油花咁靚，真係物超所值！😛😛自助區嘅菜同丸選擇亦多多，火鍋解油膩必須的茶都幾個選擇👍🏻👍🏻甜品雪糕控亦都好滿意！可以自己食幾多就用匙羹拎幾多～推薦指數：⭐️⭐️⭐️⭐️⭐️/5性價比：⭐️⭐️⭐️⭐️.5/5 回頭度： ⭐️⭐️⭐️⭐️⭐️/5