Sooner

Open Now

Now Closed

因為我住附近，加上店舖新開，黎左2次都唔算多人，唔洗排隊，一定有位坐😜第一次黎嘅時候我同朋友2個人所以試唔到太多嘢食。第二次嚟嘅時候我同五個朋友一齊嚟，所以差唔多試晒個menu。首先講下我鐘意佢地個手工意粉，食過自家製咖啡意粉，好特別，濃濃咖啡味加上煙肉，都有啲驚喜。🤭食過青口手工薯團，好得意嘅口感（可能我少食手工意粉？），薯團一團粉嘅口感煙煙韌韌連埋醬汁，又幾好味。亦食過黑松露手工意粉，有啲似carbonara + 重黑松露嘅味道。有個pork belly 豬腩肉，第一次嚟有塊厚厚嘅燒豬皮，超脆口超好味😋。第二次黎冇左塊豬皮，話改良中，都好味嘅，始終豬腩肉嘅位置仍然都係入口即溶，肉嘅部份好林。第二次黎嘅時候因為多人share, 所以叫左個龍蝦柚子沙律，簡單清新好味，龍蝦啖啖肉。😋閒談之中覺得老闆娘超好人超有禮貌超溫柔，主廚去過外國唔同地方做主廚，超有經驗。一間唔錯嘅手工意粉小店，會再去。🤭

西營盤多咗好多又靚又有特色嘅cafe同文青小店，初初以為呢間都係一間正常靚cafe，諗住坐下輕鬆下，但試過佢嘅嘢食同飲品，實在令人喜出望外，非常高水準，要介紹一下💙💙 以下點嘅食物不論擺設同味道都唔係外面常見嘅，上枱嘅時候店員仲有詳細介紹返菜式，睇得出廚師嘅心機同埋對烹飪嘅熱誠，有機會要再試下其他菜式。💙鮮茄蓉鯷魚多士多士外層頗香脆，但裏面係非常鬆軟，底面都搽滿牛油(定橄欖油?)，好似食緊一款新鮮出爐嘅手做麵包，非常高質。 上面嘅蕃茄碎清甜唔會過酸，再配上鯷魚嘅鹹香令到味道層次更加豐富，三款食材配合得好好👍🏻💙是日甜品-Bake Rice Pudding有少少似焦糖西米布甸，不過係升華版🤭下面係焗飯，米飯粒粒分明而且有口感，幾彈牙！上邊有一層薄薄燒過嘅焦糖，再配上清甜橙肉，混合埋醬汁，口感同味道都好夾。💙柚子蜜桃梳打呢一杯梳打味道唔會過甜，蜜桃嘅甜香配上柚子嘅酸性味道啱啱好，加上有氣嘅梳打飲完之後真係透心涼，非常適合而家咁熱嘅天氣。

📌Sooner～西環The Third結業後原址又開咗一間新cafe，位於東邊街，都係要行少少斜路先到😂位置格局都係冇乜點變，都係簡約北歐風～人流唔算好多，環境恬靜，都係屬於坐好耐冇問題嘅咖啡店😝打卡位就係梳化位，幾有Vintage嘅感覺🎞店內仲有唔少植物點綴🌿餐牌選擇就真係少，主打自家製意粉，只有三款選擇，另外就係吐司同甜品😮𖧷 黑松露醬鹹蛋黃自家製意粉 𝗧𝗿𝘂𝗳𝗳𝗹𝗲 𝗖𝗿𝗲𝗮𝗺 𝗣𝗮𝘀𝘁𝗮 𝘄𝗶𝘁𝗵 𝗖𝘂𝗿𝗲𝗱 𝗘𝗴𝗴 𝗬𝗼𝗿𝗸 $𝟭𝟯𝟴 (𝟲.𝟱/𝟭𝟬)賣相不錯，但留意份量比較少👈🏻好少見黑松露醬加上鹹蛋黃，配搭都幾特別😂味道唔算好濃味，尤其鹹蛋黃味道唔算好突出👀手工意粉口感煙韌，但係食食吓發現到一條黑色長髮，都幾嘔心🫠我同朋友都係啡色頭髮，詢問之下店主都冇乜反應🤮其實之後都食唔落了😵‍💫𖧷 芒果蜜桃梳打 𝗠𝗮𝗻𝗴𝗼 𝗣𝗲𝗮𝗰𝗵 𝗞𝗼𝗺𝗯𝘂𝗰𝗵𝗮 𝗦𝗼𝗱𝗮 $𝟰𝟴 (𝟲/𝟭𝟬)夏日炎炎叫咗一杯用Kombucha製成嘅梳打，味道較為清淡😅💡整體嚟講，食物飲品方面都冇乜特別🫣仲要食到條頭髮😮‍💨整體性價比好低，個人認為同區有更好嘅選擇，應該唔會再訪了👋🏻✄-------------

我一向很少上評論，自從幾個星期去完之後，我不是會想起他們家的coffee pasta，因為這個味道在其他地方找不到，其他食物和飲料，我記不太清楚，唯有這個Coffee pasta令我念念不忘。

幾經波折終於搵到呢間開業一個月左右嘅小店（話晒都叫做黎過西營盤好幾次但都仲係唔太記得點樣行）本身出左去B1出口，行錯左去第一街個邊結果問番人先知原來西邊街，下一條係正街，再下一條就係東邊街了到我搵到東邊街，結果只係見到單數號嘅店舖，原來雙數又喺另一度......最後終於搵到了，老闆娘好好人，佢話下次mtr可以喺A1出口轉右行過黎會近D，同埋佢話今日多數D客人去晒堅尼地城個間little cove, grand opening後嘅第一個星期六日（好在我喺佢上星期soft opening已經幫襯左）櫥窗放左多枝本地手工啤，不過本人唔飲酒所以冇叫全店唔算話有咩特別打卡位，相信較特別嘅係牆上面放左一個個架，擺左唔少餐具器皿仲有個叫做打卡位應該係我咁啱好彩坐緊嘅木梳化位，可以坐到兩個人，一大一細嘅圓枱仲有樽花放喺度，影相啱晒今次我先試左甜品先，揀左baked rice pudding，原來係西班牙甜品老闆娘話呢個係改良版，個甜品係焗嘅，有點似中式酒樓嘅焗荔芋西米布甸，米用左意大利米所以口感煙韌一點，上面放左帶點微酸嘅橙片，平衡番布甸嘅甜度，再喺上面整左焦糖，口感又豐富左第一次食呢款甜品感覺唔錯，

西營盤東邊街的𝘛𝘩𝘦 𝘛𝘩𝘪𝘳𝘥 由新店𝘚𝘰𝘰𝘯𝘦𝘳 接手了~ 簡約北歐風的設計，淺綠色牆以及各種木製家具，沒有特別的花巧設計，卻給人一種家的溫馨感覺。門口增添了一個梳化位(打卡位!) ，午後陽光打進來顯得特別寫意~ 這裏主打的是手工意粉，還有吐司以及其他輕食提供。‎𓏸 𝙋𝙤𝙩𝙖𝙩𝙤 𝙂𝙣𝙤𝙘𝙘𝙝𝙞 𝙬/ 𝙎𝙢𝙤𝙠𝙚𝙙 𝙎𝙖𝙡𝙢𝙤𝙣本來這款搭配的是青口，但由於售罄而換上煙三文魚，幸運地剛好我是不喜歡吃青口的!! 必須要稱讚𝘨𝘯𝘰𝘤𝘤𝘩𝘪 做得十分煙靭，是我喜歡的口感呢! 換上的煙三文魚鹹香十足，而三文魚籽粒粒飽滿，超級滿足!! ๑⃙⃘´༥`๑⃙⃘‎𓏸 𝙏𝙧𝙪𝙛𝙛𝙡𝙚 𝘾𝙧𝙚𝙖𝙢 𝙋𝙖𝙨𝙩𝙖 𝙬/ 𝘾𝙪𝙧𝙚𝙙 𝙀𝙜𝙜 𝙔𝙤𝙡𝙠黑松露鹹蛋黃意粉味道也不錯，黑松露汁頗𝘤𝘳𝘦𝘢𝘮𝘺 份量剛好，自家製的鹹蛋黃味道可以再突出一點喔~𓏸 𝘾𝙝𝙤𝙘𝙤𝙡𝙖𝙩𝙚 𝘾𝙖𝙠𝙚 𝙬/ 𝙄𝙘𝙚 𝘾𝙧𝙚𝙖𝙢味道正常的朱古力蛋糕𓏸 𝙇𝙮𝙘𝙝𝙚𝙚 𝙋𝙚𝙖𝙘𝙝 𝙎𝙤𝙙𝙖用𝘒𝘰𝘮𝘣𝘶𝘤𝘩𝘢 調製的梳打~ 味道清爽不太甜，配意粉也𝘰𝘬！𓏸 𝘾𝙤𝙡𝙙 𝘽𝙧𝙚𝙬試業期間只有𝘤𝘰𝘭𝘥 𝘤𝘳𝘦𝘸供應，冰冰涼涼易入口食物是我近期吃過的幾間咖啡

上月在Good Good吃午飯後步行至The Third看發現沒有營業還察覺到店內有不少信件散落在地估不到相隔數週已被新店取代////Sooner沒有把店鋪大翻身保留了討好的粉綠色內外牆身只把原本靠牆的一列面壁位拆掉並在近入口放了一張梳化//和同期新開的cafe比較Sooner的最大賣點是自家製pasta它們都是由店主兼主廚新鮮製造小編對手工意粉零抗拒當然要來一試若本著來打卡的朋友可能會失望但這裡吃到的是很好的comfort food期待以後會有更多自家出品////🔅𝘾𝙤𝙛𝙛𝙚𝙚 𝙋𝙖𝙨𝙩𝙖 𝙬/𝙏𝙖𝙡𝙚𝙜𝙜𝙞𝙤 𝘾𝙝𝙚𝙚𝙨𝙚 𝙎𝙖𝙪𝙘𝙚 -可能被煙肉和芝士等濃味材料蓋過混入麵團的咖啡粉味道並不突出但意粉軟硬適中下次要來嚐試gnocchi//🔅 𝘾𝙝𝙤𝙘𝙤𝙡𝙖𝙩𝙚 𝘾𝙖𝙠𝙚 𝙬/𝙄𝙘𝙚 𝘾𝙧𝙚𝙖𝙢 -當日的唯一甜品正常水準//🔅 𝙇𝙮𝙘𝙝𝙚𝙚 𝙋𝙚𝙖𝙘𝙝 𝙎𝙤𝙙𝙖 -用kombucha調製的特飲微酸甜很清爽消膩//小編看到櫃檯有數包face up的咖啡豆希望下次除了cold brew還有意啡同手沖選擇

滂沱大雨之際，碰巧亂入這間剛剛開業的小咖啡店x 餐廳。開心小發現！現在港島區開了無數新咖啡店，但是如果想飽腹而不是又吃all day breakfast/bagel/muffin/brownie/burnt cheesecake的話，這間小餐廳是不錯的選擇。距離西營盤地鐵站也不算遠。叫了手打意粉+鹹蛋+黑松露，奇妙的配搭但又不會太亂來。手工意粉的煙韌度，就是不一樣。賣相也很不錯。旁邊還看到店主（應該是）在製作意粉。感覺很用心！值得鼓勵！值得再去！

✨適合打卡閑聊 西營盤cafe✨.星期三下午黎到位於西營盤嘅Sooner，當時台內約有2-3枱客，但我哋都好好彩坐到打卡位💕.▫️桂啤 $68（7.5/10）▫️ 蜜月沖繩蜂蜜酒 $68（9/10）手工啤係 @citibrewhk 嘅出品，桂啤聞落好香，幾易入口；至於蜜月沖繩蜂蜜酒則是夏日限定，易入口到好似汽水咁，我同朋友都好鍾意飲😻朋友直頭想買返屋企飲.▫️Hojicha cake with ice cream $58 (6/10)正常冇咩特別～下次有機會去要試吓正餐先得.❥…Cafe環境舒適，老闆(定店員?)都好親切友善，最重要打卡位好啱影人像，就算係落雨天光線都唔差，加上專業嘅同行友人，求其影幾張都己經影到滿意🙈.如果鍾意我嘅𝐏𝐨𝐬𝐭 (˶ˊᵕˋ˵)希望你可以𝐅𝐨𝐥𝐥𝐨𝐰我@fibee3b.

之前經過東邊街斜路，見到有間新開cafe幾靚，今日就約咗朋友去試下😋叫咗黑松露咸蛋黃自家製意粉，四重芝士慢煮牛小排三文治同minty lemon soda平時是但食個意粉都百幾蚊，呢到d意粉係每日新鮮homemade，價錢都係差唔多！黑松露咸蛋黃自家製意粉 好重黑松露味，而咸蛋黃係灑係面做toppings，咸咸地調味唔錯😆千其唔好expect係港式果種咸蛋黃醬😂 呢個食完唔會好漏意粉係自家製，口感煙韌通常手工意粉份量會少d，但呢個份量對我黎講啱啱好四重芝士慢煮牛小排三文治三文治好特別，平時cafe通常得三文魚牛油果果d揀呢個牛幾有驚喜，煮到好林好好食上面紅色果d pickles酸酸地，中和返d芝士，我本身都鐘意食酸瓜，覺得個配搭有d菜幾好Minty Lemon Kombucha Soda好fresh，個底有蜂蜜，唔太甜，行到好熱飲好消暑cafe樓底好高，門口有幾棵植物，咁啱有陽光曬入黎好chill!🥰

每次看到手工意粉，都會去試吓🤭我點左黑松露蛋黃手工意粉同牛小排三文治，比起傳統乾意粉，手工意粉多一重煙韌口感，如果鍾意濃味嘅朋友，呢個意粉絕對岩口味👍🏻 而牛小排吐司絕對超出我預期，別睇少吐司中的一顆顆，絕對是精粹！少少酸酸甜甜，中和芝士同牛肉嘅膩感👍🏻而且環境超舒服，落地玻璃照射陽光，令到餐廳好有格調

見大廚做過米芝蓮餐廳，本身都幾期待會好食，但未如理想😢可能期望太大。餐廳整體環境整潔，都幾有文青feel，打卡一流。位置近地鐵，行幾分鐘就到。空間不算太大，大概有7張枱。意粉味道ok，有少少黑椒味，蛋黃味唔太突出，整體味道清淡。闊麵都幾煙靭，但有啲兩條癡埋一齊食落偏硬。同埋份量偏少，本身食量唔算大，但食完都唔夠飽，所以叫多碟蛋糕食。甜品算係敗筆，份量比想像中少，蛋糕硬身，口感有啲癡口，有少少似心太軟嘅口感，味道偏甜，唔算太好食。雪糕味道ok，沒什麼特別。 友人食焙茶蛋糕，表示沒什麼味道。不建議點蛋糕食。整體環境不錯，打卡ok，但不要太期待食物

哇🙀! 呢間位於西營盤東邊街新開的Sooner cafe，一定要支持💪🏻！ cafe格局同食物都堅有質素㗎！😋🌟主理餐廳嘅大廚曾喺多間米芝蓮餐廳鍛鍊廚藝，細睇Sooner嘅餐牌😍，發現各款菜式都獨特新穎！因為全部都由廚藝出眾嘅店主一手設計👨‍🍳！大廚曾喺英國🇬🇧、澳洲🇦🇺工作多年，仲做過英國米芝蓮一星餐廳Barrafina擔任副廚！🤩，擅長創作別樹一幟嘅歐陸Fusion菜🥗。Sooner主打自家製意粉，手打意粉口感煙靭👍，難怪同一般cafe常見的乾意粉唔同啦🍝！店內菜式所係匠心製作❤️！細微到連醬汁、咸蛋黃碎都係自家製🙀！店主希望為創新嘅菜式添上精緻感✨🥗Apple zucchini salad $78用上自製醬汁，以杏仁、法式mustard和sherry vinegar 打磨成醬🤤🍝Coffee pasta with taleggio cheese sauce $138由醬汁至整意粉過程都有加入咖啡☕️，以taleggio芝士🧀，一種入口香滑嘅芝士做醬汁 ，口感順滑😍。🍹Minty Lemon Soda $45🍺桂啤 $68Cafe入面有唔少打卡位📸！尤其個梳化位，真係一流🤭！比個機會

西營營盤新開左一間新嘅小清新Cafe✨店舖裝修簡約得黎好舒服，而且亦都好光猛得閒過黎chill chill 好relax我特別喜歡門口附近的綠色小植物同大梳化🌲食物方面叫咗魚子青口手工薯糰手工薯糰由大廚親自新鮮製作十分之有誠意既菜色👍🏻👍🏻第一次食呢種手工薯糰，口感好得意，同埋都幾好食😋值得一題嘅係佢個醬汁係濃濃牛油味同個手工薯糰好match而且青口食落好新鮮 將薯糰混合魚子一齊食個感覺好鮮味大推！出面cafe好少食到呢類菜式大家可以一試👍🏻👍🏻👍🏻飲品方面特別鍾意佢嘅蜜桃荔枝紅茶菌梳打飲落唔會好死甜同埋唔會有種好假嘅蜜桃味而且紅茶菌好有益，大推！另外都試咗佢嘅青檸手工啤都係本土品牌飲落其實似青檸梳打 唔會好重酒味同埋好易入口夏天必飲👍🏻