南山梳乎厘

Open Now

Now Closed

一間不起眼的甜品小店...我係社交平台睇到有介紹呢間小店，係深水埗大埔道油站斜對面，需然店鋪細，但都有常客來幫襯，老闆娘剛剛接到整30個order嘅外賣，所以我要等成20分鐘以上。可以睇住個製作過程，感覺好自癒🤣。梳乎里口味差不多有成十款，有...經典原味/朱古力/焦糖咖啡/焦糖花生/綠茶/士多啤梨/海鹽芝士...等等。食落... 軟棉棉的梳乎里，不甜不膩，又清新可口。記得係要新鮮食。值得一試👍🏻

俾尼間既梳乎厘既厚度吸引左，今次揀左朱古力味。外型已經好厚身，仲有好Creamy既忌廉包裹，面頭有滿滿既朱古力粉同脆脆瞓覺朱古力嘅香味同豐富口感。 雖然梳乎厘厚身，但一啲都唔紮實，仲有動L動L感覺。梳乎厘入口鬆軟綿密，質地比起其他既梳乎厘濕潤。甜味岩岩好，唔會太甜，食完唔會有好膩既感覺。但係個人覺得蛋香味比較唔明顯，除此之外都值得一試🫶🏻

初初擔心外賣會冇咁好食但雪凍食都好好食😍-🤍海鹽芝士梳乎厘 $45奶蓋好重芝士味 份量又夠多🧀梳乎厘總共有三層🥞食落好有空氣感 口感夠綿😋而且蛋香都夠重🍳配埋木槺碎好夾味道🌕🌕🌕🌕🌑-🤍開心果梳乎厘 $60個梳乎厘底同海鹽芝士一樣只不過係奶蓋變咗開心果醬🥜都有滿滿嘅開心果碎 大滿足🤤味道🌕🌕🌕🌕🌑-回訪嗎：🙋🏻‍♀️整體味道 🌕🌕🌕🌕🌑抵食 🌕🌕🌕🌕🌑

性價比高 款式又多嘅梳乎厘推介💁‍♀️✨Baileys Soufflé Pancake $45第一次見baileys味咁特別 即叫即整大概等10分鐘😆每件都好厚身 熱辣辣 好fluffy 動L動L🤡甜度適中 baileys味濃 口感輕盈鬆軟 唔會膩/濟👍🏼下次想試開心果味 見開心果關注組大推🤭📍地址: 南山梳乎厘深水埗元州街1F號地舖紅磡民泰街19-23號地下1號舖#yyy深水埗 #yyy紅磡 #souffle #pancake #hkdessert #hkeat #hkfood #hkfoodstagram #hkfoodblogger #hkfoodshare #yummy #nomnom #delicious #igfood #foodporn #instafood #foodstagram #foodies #foodblogger #맛있다 #먹방여행 #美味しい #おいしい #吃貨 #相機食先 #香港美食 #深水埗美食 #紅磡美食 #香港甜品 #梳乎厘

史努比聽人講呢間梳乎厘好抵食最平$45就有一份😳但史努比去嗰日系年初四 加咗價🥲平時賣$45嘅變咗$65$65嘅就山變咗$80🥺但一場嚟到深水埗 又冇理由唔食所以最後都系嗌咗😌👎🏿海鹽芝士 $65賣相就好靚啦~震揗揗咁好fluffy😛雖然做到輕盈嘅梳乎厘質感但系太過空氣🥲邊邊位蛋白霜好明顯 似食泡泡多啲😅加上食落冇蛋香味唔系微弱 系基本上完全冇咁滯😟好失望上面嘅海鹽芝士有少少奶蓋feel鹹味頗重 海鹽味好出 唔系好覺有芝士味食落鹹香十足 減低cream嘅飽滯感但over咗🫢食完竟然覺得口乾🤦🏿‍♀️On top有啲脆脆增加口感幫佢加翻少少分 但最重要嘅梳乎厘做得唔好Overall都系唔及格🥺味道: 3/10性價比: 5/10如果平時$45食完可能冇咁失望冇咁嬲但年初四 既然系你選擇啟市嘅 點解要加價加成廿蚊咁多😫$65咁嘅質素就真系唔值啦不過就算過咗新年變返$45都應該唔會回頭😌整體評分：味道: 3/10環境: 5/10服務: 7/10衛生: 6.5/10抵食: 5/10回頭率: 0/10

之前已經聽聞呢間梳乎厘好掂，掂到開分店。前2日咁啱經過，決定試一試係咪真係咁掂由於店舖無乜足夠位置供食客堂食，於是決定外賣，返屋企慢慢歎😋份量，價錢完全可以接受，現場即叫即整，超級新鮮👍口感鬆軟，似空氣，但味道就欠缺咗一些梳乎厘應有既順滑及綿密。但勝在有多款口味供食客選擇。試一次就夠！

上次喺南山邨食完品香樓，就行咗去食埋呢個南山疏乎厘，但原來唔係喺南山邨，而係喺石硤尾同太子中間，由南山邨散步過差唔多10分鐘～總店開喺個轉角位，旁邊有條後巷仔，如果想現場食嘅話，店員會開啲枱櫈出嚟畀你坐，仲會舖埋張紅白格仔枱布，就算係用即棄餐具，但佢哋都會將食物擺上個木碟或者木盒上，影相效果都幾靚，睇得出佢哋幾有心思～👍🏼•🥢 開心結果 $60最近開心果係大熱，差唔多樣樣甜品都見到佢蹤影，呢度嘅開心果味疏乎厘都有人喺開心果關注組推介過💚 開心果奶蓋打得好輕盈，上面仲落咗唔少開心果碎，食落真係幾濃開心果味，唔會太甜，亦都唔會好膩，大推！至於疏乎厘方面，一份係有兩件，當日店員同我哋講即刻整要等10分鐘左右，所以上枱嘅時候仲熱辣辣，好鬆軟，就算擺咗一陣依然係好有空氣感～味道方面都唔會好甜，但係蛋白味比較濃，蛋黃味比較弱～ 所以都幾靠奶蓋嘅味道去帶起成個甜品😛•📸 雙重滋味 - 海鹽芝士 x 伯爵傾情 $55🥢 海鹽芝士 海鹽芝士味呢個比起開心果味，就稍為遜色一啲，雖然個奶蓋食落鹹鹹甜甜，但係芝士味唔太夠，所以味道略嫌無乜層次～🥢 伯爵傾情佛手柑香係伯爵茶嘅獨特之處，但呢個奶蓋就稍為太重佛手

今日同女朋友諗住去mr.cool買野，點知啱啱佢就閂左門🥲，女朋友就話不如去食梳乎厘，聽落都唔錯咁所以又去左食，今次食左焦糖花生，個梳乎厘一樣好似過往咁好食，雖然覺得好似食空氣咁，但可能因為咁其實可以食多幾個都得😚，花生既出現令成件事即時有左個口感😂，個主菜梳乎厘又好動L又鬆既感覺，如果以質素係無得輸，下次再去食其他味今日埋單$45，合理價錢❤️下次食既想試下伯爵茶，睇上去覺得幾吸引😚😚

有時候，我工作攰了而想食甜品滋養下心情，我會順便行過去呢度外賣一份梳乎厘。每次見到店家係搖來搖去的2塊梳乎厘班戟上放上鮮忌廉和配料，真係好療癒😙*🥭🍮 Mango Soufflé Pancakes 芒果奇緣 (HK$50)．梳乎厘上放着超多鮮甜芒果粒和輕盈、綿滑的鮮忌廉，足料的．忌廉下的2塊梳乎厘班戟，雖然已經整好咗一陣，攤凍咗，但仍然係脹卜卜、輕盈的，搖搖晃晃，好像永不塔下的，食落有綿密的鬆軟口感，好好味😋

🇭🇰 南山邨街坊名物·大學生一致醉愛白汁冰🥰📍南山梳乎厘南山邨街坊名物「白汁冰」於深水埗一間小店已經食到！據聞因私人理由「南山梳乎厘」與前身的店舖分拆，因此南山邨和深水埗各自經營，雖則食物款式不一，但以一碗「白汁冰」為共通點！（賣飛佛甜品🤍）比起招牌疏乎厘，我會更推介白汁冰☺️🤍3.6北海道牛乳·芒果白雪西米露🍧💰$40平時食𣲙已經覺得好爽皮☺️，「白汁冰」更加入大量3.6北海道牛乳，濃郁奶味沙冰會令你一口接一口☺️芒果🥭零酸，新鮮清甜（非糖漿死甜），亦毫無「鞋口」的感覺，色澤鮮艷👍🏻當中還有一款看似巨大化西米露，其實是「蒟蒻」！口感煙煙韌韌，加分🥰

專登過黎，發現原來一早已整好，不是即整，啲有輕微個最底位置有啲暖朱古力梳乎里少cream 唔會太甜，朱古力脆脆幾好食不過唔建議大家專登黎試，行過見到可以試下因為有機會失望所以網上介紹都係信啲，唔好太大期望去試，咁就可能會有返啲驚喜掛

疏乎厘夠厚身 口感鬆軟 充滿空氣感 食落去非常輕身 入口即溶 慢慢係口中化開 有香濃嘅蛋香味 面頭加咗原味奶蓋同埋朱古力粉 奶蓋濃稠 充滿鹹香味 而黑朱古力粉唔會好甜之餘帶有回甘 令整體味道唔會太甜 食晒成個都唔會覺得漏

依間疏乎厘前身喺南山村， 後來改咗喺深水埗營業。南山邨嘅前身疏乎厘店我一直未有時間去到今次終於都可以喺深水埗試下。店舖其實唔係好大喺正角落位， 聽聞以前會喺隔離走廊開啲枱嚟堂食。 唔知係咪因為疫情改左，所以而家已經冇咗堂食但係可以買完疏乎厘後喺走廊隔離，牆身連咗少少鐵板都可以企係度食。 除咗主打嘅疏乎厘外，Menu上其實都見到有一啲甜品好似係西米露等等。 當然嚟得呢度食當然會試吓佢哋主打出名既疏乎厘。 疏乎厘嘅口味相當多，除咗有一般嘅抹茶味道及原味味道等，仲有啲比較特別嘅口味例如海鹽芝士、伯爵等等。 我當然會選擇試「伯爵傾情」， 價錢其實已經忘了是$45還是$50多了😅 。 因為即叫即整關係 一定需要等一會。 終於出爐， 比想像中大份。空氣感幾大。 伯爵茶味道濃郁， 但不會太甜。 加上面既脆脆，口感唔錯！

//10 08 23 晴天🌞20:30 深水埗 元州街@souffle_namshan/ Soufflé，你懂抓緊光陰嗎？/法式甜品，於18世紀開始盛行。各種華麗造型、百變口味，深深吸引，歐洲宮廷貴族嘅愛戴！💖隨住，社會日漸富裕，一眾貴族亦開始頻繁，舉辦不同奢華盛宴。宴會上，每次都會擺放大量高級食材。但可惜，佢哋只沉迷於：飲酒作樂🍻。即使面對大量美食；都係「食而不知其味！」結果，呢種糜爛生活，足足維持咗半個世紀🙅🏻‍♀️。後來，終於有人醒覺，為咗糾正不良風氣🚫！於是利用蛋白，研發出無色、無重，由如薄紗般嘅 ——— Soufflé🥧～寓意：若人生過份沉迷；享樂、物質，最終只會面臨倒塌嘅命運！剛好，能夠諷刺✍🏻 一班權貴，當時過住奢華無度嘅生活…./雖然，無人能夠追溯到 Soufflé 真正嘅歷史。但從呢段少少傳聞，我明白到；「活在當下，捉緊光陰 」與其只懂享樂，倒不如，活出一段更精彩嘅人生🌈！-海鹽芝士梳乎厘 HKD$45—————————————————————即叫即整 需要等15分鐘左右食嘅時候覺得暖暖哋 好好味梳乎厘 入口鬆軟 有種鬆泡泡嘅感覺另外亦帶點濕濕哋嘅空氣感類似偏向法式嗰

山長水遠35度炎夏由南昌站行去南昌街油站食甜品，一心諗住坐喺度涼下冷氣，點知去到係外埋店，似AMPM，個心沉一沉。慢慢企喺度睇下食乜，有唔同款式梳乎厘，仲有實物display，仲有其他非梳乎厘類甜品。諗咗好耐，叫芒果奇緣，問店員芒果甜唔甜？佢話甜，就落order俾錢，店員問我外賣定堂食，心諗間鋪都冇位坐點堂食？但我都照叫堂食，等咗5-10分鐘就有，店員叫我去鋪頭隔離巷仔，就側門放咗個芒果梳乎厘喺門外既一條長木板上。喜出望外，冇諗過深水埗街邊店都有高質梳乎厘，梳乎厘入口即融，好有空氣感，芒果夠甜，加埋忌廉好正。推