港久新街

Open Now

Now Closed

餐廳走型格大排檔路線，環境舒適有冷氣!!主打高質素大排檔風味料理，每一道都有驚喜!!🔥- 雙冬無骨羊腩煲 HK$288 🐐超暖身之選!!羊腩肥瘦相間，肉質柔軟一咬即化，而且完全無骨啖啖肉，口感非常好!!羊皮滿滿膠原彈性，南乳香味入晒味，仲有大量冬菇、冬筍及枝竹，絕對超滿足!!最後仲可以再加生菜吸盡所有醬汁，超正!!- 潮式蠔仔餅 HK$118 🦪超酥脆必叫!!粉漿超薄功夫了得，炸得超酥脆，啖啖都食到蠔仔鮮味!!超出色!!- 時光倒流煨魷魚 HK$28 🦑佐酒一流!!懷舊小食買少見少，一定要試試!!魷魚乾煨得香口，濃縮鮮味超涮嘴!!調味可選不同辣度，咸咸辣辣絕對大家都爭住食!! 

3個人食左差不多1000元， 酒都冇叫叫左兩碟菜， 其中一個係煮到個菜一patpat既口感…芥蘭最正常個滷水拼盤唔ok…好其怪個墨魚是染料的紅色串燒拼盤更加唔ok..上枱時只係暖而且個串燒牛肉如平時食縮左嘅雞軟骨般細粒， 個豬是so的， 係個燒鱔味道正常 ………3個人， 食唔飽之下都食唔哂啲餸因太不好吃了， 埋單見過到張單要差不多1000 更加嚇一嚇🥲 我是冕上去吃的， 餐廳唔多人佢每枱都有支水， 但是支水個蓋係困左黑邊所以我都放棄了飲水…

方便：尖沙咀地鐵站一出2分鐘就到進食時間：冇限時！黃金地段，大眾化價錢價錢，竟然可以慢慢食，好正！服務：超貼心！本身一早經OpenRice訂座，出席前一日收到餐廳WhatsApp，竟然說WhatsApp訂位有八五折優惠，我不敢相信他們會有這樣的提醒， 十分驚喜。另外餐廳員工服務超好因為他們的好，我們一行十人都說會回頭食這間餐廳😂👍🏻食物品質：味道價錢份量都不錯，加上WhatsApp訂位有八五折，超值👍🏻

有冷氣大排檔享受港式風味🇭🇰 仲有一系列滷水菜式! 好多經典港式大排檔菜式都有，一定有幾味啱你口味👏🏼 裝潢好特別，有好多霓虹燈!雙冬無骨羊腩煲 288: 秋冬季啱食暖胃嘅菜式🍂 鍾意羊嘅朋友一定會鍾意嘅羊腩煲，有齊冬菇及冬筍😚 醬汁好濃 又索汁!! 仲有生菜好豐富✨蒜香燒元貝（隻）$38: 超多蒜蓉🧄 辣辣地好惹味😋 元貝夠大粒又爽彈!!牛脷芯 $38: 超級爽彈🫶🏼 汁燒三文魚腩串 $28: 三文魚腩皮脆肉嫩 夠肥美😝串燒交通燈（3色椒蝦滑）$22: 蝦滑幾香

今日嚟到尖沙咀食午餐，見到呢度樓上鋪有間茶餐廳個名咁得意，就上左黎食😝港久新街！上到嚟環境都好大，七彩顏色既枱凳，令人心情都好d😎午餐餐牌都幾多選擇，而且價錢都算同區嚟講平，有兩餸飯有炒粉麵飯，而我就揀咗$54嘅滷水飯。$54可以揀三種滷味，真係超抵，平時斬料都唔得，仲可以揀鵝肉！滷水飯上嚟嘅時候真係好大份，每一個滷水佢都砍足料！而且我觀察到 無論你叫咩飯佢都會有碟菇炒椰菜🥬真係非常抵食！同埋都包咗嘢飲！午餐值得一試

聽朋友介紹呢間唔錯黎試下 一開頭入黎得一台客勁冷清 好彩之後都坐到半滿✨蒜蓉燒生蠔兩隻 $33.6好肥美 👍🏻👍🏻 即叫即燒熱辣辣😆 啲蒜蓉好多好香 連啲汁都要飲埋呀🤤✨菠蘿黑醋骨 $128酸酸甜甜好開胃🤤 啲肉都幾嫩滑同入味👍🏻👍🏻✨香酥脆皮牛肋骨 $258份量都幾多 有好多肉😆 個皮有啲酥皮咁脆脆地 啲牛肋骨軟腍 口感上有個對比😋 牛肉味濃✨串燒交通燈 （3色椒蝦滑）$22呢個麻麻地 唔推薦🙈🙈 啲蝦滑好削 個味道又好奇怪 我本身expect係咸但佢係有啲酸味咁 🍺百威（大枝） $42總括黎講啲野食都唔錯👍🏻 環境舒服 適合三五知己食味道❤️❤️❤️❤️抵食❤️❤️❤️❤️服務❤️❤️❤️💔環境❤️❤️❤️❤️💰晚餐人均～$235（包括+1）

新式風格大排檔「港久新街Soul Guide」，以老港味，新排場作為設計，裝修好似八、九十年代的「走鬼檔」風格，食物方面好貼地，有小菜、滷水打冷、串燒等，仲有兩餸飯！當日午市去到，客人主要附近上班族、地盤工作既朋友，$58雙餸飯連飲品，坐得舒服又有冷氣，不少人都選擇堂食多過外賣🙈🌟蘿蔔牛筋腩、菠蘿黑醋骨配湯飯🌟枝竹豆腐火腩、秘製香橙骨配菜飯🌟港式街頭滷水六拼（紅腸、墨魚、豬耳、牛展、生腸、鴨腎）雖然淨係揀左兩個餸，但跟餐會送多個菜，勁健康🤣飯可以揀湯飯、雞油飯、菜飯同白飯，湯飯好食，幾消暑清甜🤤牛筋腩入味夠腍，黑醋骨同咕嚕肉好似，外皮仲脆口，反而香橙骨有少少失色，醃得太腍，同埋唔夠熱，豆腐火腩份量幾多，都有4-5件火腩！滷水六拼岩哂成班人一齊share食😆份量多不過建議切厚d食起黎口感會更好，如果晚市黎食，滷水拼盤一折，六拼只需要$16.8，真係勁抵🤩

小菜大份但味道一般，海鮮同肉類都冇咩記憶點，一般無伏啦🫡・・・・・・・・・・・・・・・・・・・・🥘 豉椒炒蜆煎米粉底 HK$128・味道：夠辣但個芡略嫌重手咗，蜆冇沙正常發揮。煎米粉底幾香口，但可以再焦脆啲，甜椒唔生，正常冇伏。・口感：蜆可以再揀啲大粒飽滿啲，而家唔多夠喉～🍳 菜脯肉碎煎蛋角 HK$88・味道：家常小菜無伏正常，加咗蔥幾香口，肉碎份量幾多，多啲菜脯更好，整體都係普通。・口感：幾厚身實淨嘅，份量都多，煎得香口燶啲更好。🥩 香酥脆皮牛肋骨 HK$258・味道：全靠酥皮在撐⋯⋯但撐唔住了。就係牛肋骨原本牛羶香味＋冇味酥皮，好少食炸嘢個皮咁清淡😂，個泰式酸辣醬好似開浠咗咁，唔點好過點😅・口感：酥皮幾脆嘅，都冇甩皮，牛肋骨都唔韌唔柴，有啲牛脂食落更軟腍香口。🍹 竹蔗茅根水 HK$28・味道：雖然甜但清香解暑嘅，未到要溝水，不錯喝！・・・・・・・・・・・・・・・・・・・・🤰性價比：中～🤰9衝度：可試～🤰結論：呢間好明顯係食vibe同環境㗎喇，對嘢食冇咩要求正常就ok嘅這，就可以食呢間囉，地點就腳XD・・・・・・・・・・・・・・・・・・・・

上一次試了滷水及潮州菜式，覺得味道不錯，今次打算再試其他菜式，但最終令我有點失望。蒜蓉燒生蠔 - 味道不錯，好惹味，值得一試大廚脆皮鹹豬手 - 味道適中，皮都算脆，肉質口感不錯豉椒炒鵝腸 - 沒有鑊氣，沒有豉椒汁味，整碟餸比較清淡，就算將鵝腸撈埋豉椒汁食，都感覺清淡椒腐通菜 - 整碟菜淡而無味餐具建議大家食前先洗一洗，我換了兩個碗都有食物漬，而且黐力十足，要用手指甲刮掉。不過，這裡服務態度好，不限時，可以任坐，最適合朋友們聚餐。

第一印象是 好適合食Ocamp 組飯的地方🫵🏻新式(乾淨)大牌檔 很IG-able!! 📸餐牌都是有精心做過排版的🤣👩🏻‍🎨真心覺得有心思的餐廳是會連餐牌也不會馬虎!！重點！！炸蠔餅超好食⭐️可以回訪！！！𓏸 潮式蠔仔餅 | 118世一蠔餅！！炸得超香口而且蠔仔不會炸到變蠔豉！！依然保持外脆但蠔還是滑捋捋！🥹🫶🏻𓏸 啫啫豬潤雞煲 | 138很惹味!! 有豬潤 大概～8塊(?)大量的菇!🍄‍🟫𓏸 蒜蓉炒白菜仔 | 78多達7款煮法✨ 𓏸 竹蔗茅根水 | 28𓏸 五花茶 | 28更喜歡五花茶（不會太甜～）

朋友聚餐，選了尖沙咀，到了港久新街，餐廳主打大排檔風味，因此，餐廳的佈置似大排檔，以圓型枱為主，枱與枱之間沒有太多空間，非常狹窄。室內冷氣不太夠，只是比室外好少少，而且當坐滿人時整個環境很嘈。雖然這樣，但我們點了的菜式都好味。🍽港久鑊氣小炒皇好味，有鑊氣，不重味，份量大。🍽脆皮燒乳鴿不過不失，正常發揮。🍽豉油皇煎焗大虎蝦蝦爽，不會太咸但味道夠。🍽蒜香燒元貝元貝大隻，多蒜，味道正常。🍽清炒油麥菜及燒菠蘿正常發揮。總括來說，餐廳價錢合理，在openrice訂位有85折，食物味道好，但環境實在太嘈，朋友間不能好好聊聊傾談。

串燒宵夜放題，伴隨濃郁的啤酒，一邊品嚐豐富的串燒，一邊享受愉快的小酌時光。對於喜歡探索不同美食的朋友，可選擇我們的任食放題。今次我們特別推介位於港久新街的「Soul Guide」，一家主打地道大排檔主題的餐廳，提供一系列誘人的串燒美食。我們的全新放題菜單為您提供2.5小時的美食享受，只需額外$60即可無限暢飲S Class原漿啤酒。此啤酒採用傳統德國釀造技術，還原了啤酒的原始風味，全麥芽配方、不過濾、無添加，麥香濃郁，甜味柔和，口感順滑且尾韻清新。食物方面，我們的串燒菜單精選包括：鹽燒多春魚：新鮮多春魚經過精細鹽燒，外皮酥脆，內裡鮮嫩。蜂蜜芥末鴨丸串：鴨肉丸淋上蜂蜜芥末醬，甜中帶辣，創新口味讓人難忘。甜心波羅一口豚：波羅與鮮美豬肉的完美結合，每一口都是甜鹹交織。紅柳枝羊肉串：大支和香氣四溢無骨雞中翼：每一串都烤至金黃香脆，精致可口。蒜蓉燒茄子與燒菠蘿也受到熱烈歡迎，蔬菜的鮮嫩與調料的濃郁相得益彰，為這場烤串盛宴增添了不少色彩。串燒翠玉瓜：烤至外皮輕微焦脆，是清爽的佳選。雞泡魚乾：以特製醬汁醃製後烤製的雞泡魚乾適合送酒！

之前都來過這裏吃大排檔小菜這次留意到有星期五星期六晚上9:30後限定的宵夜串燒放題！150分鐘之內任叫，只是吃串燒的話每位$198，如果選取串燒加啤酒放題就要$258一位勝在冷氣夠而且有氣氛，下單後上菜也非常迅速，在尖沙咀想吃串燒又坐得舒適的話是不錯的選擇下單時自行選擇辣度，雞牛羊串燒都會奉上時插上emoji旗仔，非常得意！無骨雞中翼不錯，吃起來啖啖肉串燒交通燈有三色椒配蝦滑，辣度十足推介甜心菠蘿一口豚，吃起來比較Juicy！蔬菜方面，有串燒秋葵，蒜蓉燒茄子，燒翠玉瓜等加了辣更惹味！原漿啤酒麥味夠香，沒有太多啤酒花的味道，質感也夠順滑

星期五六限定，串燒啤酒宵夜放題 $198廿款串燒任食，即叫即燒，大推無骨雞中翼，啖啖嫰滑雞肉！我Encore左4轉阿！蜂蜜芥末鴨丸都幾得意，中間好似有軟骨咁口感爽脆；紅柳枝羊肉串，羊肉味吃起來特別香；珍寶煙肉香腸串好似係用煙肉包住司華力腸咁，好大枝野！食左咁多肉，蔬菜頪都有個串燒交通燈，是三色椒釀蝦滑，都幾好食，仲食左兩條燒茄子，見茄子皮無燒燶，真係可以連皮都食埋！最後要食埋串燒鮮菠蘿，見佢係一條條咁燒，燒好再斬件，比較厚身，又甜又多汁。餐廳長期跟香港品牌啤酒合作，食串燒放題加$60可以任飲本地品牌S-Class的原漿啤酒，5%濃度幾易入口，其實一人飲一枝已經回本，因為出面賣緊一枝都成80蚊！下次叫多幾個朋友一齊食串燒暢飲先得！串燒啤酒宵夜放題

真係唔多掂，網上既食評真係唔可以盡信，見呢間好似都好多好評，放假就同女朋友係屯門去尖沙咀行街，順便試下呢間，點知！！落單唔使5分鐘上燒蠔，係暖既唔係熱，跟手唔使10分鐘上雞蛋焗魚腸，唔腥但完全無味道，最敗筆係脆皮牛肋肉，好柴無肉味，一定係急凍貨嚟，個條大大舊既牛骨係純粹伴碟既作用，同我食緊既牛肋肉係一d關係都無，全晚係得椒鹽鮮魷都正常，两個人飲咗两杯生beer,埋單差不多8百蚊，無咩事都唔會有下次