大湯家 (Closed)

今日同男朋友係駱駝漆買野見到對面開左間燉湯專賣店 叫大湯家😙好似大當家咁😂我向來都好鐘意飲湯 因為始終有屋企既感覺 同埋飲啖湯食飯會瘦d😂😂個人應為姐作為女仔 就緊係叫女士至愛既花膠香菇烏雞燉湯啦都好足料喎 有大舊花膠，冬菇，烏雞，排骨，圓肉，杞子等至岩女士啦 又有豐富骨膠原又養顏其實$68真係唔貴 好過我買包花膠又要發🙈🙈🙈然後我男朋友就叫左個椰子烏雞排骨燉湯椰子都有成7條 都係有烏雞, 排骨，圓肉等等呢個就好清甜， 椰子味好香重點係佢冇左層黑色既皮會易食好多好似話椰子肉含椰子粉 可以預防心臟病, 關節炎和癌症的作用店舖裝修都好靚😊😊仲有lunch set 湯+飯=$52炸

今日去到觀塘apm上班 見到熟悉的同事呢位同事比較滋補 like飲湯仲要唔係普通湯 係燉湯叫佢帶埋我去 我又飲下湯水不過都幾近 5mins就到店面唔算大 但都有位置食而且格局都好簡潔 好舒適仲可以選擇用保溫壺去放soup再還俾佢地果然有愛護地球之心今次一日一碗買走返shop飲我叫左椰子烏雞排骨燉湯同事就叫左 木瓜豬肺排骨燉湯在等的途中 發現佢哋都有好多野食唔只燉湯開湯了飲左同事個 頭啖燉湯好清甜 仲有d渣 可以食同埋d湯 好clear見到底而我個椰子烏雞我食晒d椰子 好好咬口烏雞都好淋同埋仲有排骨 圓肉 感覺好清潤個湯飲落好足夠 椰子味而且係無味精 我都好like呢個燉湯

今早反工之時，發現開源道呢度多左間燉湯專門店平時想飲老火湯都要等丫媽得閒煲先有得飲，自已又懶，但女人唔飲d湯水又點得架，終於等到觀塘開燉湯店，甘就可以成日都有湯飲喇羅左張外賣紙反公司分享左俾同事睇之後就whatsapp外賣紙上既電話落order，同佢講Lunch時間1點鐘會來羅，過程相當方便丫Lunch落到來見到，原來呢度仲有做午市套餐，可以飯+湯甘樣叫同同事一人一湯同事叫左椰子烏雞排骨燉湯 $58打開蓋已經嗅到絲絲的椰味清香椰子燉出來的雞湯唔單止可以美容，而且營養超豐富仲有益氣養顏，健脾補虛等作用！我就要左栗子香茹准山烏雞燉湯 $58湯料非常豐富，栗子，香茹，紅蘿蔔，准山，龍眼肉，烏雞，排骨全部都有，甘足料既靚湯點會唔好飲栗子有健脾胃，補腎氣既功效呢度既燉湯果然真材實料，仲要真係無味精連早餐都有原來放底$40按金就可以用保温壺，下次我都支持下環保先

結咗婚冇同媽打住之後，一個月都煲唔到一次老火湯，更加不要講在家裏自己燉湯。原因簡單，煲老火湯麻煩，之前一兩晚要先將一些乾貨湯料浸軟，煲湯那一天（通常只可以週末週日）又要整天睇火，變相要困在家裏。燉湯更麻煩，除了前述所有程序之外，還要隔水用燉盅蒸焗，所花時間更長，採用住家爐頭火力，最少四個小時，更加唔會自找麻煩。今日喺觀塘食完晏，無意間經過一間小店「大湯家」，原來主打多款燉湯；想起已經有一個多月沒有煲老火湯了，又想支持一下這些小店，即刻走入去。小店位於工廠大廈一間小地舖，開放式廚房後面只有一男一女兩位30歲未到的年青人；估計他們都是勇於創業的年輕人，睇準活化後的觀塘區越來越多寫字樓，午饍時段的中式靚湯生意有市場。雖然附近也有中式湯品連鎖店，但所售賣的只是預先包裝的港式老火湯，新鮮熱辣的即燉靚湯店卻沒有 ⋯⋯ 似乎相當有噱頭。所以，店主也很聰明地兼賣一些簡單中式點心、包點及蒸飯，實行利用午飯推銷小店主打的燉湯。小店牆身簡單掃上類似 Tiffany Blue 的顏色，充滿年輕活力。只有幾張金屬高身椅及一張吧枱，明顯主力外賣，堂食生意只佔極少數及招乎好像筆者這些周末 walk-in 客人。既然

生平未寫過食平，今次真係伏到要逼我出手，$52買過餐，居然難食到冇朋友，豉椒排骨飯居然冇豆豉辣椒，排骨冇味，d飯爛pet pet ，放落口真係局住吞，佢哋標榜燉湯，OH MY GOD，賣相差之外，飲落去同例湯真係冇分別(張圖為木瓜豬肺排骨墩湯)，新開張已經搞成咁，再唔改善下，睇怕嚟緊真係月月白交租！！唔怪得入到去冇人買啦

近來乍暖還寒的潮濕天氣，陽氣不足又濕重，總是讓人感到特別容易疲倦，這天在觀塘逛街時，順路經過大湯家，就喝碗滋補燉湯驅走春困。小店面積不大，因為以外賣為主，堂食座位也不多。除了燉湯之外，也有飯類、輕食、點心、包點等供應。與滾湯及煲湯不同，燉湯的做法是將食材放入燉盅，由於沒有直接受火，不容易流失水分，保留最豐富的營養成份。猴頭菇蟲草花燉湯 $62這款素湯是完全無肉，純素食材適合素食者。裡面真材實料，猴頭菇是健脾佳品，有利五臟，蟲草花補益肺腎，提高免疫力。湯色清澈見底，品嚐食材去蕪存菁的原味，略帶藥材的微微苦澀味，補而不燥。栗子香菇淮山烏雞燉湯 $58烏雞性平，滋陰清熱，補氣血補肝腎，淮山益氣養陰，補脾肺腎，栗子有乾果王的美譽，有健脾胃、養生美顏的功效。依然十分足料，加入栗子帶出湯水鮮甜味道，完全沒有烏雞本身的腥味。喝得出沒加味精，不會過鹹，喝完如此滋補的燉湯，頓時感到暖身又暖心。

今日第一次黎試，試左排骨飯、蝦餃、茶樹菇湯。茶樹菇湯，湯面少許膩油，味道濃郁，好飲。但飯同蝦餃實在是太難食！職員拿出來給我們，我們一食排骨飯既飯係凍，之後叫職員再翻蒸，翻蒸完再食中間位置仲是凍，排骨無肉味，加上可能是翻蒸過多次，倒汗水倒流影響飯質一尐又硬一尐又淋。蝦餃皮太厚，個餡太實在不知所謂！價錢定位唔算便宜，但是出面平過呢間比比皆是，味道更為出色。如果這些食材都是自己煮出來的話，請再修煉多幾年先出來開店吧！如果係透過供應商取貨，建議轉過另一間吧🙏🏻

今晚放左工去搭mtr途中見到有間新開既燉湯店舖，咁岩今晚又冇湯飲，所以就入左去買碗湯外賣番屋企飲，有7款燉湯選擇：我就揀左專治脾胃既栗子🌰香菇淮山烏雞燉湯$58，呢度仲提倡環保♻️，客人仲可以選擇比$40按金有個暖壺黎裝湯添，2星期內歸還就ok! 個湯好清甜，湯渣都幾多款：有紅蘿蔔🥕、香菇、栗子🌰、淮山、龍眼肉同烏龍肉，味道唔太咸，唔太油，烏雞肉都好腍身，香菇又夠厚身，燉湯堅係真材實料，不含防腐劑，所以飲完對身體都好！而且佢仲有點心、輕食等等，觀塘區既朋友不能錯過啦！😊👍😋+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

搭地鐵必經之路，見大大個招牌好搶眼又係本地小店決定買外賣返屋企食。主打原盅無味精真材實料燉湯，餐牌有好多款湯供選擇，除咗湯另有輕食、點心同包點，最後㨂咗花旗參烏雞排骨燉湯外賣。一路搭車一路都聞到湯嘅香味，返到屋企啲湯嘅溫度啱啱好，入口鮮甜好味，味道隱隱透出花旗參嘅甘，湯料有桂圓，杞子，排骨，一枝枝嘅花旗參，烏雞，淮山，真係有好多料👍🏻排骨同烏雞肉好軟腍入味，除咗花旗參，全部料食晒🤭整體唔錯，下次午餐或晚餐又多一個選擇✔️

觀塘新開咗間燉湯，啱哂啲日日ot冇啖湯水飲嘅白領舖頭入口細細，估唔到入面位置都好寬敞，設計仲有文青風同朋友一人試咗一個燉湯，係櫃檯俾完錢後坐低，唔使5分鐘已經有店員用托盤端上兩大個燉盅一打開盅蓋，湯嘅香味撲鼻我叫嘅湯係茶樹菇排骨，入面仲有南北杏同圓肉，用料十足用茶樹菇煲出嚟嘅湯水，色澤濃，菇味亦甚濃，喜歡食菇嘅朋友真係唔好錯過一啖又一啖飲落去，唔會鹹，只覺得潤，油花唔多完全冇添加味精，真係好似飲緊老媽子牌嘅靚湯值得一提嘅係每個盅入面都有好多湯料，啲茶樹菇多到食唔哂，感覺真係落咗好多材料去煲朋友叫咗個椰子烏雞排骨，落咗好多椰子，烏雞同排骨，配料都有圓肉，另外仲有啲杞子同淮山入面嘅烏雞令個湯嘅味道同功效都有所昇華飲落有雞湯嘅濃厚原味，但加入椰子同時令湯底變得十分清甜店內有好多花作裝飾，牆上，檯面上，估唔到依家新式嘅燉湯舖都可以行到呢類型風格下次有幾聲咳嘅話，再嚟試下佢個木瓜豬肺排骨湯先！

近日工作忙碌，忙到睡眠顛倒，凌晨時分先可以好好休息，今日剛跟朋友經過觀塘開源道大街見到一間新開的燉湯專門店，名為「大家湯」，店舖對面就是駱駝漆大廈，行經過燉湯店心血來潮，進入店內補補身。燉湯店裝修佈置簡潔清新，一邊是長長的吧檯供客人點完燉湯或食物後可慢慢享用，而另一邊就是掛滿美美的信箱，少女味十分豐厚，入店後也令人感到很舒適和安心。金牌燉湯是天天製作，原盅清燉，共有9款，分為3大種類，有滋潤系列，食療系列及素食系列。我想清潤一下，所以就點了「木瓜豬肺排骨燉湯」，果然是原盅清燉，打開盅蓋熱氣騰騰，材料十足，湯底清甜，飲完感到好潤肺，全身都溫熱起來。至於朋友點了素食系列「 猴頭菇蟲草花燉湯」補身又順喉，真材實料，沒感到一點的味精感，非常好。

剛巧途經附近，看到這家新開燉湯專門店,喜歡飲湯既我即時急不及待入內，燉湯真材實料及絕無味精，另外仲有輕食同點心可供選擇，加上定價不高，以後午餐亦可考慮係到食，堂食或外賣都得！環境整潔舒服，牆上掛滿小裝飾，好別緻新張期內，燉湯有8折，好優惠，平時都夠忙既我真係無乜時間煲湯，有人煲埋又無添加，方便又好飲～燉湯選擇多，每天製作，原盅燉湯，我跟同事分別選擇猴頭菇蟲草花燉湯HKD62及鱷魚肉川貝雪梨燉湯HKD62猴頭菇蟲草花燉湯十分足料，有紅蘿蔔，猴頭菇蟲草花及南杏北杏 湯好鮮甜，所有材料都好腍好入味湯料入囗還飲到啖啖清甜燉湯入囗好順喉，味道不會鹹而鱷魚肉川貝雪梨燉湯則清甜潤肺潤喉又夠滋潤，雪梨不會酸，還有桂圓肉同事給了口我試，味道濃郁但不油膩不會鹹肉好腍，骨也可以咬碎好入味又好食，嚐過一口也回味這里的燉湯好鮮味，飲完後也不會感到口渴，足證沒有添加味精！

早兩日經過人來人往嘅開源道，見到有間新開張嘅燉湯專門店：大湯家，好奇入去飲返碗靚湯先。店內環境：淺藍色，好舒服。呢度主打燉湯，都有啲小食同飯類，不過我仲有約就唔食嘢了。雙菇腰果燉湯（$58）九款湯入面有兩種係素食系列，呢個係其中一種。呢款湯作為護心首選，清淡不油膩，補腎驅寒。湯渣都幾多！栗子香菇淮山烏雞燉湯（$58）呢款就係一款專治脾胃嘅燉湯，特別係淮山可以補肺益腎，春天呢啲潮濕天氣，個人攰攰地冇乜胃口，飲呢款湯就啱喇。新開幕仲有優惠添！