Video
Opening Hours
Today
11:00 - 22:00
Mon - Sun
11:00 - 22:00
Above information is for reference only. Please check details with the restaurant.
「豆乳狂人」呢幾年在香港四處插旗，喜歡食甜品的小編，當然都食過啦，除了之前介紹過的「黑芝麻奶蓋」之外，今次小編又有好推介了。奶蓋豆乳茶❤(豆乳、烏龍茶、西米、珍珠、豆乳布丁、芝士奶蓋、白玉）小編一直都好喜歡佢地既奶蓋系列，貪佢咩都有，呢杯奶蓋茶就由7款食材組成，食材豐富，口感飽滿，西米脆口、布丁軟滑、白玉軟糯、珍珠Q彈，奶蓋咸香芝味濃厚🤤豆乳烏龍茶，同時散發著豆香和茶香，相比起同系列的奶蓋飲品，這杯烏龍茶的存在有助減低甜膩，整體更有層次。大推!💗Gold純度鹹蛋黃炸脆雞脆雞是單骨雞翼，方便食用，即叫即炸，雞肉嫰滑，撈埋大量鹹香蛋黃，非常重口味，岩哂兩個人開心share。牛油果吉列蝦青瓜絲粢飯小編好中意佢地既粢飯，性價比高，份量大，食材豐富，由頭到尾都包著滿滿的餡料，小編食半個已經夠飽。一切開就已經聞到好香的雞蛋味，玉子非常新鮮，吉列蝦酥脆、牛油果柔軟細膩，加上青瓜絲清新爽脆，口感非常豐富。#moodzfoodz樂富#樂富美食#樂富#黃大仙#豆乳狂人#soymart #雞翼#香港美食#麻糬#甜品#foodie#hkfoodie#香港网红打卡#香港美食探店#moodzfoodie#moodzfoodz
continue reading
好耐冇嚟過豆乳狂人啦！呢日相約朋友喺樂富食飯，飯後經過豆乳狂人，見到有期間限定嘅榴槤系列，就同朋友過咗黎食糖水！榴槤芋圓紫米撈賣相超吸引！面頭擺咗好大嚿D24榴槤蓉，份量超慷慨。D24榴槤味道濃郁，入面仲要有榴槤奶蓋，榴槤控超滿足！底下嘅黑糖紫米加上椰奶，增添椰香，令整個糖水更有層次！呢款糖水仲有三色芋圓，煙煙韌韌，非常有口感！薑汁豆花豆乳狂人嘅豆乳製品超級出色，每日都新鮮即製，豆味香濃！我除咗鍾意飲豆漿之外，都好鍾意食呢度嘅豆花。簡簡單單嘅薑汁豆花，可以食到豆香！黃糖係豆花嘅重點，好食！仙草豆花仙草口感滑溜，同同樣滑捋捋嘅豆腐花味道好夾！既食到豆花嘅豆香，又食到仙草嘅回甘。和風七味脆皮木棉豆腐加點咗個木棉豆腐小食。朋友大力推薦，果然冇介紹錯！木棉豆腐外脆內嫩，表面沾滿惹味嘅七味粉，好容易令人食唔停口。難得來到豆乳狂人，買咗一個粢飯第二日做早餐。吉列豬扒蛋粢飯好足料！塞得超滿，香脆嘅吉列豬扒鰻魚同嫩滑嘅玉子味道好夾，和風十足，加埋香脆嘅油炸鬼、鹹香嘅肉鬆，味道好豐富！
continue reading
位於樂富的糖水小食店。向來牛奶、豆乳、芝士等乳製品都是我的最愛，如果說對於甜品的抵抗力是0，那麼乳類製品大概就是負數了。既然這間餐廳就是以豆乳類為招牌，而且分店眾多，我當然也要去嚐一嚐吧~⋆_____ᴛᴏᴛᴀʟ ᴏʀᴅᴇʀ______⋆ ❣︎ 黑芝麻奶蓋 $42黑芝麻搭配豆乳的黑白組合就是最穩陣的組合吧。而黑芝麻濃郁香甜，加上嫩滑的豆乳，而且更吃到大量的芝麻顆粒， 口感豐富，飽腹又滿足。.❣︎ 滋潤之選 $45配料有：芋泥、桃膠、西米、三色芋圓、特調椰奶及黑糖。反正就是手搖會加的ᴛᴏᴘᴘɪɴɢ一次過送上，超適合我這個大貪怪~以厚實又綿密的芋泥為基底，芋香濃郁香滑；並在上面加上大量桃膠、三色芋圓、西米及椰奶等，香甜又飽足反正光是配料應該已可塞飽一堆人，不想吃飯的晚餐不妨考慮這個呢~.❣︎ 超煙韌ᴏʀᴇᴏ奶蓋 $48配料有：小丸子、三色芋圓、珍珠、可可豆乳、芝士奶蓋及ᴏʀᴇᴏ粉。又是另一款超足料及大量配料的甜品，不同之處是加入ᴏʀᴇᴏ粉及奶蓋，因此口感更綿滑，入口ᴄʀᴇᴀᴍʏ可口；而ᴏʀᴇᴏ的味道亦相對突出，喜歡ᴏʀᴇᴏ的不妨試這個啊！.❣︎ 牛油果鰻魚玉子粢飯 $55自小就深諳米飯正氣這個道理，因此向來無飯不歡。小時候最喜歡就是樓下一間地攤的粢飯，懷疑自己由細至大都肥肥白白，這間粢飯功不可沒(笑；而這家的粢飯結合了創新及日式的元素，加入牛油果、鰻魚及玉子，但又保留傳統的肉鬆、榨菜及油條，好新穎好衝擊，幾者不算夾，但放在同一空間又覺得未嘗不可。起碼真心足料又大份，糯米煙靭軟糯，入口味道鹹香，口感豐富。
continue reading
豆乳狂人以其招牌豆乳起家，主打新派港式糖水，店子原本經營傳統荳品生意，直至第三代經營，便推出SOYmart豆乳狂人品牌，主力供應豆花、豆乳、紫薯、芋泥、仙草等糖水甜品👍🏻現已有多間分店，店舖有超過70款糖水和豆乳飲品選擇，7.6特濃豆乳、豆乳奶蓋系列、豆乳茶系列、桃膠系列、鮮芋泥系列、狂人豆花、多芒系列、三色芋圓，非常受歡迎歡迎。此外，還有小食和栥飯系列，鹹甜食都一樣高質😋今日路經樂富SOYmart by 豆乳狂人分店，人氣滿滿，在這裡食午餐，都係非常好選擇，健康又美味👍🏻▪️狂人粢飯粢飯比傳統上海店做得更傳統，我點了最經典嘅口味，粢飯即叫即包，餡料就是肉鬆、榨菜和香脆嘅油條，熱辣辣糯米煙靭軟糯，味道鹹香，美味又飽肚
▪️地道避風塘MINI豆卜 大大份嘅一口一件迷你豆卜，酥脆香口內裏煙靭，充滿豆香，而且配上避風塘辣椒、炸蒜等香料，非常惹味▪️多芒楊枝甘露 $48必食推薦，超足料又大碗，賣呢個價錢真係性價比高，材料有鮮芒果、西米、芒果汁、特調椰奶、金柚，每一啖都食到滿滿材料，味道是天然的芒果香，非常正，炎炎夏日無論堂食或者外賣都係消暑甜品之選
continue reading
久唔久都會想飲手搖飲品，但又怕唔健康，今次見到豆乳狂人有唔同系列嘅豆乳茶同甜品，感覺健康啲之餘，豆乳味香濃增添左醇厚風味，而且仲可以選擇白玉丸子、芋圓、珍珠、西米、豆乳布丁等等配料，非常豐富✦黃金脆脆豆乳茶由豆乳加烏龍茶組成嘅豆乳茶底平衡得幾好，帶淡淡茶香，首先要將咸蛋黃脆脆淋上白玉丸子同奶蓋，白玉丸子煙韌得嚟愈嚼愈香，咸蛋黃脆脆同帶咸香嘅芝士奶蓋好夾，入面嘅西米同珍珠好煙韌，加埋豆乳布丁，飲完超滿足！✦抹茶紅豆小丸子抹茶豆乳好幼滑，抹茶比例啱啱好唔會太濃烈，紅豆正常發揮，可以更綿密，小丸子比較大粒，用粗飲管吸有少少難度，建議要附上長匙羹方便食用✦𝑂𝑟𝑒𝑜奶蓋珍珠布丁𝑂𝑟𝑒𝑜同芝士奶蓋係心目中嘅絕配組合♕ 呢度嘅奶蓋同𝑂𝑟𝑒𝑜 粉份量都唔會吝嗇，可可豆乳同𝑂𝑟𝑒𝑜又係好夾，入面仲有珍珠同豆乳布丁，大滿足 ♪𓄢豆乳狂人𓂄樂富聯合道198號樂富廣場A區1樓1168-1170號舖
continue reading
You may be interested in