麻神麻辣火鍋 (Closed)

我地一班人約得，當然選擇打邊爐，而且冬天食幾多都唔怕~呢間麻神聽朋友講過，幾好食，選擇多，就黎試下啦!黎到一睇個餐牌，的確係幾多得揀，食物種類好多，而且唔係酒樓，有D特別!我地最後決定叫兩個二人餐，兩個餐都有海鮮，岩哂我地!兩個餐都有牛、鴨血、豬、油條、青口、花蛤、蝦、菜盤~而唔同的是一個有元蹄根、黃喉、蛋餃同紫米糕，而另一個就係有魚、聖子、丸拼盤!我地幾個人食真係好適合，一次過可以食咁多，而且多種類，份量適中!湯底唔太辣，不過麻香濃，超吸引!食物試完都覺新鮮，個鴨血要讚，另外海鮮非常鮮甜入味，如果想試唔同種類，真係可以叫餐!

男朋友本身好鐘意打邊爐，之前已經話想試，講左好耐，終於黎到啦!呢間係銅鑼灣的麻神，地方非常周腳....見到餐牌，估唔到都幾多野揀，起初都擔心呢D會好貴又少選擇!估唔到咁多食物款式，我地兩個都鐘意食青口，最後揀左兩人套餐!呢個餐除左我地最鐘意的青口，另有鮮魚、蝦、油條、鴨血!仲有主食和牛、黑毛豬....加埋一盤蔬菜，都幾多，不過兩人食完感覺係岩岩好!男朋友鐘意食辣，佢都讚呢個湯底，因為佢係超香，食落少少麻味，辣度適中!而食物真係幾新鮮，一食落就知~個牛好好味，混埋湯底食，肉質超好，而且食落啖啖肉，好有咬口!至於青口當然無得頂，鮮甜又帶麻辣味，好正!呢間可以選擇encore~

真係未試過打邊爐食到咁飽，一個人試左個二人餐LO!!!!呢間朋友介紹的麻神，聽左好耐話好食，約極都唔齊人，唯有我自己黎算啦~~~見到餐牌太多選擇，但其實好多款野食我都想試，諗諗下我自己叫個SET好似抵D!一來可以試哂咁多款野食，二來其實價錢都差唔多!呢個2人餐超豐富，有和牛、豬、鴨血、黃喉、排骨酥、蛋餃....仲有油條同拼盤，而家仲有個甜品紫米糕!最後當然仲有成盤蔬菜啦...我都怕D人以為我顛，食咁多!講真個湯底唔錯，香麻，但食落卻無想像中辣，但個種麻係好香口~至於食物，的確係新鮮，十分欣賞個鴨血，真係好似果凍咁.....超滑，口感好特別!另外油條真係好鬼正，吸哂個湯底，食落真係超惹味!總體黎講，呢度食物、服務都唔錯，值得推介!食物多選擇，鐘意打邊爐應該會鐘意呢度~

不明原因可以甘多好評！-服務好差 企左5分鐘，冇人埋，侍應掛住傾計-湯底$238只有兩件鴨血（當客係乞兒）-牛肉$238（正常）-叫咗一碟水餃，菜，手工麵-兩杯嘢飲Total:$1021食得起但係好無聊！最值得影相嘅係杯野飲完，味道似蜜桃茶$88

真係未試過，咁瘋癲晏晝LUNCH去打邊爐~~~~但估唔到竟然試到呢間幾好味~我地幾個人，一人一鍋，叫左個牛肉涮涮鍋，包飲品，唔太貴，但又幾多野食!!!除左主食牛之外，我最鐘意佢夠多蔬菜，包括生菜、蕃茄....仲有丸同面，其實下午LUNCH食，超飽啊!~講返個牛，超入味，肉質夠鮮嫩，有咬口，加上個湯底，好滋味!!而且打邊爐最後加埋個面真係必須，混埋湯底一齊食，超正啊~我揀左飲水果茶，平時出面個D多數好淡無味，但呢個比想像中更好，好香果味~

真係好少有打邊爐係令我食完想介紹...呢間食完真係覺得物超所值我地幾個人見凍凍地，而且想坐耐D傾計，最後就決定左去呢度打邊爐~之前未聽過，係行開見到好似幾吸引，我地就入去試試!!見到MENU好多野揀，睇到真係....選擇困難症啊，最後我地都係揀套餐算，又多種類又唔使諗太多!!我地叫左2個二人餐!呢個二人餐剩係睇menu都好似幾多....佢有D咩食呢.....肉方面就有和牛、鴨血、豬肩、牛頸；海鮮就有青口、蝦，另外仲有蛋餃、油條，當然一定要有蔬菜啦~呢個鴨血我特別推介，好特別，真係好少食，個樣雖然唔討好，但食落真係幾正，口感柔軟，食落真係似果凍，好正!加上個湯底，就好似滑入口咁，好好味....真係第一次食，真係好獨特!肉真係都幾多下，睇下佢連擺法都花左心思，影相打卡一流!鐘意食牛的話，我都建議可以叫呢個SET，佢牛都算幾多，而且肉質新鮮，好味!海鮮雖然唔係我最愛，不過都會食!~~~呢度GEI食材食落都新鮮，打邊爐點都要有海鮮，好鮮甜，而且混埋麻辣一齊食，超滋味!總結：呢度我會推介，如果喜歡打邊爐的話.....食物新鮮，多款，一分錢一分貨，而且佢個麻辣湯底，超香，好值得試!

打邊爐，梗係要食到飽架啦!!!不過多數都係肉肉肉....今次幾個人一齊黎，見到餐牌都一頭無緒，好多野想試!但太多選擇，食物款太多.....最後我地幾個見有套餐，就叫左兩個二人套餐!一個有海鮮，一個無海鮮~呢個有海鮮的SET，會包埋蝦、青口、魚!打邊爐食海鮮係一定啦，超鮮甜，加埋個麻辣湯底，超好味!我特別推個青口，食落係啖啖肉兼麻味~至於另一個餐，雖然無海鮮，但同樣超多野食!兩個餐都係有鴨血、牛同豬，不過呢SET無海鮮，但就多左排骨酥、蛋餃、魚脆.....個魚脆好正啊，一浸就食得，香麻味十足!兩個SET都有蔬菜，所以唔使擔心只有肉，都算係樣樣足!

邊個話晏晝唔可以打邊爐，呢幾日因為好凍，就超想食!而且打邊爐一來夠飽，二來都暖D!係銅鑼灣好似唔多邊爐店，咁岩行過見到呢間，就去試試!!!估唔到晏晝都唔少人，一入黎都有幾台!我今次叫左呢個係牛肉涮涮鍋.....份量睇落真係幾多，食物都幾新鮮啊~除左牛肉之外，有好多蔬菜、蕃茄、香菇、南瓜咁，仲有幾粒丸，而且包埋個麵tim!晨晝黎講真係有D飽~不過講返，個湯底真係夠香濃，而且食物碌左，都幾入味!牛肉都新鮮夠，肉質夠嫩有咬口!!!個水果茶我自己就好鐘意啦~~~果味濃，打完邊爐飲返啖，好爽!

冬天最鐘意同男友打邊爐，今次拉埋朋友一齊去食，碌碌下又可以傾計最好~呢間麻神之前有聽人講過，好似好貴，但D食物好好，所以我地幾個人都係決定黎試!~我地一共叫左兩SET晚餐，二人份量!呢個係SET B，二人套餐，鴨血、和牛、豬、元蹄、黃喉、青口、蛋餃....好多野食，其實我地兩SET都叫左係有海鮮GEI，因為本身鐘意，但兩個餐原來都有少少唔同!呢個係SET C，除左有海鮮、牛、豬，呢個多左魚，但就無黃喉蛋餃個D!兩SET都有蔬菜，始終打邊爐都係要有....另外SET B就仲有個紫米糕tim，都幾特別!!呢餐食到大家都話好飽!要特別讚個豬，食落啖啖肉，而且唔韌，超好味，豬油香加上麻辣香，好滋味!另外，個油條都係好正，浸哂個個湯底，一入口真係超惹味!

平時好少寫，見今次食完呢個幾特別，就寫下~~講真好鐘意打邊爐，而且成日去唔到的地方試，呢次朋友推介一齊黎，所以都好期待!兩人套餐份量好多，有好多種食物，一次過可以食哂幾款野，都幾爽!食物有和牛、豬、鴨血、黃喉、油條、蔬菜、排骨酥......感覺超多，有好多係平時少食，多數都唔會專登叫，不過呢個餐好就好在可以一次過試埋!!!我好欣賞個湯底，超香，一黎已經好香濃麻辣味，但食落又唔係超辣，反而係有點麻麻地咁.....鐘意麻辣又鐘意打邊爐，呢度值得試WO

麻神?打邊爐?聽個名就覺得好辣~偏偏我同朋友兩個都係好辣之人，聽到呢間新開邊爐店，就決定黎一試，睇下究竟有無咁麻咁辣?同朋友兩個去黎到銅鑼灣麻神，入到店內都幾多人，好在有位，睇左一陣個餐牌，好多野揀，食物種類頗多，我地樣樣都好想試!最後決定試呢個二人套餐，因為好似多野食，可以試多D唔同種類。呢個餐有牛、黑毛豬、鴨血、蝦、青口、魚、油條及時蔬一盤。一黎到感覺已經好似好多野食，幾驚食唔哂!講下個湯底先，因為我地兩個辣友都係想試呢個湯底，一上台超香麻辣味，到加上食物，入口又不算太辣，感覺可以再辣點……至於食物方面，幾新鮮，特別欣賞個海鮮，雖然牛同豬都好食，不過個海鮮食落超鮮甜又帶香麻....勁正!我地兩人食完都表示超飽啊~

4個人約出街食飯，真係好麻煩，因為好難就，又唔知食咩好!天氣咁凍，最後為左唔使就黎就去，我地決定去打邊爐啊!呢間麻神之前在網上見到有唔少人介紹，我地見到就黎試下啦~Menu上的選擇好多，花多眼亂真係，最後我地揀左兩SET二人餐，一次過滿足大家!套餐見基本上都有鴨血、牛、豬，兩個餐的分別是，一個是有海鮮的，包括青口、蝦……另外不同的有元蹄、黃喉、排骨酥、魚脆等，各自都有油條、紫米糕及一盤蔬菜!食物上台，我地先發覺好似太多，份量都幾足。喜歡食辣的朋友大讚個湯底，夠麻夠香~至於我就覺得食物好新鮮，呢樣我自己好CARE，因為打邊爐，而最好味呢我自己覺得係青口同牛，有海鮮都係唔同，好鮮甜，食完超飽足!!!!

咁冬約人飯聚，雖然得兩個人，但決定試試近來好出名的麻神!~之前聽朋友講係台灣傳過黎，好出名，所以黎到銅鑼灣，就不如同朋友約黎呢度食!!!咁冬打邊爐真係好爽~見到個餐牌，都幾多選擇，我地兩個人咁岩可以試二人套餐!!!因為朋友鐘意食海鮮，所以就揀左個有海鮮的套餐~~~呢個二人餐，包括果凍鴨血、牛、豬肩胛肉，仲有青口、蝦，另外仲有元蹄根、黃喉、蛋餃、紫米糕、老油條，仲有成盤時蔬!!!份量多到有D驚人，兩個人食到滯!!!食物材料十分新鮮，最喜歡係鴨血，超特別，好少可以食到，但好好味~另外個牛都要讚一讚，嫩又好味~至於個麻辣湯底，一上台已經好香，睇落好辣，食落係好麻少少辣，冬天食又暖又好味!

今次好特別，朋友推薦呢間銅鑼灣麻神……講到好吸引咁，出開黎銅鑼灣，就不如試試啦!不過LUNCH打邊爐，都真係太特別!今次叫呢個牛肉涮涮鍋，份量都幾多，估唔到咁多……當然主打係"牛"，但仲有生菜、金針菇、蕃茄、餃同烏冬，一個午餐黎講真係有D多!個湯底真係好少食到，香味十足，望落好辣咁，但食落又唔算太辣，係有D麻…..但真係好香，湯底係絕對要讚!食物呢….牛肉食落真係正，肉質係新鮮又嫩，唔會鞋口，啖啖都係肉啊!!!食埋D蔬菜個D其實都已經幾飽，不過有烏冬真係一定要食，滾完之後，同D湯一齊入口，好好味!!!!又滑又麻….口感好正!

呢排好凍好凍~~~岩岩新年完梗係同朋友出黎聚聚!咁凍情況下，我同朋友去銅鑼灣行街，諗起打邊爐，就決定黎麻神試試啦!~~~見到Menu，除左套餐，呢度選擇都算多，我地因為兩個人黎，所以最後都揀左個二人餐食!見到佢個二人餐，食物種類好似好多，咁岩我地兩個都鐘意海鮮，一於就叫左個有海鮮GEI套餐!!!食完就知食物材料都幾新鮮，而且要讚讚個麻辣湯底，一黎到係超香，食落少少麻，但麻辣香好吸引!我同朋友食完都覺得呢度下次可以再黎!講到海鮮呢，呢個餐係有蝦、青口和魚，打邊爐黎講雖然可以再多D，不過有呢三樣都已經好滿足!呢個套餐除左有牛頸脊和黑毛豬，仲有個咩果凍鴨血，真係第一次聽，不過食落口感又幾特別，唔錯~餐仲包埋成盤蔬菜，仲有油條，其實食哂都已經好飽!~