小松鼠 (怡豐花園) (Closed)

在門口見到Menu，價錢唔算貴，之前行過幾次都想食！點了一個招牌手打牛肉漢堡配細細的意粉，快看menu 以為係漢堡包,來到是意粉🤣🤣我不吃生蛋所以要求要熟蛋，配上芝士牛肉漢堡😍😍味道唔錯，幾開胃！但是我隻碟有幾道崩咗🤣🤣其實好容易戒手！環境舒適，寧靜的環境，望吓窗外好舒服，也是一種享受！

今日有事要入yuenlong～經過lee條「食之路」芸芸餐廳我俾佢個餐牌上「螺絲粉」吸引左！😍佢lunch set係包一杯熱飲～其實以yuenlong咁多餐廳黎講價錢講不出抵～🙈🙈我當然叫西西里辣肉腸螺絲粉（$68）同一杯熱朱古力賣相係幾不錯的～汁並5係非常濃係有d水性的～但味道都夠～可惜如果落d🍅仔落去就更好啦～我的重點螺絲粉就出左事～螺絲粉個種「qq」口感冇⋯換黎係粉～「淋patpat」⋯然後每條都四分五裂咁～一條螺絲粉斷開幾段😂😂😂我5太buy～另外叫左個手打安格斯牛肉配薯條🍟（$78）薯條好味！脆卜卜！包都非常脆！咬時d芝麻會飛彈出黎！牛肉就不過不失～都juicy！噴少少汁ge～總括而言，以同類型小店黎講佢並5係好出色～但都okk可以試下～

每個月都要入一次元朗睇醫生，可以有藉口去試元朗美食成日都經過呢間位於轉角位嘅cafe，lunch hour經常有人喺門外等位，！而落地玻璃嘅設計，陽光可以射到入店內，感覺好舒服！大約三點零嘅時間，店內只有我一位客人，呢到嘅set lunch多數都係100蚊內，比起其他cafe抵食，而且選擇不少，除咗pasta risotto 扒類之外，仲有burger ！今日點咗香蒜辣椒蜆肉煙肉意粉，只係48蚊，但份量不少，有成5-6隻新鮮嘅蜆唔係急凍蜆肉，仲有大量煙肉，伴碟有車厘茄同香草碎！咁嘅價錢，絕對食得過！而且好有蒜香味，加小許辣味，好味到成碟清哂不過跟餐嘅凍咖啡就好淡好一般！但總括係會再幫襯，因為性價比高，下次想試吓呢到嘅晚餐

<<元朗平民西餐好推介>>-HK$192 既套餐 - 食到餐湯&包X2 , 黑松露薯條, 蟹肉蘆筍意大利飯, 手打豬肉玉子漢堡, 凍奶茶&熱檸水~ 人均消費唔夠HK$100, 真係CP值之選!! 當然你唔能夠預期真係勁好食, 但真係可以形容為"價廉物美"~ 重點係份量好夠, 食唔晒呀...

同朋友一齊食晚飯，即日預約都有位，不過就要等一等。我地點左二人餐，因為有湯有包，主菜，意粉+小食，係抵食既。湯味道還可以，但係當你飲過真正足料嘅蘑菇湯後，之後去邊度飲嘅湯都覺得一般般。小食我地選咗雞鎚，有少少辣，但係都幾好味。安格斯牛好juice，我同先生都大讚好味。黑松露帶子意粉，我覺得味道偏濃，鹹咗少少。整體而言，元朗西餐嚟講性價比都算高，不過唯一唔好處係抽風系統較差，離開餐廳聞到自己有油煙味，好似去完食雞煲咁。

夜晚放工，經過馬田，見價錢幾抵，就坐低咗！果然無失望，嘢食質素ok，又抵食，晚餐黎講，真係個好好嘅選擇！兩個人食，叫咗個二人晚餐set!餐湯係蘑菇湯，好重菇味，菇碎加cream, 好classic 嘅西餐湯！跟餐仲有toast, 脆身，同埋有sauce 跟埋，搽麵包一流！之後到薯條，炸得脆身，拎上黎果時仲熱辣辣！同頭先嘅麵包sauce 好夾！主菜，叫咗漢堡包同燉飯。店家好貼心，同佢講兩個人share, 佢就幫手一開二，唔洗自己辛苦分！兩樣嘢都係正常西餐廳水準，係好食嘅！總括黎講，嘢食唔係話非常特別，勝在抵食！想簡單又平平的食個晚餐，係個幾好嘅選擇！

見到呢間餐廳幾有特色，就入去食因為佢主要係食西餐，漢堡包之類。入到去環境都唔差，鋪頭細細但都幾乾淨，都唔會坐得太迫。見到佢有呢個二人套餐食，都幾抵，亦都好多款選擇。佢哋除咗有些套餐可以嗌之外，亦都有唔同款菜色所以散嗌，如果唔太肚餓嘅話亦都可以入嚟食一啲小食，都唔錯架。呢個係粉紅大蜆蒜蓉辣椒炒意大利粉，好香辣椒味，但係唔會話好辣，已粉都算炒得唔錯，比較乾身，味道不錯。另外呢個係安格斯牛肉漢堡，佢另外有沙律同埋薯條做配菜，所以唔怕淨係食一個漢堡包會唔夠飽，佢啲薯條炸得好香口鬆脆，安格斯牛肉都好入味，個汁亦做得好好。

［小松鼠］元朗美食多就係人都知⋯⋯身為元朗人嘅我，反而會更鍾意發掘新嘅小店呢間小店，路過見佢都幾抵食，所以就決定佢做呢日嘅晚餐喇廚房係open kitchenBBQ汁烤豬肋骨 - 以大量沙津菜拌碟，感覺會健康d同時亦可以一減膩感豬肋骨個醬汁唔錯，朋友覺得幾不錯，因為佢好怕唔使切就脫哂骨嘅rib，最怕就乾到好似柴皮咁，但佢就唔會有呢個問題，而個人就認為肥少少更好喇。卡邦尼意粉 - 呢個意粉不敗之選，亦係其中一款我最愛嘅邪惡選擇⋯⋯醬汁夠香，睇落張相好似好多汁咁，但拌勻左其實係剛好，唔會食到最尾變乾哂。最後加左芝士係面就更添邪惡喇飲品我地揀左凍檸茶+熱檸茶 - 質素正常啦

今日帶著兩位公子去完迪士尼。佢地一上車就無電。返入元朗可以比佢地訓一陣。公子要食西餐。選了小松鼠😍😍😍三大兩小叫了兩個二人餐。磨菇湯溫度剛好。⭐️⭐️⭐️⭐️不會太熱而不能即時飲。兩客凱薩沙律🥗⭐️⭐️⭐️⭐️公子二人各清一碟。岩晒兩位喜歡吃菜的公子。蒜容包未影已經被公子火速食咗😂😂😂再來一客焗飯⭐️⭐️⭐️⭐️公子表示好滿意。佢地話要比💯💯💯再來帶子意大利粉⭐️⭐️⭐️味道有少少咸。老公點了漢堡包⭐️⭐️⭐️⭐️⭐️我覺得好好味！仲有大碟沙律菜及薯條。今次大人可以食下菜啊最後一客扒⭐️⭐️⭐️⭐️份量及七成熟。再加沙律菜💯💯我地都好滿意。全部清碟。還有四杯飲品。埋單五百頭。每人$100左右。晚巿來說好抵食。而且服務員好細心。需要坐滿客人。但大家䂋中小聲聊天。好舒適。⭐️⭐️⭐️⭐️⭐️

平平地又想食burger，於是試試。牛肉漢堡，size 可以一口咬。漢堡扒冇牛味而且好多一粒粒，好似係軟骨同肥膏，扒既油放左一陣就有少少留左落個包到了，煎得唔夠乾。薯條比較淋。食完好口渴。附近有好多選擇，不過佢勝左夠平。

糧尾都可以同可以同另一半浪漫一下食西餐，呢間係朋友介紹我一百蚊就可以食到好食又有氣氛嘅西餐。難以置信係$178竟然係二人set 嘅價錢，真係好吸引。蒜蓉多士 好香，重點係佢係沙津芝士醬，直頭食到一粒粒，勁得！蘑菇湯唔錯，幾creamy 黑松露薯條 黑松露唔算重，不過勝在薯條厚肉同係熱辣辣🤓香蒜辣蜆肉意粉 平時食卡邦尼意粉食到好悶，白汁實在會好易膩。咁我就簡左個辣辣地嘅意粉，開心係食到清爽嘅意粉😋，辣味同酒味都頗突出，非常開胃。手打安格斯牛肉漢堡 咁抵嘅set，真係估唔到佢個漢堡係出色架喎，漢堡咬落係有汁，係真心食到肉香。加左14蚊叫左薄荷朱古力，陣味都幾rich，似食緊薄荷朱古雪糕嘅味道百幾蚊有時連burger 都買唔到，呢到竟然食到意粉加burger 😂仲有前菜，真係唔知係邊到搵。

元朗都係我搵好嘢食嘅地方，成日都可以搵到一啲高檔又係平民價錢嘅餐廳，聽前同事話係新開既文化康樂大樓有間餐廳唔錯，咁我又去探索下新既餐廳先。同埋阿媽一齊去食西餐，一個set 就岩哂啦，前菜就走下健康路線叫個Caesar salad 🥗😋羅馬生菜車里茄們爽脆夠fresh，買胡麻醬夠晒開胃，作為前菜簡直係最適合不過。佢仲有兩隻香辣雞翼伴住食，唔會只係得肉咁膩，呢個配搭有心思！我自己唔係太鐘意啲傳統白湯，而呢個湯真係用磨菇打成，夠creamy 之餘仲真係feel 到磨菇香好突出。個餐包唔係普通既餐包仔，係好似烘大既蒜蓉toast 可以蘸湯/芝士沙律醬，仲要成粒芝士係入面架。主菜就揀咗個板燒雞胸配黑豚肉腸，佢就有黑松露薯蓉同沙律作伴碟。板燒雞胸皮微脆，肉都夠嫩，個人較喜歡唔蘸燒汁，本身個雞胸已經夠味。薯蓉個黑松露味比我想像仲rich ，加分唔少。除左肉之外，都要試下呢到啲意粉。卡邦尼意粉就最classic，個sauce 煮得夠creamy，意粉唔會過淋一pat 咁，仲有滿滿芝士碎係上面。

漢堡包源於1901年，至今已經有過百年歷史。是指使用圓形麪包夾餡料的一種食品。情迷漢堡包，除了係一般連鎖快餐幫襯之外，今日食好啲，嚟到呢間小松鼠。全落地玻璃設計，有酒巴感覺，店舖裝潢西化，配合食物主題。門口有小小顆聖誕樹，雖然聖誕已過，仍然很有節日氣氛。晚上八點已座滿吃客。室內燈光足夠，明亮的的燈光令人精神振奮，店面不大，但冷氣充足，保持空氣質量和溫度。漢堡算得上是美式快餐的代表。其餡當然以手打安格斯牛肉為主，並附夾上若干配料有生菜，蕃茄，煙肉，芝士等。高的資態讓人垂涎。旁邊的配菜一點也不馬虎，有港人至愛的薯條，和新鮮的沙律菜，帶來健康元素，令食物金字塔達成平衡。調皮可愛的小松鼠是餐廳的標誌，黑底紅字很突出，好有心思。原來還有二人套餐等，期待下次來試下⋯

星期日去賞紅葉後，去元朗搵食，原本想食翻早幾年曾光顧的一間西餐廳，但到了該地址卻已轉左手！見到呢間店環境不錯，店名可愛叫「小松鼠」，而且客人滿座，就決定等位試下！入到去，環境不會太迫，枱與枱之間有距離，坐位之間有空間感，坐得舒服！環境算係小店來講高分！枱上早已放了茄汁及黃芥辣，給用餐漢堡包餐的客人，還有一盒紙巾，實在細心！牛扒意粉好味！份量大份！選擇多！💟用心的小店！性價比高，如住係呢區必會常常幫襯！👍🏻👍🏻👍🏻😋😋😋😋

難得入到元朗搵同朋友食飯，當然搵間好坐好食嘅又可以傾到計架啦！行下行下就搵到間西餐廳，個名好得意叫小松鼠🐿️！雖然店鋪細細但有好多野食選擇！除了有意大利麵、漢堡包🍔、沙律🥗、牛扒等等，竟然仲有日式食品！我地叫左個小松鼠手打豬豚肉漢堡，超大份，入面有生菜🥬、蕃茄、煎蛋🍳、豬豚肉漢堡扒，肉質肉亂多汁麵包好鬆軟,而且仲好厚，好juicy ，醬汁亦是我最愛的蜜糖芥茉，仲有沙律🥗、薯條伴菜！正👍🏻！我地仲叫左個卡邦尼意粉，麵質煙煙銀銀好食！仲想叫多幾款，但因為我地兩個女子已經食唔落了！因為份量超多！已約好下一次再試其他款待！