郵票咖啡店

Open Now

Now Closed

大約下午2時來到，店面十分有特色，這間店叫郵票cafe ,裝飾都用上了郵局的設計。一進去，店員主動介紹雞髀及兩餸飯，但我固執地選了豬扒煎蛋飯店員先給我一碗湯，我飲完了飯都未到，店員便主動問我要不要多一碗（我一共飲了2碗湯，真好）食物方面，豬扒不硬，煎蛋是全熟蛋，如果是半熟蛋便更好了，飯的熱度很好，整體來說，十分便宜！店員全程也十分有禮貌，而且給多了一碗湯給我good!

今日無意中經過呢家店，入去發現多左好多新食物，老闆都好似換左人變左女老闆，老闆非常熱情，點了個洋蔥鷄扒滑蛋飯！！好大件好抵食又多汁，38蚊我覺得幾OK，最緊要大件！我記得這家店以前做西餐的，現在改成中西合璧啦！下次再黎試下新野

這間店紮根在紅磡起碼有十年以上，但是無論服務態度及食物質素越嚟越差，明明普通的多士可以變成白麵包，看到賣相已經唔想食，再加上老闆態度超級冇禮貌，店舖明明寫著加錢便能換latte，但竟然說繁忙時間不賣，(以前不是這樣的，間中都會幫襯)，查詢繁忙時間係幾時，他說你問顧客啦！這算是什麼回應，非常無語😡最初幫襯是因為真的很抵食，28蚊已經有一個幾豐富的早餐，而且環境也不錯，老闆本身也是健談的，而且他們有不同的咖啡提供，例如：Latte／cappuccino，是我喜愛的，我和同事間中都會堂食，外賣午餐也是挺不錯的。後來因為他們身處的大廈經常有衛生的問題，所以少了去幫襯，但是餐廳在我心中還是一間挺不錯的餐廳，所以今次的體驗令我非常失望☹️

呢個價錢係幾平 但係食物質素就…… 其實如果又平又好食 附近都有其他選擇 叫咗兩個餐 兩個餐都麻麻哋 如果係為咗隨便搵個地方hea 我覺得可能x記會好d 一開始係俾menu吸引入去 可惜……

最近係紅磡返工，試左都好多唔同嘅餐廳，都試過我四間既牛脷飯，行過幾次都咁啱無開，今日下午時間，見到有開，買咗個紅酒會牛脷飯，返到公司我一打開，不示［嘩………］咗一聲，賣相非常好肉酸，咬咗一啖，我真心食唔落，我忍唔住要攞返去俾翻距，我話我真係食唔落，賣相差、條牛脷係白烚嘅、完全無味。距話啲客個個都係咁食，我真係唔係想攞著數，我俾翻個飯距我就走，餐廳係得一個人食飯(食飯時間12:30),唉。。。其實行入去嘅時候，見到有人喺度食緊個咸豬手飯，賣相都係好差，一定唔會有下次

話說，我都係去食個早餐叫咗個面餐，雪菜肉絲加隻蛋出前一丁一拎到出嚟，啲湯係得一半，鹹到癲個出前一丁係未熟27蚊，是但跟住我好心，想細細聲同個老闆講，費事比其他客聽到，佢好似驚我打劫佢咁彈開九丈遠咁算數，我就大大聲講，話佢知個丁面未熟，同個湯太鹹，跟住佢叫我去第二間食我仲要同佢講唔好意思，發咗乜嘢神經？其實都係煮個出前一丁者，難食都唔緊要，佢擺明唔想做生意27蚊講真，要求唔會高，但係我覺得7蚊都比多佢勿去！

今早行過 家維邨 斜對面 東亞銀行 隆基大廈，想食早餐，看到一間細細的食店，與一般茶餐廳格局不同，試了一個 番茄吞拿魚三文治(烘底)丶熱奶茶$22。滿意！下次會試吓午餐。

星期六因為有嘢做所以一早出咗街,稍微行遠少少去咗間未去過嘅茶餐廳.室內少少暗,可能想造成好似西餐廳咁嘅感覺.一入到去二話不說侍應已經畀咗碗湯我,係南瓜湯,甜甜地味道唔錯,但係稀咗少少.裏面有幾粒我估係原本係炸麵包,但係因為浸到淋曬已經韌韌地.午市似乎只有7種菜式選擇,另外仲可以各自配搭飯,面或者薯菜.到達嘅時候差唔多11:50,面空蕩蕩,只得2個侍應.客人同侍應大大聲咁樣用非普通話既中文傾計,空間唔大加上回音都幾騷擾.後來聽佢叫入廚房既對話,先至發現包括客人在內,全部都係一家人一家人,既然係家庭餐廳/生意,嘈吵啲都變得可以接受啦,只係仍唔太配合懶係西餐廳既格局啫.飯少少硬,但個汁唔錯喎,感覺係磨菇汁,幾香濃.雞扒薄薄地但係大塊,煎得啱啱好,雖然肉汁唔多,但總算少少嫩.餐廳有供應紅豆冰,經過某次教訓,我問咗有粗飲管先落單,嚟既果然係比一般“粗少少“既管.其實要粗飲管既用途係可以吸埋紅豆,既然吸唔到紅豆,“幼”或者“粗少少”既飲管又有咩唔同呢…真係希望有珍珠奶茶嗰種飲管. 紅豆都係煲唔透而且本身都唔甜,冰未溶既時候杯紅豆冰已經好淡,食完飲再飲差唔多變成紅豆加水.好彩紅豆唔透之剩都唔會好硬,

在黃埔的小巷入面有一間隱世小店～12:30入坐就立刻有位、到搭9就坐滿晒啦～Lunch set menu~我今次點左個$33 黑椒汁伴豬扒餐～豬扒好食，加上肉質幾嫩，所以好好切！飲熱檸水就唔使加錢。薯條質素還好啦，桌上已經放有茄汁。平價美食，上菜又快，所以會再幫襯！

晨早六點擲醒左，碌到七點爬起身，見大把時間，走去洗頭沖涼再慢慢先出門口。黑都無輪，突然壞火車，好采只係停駛 5 分鐘啫，到達郵票都仲夠時間食碗麵。其實一直以來都覺得 menu 好混亂，勁多附加費，有些包兩樣、包三樣，頭都痛埋。郵票除港式早餐外，還有歐陸選擇呢。竟然仲有鬼佬沙律，唔洗食港式沙律食到成口沙律醬啦。幫襯郵票最慘係地方好狹窄，檯細櫈又細，檯與檯之間通道肥少少都過唔到。食物質數尚可以，港旗姐嬸們服務滿意，除了來至神州的。早餐 $25 蚊連凍飲超抵食，但郵票依舊食客凋零， 附近幾間茶餐廳都同一境況，不過何解斜對面名門冰室排晒隊呢？到底什麼原因呢？左望右望，再環顧四周，何解找不著筷子呢？沒有筷子的港西餐廳嗎？我不喜歡用叉食湯麵的。到底用叉食湯麵係那時開始？從那裡傳入？因為即食杯麵？極討厭呀﹗我只會用筷子食湯麵、湯河、湯意、湯伊的。您個大陸肥婆叫您比筷子，您大膽飛比我，痴左線呀！什麼服務態度，離晒大譜。我錯了！見耐無幫襯，專登走黎食個出前一丁早餐，點知食物質數、服務都強差人意，劣評滔滔。No 喇，再無下次﹗郵票供應兩款湯粉，原味麻油及豬骨湯味，幾乎每次我都食原味係正常不過。滾水白烚麵條

menu 經常轉換新菜式，仲好特別吓，非常令人期待。芝士西蘭花湯，從未飲過咁稀既，果然係湯水，好水呢。淡稀湯汁味道又不錯喎，最衰質感較差。啤酒焗雞扒意粉，奇怪地雞扒食唔到任何酒味，反而酒味只來至個汁呢，即係無用酒醃雞？雞肉嫩滑多汁，雖然有點油膩，幸好雞皮帶膠帶黏，煎香一點更好。紅咖喱龍脷魚意粉，一坐低侍應阿姐即話無飯食喇，已經賣晒，唔好意思呀。無緊要，意粉先啱我啦。但早前食過發現太腍太粉口過熟，貫徹始終依碟都不例外，下次食薯菜算喇。紅咖喱香，不過色水差少少，咖喱味近乎零，質感幼滑，十足忌廉汁一樣。乾煎龍脷柳大大條，表面塗左蛋漿，煎得十分香口，肉質嫩滑水潤有肉汁，滿意可口。忌廉南瓜湯，飲完都唔知係咩湯，睇完 menu 但唔記得左。味道清淡水汪汪，接受還可以。蘋果咖喱豬扒焗意粉，聽個名幾得意，就試試佢。即叫即焗，新鮮滾熱辣，Good Good Good ﹗唔似大集團快餐店焗定晒，完全係兩回事。咖喱滑溜，香而不辣，還帶點點蘋果甜味，好開胃，轉眼間已被我消滅晒所有意粉﹗意粉出奇地烚得乾爽，質感彈滑非常好。先煎後焗豬扒，香噴噴醃味可口，質感軟棉，好好食﹗忌廉粟米湯，一向以來郵票出品既餐湯都非常稀

轉眼都有半年無黎，其實多年一直想試西式早餐，但我實在太喜歡食熱辣辣既湯麵喇，每次都忍唔住。第一次 Stamp 既西式早餐，連如何 order 都未知，查詢之下原來任揀 4 款，但某些食材需要加錢囉。嘩，萬聖節居然有驚喜喎！好好味，比出前一丁麵餐好食多倍啊 ﹗還是因為今朝無咩食客呢？不太忙可以做好一點呢？茄汁焗豆太陽蛋煎豬扒跟多士，我本來要太陽蛋架喎，但意外地變左西式半煎焗流心蛋，超高水準，無得彈，勁正呀 ﹗咁就算收唔投訴啦。薄薄蛋白滑溜溜包住濃稠甘香岩漿蛋黃，熱辣辣新鮮脆口多士塗上濃郁牛油，牛油香氣四溢，半溶狀態下躺在多士之上，部份已深深滲入多士之中 ﹗用多士盛住流心蛋隊入口，索索烚烚聲此起彼落，聽到都勁興奮呀，不能放手，太美味 ﹗童年回憶茄汁焗豆，最緊要室溫，翻熱會 over cook 就唔好食架喇。高質煎豬扒，師傅似乎萬聖節心情大好噃，連煎豬扒都煮得如此美味，唔係求期掉落炸爐既劣質乾硬油膩豬扒，非常 juicy 軟棉，慢煎香口既靚豬扒，正到痺！真係一雪前恥，我比滿分 ﹗

望望個 menu 發現有好西既西式早餐喎，有別於一般茶餐廳，但今日趕時間，求其叫個麵算喇。要自己落湯粉？有點意外，但都有好處既，可揀豬骨湯粉或原味湯粉，出前一丁湯粉自己直接加入碗中，可調較喜愛既濃度。不過湯粉跟麵條一齊煮的話，味道會更香濃呢，而且麵條有時間吸收湯汁。早餐除有好西式既歐陸餐外，就只得出前一丁供應，無米粉、無通粉、無伊麵囉。難得今日想食通粉，點知無通粉供應囉。舖面真的比較細，坐得唔係咁舒服，連門口外面都放左幾個座位呢。牆上面有警告字句喎，只準影食物？如影人物會遭到投訴必須罰款？罰比邊個呢？即係之前發生過？唔可以影食客還是唔可以影職員呀？似乎都只是一間港式偏向西化既茶餐廳啫，即係大家樂、大快活係咪西餐廳囉。舖位細就細左少少，坐得有點迫夾，但出品滿意，侍應阿姐們都殷勤有禮，見佢地敬業樂業，好有衝勁，朝早充滿正能量，讚 ﹗太陽蛋沙嗲牛肉出前一丁，我最愛原味。麵質非常地好，嚥韌爽口又夠苗條無發脹，絕對唔係預先淥定，係即叫即做滾熱辣送到﹗我當然係成包連麻油倒晒落去啦，香濃美味 ﹗甜甜沙嗲牛肉不算鞋，還可以接受。總括黎講，依個麵比茶餐廳好食幾倍。煎豬扒出前一丁，有原味麻油湯或豬骨湯揀架

早餐自選兩款+1片牛油方包+茄汁豆+茶啡個人認為好適合我，份量適中，所以好鍾意係呢到食早餐。就算隔离有啲20蚊更便都係鍾意呢度。1 .深深被个塊煎牛油方包吸引！外脆内軟又香口2.本人超中意茄汁豆3.通常叫熱鴛鴦，話哂吾係正中茶餐厅同coffee shop,所以mix效果比较好。

今日早餐叫咗個雙併,沙爹牛肉午餐肉併豬骨湯公仔麵,來到既時候沙爹牛肉已經被午餐肉掩蓋住,公仔麵ok,唔會太淋,但係沙爹牛肉就無乜味,被豬骨湯味蓋過,午餐肉算大塊,不過下次再食既話就唔好咁樣雙併