星廚 (Closed)

我黎過兩次咋星期五、六、日黎最好訂位。。真係平到你唔信，啲野真係花園餐廳價錢你就食到好有質素既扒佢廚房得幾個人煮（我係出菜位睇到），所以唔好諗住係嗰啲一早煎定你一叫就即出俾你嗰啲餐廳食嗰個什扒最好三個人食，兩個人食真係唔夠。。。菇湯（應該有兩種既菇）佢個菇湯真係好好飲，唔係街出面嗰啲忌廉湯我朋友未飲就諗住落胡椒定鹽，我即刻叫佢試咗先再決定落唔落喇，當然我朋友最後都好滿意同話真係唔洗落野都咁好飲主菜萬種風情長通粉本來係意粉黎既，但我地轉咗做長通粉，味道係你估唔到既味，但你食完係會再想食，當然最好係兩個人分享黎食喇，如果唔係就無回味無窮喇扒牛扒同邪惡什扒（5成熟），都有得跟薯菜，飯，意粉既第一次嗰時係食牛扒第二次先食什扒有牛柳2塊（細）、厚切豬扒2塊、羊架2舊、半隻燒雞、腸2條（兩種味各1），薯格、洋葱圈

見到此處食評不差，決定去試一試，但結果令我們極度失望 😞我們二人點了一份豬手，一份安格斯牛扒，先上了餐湯同麵包，主菜足足等了半個鐘先上菜豬手無食評講得咁好食，好普通，無特別，同係超市買隻急凍既差唔多牛扒（已經點5成熟）韌到切唔到（隔離枱都表示太韌、食唔到），最後只能勉強咁食到一半，因為太韌，比連鎖快餐店更差連杯凍檸茶都係唔好飲，味道有d奇怪廁所環境衛生好差，地方極度窄這間餐廳只此一次，不會再光顧！

平時係德國餐廳食一份德國豬手閒閒地都要300蚊，但係e間小店入面就需要一半價錢就可以食到一個set，重要係大件夾抵食👇🏻👇🏻👇🏻足三磅的豬手，表皮炸到脆卜卜，但D肉又唔會焗到好乾，食落非常juicy,性價比非常高，水準同德國餐廳冇分別，但價錢只需要一半，完全冇得輸🙈🙈🙈再加埋👆🏻👆🏻👆🏻e個忌廉蟹肉長通粉非常creamy ,而且味道夠濃🤤🤤🤤餐廳食物都在水準之上，而且價錢親民，值得推介👍🏻👍🏻👍🏻

我以前住長沙灣青山道附近，聽聞有間豬手好食，叫星廚。點知開左無幾耐又執左，以為佢做唔住，係前排先知原來搬左去太子。係佢長沙灣店年代已經愛上佢既鹹豬手，以為無機會再試，一知道原來佢係太子東山再起，即刻約朋友去食！首先黎到既係法包，摸上手仲係熱既，牛油係麵包上慢慢溶化，算係西餐既基本前菜，合格！蘑菇湯好濃郁，好多切碎左細細粒既蘑菇碎係湯入面，啱曬鍾意有啲咬口既我。鹹豬手果然無令我失望，一樣咁大件兼咁好食！佢既鹹豬手好香，外皮好脆，神奇既係入面啲肉唔會好乾，啲肉質好林，好入味！不枉我特登黎食！係香港食呢個份量既鹹豬手最少都要$200-$300，呢度大大隻都只係百幾蚊，好抵食。鹹豬手轉套餐有薯菜，好少食到會推薦既薯格，真係要趁熱食！另外叫左芝士蘑菇意粉，蘑菇好大隻，上面加左好多配料，好juicy，但係食完蘑菇淨返啲意粉就有啲dry。最後，我地2個人真係食唔曬隻鹹豬手，唯有打包，仲可以攞舊骨返屋企煲湯添。

><都食咗一段時間 之前經過見晚餐幾抵就入咗去食蘑菇多士($30)每塊多士都有幾多蘑菇白汁鮮蜆($53)食到幾隻都沙沙聲 處理吐沙過程未夠?!卡邦尼意大利粉($78)友人常點西餐菜式紅酒燴牛尾飯($68)幾入味 牛肉都易咬開 但就冇咩特別正正常常 不過不失><><><><><><><><><><><><><星廚 Star Cucine太子荔枝角道74號地下

曾經到過不小海外或香港有名的扒房食牛扒，但今次再到這名不起眼的地方竟有意想不到的体驗。一行八人一共叫了八份牛肩扒(flat iron steak). 全部 medium rare. 這部分牛扒不是有很多地方有做。這裡每份售 $140 多元。八份牛扒我們全部掃清。因肉味香濃，刀切下去齊齊整整，全無肉根，入口 爽脆。 就算不用點汁或芥辣也十分好味。 國民警員開心到再叫焗豬扒飯焗葡國雞飯煎鵝肝及白汁蜆。 結帳竟然會人都不用300元。 真是超值，一定會再介紹朋友來食這牛扒。

今日eatmug9 #18同友人嚟同太子 跟佢飲飲食食 同佢講想鋸下扒 有乜推介先二話不說帶我嚟星廚我地各自嗌咗個set dinner 跟餐包同湯師傅係幾欣賞個湯 夠入味之餘口感都好豐富 好多磨菇蓉係入面主菜亦隨後跟上 分別係豬手配酸椰菜同羊西冷一碟個刻都畀隻手shock 咗下真你沙煲咁L 大嘅拳頭呀肉質唔痴口 又夠香再有啲酸椰菜醒醒胃 真係perfect 池羊西冷反而冇乜驚喜order 咗7成熟 切開完全冇紅肉質還可以 overall 一般有意嚟食記得預約 晚市都幾full 下

今晚打算去旺角花墟買年花，迫花墟前要填飽個肚先有能量。上網見到呢間小店就腳又有得訂坐，於是今晚晚餐就交託它。餐廳不大, 大約六十多個座位.兩個人分別點了, 烤焗咸豬手 和蟹肉忌廉長通粉.長通粉加上一絲絲蟹肉, 味道不過不失.反而烤焗咸豬手值得推介,外皮炸到脆卜卜,豬手經過醃製,味遁不會過咸, 配以蘋果酸椰棻作伴棻.另提供三款醬汁,分別是 燒汁,芥辣 ,黑醋可因個人喜愛而添加.百多元一客物超所值

星期五夜晚七點半去到都要等差唔多成廿分鐘 入面環境都舒服 咁岩我地可以坐到四人卡位 好寛敞 但廁所就真係好一般唔係坐廁 因為得兩個人 都廢事叫個個大set 因爲份量太大 兩個人都唔食得哂 廢事浪費食物 加上個set 冇我想食既德國豬手。最尾都係叫左豬手、牛柳set 各一 鐘別配薯菜同飯 兩個人食岩岩好首先個set 包餐湯同麵包-當日係紅菜頭湯 我對湯唔係太多要求 佢都夠熱同足料之後就係個豬手 好好食！ 夠熱 又脆身個皮入面仲係啖啖肉 唔會un同埋太咸 味道岩岩好 同埋D肉好易就起到 分別有三個sauce 個肉認為配gravy sauce 好match ! 之後到個牛柳 叫左五成熟 覺得對比岩岩豬手佢就不過不失 唔會太過出色 正正常常值得一提 個薯格雖然唔多 但好脆身同熱食哂都飽哂咁制 但見隔離叫左甜品tiramisu 好香baileys味 直頭傳到過黎 都忍唔住叫左一份 真係味道唔錯 但唯一係唔夠凍個人認為 下次多人黎一定要試下大個個set 試埋其他野食 一定會再黎 十分抵食！

很久沒有來這餐廳了。今天晚上一行三人到來。 自己 BYO 紅酒一支， 每人叫了一客芝士焗蠔 ，這款韓國蠔比較細小但焗得很入味。 本來想叫多兩客焗蠔但已售罄。 覺得這裏的芝士很好已是叫了一個芝士焗牛柳 。他們用剛煎好的牛柳舖上剛由熱燈溶化的芝士。 這個做法很香港很少見，它可以令芝士全部用入牛柳中 ，這個菜很有特色。 芹菜湯盈盈是免費的 雖然是免費但材料十足加上黑椒， 十分好味 ， 可以飲得出係由蔬菜餚出嚟的湯 ，完全沒有用味精的感覺。 餐廳佈置雖然簡單但配合這地區色彩。這個晚餐很經濟很抵食。

三個大男人去食飯最緊要吃得飽，今次這間餐廳完全滿足我們要求。星廚出名性價比夠高，我們叫了邪惡雜扒 $388豬牛羊雞樣樣齊，有餐湯有餐包、可以跟飯或者意粉，還有兩杯飲品。厚切牛柳大大件，切開入面粉紅色有肉汁。燒春雞不錯，皮脆肉嫩。羊架都ok，羊羶味適中，配上薄荷醬味道更加升華。豬扒肉味濃亦有肉汁。伴菜亦很豐富，除蔬菜外還有德國腸、薯條、洋蔥圈。這個份量相信四人食應該都無問題😅

以前吃過星廚的午餐和晚餐，很是滿意的。但今次的光顧使我失望，湯不再濃而滑了，午餐的選擇非常有限（沒有牛之類既餐），再沒有雪糕了.....一看就知是將貨就價（全不超過50蚊）。

烤焗咸豬手配酸椰菜因為係即叫即整，所為隻豬手非常熱辣辣一切落去就聽到嚓嚓聲，而且好易切開，落刀嗰下就知皮脆肉嫩啦！食落d肉好軟好滑，帶咸咸香香，而且焗到好乾身，唔會油林林咁，連皮食一d都唔覺膩，仲好香口之於呢到三個醬我個人就比較prefer芥末，其餘兩個感覺上都怪怪的，可能係我食唔慣啦，不過唔加醬好似仲好味食埋d酸椰菜清清個口就滿足晒！睇佢好似細細隻豬手，我兩個人share食其實都好飽。每人唔洗$100就食到咁高質嘅烤焗豬手，真心推介

公司的老前辈极力推荐星厨，今天带我们过来试吃了！原本看到餐厅环境和食物图片，觉得跟一般的港式餐厅没什么区别，所以期待值不高。但是真的特别特别好吃！！先说这个杂扒，份量超足，而且真的很好吃！羊扒回味无穷，猪扒也很嫩，牛扒煮过头，有点韧，洋葱圈也好好吃，最后烧鸡都没肚子装了，还是硬着头皮吃了一大块。好满足！！而且这么大份，只要308，价格不要太感人好吗！！咸猪手也好大份，猪皮超级松脆，不点这个你绝对后悔～除了这两个记忆特别深刻，我们还吃了自制面包，汤（有点稀），芝士焗生蚝，一口牛舌（我吃了三个），鸭腿，葡国鸡饭，提拉米苏，沙拉。。。。吃完真的是扶墙出来，这样人均都不超200，可谓是非常抵食了。建议多点人去，这样就可以试很多菜式。除了汤不怎么出彩，其他菜式都特别赞！！

食物一般價錢合理環境舒適, 可能人少所以很舒適但是短髮那位侍應生,態度的確很有問題明明自己講錯又唔認, 而且非常串, 黑口黑面 非常沒有禮貌 , 下次都不會再幫襯雖然另外的侍應生都很好