明星海鮮酒家

Open Now

Now Closed

這餐其實是冬至飯；由於嫲嫲要做正日，預咗同人逼和等；即使訂了枱也無補於事，最後更被安排坐快餐部，感覺叫天不應叫地不聞。是晚散叫了乳豬件、清炒豆苗、一條花鬼斑、一隻貴妃雞、泰式鳳爪、海參炆鴨掌、竹生上素、薑蔥魚腩煲和生炒(蒸)糯米飯。味道不過不失，魚就不錯，雖然係養魚，但因時間拿捏準確，肉質尚算鮮嫰；最搞笑個魚腩煲，竟然有一半是脆魚鯇、一半草鯇，認真騎呢。以冬至來說，整體尚算不錯，只是坐偏廳關係，服務未如理想。

今晚同阿爸阿媽阿姨食飯, 一行四人, 叫左5碟餸!同阿姨攞位先, 見周圍隔離檯叫籠仔糯米蒸羔蟹, 好好味咁, 我哋都落單訂住先...到阿爸阿媽到左睇完菜單就話叫個$368既套餐, 有什麼龍蝦伊面, 燒雞半隻, 紅蟹兩隻同一樣餸(唔記得係咩野), 仲話另外再叫多一個炒菜, 計埋加一埋單即係$600落樓? 唔係話食唔起, 唔抵嘛~!最終由我點菜...1. 沙薑雞一隻- ok啦!2. 籠仔糯米蒸羔蟹- 雖然係蟹仔, 但係真係有羔, d糯米加埋蒜蓉蒸, 好香! 3. 椒絲腐乳浸西洋菜- 好味4. 花膠魚頭煲- 花膠我覺得好醒四個菜好似唔係咁好, 我阿爸要多個蒜蓉炒菜心叫埋啤酒白飯連加一貼士張單都係$360,抵!

只係試過飲茶食點心,點心一般都唔錯, 最正係春圈, 真係好正, 有蝦又鬆化, 應該係即做的, 算係高水準春圈:-)知客服務就差d, 樓上就沒甚麼, 一般啦..

10月1日打算同一家人預早慶中秋, 一個禮拜前book好位晚上6:30食飯, 當日6:20去到, 點知d檯已經full哂, 仲有連埋我家3-4檯客book o左檯都要白等, 問過知客小姐點解book o左檯都無位, 佢只係識答唔好意思, e家無哂位, 一有檯埋單即刻比我地, 等到6:45, 叫佢搵個經理比個合理解釋, 經過多次要求, 有個姓吳既男經理終於出黎, 佢話有四個公關部門負責book檯, 所以over book o左, 其中有個都係因為overbook無檯既女仔話星期六佢地仲打比佢叫佢8:30交檯, 無理由咁都計錯數架,講講下, 個知客好醒地話吳經理, 有人搵你, 即刻閃人, 已經到o左7點, 依然無位, 叫個經理再出黎, 個知客話經理落緊單, 唔得閒住, 等到7:15分都唔出黎, 點知比我地上去見到佢唔係落緊單, 只係唔想再落黎, 嘩..d咁既服務態度完全唔掂. 而且佢地的確好有問題, 我地有留電話, 如有發現overbook 點解唔通知, 而且我係一星期前book, overbook都唔係我無位啦, 九龍灣咁多酒樓, 如果我當日book位知道無位都可以book其他, 去到當

今日去完淘大碌lｉnｇ就//成1０點近近地就去左明星打邊爐,,去到坐低,,肉類個d就寫紙入單..菜就自己出去拎..可能夜啦,,d菜就唔太靚啦..但d肉就都好肥美..好新鮮..尤其係個豬頸肉..正!!等水滾個時有d佢就有d饅頭同糯米飯同以食住先..饅頭就麻麻啦,,糯米飯就oｋ既,,仲有d汽水啤酒任飲..食到1２點佢要關門啦..大家陣食飽飽,,俾錢,,$７8全包..真係好抵..都食得過呀!!

今日同阿媽and家姐去飲茶.去了這裡,因為佢d野係平得黎都算ok的.較好吃的有:煎薄餐-好味,煎得夠脆but唔太燶.帶子鳳眼餃- d帶子都ok新鮮,唔似係雪藏貨色.個皮都ok薄.灼生菜- 真的係白灼,得好少油,好healthy.蒸鳳爪- 個汁ok,個爪似係有心機做的,因為佢唔係平時0個d俾化學野"拿"到d皮起曬出黎的.

話說，當日同女朋友仔係淘大，突然興起飲茶，就去左明星到飲啦，一去到，冇人帶位都算啦~自己見位就坐，咁我都諗...下午茶多人0者，咁坐低嗌野食啦~嗌完係到等都冇問題..一直都冇事發生，甚至我地嗌左碗燒鵝瀨，佢俾左碗米線我，個傳菜都即刻幫我換返!之後d野黎得七七八八，就只係爭一杯泰式雜果冰。好啦，黎到喇...完全唔知係一杯咩黎，雜果冰..又有椰汁，又有紅豆，九唔搭八!!!咁女朋友仔唔飲得椰汁，又唔飲得酸野，成張menu唔係椰汁就係青檸，咁叫佢cancle啦個傳菜行到過黎，話佢話唔到事，就話叫個大d既黎，等左幾個字，先有個部長行埋黎問咩事話俾佢知啦，即刻話唔得!!話唔係佢地錯，仲話我地飲左一啖..唔可以cancel!!咁我地就問佢，咁係咪未掂過就可以cancel先??又唔答我地，話搵經理過黎~好丫~又等!又等左幾個字，成台野食冇掂過!就係等個經理黎!黎到喇~又問咩事，又講俾佢听啦~又話唔得，唔cancel得!!話咩寫到明係泰式架喇!一定有椰汁架啦!女朋友仔咪話:「泰式野夠辣啦!!唔通你杯野又係辣既?」個經理就話:「嘩...個個客都好似你地咁，黎到嗌完野食話唔岩個個都cancel，我地酒樓唔駛

尋晚同幾個朋友去淘大食飯&睇戲, 於是黎左呢道叫小菜食飯；7點幾黎到巳經有好多人等位, 我地大約等左45分鐘先有位, 入到去安排既台, 發覺其中一邊放左張細台而無椅, 咁我咪搬開張細台唸住搵張椅啦, 響呢個時候個部長就問我地: "你地幾多個人呀? 果道滴水架, 唔坐得", 我答: "4個", 部長話"佢地叫你地入黎架, 都唔知點攪架, 明明滴水都叫你地入黎", 咁岩隔離台埋單走左, 於是就話比隔離張台我地坐；響坐好左我地點菜既時候, 部長見到個阿姐就話: "你新黎架, 明知滴水仲叫4位入黎", 阿姐答:"唔係新黎....(因為有大陸口音聽唔清楚)", 其實部長都係為客人好, 顧客至上。講返今次既食物, 我地都叫左好多野, 因為價錢好抵呀!叫左大班兩味($148),片皮鴨2食($88),椒鹽脆骨腩($18),豉油皇煎海蝦($23), 椒絲腐乳抄通菜($28)翡翠抄班球(大班兩味) - 新鮮既班球配上脆肉瓜抄, 好鮮甜開胃蒜茸蒸頭腩(大班兩味) - 蒜茸味唔太重, 好滑又唔多骨, 岩晒我口味片皮鴨(2食) - 好肥, 略微切得太大件, 雖然麵粉皮佢都比好大塊, 但係其實咁大件, 好多肉都會

明星近年大肆擴充，專做抵食海鮮既街坊生意，所以質素一向冇乜祈望，晚飯求其點左幾樣，燒乳鴿，皮脆多肉，二十八蚊一隻算超值，上湯龍蝦伊麵，汁少，龍蝦肉份量都頗多，味道一般，肉環瑤柱，江瑤柱大大粒，口感似香口膠又韌冇味，連節瓜都冇味先離譜，最好食反而係配角，墊底Ｄ生菜，真係吹到啤啤聲！新開張地方當然乾淨企理，招呼亦不過不失，總之屋村酒樓價錢同味道。以價論貨，去明星見到Ｄ特價推介就好叫，其他則可免則免！

經過見到有間新開張酒樓，於是上星期日同屋企人黎飲午茶。到達酒樓，已見到有一群人在等位，呢個係酒樓普遍現象，我都見怪不怪啦! 幸好我都只花了約半小時便可安排入座，都算快啦!價錢比同區酒樓相宜，特點都唔駛$20，好抵喎!所以，我都唔多考慮便叫了很多點心，各式點心水準都不俗，大家都食到飽飽呢!我們4人合共吃了9碟點心加茶錢及加一都只是$160。服務都唔錯，一定會再來呀!

今日同林小B、矇豬蓮加埋隻旺財仔到此飲茶。燒腩飯- 皮脆又肉嫩, 13元一碗抵食叉燒河- 叉燒唔會得個甜字, 肉又唔靭又唔燶, 河粉唔會淥到變河溶。瑤柱珍珠鷄 - 曚豬蓮見到同檯有人叫話想試, 所以又叫嚟試吓, 珍珠鷄葉外再包著一層紙,令到蒸O既時候唔會搞到內層糯米太過濕腍。北菰棉花鷄 - OK,無咩特別。翠玉瓜叉燒腸- 林小B話幾好, 因為係即拉, 唔係做定。鷄包仔- 外面包身夠鬆軟,內裡多饀,個個都有小蝦兩三隻在內。魚片粥- 矇豬蓮話佢好過魚米之鄉, 又無咁勁味精。係牛頭角區嚟講, 除咗稻香最好(但貴), 呢間已不錯,希望不只是開張才好!P.S. 通知網主,這間酒樓已改名為"明星"

同屋企人去飲茶,一點左右黎到見唔係咁多人就入黎啦!d點心都幾大碟,價錢都唔算貴(以假日黎講),五個人食到飽都只係二百蚊,係一間幾好既酒樓,但始終都係人手唔夠推介---炸涼瓜芝麻球---剛炸起,熱辣辣,唔油咖喱牛肚---夠淋,入味山竹牛肉---大碟,好味白菜餃---好味,白菜夠,個心亦菜肉分名蝦餃---好味燒賣---好味

我食過很多酒樓, 但好似呢間d下午茶點心做得咁新鮮真係極為罕見, 點心大件, 新鮮, 不像其他的酒樓蒸完又蒸, 價格算平喇~ 就算係貴d 都可以接受, 雖然Service 嘛嘛地.

2點後飲茶好便宜,不過水準不穩定,以前比較好食,最近好像差了.晚飯好抵食.d 4人餐好多野食,都幾好食,價錢都合理.唔叫餐,散叫-9點後有d $20幾蚊的餸,好多選擇,亦有水準,好食!最好味的是椒鹽九肚魚,炸得好靚,又多汁,正!