明星海鮮酒家 (Closed)

上星期六和老公去了大埔明星打邊邊，未裝修之前都有去過的，那天我們都很餓，打算去吃任吃火鍋，可以飽飽的....8:25 分坐低，裝修後的明星環境也OK，但枱面沒有點菜紙，到有人拿到點菜紙給我們時，我們才發現沒有任吃火鍋，就逐碟計，價錢都拍得住稻香bor!!仲有我地見到...8:30 後有特價..平均一碟可以平4至8元，有些更是半價的...那時已經是8:35了...職員都不肯計我們特價時段，都算啦，因為我們都知道都是計入坐計的。叫了蕃茄薯仔豬骨湯底，38元，個窩係大呀...但估唔到係得2件蕃茄+2件薯仔+一件豬骨，2件蕃茄有幾大呢？就係一個蕃茄切開4份，2件就係2份，即係半個...=_=" 試問半個蕃茄又點會出味呢？成個湯底都係冇味的，等於水咁...於是係咁加醬料...唔叫待應比佢地都唔比呀...我都係見到隔離台一坐低，就有人比一set 的醬料佢地(即係好似稻香咁..)，我先叫待應比我咋...我地都冇心機再慢慢打邊邊，求其叫左5碟，通菜、雲吞、水魷、魚蛋、雞片，就係咁...雲吞32蚊只係得8粒...平時打邊邊，邊止叫5碟咁少啊...一直都無泊車優惠，不如去稻香好過啦....

20080525星期曰,瞓晏咗! 去飲茶一於早餐連午飯一齊食. 這都是香港人的生活習慣. 唔飲茶,大可以去酒店或高檔次西餐廳嘆其Brunch. 也是一個好選擇.在大埔, 都係去飲茶啦. 酒樓啱啱重新裝修好大概一星期, 一切應該企理□掛! 試吓先..酒樓內間隔重新設計過, 由於地方很大沒走哂全場. 現在間多了好多廳房, 又有卡位廂坐.適合不同人群而設. ok!!點心大路格式, 廳面跟以前一樣附有美食大牌擋, 但那條通道很窄, 客人或傳菜員, 大盤小碟、湯麪、熱粥等都要小心!! 不過唔見咗印度薄餅.例牌點心吃過後, 太太想來多一碗泰式湯米粉, 我便走到counter前準備為她叫肉碎米粉；在此時一位男士拿回一碗米線對泰籍模樣女廚師說:米線仍很硬像未煮開啊! 那女廚師二話不說即用餸鉗從那碗湯米線夾起那些米線放進煮麫水中翻煮, 隨着女廚師對我說暫時沒有米粉, 改米線好嗎? 那位男士仍用投訴口吻告訴我說: 米線真系好硬.當時我不是考慮米線或米粉, 而覺得那碗己吃過的米線放回再煮, 不衛生, 雖眼不見為乾淨,但我徧徧看見, 决定唔食!我們3人消費共140多元.

1) 蘿蔔絲蝦餅($8.8)外面皮好脆，裏面有蘿蔔絲、蝦肉& 粟米粒，唔錯！2) 白灼油麥菜($12)3) 豆沙窩餅(大)皮硬，豆沙唔太甜，o.k.。4) 百花釀豆腐(中)一般喇！5) 鳳爪排骨飯($18)一煲，但飯有硬唔駛等位，因為喱度地方好大，今日都好full。

受到老婆仔中意食包點既影響飲早茶果時叫左生煎包同小籠包本身諗住食呢D一定唔及正宗既上海餐廳點知我好驚喜WOW !!生煎包- 包底夠香脆,D饀都幾多,食落有肉汁!!小籠包- 皮都幾簿,咬落會有噴湯汁既效果

28-8-07今日同媽去飲中午茶,記得新開果陣個地下超多圾垃又冇人掃,令我以後都冇去lee 度。裝修後,環境令左,地下亦少左好多垃圾,坐得安心!我地食左以下GE野:芝士烤餅:係由印度師傅即整,好好味!熱熱的,有濃香芝士味。可以點綠色醬,不過我覺得唔點好DEE!孚頭酥EE孚頭夠味,不過好多油,食完成口油。少食為妙!X春蛋燒賣:幾好,DEE肉唔會太大舊,味道不錯燒賣同排骨:冇食,不過賣相幾好!其實仲有好多野食(例:泰國粉麵),不過食完以上野食已經好飽!共六十多元!

小弟住左大埔差唔多15年, 去過好多食市, 呢間都係“衰”中之“覇”。上星期同屋企人飲茶, 鋪鋪都係去開後面個間稲香, 諗住轉下口味, 點知激到爆炸。個日入到去, 簡直無任何招呼, 叫伙記埋黎落order, 唔知係唔係食左火藥做早餐, 個個燶口燶面。我地叫左蝦餃、奶黄流沙飽、春巻等等。等左一陣, 有個兇神悪殺既女waitress走埋黎, 她用個D聽死人既廣東話講：“豆沙飽呀!”, 我話：“無叫到, 但搭抬個位先生就唔清楚啦”；女waitress話：“我理得你地咁多啦, 我既工作係送菜, 我以家擺係度。”我完全唔可以接受個女waitress咁串既態度, 立即找個部長黎投訴。連番理論後, 原来個女waitress係叫“流沙飽呀!”因為D廣東話唔正, 所以咩左音。我覺得好詫異, 無錯個Menu係寫奶黄流沙飽, 但正常都講“奶黄飽”。雖然係個小誤會, 但無論點都唔應該鬧客。我認為明星要自我檢討, 並且要加強對員工既培訓。

前幾日celebrate father's day全場爆滿, 仲有好多人等位tim大蝦伊--- 味道ok, 比想像中好d, 但d 伊太林片皮鴨--- d 鴨都唔錯炒聖子--- um, 唔好味, 太淡, d 聖子有沙tim野菌素菜-- 好難食, 半碟留番晒0係度, d 汁好似臭涕咁>__< ~~整體黎講, 以咁0既價錢, 算ok latotal $330

通常去大埔,都會去呢度食...呢度成日都好多人等位...星期一至六13:30開始就下午茶,比其他酒樓早...

估唔到咁多選擇, 而且價錢不貴, 星期日四個人去食, 飽到嘔, 不過每人四十五大元。仲想點?

１６／２　o個晚７：３０一行５人去左明星打邊爐．＄５８／位任點入食．都幾多選擇．．．幾新鮮～　味道都ｏｋ丫～不過有時叫左ｄ野冇黎到．．．有ｄ湯底只係＄１．（湯底乾左叫佢加．佢好似只係加滾水而唔係湯咁）橙汁＄１０／ｊａｒ啤酒＄１０／３罐茶錢＄１０／位芥＄１０

尋日去晚飯，環境唔錯有電視，ｄ檯又唔會迫。最緊要係伙記服務好～一叫即到。大埔ｅ間明星好過其他分店，好有獲氣！尋日食左個＄６８８套餐，有雞／龍蝦／星斑．．另外仲散叫左兩個小菜，紅燒豆腐．蒜蓉西蘭花～散叫好食過套餐，可能套餐係ｓｅｔ好左整定掛，但條魚都好新鮮生猛！７個人食左一千蚊倒～個個都食得好飽！overall 唔錯喎，下次會再黎！

個日下午點半左右去到諗住要等位啦點知一去到就有位啦有好多野食不過就比較嘈啦我去到個陣剛剛好1:25 諗住落單個陣個姐姐仔就叫我等多5分鍾先啦會平d啊佢個到可以自己去睇下有咩食我最like呢種方法啦睇到想食先叫佢個咸水角&燒肉都好好食不過最好下次唔好咁嘈就好啦

在則魚涌街市雖然間野細細地，不過d 地方幾好,試過D 朱扒包好食正正正,可以試試

一早被屋企人整醒去飲茶，這裡一向抵食點心$2.8起，小中大點都只是$4.8,$6.8,$8.8, 因為地方大不用等位，區內其他稻香集團的酒樓都要等半小時以上，最怕等位．叫了牛肉球，叉燒包，鮮蝦腸粉，鴛鴦水晶包，魷魚生腸鵝腸菜心，鳳爪排骨飯必食的是印度薄餅，很多人叫來食．服務一般，雖有待應行來行去但好像沒有野做，很多也扮忙，歎茶一流，待應都不理你．埋單$80

首先啦, 佢早茶好平!山竹牛肉球都係$2.8!早茶一家人食廿幾蚊都飽曬!仲好好味!不過我有朋友既媽咪同我講,早茶既腸粉有d隔夜整熱,佢係明星做過,不過我覺得唔肚痛咪得囉!同埋我諗好少會咁做掛!夜晚打邊爐8 dim半後入庭平d,d料又新鮮!叫左好多飲品仲要飽到食唔曬都係$83,服務仲好好,我建議大家慢慢叫唔係好快飽就冇癮喇