西站餃子

Open Now

Now Closed

附近泊低咗架車見到呢間新開餃子舖作為餃子控嘅我😜當然唔會錯過啦一入到去老闆問我哋係咪第一次食佢話做到7號⋯⋯下…opps佢有別於一般傳統嘅餃子舖佢嘅餃子餐可以配搭其他食物例如…牛肉飯，粥，薄餅，撈麵等感覺都幾得意第一次食，當然要試吓佢嘅乾餃同濕餃啦一啖食入去，其實已經知道同出邊啲舖頭既餃子🥟好唔同，佢嘅皮做得好薄再配埋老闆好引以自豪嘅自家製調配醬汁😂真係一啖接一啖再食埋佢嘅滷肉飯佢個飯係用珍珠米，大大粒嘅滷肉肥瘦相間個醬汁甜甜地撈飯，真係好滿足呢間嘢好似先開咗兩個幾月，如果第一次食就變咗最後一次食實在太可惜啦

我對韭菜餃要求很高的，外邊吃到的不是肉太肥就是只有菜，皮太厚….這家店餃子餡料均勻，煎得好。可以加其他主食，滷肉飯、牛肉飯跟雞肉拉麵都有麻辣味但又不是很辣，相信適合一般大眾。認識這家店因為同事叫外賣，今晚專程去吃，遇上老闆，問他的麵那麼好吃是自己做的嗎，他說不是但是經過精心挑選。朋友說他的薄餅也很出色呀。最勁係他的醋，由意大利醋加其他醬汁造成，與別不同！PS. 我第一次寫食評，覺得要支持做得好的小店

喺大壩街新開的小店，同同事放lunch時係門口睇下餐牌被老闆熱情打動，決定試一試，點知咁有驚喜，真心要特意寫個好評比佢！餃子香口好食無味精薄皮，雞肉伴麵勁多雞肉，一啖麵一啖肉重點加左佢地自家整既麻辣醬，成件事好夾，極有食慾，午餐都係約$50-$60連飲品雖然食物選擇品算好多，但貴精不貴多，feel到老細有心製作，將最好既食物比提供比客人新開張仲有88折，同事們都覺得超值，已經入左心目中恆常餐廳之一

於荃灣廣場睇完戲，行出商場的小巷，發現一間令人喜出望外的餃子站-「西站餃子」。這裡以餃子、湯和健康食材為主打，讓我對他們的粟米雞肉餃子和椰菜雞肉豬肉餃子留下了深刻的印象。精緻的餃子，好食又健康！粟米雞肉餃子的皮薄餡多，每一口都充滿了鮮甜的粟米和嫩滑的雞肉口感。椰菜雞肉豬肉餃子則帶來了豐富的口感層次，搭配上餡料的豐富風味，讓人回味無窮。而這裡的蘿蔔絲蛋白杞子湯更是一道清爽又滋補的湯品。湯汁清澈透明，蘿蔔絲的甜味和蛋白的鮮嫩口感相得益彰，而杞子更為湯品增添了一絲香氣。為滿口腹之慾，點了香蒜醋撈麵。這碗撈麵的份量實在太大了，兩個人食都夠。麵條彈牙有嚼勁，搭配上香蒜醋汁的酸香風味，每一口都讓人食指大動。除了美味的食物，這裡的醬料也是一大亮點。麻辣香醋汁和香蒜意大利黑醋汁是店家特製的兩款醬料，無論是搭配餃子還是撈麵撈飯，都讓味道更上一層樓。老闆還慷慨地送了我們一份滷肉飯。這道滷肉飯的味道令人驚喜，肉質鮮嫩多汁，滷汁入味，每一口都讓人滿足。雖然是送的，但絕對是讓人想一食再食，下次來必點。而且他們的咪用上最頂級的，老闆說比起壽司米高級的米飯。他們果然對食物很有要求。#西站餃子 #荃灣美食 #粟米雞肉

不嘩眾取寵，食落樣樣用料新鮮，配搭用心👍🏻👍🏻先黎送左一碗仔雞肉飯，老闆話比我地試下味，加埋店家調製嘅麻辣汁好惹味，飯粒飽滿分明煲得好好食，唔係頹飯，青瓜都好fresh唔乾水。四隻餃子都有得揀單拼雙拼，我揀左全部韮菜餃，老闆本來推薦蒸餃款/蛋漿煎底款話會juicy啲，但我執意要面面煎果款，估唔到煎完都好juicy，皮好薄但冇穿，留到肉汁。雞肉生菜包，睇啲菜葉邊已經👍🏻 有啲似羅馬生菜，葉厚脆卜卜。因為提供左兩種汁，所以我一份落一種汁去試，雞肉碎先醃左味再炒香，再伴入切粒嘅青瓜同鮮洋蔥，加埋店家調製嘅黑醋汁好refreshing，用上意大利黑醋，果味香濃唔嗆喉，另一份加麻辣汁食，重正😋 不過佢嘅麻辣唔係好辣果種，係惹味嘅BB辣。套餐跟湯揀咗蛋花杞子白蘿蔔湯，一黎就飲左兩啖，味清淡，食完成餐再飲，正好平衡返主食嘅咸味同油膩感。唯一彈嘅係全部用即棄餐具，賣相爭啲。食過嘅會想再食，但未食過嘅會有啲卻步🤨p.s. 老闆介紹得好熱情，食完就明點解，因為真係花左心機，從用料配搭就知，而家開左冇耐，希望水準keep到！問左老闆會唔會出羊肉餃，集氣一下！

上次lunch time經過一位難求，是日下午過黎試下佢先，一向鐘意食餃子嘛。是日學校放假，加上下午三點，食客得兩枱即刻有位。牆上餐牌已經無做，改左呢張全日套餐。點左G餐餃子4隻 + 香蒜醋撈麵，麵先到，聽到廚房煎緊餃子嘅滋滋聲🤤醬汁有麻辣汁同香蒜黑醋汁，店家強烈建議只選一款醬，加上兩樣會無咁好食，咁就加麻辣先🌶️麻麻辣辣加上麵條有咬口又真係幾正喎。店家見我想試埋個黑醋汁，就畀咗一啖迷你雞肉飯我試下，呢個落咗黑醋去撈，酸酸地帶蒜香都好好味，個雞肉本身係沙爹醬炒㗎，兩個味撈埋一齊都好夾🤤主角餃子登場，揀咗雙拼口味🌽粟米雞肉餃 + 🥟韮菜豬肉餃，仲可以揀蒸啦，就咁煎或者加雞蛋煎，餃子皮薄餡料多，味道唔錯，兩款口味都試咗點麻辣醬或黑醋汁，個醬汁真心正🤤跟餐可跟例湯或者紙包飲品，蛋花瓜湯幾清甜，無油無味精👍雖然個名叫西站餃子，但餃子款式其實唔多。勝在套餐選擇多，可跟飯跟麵跟燒餅，甚至乎連生菜包都有😆加上店家好好人，我見隔離台兩位食客叫咗單拼餃子，佢哋就送多款另一口味餃子畀佢哋試下，好有人情味嘅小店。

今日約咗老婆去荃灣拍拖睇戲，好耐冇去荃灣廣場嗰度行街，咁我哋睇完戲夜晚就去咗大壩街個頭搵嘢食。俾我哋搵咗一間新開嘅（西站餃子）呢間店主打創新，可能新開，所以裏面嘅座位都比較少，但係生意唔錯👍👍👍。原來都係老闆招呼，非常唔錯，還給我們推介了他們比較主打嘅食品。至尊牛肉蛋飯👍👍👍非常好食，配上意大利黑醋雞肉粟米蛋煎餃子👍👍👍雞肉碎薄餅👍👍呢個配上意大利黑醋之後非常好食再嚟杯豆漿非常飽飯後評價嗰啲呢間店自製嘅意大利醋配飯特別香。下次過嚟一定要問老細攞醋😁😁😁📍西站餃子荃灣大壩街5號地舖

今日喺荃灣廣場附近行街，食咗呢間新開、自家製、良心嘅餃子小店。餐廳有唔同fusion嘅套餐，可以一次過滿足你兩個願望。套餐仲會附送嘢飲或者餐湯。🥟粟米雞肉餃子拼韭菜豬肉餃 - $51餃子皮薄，韌性好，餡料鮮嫩多汁，有雞肉嘅香氣。老闆仲推薦搭配醋同麻辣醬，更加提升風味。🍕雞肉薄餅拼4隻餃子 - $56薄餅酥脆，入面鋪滿咗嫩滑嘅雞髀肉痛同香料，幾滋味。🍗雞肉飯拼4隻餃子 - $58米飯搭配嫩滑嘅雞肉，淋上香濃嘅醬汁，甜甜地，同雞肉幾夾，雞肉碎整到好似滷肉甘入味。🍱牛肉飯拼4隻餃子 - $59飯面鋪滿左好多牛肉。薄切牛肉，醬汁入味，用嚟送飯真係一流。

荃灣新開不久的小店，主打外賣，但亦可以堂食。除左有餃子，還有牛肉飯、鹵肉飯、雞肉飯、撈麵……fusion美食。食物份量幾多，價錢 $51-68，當相吸引抵食。至尊fusion 牛肉蛋飯 $58外觀靚靚，有太陽蛋特別吸引，份量十足好味抵食。肥牛嫩滑有油香，帶沙嗲味濃郁又香口，加埋蛋黃汁更滑溜。餐廳特製的香蒜醋汁係靈魂，加入牛肉飯拌勻食，味道酸酸地中和肥牛油膩，又可以提升牛肉味道，而且有蒜香味更加惹味。米飯唔乾，好軟綿，仲吸哂牛肉汁的味。套餐有是日例湯或飲品，白蘿蔔蛋花湯，清甜解膩，蘿蔔又甜又多汁，個湯唔過咸，飲完又暖又舒服。餃子8隻 $51 餃子可以單拼或雙拼，而且煮法可選蒸或煎，我揀左粟米雞肉餃 及 韭菜豬肉餃，餃子先蒸熟，再加蛋液煎香，賣杷滿分好吸引。餃子皮煎得香脆，餡料都幾多，沾辣椒油特別惹味香辣。粟米雞肉餃，雞肉嫩滑，加上粟米甜甜味道，大人細路都鍾意。韭菜豬肉餃，餃子皮薄餡多，咬落都多肉汁，韭菜好香味道濃。

今日跟朋友在荃灣逛完街後又唔想食飯, 但又要飽肚嘅野, 第一時間就諗起餃子了; 係荃灣廣場隔離嘅大霸街尾, 有間新開嘅西站餃子, 睇下餐牌內有餃子, 牛肉蛋飯, 雞肉蛋飯, 滷肉飯, 雞肉薄餅等, 4隻餃子仲可雙併, 又可揀煎或者蒸, 套餐可跟湯或者飲品; 因舖頭座位有限, 外賣自取又減$3, 學生外賣自取可減$10, 真係好吸引呀! 椰菜雞肉豬肉蒸餃 + Fusion雞肉薄餅 - $56 餃子包得皮薄餡多, 而且都幾juicy, 都幾大隻, 隻隻都飽滿; 餡料係椰菜雞肉豬肉, 食落有口感; 老闆話新開張, 仲比咗兩隻醬我地試下, 一款係自家調配嘅香麻油黑醋, 另一款係麻辣醬; 香麻油黑醋微微醋加麻油味, 用嚟點蒸餃食唔錯, 麻辣醬微辣, 幾香麻辣香味, 老闆話點煎餃或薄餅食都唔錯。4隻餃都可以雙併, 可以揀椰菜雞肉豬肉餃 / 粟米雞肉煎餃 / 韭菜豬肉餃; Fusion雞肉薄餅我覺得好似中式, 又好似印度薄餅咁, 佢係用酥餅用蛋煎香, 加埋醬汁炒香嘅雞肉, 青瓜夾埋一齊食; 餅皮有酥軟口感, 又有蛋香, 好味又飽肚。套餐可跟湯或者飲品, 湯要咗蘿蔔絲蛋白杞子湯, 都幾清甜, 又冇味