站 (Closed)

小店位於水街，店面小小，無堂食位置。每次行過都被經濟價格嘅餐牌吸引。今次食左熱狗田園熱狗$34點餐後即製，包烘得熱又脆。條腸不錯不失，醬都唔錯。下次試下其他飯麵類，小食類睇落都好吸引～

//#黃店地圖系列間野叫：站Station邊度黎：西環西營盤皇后大道西414號地下5號舖環境點：牆上貼滿各類餐牌 鋪頭細細 座位唔多 建議外賣自取 🌝：收據印有支持抗爭字句 人鏈派水派飯券 推學生價$12台式飲品▪咖喱吉列豬扒飯(配飲品) $396分吉列豬扒薄身 似肉片多過豬扒 炸粉容易瓦解分離 日式咖哩比較淡 鍾意濃味啲 同埋啲汁未夠撈曬啲飯 咖哩汁料都未能強力壓榨到軟淋嘅狀態 呢個咖哩飯確係有待改進 ▪芝士沙律醬熱狗(配飲品) $398.5分呢個熱狗就不得了啦 出色之作 芝士多到顏射成條熱狗 邪惡拉絲效果極佳 煙煙韌韌沙律醬剛剛好中和芝士嘅厭膩 加上麵包有烘烤過 外脆內軟 熱辣辣 成件事好match 兩個人share黎食恐怕成廝殺現場 

係附近返工前想食啲野，就去左呢間啦😆鋪位細細，有5個位坐（無記錯的話），坐的舒服，又乾淨，唔會好大陣油煙味！-第一次食，叫左鹽酥雞（$18），細細粒可以一口過😆不過因為即叫即炸，所以都好熱架🥵小心唔好辣親！都係咬開一半先食比較好！估唔到份量有咁多，自己一個食就啱啱好！-佢仲有好多好平嘅野食揀😆期待下次返工前再去食😆-提提大家！係鋪頭食完啲紙兜紙袋餐具，就比返店主丟，唔好放係張枱唔理啊！比啲手尾😚💛💛👍🏻👍🏻

經過見到2隻可愛既Pepe 😂被吸引睇睇係咩嚟發覺係食嘢嘅 仲要多款好底食好香口但熱氣囉呢個賣相真係一般般 但食落又唔錯喎呢個就有賣相又好味喇 落足料，每一啖都好滿好豐富😂

Station 前身係 Hot Dog , 未生BB前都成日幫襯, 係高質食物！之後執左變左做Station , 都要試下，但黎過好多次先試到，因為成日都收好早，飲品都小食既種類都唔小，今次就試左個肉燥雞翼飯，我本身以為會係台式既肉燥，但唔係，應該係中式，因為食到有淡淡八角既味道，肉燥就唔夠味，但雞翼就炸到好好食， 整體不過不失啦！$40 飯加野飲外賣，想讚既係外賣紙盒，雖然容量好細，男士可能會唔夠飽，但勝左環保，我諗成本應該比膠盒貴，但外賣不用加錢，小店要生存不易呀，努力吧！

香港大學附近開咗間新小食店，小店空間有少少位俾客人坐低食嘢 👅 除咗一般一粒粒嘅小食之外都有啲cafe 常見嘅輕食三文治麵包焗飯等等 👀 見到 openrice 有人介紹佢哋嘅牛角包好食見樣都唔錯決定過去一趟煙三文魚牛油果牛角包 ❤️ ($58)評分：7.5/10.落單後佢哋會即刻 reheat 番牛角包，等咗大約10分鐘內就有得食喇 🤤 牛油果同三文魚都俾得好多，鋪滿晒成個包可以話系爆餡 😛，不過覺得牛角包可以再熱少少，宜家唔系好夠暖。雖然同 Cafe 比小店都唔算賣得特別平，不過足料令人覺得誠意搭夠～下次嚟試埋佢哋嘅 軟殼蟹 🦀 burger 先炸燒賣 ❤️ ($10/6粒)評分：7/10.炸燒賣唔系成日見到，見唔貴順便叫埋。炸得香脆唔油膩 👍 好食

前日放學準備返屋企果陣，見到西環新開左間小食舖又有得坐，就入去醫下肚啦！💃🏻💃🏻因為太肚餓 一次叫左幾款野食估唔到又幾有水準喎👍🏻👍🏻👍🏻我叫左三款野食連一杯都係大約$100頭西環近年都開左唔少新店🏠🏠但有得坐既餐廳我覺得個價錢都偏貴🤦🏻‍♀️🤦🏻‍♀️🤦🏻‍♀️🤦🏻‍♀️所以呢間店岩晒我呢啲大食又想平既人😜😜下次返完學又有一個醫肚既好地方喇🤤🤤🤤🤤