Video
8-min walk from Exit L5, Tsim Sha Tsui / East Tsim Sha Tsui MTR Station
continue reading
Additional Information
STAY BAR , 賓客可享受穿梭於令人心醉的維港景色及兩岸高樓間，沈浸在香港的傳奇歷史
Opening Hours
Today
19:00 - 02:00
Mon - Thu
Closed
Fri - Sat
19:00 - 02:00
Sun
Closed
Above information is for reference only. Please check details with the restaurant.
和朋友去打卡位於尖沙咀碼頭，在天星小輪上的酒吧，就係海港城入口旁邊，留意只有週五週六週日才營業。感覺挺特別的，約了朋友一齊飲野，船唔會開，只係停係碼頭，所以暈船都唔怕。現場還有ive band駐唱，幾熱鬧，嘢飲有酒和非酒精飲料，我地點左兩杯，打卡幾靚，味道都唔錯👍如果肚餓船上也有一些小吃可以點，我們點了冷面和炸物，吹著海風吃吃小吃，喝喝東西，再聊聊天，挺舒服~現場還有奶龍可以打卡，船頭影相較靚，維港夜景一流👍
continue reading
估唔到香港標誌同雞尾酒可以完美結合！ 終於有機會朝聖全港第一間海上移動酒吧「STAY」，將富有歷史既天星小輪改造成酒吧，提供特色雞尾酒配絕美海景既bar experience🥳STAY逢星期五六營業，停泊係尖沙咀碼頭；走進神秘入口行過連接板，推開門就會見到渡輪內裝變成琥珀色木酒櫃同餐桌，加上每個營業日live band演出，整個格調溫柔高雅🥰 船頭船尾甲板分別有露天area，可以背住無敵維港海景打卡，亦可以吹住海風坐梳化慢慢品嚐美酒🍸酒吧主打具香港特色cocktail，不時會推出新款式，仲會聯乘其他香港品牌，好有創意！Cocktail之外亦有原漿啤酒及其他酒水供應，飲到肚餓仲可以點小食🍻我同老公就揀咗兩款signature cocktail：🔸STAY HUMBLE聯乘香港品牌五味雜陳，用上品牌利口酒閉月羞花，配上愛知縣日本梅酒及威士忌混合而成。將木蓋揭開會聞到濃濃煙燻香味，入口之後梅子果香、洛神花及紅棗甜酸味道正好平衡，口感醇厚😌🔸STAY SEXY用上香港出品Gin酒N.I.P無名氏，配合浸泡茉莉花茶、柚子及新鮮紫蘇葉，味道清新帶茶香，係一杯易入口又消暑既創作！忙碌城市生活中，不妨為自己騰出休息時間，放慢步伐登上天星小輪，品嚐cocktail欣賞維港美景🤍🇭🇰
continue reading
POST DRAFT🍸STAY BAR (尖沙咀) 📍今次同M先生去咗尖沙咀碼頭嘅「STAY」，全港第一間海上移動酒吧，係同126年歷史嘅天星小輪合作改造而成，逢星期五、六同假日營業，chill住吹海風飲cocktail真係正到傻🤩！一入到去仲要經過個神秘入口，估唔到係通往酒吧，感覺好似搭天星小輪咁得意！🍴Stay Foolish $118以日本士多啤梨為靈感，專為女士設計，選用咗日本新鮮釀製嘅果酒同新鮮蛋白，調酒師仲整咗一層奶蓋，飲落好士多啤梨味🍓，寓意長大後保持「愚蠢」都係好事，飲完真係有啲人生反思😍！🍴Stay Home $118以茶餐廳凍檸茶為靈感，酒味唔重，飲落清爽到爆🍋，香港特色滿分，超啱我哋港女口味！酒吧主題「Stay」好有意思，除咗係天星小輪停泊碼頭嘅意思，創辦人仲想話畀我哋喺忙碌生活入面慢下來，chill一chill💖。每日營業都有live band，氣氛好chill，仲有無敵海景同多個打卡位，影相影到停唔落📸！佢哋係無煙酒吧，可容納235人，仲可以book來開私人Party或者商業聚會，夠晒特別！📍STAY BAR尖沙咀4號天星碼頭#天星小輪酒吧 #香港特色cocktail #海上酒吧 #尖沙咀好去處 #香港美食 #stay #staybar #staybarhk #hkbar #天星碼頭 #hkdrinks #香港好去處 #假日好去處
continue reading
今次到訪全港第一間海上移動酒吧，每逢星期五、六同假日會停泊喺尖沙咀碼頭，船上有Live Band演出，設有多個打卡位，加埋個無敵海景，真係冇可能唔嚟。如果想舉辦私人派對嘅話，呢度都係個唔錯嘅選擇，夠晒特別又有Feel。入場費包小食，另外最低消費每人一杯飲品。STAY HUMBLE配上香港品牌「五味雜陳」，再混合日本愛知縣梅酒及威士忌而成。淡淡香氣，酒精濃度對一個唔太飲酒嘅都可以接受。STAY SEXY則用浸泡咗嘅茉莉花茶，搭配柚子同新鮮紫蘇菜，味道清甜，更容易入口。
continue reading
「如果有多張船飛，不如今晚就出海飲杯？」 週末想搵個特別位拍拖？呢艘由130年歷史天星小輪改造嘅海上酒吧STAY，可能係今季最驚喜發現。禮拜五、六同紅日晚，佢就靜雞雞泊喺尖沙咀碼頭，甲板吊住串琥珀色船燈，未上船已經聞到海水混住酒香嘅獨特氣息。 推開木趟門入艙，成個空間似被施咗魔法——舊時渡輪嘅木長凳換成酒紅絲絨梳化，船頂掛住幾盞黃銅吊燈，光影透過波浪紋玻璃喺柚木地板跳舞。最妙係保留咗部分原裝船窗，銅綠框邊仲睇到昔日乘客刻嘅細細字跡。 行出甲板拎住杯嘢，八點半準時有驚喜：Live Band悄悄奏起citypop，薩克斯風聲撈埋浪花聲，隔住玻璃窗望返岸上星光大道，忽然覺得呢座睇到厭嘅城市，換個角度又靚返。 （貼士：記住預早book窗邊位，等個浪打埋嚟時，你哋杯邊嘅鹽霜會同對岸IFC嘅燈光一齊閃閃吓，呢個moment手機影相會自動變電影海報㗎！）
continue reading