Video
Telephone
26669782
Opening Hours
Today
11:00 - 22:30
Mon - Sun
11:00 - 22:30
Above information is for reference only. Please check details with the restaurant.
Signature Dishes
Review (66)
餐廳位於大埔八號花園，交通方便。朋友介紹呢間燒扒屋，即管試下先！叫咗set肉眼扒配司華力腸(連熱飲)可以跟飯/意粉/薯菜或沙律$70+，塊肉眼扒超大塊，配汁好味！肉眼扒生熟程度啱啱好，肉質嫩滑軟腍，牛味香濃，肉汁都算豐富，薯條香脆，點茄汁食簡直冇得輸，加20蚊仲可以有羅宋湯連蒜蓉包，價錢一啲都唔貴，平日套餐只係$50+，想食靚啲都有其他選擇。老闆娘好nice，會同啲食客交流，讚！朋友果然冇介紹錯，一定推薦👍
continue reading
今次試咗呢間燒扒屋嘅精選常餐牛柳扒配司華力腸餐同白汁芝士焗海鮮飯，上菜速度快！記住lunch time真係好多人架！ 如果你唔係打工仔，唔好呢啲時間爭食！Btw 好多隱藏單 寫左係外面個版度！自己揀自己喜歡的！精選常餐嘅牛柳扒煎得香口，肉質嫩滑，配搭香脆嘅司華力腸同薯菜，仲要係粗薯條，大大支亨氏茄汁，份量十足睇相就見到。凍檸茶夠凍，解暑一流。 又係呢句，呢個價錢呢個質素，仲想點？白汁芝士焗海鮮飯，白汁香濃，芝士拉絲，海鮮份量充足，有蝦、魚柳，配搭香軟嘅飯，每一口都充滿驚喜。個焗飯夠哂熱辣辣！整體而言，呢個價錢，呢個食物質素，性價比已經不錯！要食地道的、平民化的，值得推薦。
continue reading
完全冇諗過八號花園會有一間燒烤屋，更加冇諗過唔使$100有羊扒食 。呢個樣睇絕對唔係Hea你嘅，你見佢個質料入邊嘅材料都好豐富，呢個價錢仲有兩塊羊扒食去邊度搵呀？仲要係好食嗰隻囉。
continue reading
街坊小店嘅西餐廳，家庭式經營。餐牌上面有常餐，特餐等等唔同嘅選擇。價錢合理，無論想食豬牛雞定羊都有得揀。點咗個蜜汁燒豬扒拼司華力腸，因為小店經營嘅關係，彈性較大，詢問可否配上黑椒汁，店員都爽快答應。豬扒一塊大大塊，鋪滿成個碟面，質素非常可以。燒豬扒有微微嘅蜜糖甜味，仲有少少鐵板燒焦嘅味道。鍾意食鐵板嘅朋友可以試吓。呢個餐仲配上兩條大大條嘅司華力腸，足夠一般男仔嘅食量。另外一個點了牛柳配燒羊扒。牛柳生熟程度適中，無筋。雖然羊扒有少少燥味，但配上黑椒汁，食羊嘅朋友應該可以接受。每一個餐都跟一杯嘢飲，非常抵食。總括而言，食物質素加上價錢性價比高。
continue reading
外賣被濫收附加費要求黑椒汁另上，需要額外收$10 用八達通支付，又要額外收多$2又曾經改口聲稱外賣所以額外收多$2（以上所謂額外收費全部冇標示在餐牌）估唔到外賣都咁多隱藏收費，不建議幫襯👎🏻👎🏻👎🏻
continue reading
You may be interested in