燒扒屋

Open Now

Now Closed

是日午餐：C) 牛扒雞扒著條 配凍咖啡平日大多光顧晚市，難得休閒，試試午餐份量足，賣相尚可，但味道偏咸...雖然牛及雞都鬆軟，香口，如可減一點咸則更好。但由於價錢夠大眾化，而且服務良好，仍有信心再次光顧。另外一讚是裝修後，感覺很好~~

住左大埔幾年,大埔真係比較少食西餐既地方呢間係我覺得幾唔錯既西餐廳..今日同男朋友一齊黎食,我叫左個帶子炒扁麵..個扁麵炒得好好,幾有口感, d配料幾夾.又夠大份,哈哈不過d帶子就比較細粒左少少..男朋友就叫左個新西蘭肉眼扒,肉質都唔錯..好中意佢個黑椒汁..好香口..下次打算試下個蒜蓉汁~美中不足就係今次冇卡位坐咯..而且今晚個度都幾多人,冷氣有d唔夠~下次考慮帶埋爸爸媽媽黎試下先^^

今天少有的在大埔進午餐.行經八號花園看見燒扒屋還有位置.就在這裡進我的午餐.要了A餐.--黑椒西冷配意粉.+ 凍茶 共34元.西冷須然比一般扒房的薄一點但味道好而且軟滑.感覺什好.意粉一般.但在今天的市道34元實在非常超值.我想我會再來的.大家也不防試一試..

不知不覺間去呢間西餐廳食咗有六年，久唔久就會黎食吓。33蚊餐我推介肉醬意粉個肉醬磨到好似汁咁，芝士好多（我好愛芝士），大埔有肉醬意粉食既地方我都食過晒，冇間比呢度好食，如果有第二家好食過呢度，唔該話聲比我知，因為我真係好鐘意食肉醬意粉！古法羊膝老闆娘好少推介給客人，我食過幾次，其實我覺得好好，尤其個汁同個羊好夾。安格斯西冷我覺得真係呢度真正既招排菜，如果冇食過呢道菜真係唔算食過燒扒屋。炭燒羊胺呢味餐牌係冇的，剛好有食材，老闆娘問我試唔試，我其實都好胃食，通常佢有推介我都會試。肉身好厚，燒得好香，冇介紹錯。

有私房菜感覺~老闆娘親自招待 , 晚餐大件夾抵食, 只是三十多元, 有湯+ 主菜+ 飲品/ 主菜可以跟飯or意粉or沙律, 值得一提是沙律, 夠涷 , 大粒狀食落有咬口, 其中有一種特別清爽甜身配料, 像梨子 , 大家不防去試試, 老闆娘會告訴你的 ; 今次我選的是燒羊扒跟沙律, 做得不錯, 價錢也不用100元.

今日叫左個炭燒咩咩西冷,個名就唔係好記得!餐湯黎講唔錯算ok,中中等等,,個西冷都唔錯,有肉汁,不過略為un左d!老闆娘d服務態度好nice!整體都ok!!!推薦炭燒咩咩西冷,真係好正!

昨天 和友人們到這間餐廳午膳點了一份廚司推介的芝士海鮮焗飯+熱好立克等了大約10分鐘 焗飯出場!賣相不錯 但可惜質素差餡料:魚柳 魷魚 蟹柳 芝士魷魚:唔新鮮 魚柳:少少硬 總體來說:個餐唔多得環境方面:冷氣不足服態態度K! ps.建議大家下次選食扒類 會有保證D

今晚係屋企人生日,阿哥提議話近近地去對面既燒扒屋度食之前食過1,2次咁啦,都冇咩特別既印象中覺得老闆娘d服務態度唔錯,幾nice但覺得d電視聲稍為大左d,搞到有d嘈食物方面,我就叫左個羊扒薯菜開頭以為個薯菜係薯條,但原來唔係d薯角係睇得出即炸既,唔錯個羊扒都過得去,係有肉汁,不過我覺得略為"鞋"左d我媽同個細佬都叫左個焗飯食佢地話幾好味,但我就唔知啦,因為我唔食cheese既所以冇試到個焗飯(個焗飯有好多cheese= =)個度d冷氣凍左d,我地食完飯就走啦因為我同我媽都怕凍如果大家要去個度食,記得帶外套!!!!

唔好意為英文叫 Steak House 就覺高檔、好西餐咁，其實只係港式扒房或西茶餐廰囉，但比起花園、金鳳好啲啦 ~ 都係做吓啲客坊生意，所以服務、衞生都唔好太多要求喇 ~ 以前層發生過不如意事，話說我叫黑椒牛扒要求汁另上，個老闆娘居然話咁麻煩架 ﹗您咁麻鬼煩，廚房佬都唔知會整啲咩野比您食呀﹗嘩﹗依家恐嚇呀﹗仲要對住我黑面，咁少既事都唔得﹗諗起都嬲嬲地﹗唔怪得知啲客走吓一個，走吓又一個﹗羅宋湯，餐湯黎講，可以啦。什扒意粉配黑椒汁，份量十足，有腸、煙肉、半件雞扒、牛扒同豬扒，以快餐店口味黎講，係足料又好味﹗我食埋啲意粉真係勁飽﹗意粉係煮定備用，並唔係即叫即做，烚得過熟。黑椒汁倘可接受，但味啖及唔夠香﹗

我平日LUNCH都幾鍾意同D朋友一齊去呢間燒扒屋食,但今次真係火到食唔落事源係咁....琴日同班朋友去燒扒屋食佢果度本身有人一枱六個人早我地少少等緊咁我地咪都等囉....之後有一枱四人位D人食完走LA有個waitress就問我地係咪3個,跟住叫我地坐果個四人位咁我地當然就坐左LA點知果老闆娘離遠指指下我地話:唔係佢地呀,你拍埋隔離張枱,比果6個人坐左先咁我地都諗住咁都合理既,話晒人地黎先就係我地猶猶地疑,諗住起身讓比個六個人既時候我地隔離果個waitress竟然命令式,加埋手勢咁叫我地"起身!",真係淨係呢兩個字無唔該亦無唔好意思我火都黎埋,明明係你安排失當,仲要我地受氣?如果係我地見到個位,就搶左都話姐,明明係個waitress叫我地坐既,仲咁既語氣?我無罵佢,亦不屑咁做但係就真係食左都背脊骨落囉,所以最尾無食到,拉隊走左

今日和朋友一起來這裡吃Lunch其實想去隔離個間咖啡餐廳, 但由於人太多, 見到呢間有位又好似幾多人幫襯就試下la其實好耐之前同朋友食過一次, 勁難食之後就無來la, 呢次再幫襯係有小小希望佢已經改善左$28 焗海鮮飯, 包野飲, +$5先有湯和餐包首先講下野飲, 個朋友叫左杯咖啡, 一睇個樣, 似係三合一咖啡又淡又無香味...-_-0 個friend飲左2啖就無飲la跟住到個湯, 似罐頭湯, 拿過來時仲要倒瀉哂係碟邊個焗海鮮飯, 味道都勉強過得去, 但d料係好小, 同埋d炸魚唔係普通食開既味道...好似求其炸左之後加左d味精可能去隔離個間咖啡餐廳, 有很大的比較, 隔離個間咖啡餐廳係即磨超級好味既咖啡, 糖奶都比你自己調, 飲品仲有好多選擇, 個環境其實都唔差好多, 但人地乾淨d, d野食係feel到佢地有"心"去整, 個湯都用足料ga, d侍應係d後生既女仔, 但d態度都ok ga, 但呢間燒扒屋就差好遠囉, 所以我以後都會去返隔離個間咖啡餐廳。

今早有機來到燒扒屋食早餐～選擇一個可以看到電視的位置～看看餐牌，沒有東西想食～最後叫了雞扒炒蛋配多士和一杯凍奶茶～雞扒和我在吉野家食的差不多模樣，只差有沒有和你切數件炒蛋方面則炒得老了一點～沒有滑的感覺～反而奶茶是最好，好重奶味～比較適合自己～一切只屬普通～幸好坐位也坐得舒服～２２元～下次選其他店吧～

昨晚難得即慶約到J小姐食個晚飯.地點當然要就佢啦.最終佢揀去燒扒屋. 由於朋友好多都唔食得...所以淨餘選擇唔多,但係唔多選擇之中又有好多冇貨,冇得食.我地3個人叫一個什扒餐伴薯菜,一個牛扒餐伴薯和醬XX骨伴沙律. 2個扒餐份量都幾多,什扒餐堆到似一座山.而個牛扒餐亦都好多塊,但我寧願塊牛扒細塊D,但厚身D 會更好味.伴碟的什菜冇味的.至於個XXX骨,味道都OK....但唯獨個沙律勁唔OK. 所有生果/蔬菜(根本食唔出係乜,除薯仔)都被西芹D味蓋過晒.好難食.是晚可能係星期二,所以全晚都坐唔滿客.但我地食緊中途黎班人好鬼嘈,氣氛即刻好似變荼餐廳咁.另全晚都有好多蚊滋飛黎飛去,仲有一隻不速之客~大皇蜂. 所以環境同乾淨都要扣點分.

今日去左燒扒屋食lunch, d 待應services都ok, 野食的味亦不過不失, 最大的問題係食食下, 有隻甲由係杯水度, 我唔知佢係邊度黎架, 但總之佢行茖杯水度就好噁心. 咁我咪即刻唔食走囉, 點知個老細仲叫我俾錢, 總之食得勁唔開心, 以後都唔會去!因為我實在太驚甲由, 如果唔係可以影張相俾大家看...=.="

午飯時間這間小店外都多人，試了個廚師介紹的羊膝配香草薄荷汁，不羶，喜愛這種配搭，不俗!喜的是配薯菜，有薯蓉及薯條，薯條是粗條，加了炸粉再炸，因此非常脆口!另外朋友叫的SET LUNCH焗海鮮飯則不是太好，海鮮太腥，需要改善呢!小店的裝飾簡單，但招呼不錯，整體感覺OK!