燉 (Closed)

昨晚約八時半，一家到荔枝角分店晚餐，慕名而至，諗住試吓燉湯，誰不知，如朋友所講，要早啲去，所有燉湯已沽清，蒸飯亦賣晒，可選擇的不多，最後叫了三個飯，豬手、栗子鴨同埋梅菜扣肉，三款飯味道好好，，豬手、鴨和扣肉，分別都好入味，再加上白飯可加添，必定令顧客滿足，其他店舖未必會做得到，值得欣賞，另外叫咗兩個涼茶，洛神花杞子菊花，味道亦唔錯呀，甜度剛好啱我，重要的，以此價錢有此質素，性價比極高，值得推介給大家，絕對不妨一試！

估唔到啲湯可以咁入味，冇味精，係座位少啲，我平時唔會食湯渣，但我覺得湯渣都好好食，所以清晒。一盅湯加個盅頭飯剛剛好👍👍，都係$100左右，值得平時少湯水嘅單身貴族幫襯

前兩日去咗荔枝角附近嘅「燉」食午餐，依間食肆要行落地牢，佢樓底好低，已經覺得好焗促，食完發誓以後都唔幫襯，呢間野真係好差勁，食人唔𦧲骨，唔止份量細，飯又冷又硬，女仔都唔夠食，套餐又冇乜料，衛生又差，餐盤及筷子匙羹好污糟，未食完已經想走，食完覺得超被搵笨，絕對唔值呢個價錢，兼且服務態度差，又慢，選擇又唔多，搵鬼去食咩咁嘅質素及價錢！一次都嫌多！以為用個暗星名可以呃人，一定要篤爆佢，唔好等佢欺騙人！

尋日到荔枝角店試下佢地燉湯，因為太多人推介話足料無味精。去到現場坐滿晒人，等位用了10分鐘。大家都好合作食完就讓坐，自己會將用過餐具放到回收架到👍order咗鮑魚螺頭花膠煲雞湯，另加蟲草花蒸肉餅飯。先講湯，無味精又足料，而且份量唔少，飲湯到夠飽🤗蒸飯諗住都係普通蒸飯唔會有咩特別，但原來一啲都唔求期，材料入味飯粒軟硬剛剛好👍不過想食嘅就真係要早去，聽講晚市前好多湯同客飯都售罄㗎😁要試靚湯真係要早😀

平時去荔枝角都係行商場～～次次都要諗食咩～～今次有新發現～係正地鐵站旁～勁方便！2個人叫左一個蟲草花蒸肉餅煲仔飯（$39）、魚肚排骨蒸飯（$29）～仲有2個湯：蘋果雪梨百合燉瘦肉（$48）、沙蔘玉竹燉瘦肉（$48），以及2個干貝蒸（$9/@）非常推介「蟲草花蒸肉餅煲仔飯」，首先呢個價錢好吸引，而且仲有蟲草花，而個肉餅充滿肉汁，肥瘦比例亦剛好！真係超喜歡～而「魚肚排骨蒸飯」份量對我們來說亦是剛剛好！排骨都幾多舊，很抵食！特別推介「蘋果雪梨百合燉瘦肉」，好甜，好入味！同埋飲完唔會覺得好口乾👍🏻總括，呢個價錢食到呢個質素的食物真係好抵呀！

一直都很喜歡飲湯，見有燉湯覺得幾新鮮所以想試一試。怎料，材料還可以，雖然標榜冇任何味精加工，但是味道非常淡，亦喝不出任何鮮味。埋單$200，覺得很不值，兩個燉湯及兩個飯（學生時代飯盒咁）。譚仔都好食過佢。

Christmas吃盡的都是Party Food， 風高物燥的Dry Weather冬日，最想吃的其實是暖暖的中菜。喝一碗燉湯就是最滋潤不過！選了清甜的椰子燉雞湯，用上整個椰王來燉湯，店主說裏面完全沒有額外味精，鮮甜的味道都是從肉汁逼出來的。幸運地我這碗雞湯還附有雞髀肉一塊，嫩滑入味。湯渣也吃得乾乾淨淨，很是足料。喝畢整碗湯，還可以用匙羹一片片將燉焾了的椰子肉刮出來吃，甚是甜美。午餐時段還吃了瑞士雞翼飯，雞翼大大隻， 這個lunch實在飽足。午市套餐價錢還有discount呢！抵食好多！

其實想試好耐了，又見到咁多好評，這天專程來試試。燉湯有好多選擇，個個湯都想飲。因為想食鮑魚，又想食花膠，所以最後我和家人也選了這個澳洲青邊鮑魚花膠螺頭燉雞。燉湯好甜好好味，好足料，有鮑魚，花膠，瘦肉，雞，瑤柱，杞子淮山同蜜棗，我地差不多食晒所有湯渣都飽飽。因為飲完燉湯後仍要回家吃晚飯，所以未有機會試蒸飯或客飯小食等。下次一定要來吃午餐或晚餐，咁就可以點多幾款燉湯和其他食物，仲想食花膠扒添，期待下次再來。

諗住近近地買返去飲料係有 全部仲有雪味溶雪程序有問題咁即係唔新鮮啦飲落去有陣酸味肉類仲有味材料配搭又有問題 飲落 甜 鹹不一其實買舊肉眼 落料煲 都唔洗買外賣 就咁返去煲1個半鐘 買定d料 其實一樣好鮮甜買完返去 又要難飲 放工返去連啖湯都難飲 辛辛苦苦做成日 不知所謂話唔埋落味精 食咁多外賣都唔係咁好經過今次 楊明既湯 我認為係唔值得買我仲學識自己煲 香港人要自強香港人自己煲仲好過香港人唔需要比汪汪飲既湯水 備註：以上純粹個人意見 其他人自行了解

呢間餐廳係養身之選，有多款燉湯燉甜品，嚟買個外賣，餐廳環境較暗，亦相當寧靜，面積不大，侍應生服務態度好，點餐快捷。我既order有：▪蟲草花肉餅蒸飯肉餅口感不過不失，配上蟲草花很夾，整體上味道不錯。▪鮮奶燉花膠鮮奶燉出來味道鮮甜，有別於一般的鮮奶，花膠口感煙韌，亦很入味 。價錢亦公道，但份量不算多， 整體來說，食物水準不差，值得一試，只是餐廳不大，座位不多，入口處不顯眼，當天見堂食人不多，但食物都值回分數。

近來天氣凍，真係好想去飲湯！平時返工放工，好多時都無時間返屋企食飯！所以喺街外邊有湯飲係好重要。雖然開咗好多唔同嘅湯為主題餐廳，今次係第一次嚟到"燉"但係都係最後一次！呢間鋪有明星效應，相信總會吸引到好多人嚟，但係正正因為呢個原因，佢買嘅湯比其他地方貴！！！！而且食材並唔係話特別好，首先論環境來講入邊裝修簡陋，並唔係想你用好長時間喺度食，只係想快快食完，快快走！店員態度唔好！串串死咁咩都話無唔知！而且湯係好似外賣，咁樣每一個湯裏面嘅材料都好似預先已經擺好，但味道全部都好淡！！！椰皇皮熱水浸雞！！ 呢個真係唔好可叫燉！湯既湯渣本身都唔預期好，真係好鞋烚烚爛晒，無味！一d 椰子味都無，好淡，得d 色味道非常之一般，無老火湯心機！食得出方便快捷兩！得個樣！一個湯+一個飯90蚊認真唔抵食！去隔離其他地方嘅店舖都係賣緊80幾蚊左右，而且足料濃好多！剩係得明星效應，完全冇真材實料，好失望以後唔會來！

上星期睇到上網有人介紹所以試下，叫左個鮑魚飯，個鮑魚細隻到一個點，你地見到張相粒杞子同個鮑魚差不多大都令人呆左，而且好似未熟透，我老公話硬到咬唔到😥。唔抵食都算，我地另外叫左個雞脾飯，個職員上果時啲瑞士汁倒瀉落我條裙度，一句Sorry都冇仲黑我面，我話你整到我條裙污糟左點解可以唔洗講Sorry?佢最初扮聽唔到咁，後尾就同我講"咁你而家想點?"我覺得去呢間餐廳食飯仲要貼錢買難受，我地一定唔會再幫襯!

秋冬季節好想飲吓老火湯或者燉湯滋潤一吓， 日日都忙，邊有時間自己搞?！ 早幾日去開荔枝角， 一出地鐵就見到呢間舖，招牌有個燉字。門口仲貼住靚仔老細楊明嘅海報，我就行入去八吓。舖仔細細，清潔企理。舖如其名，就係以燉品為主打，淨係燉湯有成十幾款，$48至$88, 豐儉由人。見到呢3個堅持，我決定俾個機會大家，對於佢係一單生意，對於我可能係揾到一間好店，何樂而不為？！😚🔸️花膠螺頭燉雞 $68 😋等咗一陣，一盅熱辣辣嘅燉湯捧到面前，打開蓋，即刻聞到香味。心理作用，未飲都覺得潤。😁用料都幾足吓，有准山、子、紅棗、瘦肉，當然仲有主角，就係花膠同鷄啦 。要讚吓，個湯唔會有一層油封係面，可能啲鷄剝咗皮先煲，冇咁油膩 ; 嗰湯好清甜，份量足2碗，滋味又滋潤。呢度除咗有燉湯，仲有3種燉甜品。今日晏啲約有飯局，唔可以食太多，我見旁邊啲人食飯，啲餸賣相幾吸引，下次會試吓。

Came to this shop in today for the first time today. Not knowing what to choose, the cashier had initially recommended a soup. She had also kindly offered to LET ME add a veg with the soup and charged me HK$12 (instead of HK$16) for the veg because I told her I also wanted veg with my dinner (the soup was ~HK $60) As I picked up the soup, the other woman at collection point accused me of forcing the cashier to add the veg, not paying the full price for the veg (difference is HK$4 or US$0.50 or 3

放假同朋友訓到自然醒，然後約左朋友做facial. 扮靚之前同朋友去飲碗靚湯，順便食埋飯先。 呢間店係藝人楊明開設的，店內以燉湯為主打，12款燉湯價錢由$48起，還設有飯類、點心等食品選擇。 和朋友選了2個燉湯和2款蒸飯大家share來吃。燉湯非常足料，配料非常多，夠曬熱辣，味道非常鮮甜美味，喝完不會口渴，可見沒有味精。蘋果雪梨百合燉瘦肉（$48） 猴頭菇螺片燉瘦肉（$48） 燉湯以外，蒸飯類也非常出色，而且價錢不貴，$29起吃到了，超值實惠。飯類配上甜豉油一包，排骨及肉餅已帶帶一點鹹味，所以輕輕加上幾滴豉油便可提升味道。魚肚排骨蒸飯（$29） 蟲草花肉餅蒸煲仔飯（$39） 加埋瑤柱蒸水蛋，吃起來很有家的味道啊！干貝蒸（套餐+$9） 扮靚前吃一頓很滿足的，非常滿意！