燉 (Closed)

「🐱🐶燉湯推介-燉·養生」.正所謂「留住健康嘅身體，先可以抗爭到底👊🔥」，呢排大家咁大壓力，等我哋介紹返嚟自荔枝角長義街10號呢間「燉·養生」。店舖主打原盅燉無添加滋補靚湯，每日新鮮燉製，負責人堅持唔加味精&雞粉，勢要用真材實料嚟綁住您個胃🥰.🥥原個椰皇竹笙燉黃耳($65)-原隻椰皇燉竹笙，清甜滋潤，聽講黃耳不但清補平和、膠質豐富，而且仲有補腦之效。飲完我個貓仔腦即時Sharp醒咗❤️🍲花膠螺片燉雞($68)-相對比起原隻椰皇，呢款雞湯味道較易入口，花膠養顏，配合其他湯料如瑤柱、紅棗、瘦肉等等食材，潤肺補氣且補而不躁，啱曬一班日夜顛倒、身子虛弱人士前來及時進補😚.香港人，幾辛苦都要錫住自己呀❤️.總結評分：8.5/10番啅指數：⭐️⭐️⭐️⭐️🌟

位置對我黎講超方便，荔枝角仲完gym就可以黎嘆返個湯，價錢親民，見到d蒸飯都好平，難得係荔枝角d2附近有咁抵食既選擇，不過我今日唔餓，純粹嘴饞想飲佢個湯。好多選擇，又有涼茶又有飯又有甜品，就入去叫左個似乎係期間限定既鮑魚燉湯，好鮮甜，冇落味精關係，佢會附送一包鹽，但我個人口味覺得唔落都夠晒味，淮山都燉到入晒味，湯渣都食晒，不過試埋朋友個螺肉燉雞，佢果個就略嫌淡d，所以佢要落鹽先夠。食完餐具係自助式放返入餐車，食完記得清理~

之前經過門囗見到個「燉」字已經想入去試吓，但果次講時間，後來上網睇發現係楊明開嘅，更加想試。今晚咁啱男友喺荔枝角做gym， 於是一於就入去試吓。去到時蒸飯已經賣晒，於是叫左兩個湯，一個粢飯，一個紅酒牛肉飯，一個豆漿，一個菜心。鮑魚燉雞湯($78): 呢個係招牌,當然要試吓,好甜好飲，鮑魚咬落都有鮑魚味，唔會好似食香口膠咁，撈下發現底部有好多小元貝，唔怪得咁好飲！海底椰麥冬川貝燉瘦肉($58): 相比之下，呢個湯較為遜色，但都係好飲，清潤的感覺！ 紅酒牛肉飯($38): 啲牛肉都幾淋幾入味，個汁好穩陣。其他食物：粢飯不過不失; 個菜心叫左全走，但真係super dry，而且好硬好多渣，平時係街市度都好難買到啲質素咁差嘅菜心😰😰環境方面，我都明白呢度唔係食環境嘅餐廳，但係周圍真係幾多唔關事嘅雜物，天花板有好多條通，而且坐咗半個鐘，都唔見有人抹過枱（當時唔多客人，好多表面唔太乾淨嘅吉枱），故此感覺比一般嘅快餐細鋪無咁明亮乾淨。另外，除咗燉湯個碗同匙羹係瓷器做之外，餐具同埋裝飯個兜都係即棄，整體來說不太環保。

食完飯，就梗係想食埋甜品啦！咁岩呢間養生燉湯專門店係正隔離，而且門面企理，價錢合宜，又走去試啦！燉花膠wor... 岩哂女仔，即係叫返客，其他甜品都係燉花膠或者燉雪耳，所以叫左個燉湯試試啦！原本想叫原盅椰皇燉雞既，但冇哂就改為川弓白芷魚頭湯，諗住可以去頭風頭痛！岩哂平日用腦多既上班族～燉花膠既花膠大隻，亦有膠質，鮮奶唔會太甜，味道剛剛好。不好甜既人亦ok魚頭湯好足料，唔會太咸，飲完湯仲有魚頭肉食埋，唔錯。不過個湯可能紅棗較多既緣故，少少偏酸，而且薑味唔係好夠。但整體還好。飲完唔會好口渴。

新開餐廳 試一下聽說是楊明的店芋頭炆豬肉飯芋頭超淋超入味豬肉偏肥 咬走佢就是了很有媽媽的味道溫馨飯呢他們主sell是燉湯配飯加湯會減8蚊即加40至60蚊有一個湯但。。。我覺得太貴了還沒試

同朋友行完D2 place市集，咁啱落雨，又感冒啱好，覺得幾健康咁，就快快趣揀左哩間。金栗燜煮鴨件飯（$38）+油菜（$16）雖然佢主打燉湯，但我無揀到，費事同屋企既湯撞左。其實就係一般既碟頭飯，價錢咁平都無咩要求既。不過飯就真係蒸得太爛。猴頭菇螺片燉瘦肉（$48）+芋頭燜五花腩飯（$38）見到湯好足料，朋友話味道比較淡，旁邊係有細細包既鹽可以自己落，估計佢應該無方咩味精既。其實湯係抵既，你惗下鴻福堂果D湯包都咁上下價錢，依家俾你見到咁多料，覺得滿足好多既，真材實料嘛。雲腿冬瓜燉瘦肉（$48）+ 蟲草花排骨飯（$29）都係果句，湯真係可以既。飯都無咩要求了整體來講，可以買湯來飲，對一D無飯家庭來講係好好既選擇。至於D飯就真係太爛了，3個飯都係好淋果D。

出去荔枝角逛街，見到朋友推介此店，喜歡飲湯的我決定試試。舖頭地方不大，不是有很多座位，但乾淨企理。 圓櫈用上高腳款式，「釣」住腳加上無椅背，坐得不舒服。服務可以，燉湯款式都算多。我點了澳洲野生黑邊鮑魚燉雞湯，盅頭不算小，材料充足，湯清而甜，飲完很滋潤。 回到家也沒有口渴，應該沒有味精，不錯的選擇！

咁岩經過見到 佢既相片都好吸引所以入左去試下，可能預期太高 落差感好大 叫左一個花膠螺片燉雞 好似清湯無味 我唸佢既料都落得唔夠 加上雞肉係好實 真係愈飲愈難飲 依個價錢我覺得水準可以再提升高d🧐🧐🧐

上左年紀就偏向養生的食物，對燉湯有特別喜好，今日出開茘枝角就緊係要黎「燉」試試啦！由於午餐已食飽飽，而又見佢同open rice 做緊推廣，自取外賣鮮奶燉花膠只係$20，所以就決定先試水溫啦第一次經open rice 落單，網上落單用Alipay 俾錢仲有2% discount,整個過程簡單快捷方便15分鐘後到店俾個訂單佢睇就有得拎嚕！爽講返碗鮮奶花膠先，估唔到咁足料喎，花膠不是細細條果d！鮮奶就有d偏甜，不過整體來說都算滿意啦

第一次試用openrice外賣自取服務，而剛巧燉又推出周年優惠，可以優惠價錢$20買到花膠燉鮮奶，起初心中有問題是有無可能？！加上openrice有$20優惠卷，於是試一試，買兩碗共$40,扣減優惠卷，即$20買到。試食後評，每碗有一片花膠，真材實料，燉鮮奶有點稀，以呢個價錢，算唔錯。餐廳有提供堂食及外賣自取，主要售賣燉湯及蒸飯，蒸飯價錢算便宜，部份燉湯價錢略高，沒有午飯套餐，如點一個飯加湯，價錢最少都要七八十元，有點遍高。堂食座位不多，以bar 枱為主，另有兩張高枱，同行有小朋友便不方便堂座進食，一大班朋友也不合適

今晚想食健康啲,於是就喺Openrice搜尋”無味精”,就搵到呢間餐廳,見到有好多款燉湯丶蒸飯丶客飯,於是就去試試.地點好方便,荔枝角站D2出口旁. 環境就係簡約速食飯堂咁,坐得唔舒服,而且去櫃枱點餐丶取餐,食完要自己收拾餐盤.個湯應該係一盅盅咁燉嘅,所以我哋點嘅海底椰麥冬川貝燉瘦肉&黨蔘北芪燉瘦肉都各自有一舊大大嘅瘦肉. 海底椰湯好清甜,真係有海底椰丶麥冬,而且足料!! 黨蔘湯一樣足料,除咗黨蔘丶北芪,仲有淮山丶杞子丶紅棗丶龍眼肉,好有黨蔘味. 重點係佢唔似高壓煲出嚟嗰種地鐵站買到嘅湯,似自己燉嘅湯. 雖然一盅湯唔平,但真材實料又燉得好.至於客飯,我哋點咗芋頭炆五花腩飯＆蘿蔔炇牛腩飯,再加咗碟菜心. 芋頭炆五花腩飯嘅芋頭炆得好蓉,五花腩都好腍,有味得嚟無味精. 蘿蔔炇牛腩飯都好好味. 其實無論餸或飯或碟菜嘅份量都好大! 飲完個燉湯已經半飽,下次我哋會點一個客飯加碟菜share就夠了

如果想飲燉湯都可以去呢一間餐廳度飲，佢啲湯都幾包羅萬有，多式多款既，佢除咗湯之外仲有蒸飯食！我叫咗個花膠響螺燉雞湯，我朋友就叫咗個雞髀飯！埋單都係$108所以都唔算貴，好抵食！講返個湯味道先，我就覺得佢煲得唔夠濃，佢舊瘦肉唔好食，花膠有一塊，響螺有一件，雞有一舊， 60幾蚊飲到呢一碗湯都算合理嘅！我朋友食嗰個雞髀飯，就普通啦！隻雞髀都好食嘅，個豉油汁都夠味嘅！不過本身我朋友係想食蒸飯，晚飯時間大概七點至八點去食就話已經賣晒，嗰日仲要係星期六晚，可能真係太多人去食啦！

荔枝角放lunch周圍都好多人等位，大熱天時喺戶外等位真係食慾都無哂，喺街行行下聞到好香燉湯嘅味，原來係嚟自地庫嘅“燉”。呢間鋪頭主打係各式各樣足料嘅燉湯，有個好勁嘅叫澳洲野生黑邊鮑魚燉雞，好肚餓所以今次都係唔選擇湯。今次叫左蟲草花滑雞蒸飯+干貝蒸+豆漿一枝個飯我以為好似酒樓咁用啲鋁嘅盅裝住，原來係用膠兜，感覺上好似便利店嘅叮叮飯。份量其實都唔算少嘅，好多蟲草花同雞，$29都幾抵食。干貝蒸唔算好多干貝，但個蒸蛋都幾滑嘅！

中午放飯時間仍要做嘢，於是快速來到這家餐廳打包個飯返回公司繼續作戰。其實今次係第一次幫襯呢間餐廳。装修好簡單，但求滿足顧客基本需要。燉湯講求真材實料冇添加，一般售價在60蚊左右，都唔便宜。我就只買咗個紅酒牛腩飯。打包盒同包裝袋的質素唔錯，令我可以靚靚咁拎返公司食物質素都幾好，香濃入味，而且唔會好咸。不過牛腩並非牛筋腩，份量對於男生來講就可能相對較少了。

Lunch time 經常到這家燉湯店，最近新出原個椰皇燉雞湯 $58 一盅 。 湯有非常濃郁的椰子味，不加任何調味也很好喝。椰皇内有一塊雞肉和一塊豬肉，雞肉很淋很香，椰皇的肉也很好吃，我沒有吃下豬肉，但其實吃下湯渣，整個湯可做午餐。喜歡這家店因為他們的燉湯都很足料，几乎試過全他們全部款式都很好喝，而且湯一點也不油膩，明顯見到他們把雞肉和豬肉都去皮去脂肪才落原盅燉。店員都很有禮貌很細心，每次光顧都會解釋他們的湯不下任何味精和調味 ，可自己喝時調較味道。有時也會解釋湯水功效和推介不同食品配搭等。