燉 (Closed)

2018年年尾，窩夫與蝦子餅試了荔枝角D2 Place附近的燉。招牌一個「燉」字，一看便知道此店主打燉湯。此店有三大堅持，第一絕不添加味精、雞粉，第二每日新鮮原盅燉製，第三真材實料。燉湯的種類不少，食材有來自泰國的椰皇，以及來自澳洲的黑邊鮑魚。燉湯本身沒有加鹽調味，顧客可按個人口味自行加鹽。窩夫點了蜜瓜螺片燉瘦肉($58)，蜜瓜燉至入口即化，味道清甜，螺片大大塊，口感腍滑。蝦子餅則點了澳洲野生黑邊鮑魚燉雞($78)，除了澳洲野生黑邊鮑魚和雞之外，還有很多瑤柱、淮山’杞子和圓肉等，非常足料，味道極之甘甜。另外點了魚肚滑雞蒸飯($29)，份量不太多但味道不錯，一湯一飯當一餐已經叫人十分滿足。

荔枝角其實都係一個臥虎藏龍嘅地方，自從D2 place 同D2 two 開幕之後，就有更加多餐廳進駐呢一個地方。不過今日行過商場附近，行過門口先知道原來係藝人楊明 開既，見到個燉湯好吸引，加上〈兄弟〉好好睇😌忍唔住入去試。淨係燉湯都有12款🙈，但看照片，已經覺得非常吸引。餐牌上面仲有仲有蒸飯、客飯、甜品等等。.餐廳係自助形式，自己執拾餐具，無收+1，可能因為呢個緣故，所以餐廳食物嘅價格都非常親民。。餐廳嘅裝修亦都好適合繁忙嘅香港人，特別係工廠區嘅快速食飯時間，餐廳以高枱為主，而且餐廳的中間是主力牆壁，所以即刻是不會看到對面其他的客人，也不會感到尷尬。座位不算多，不過空間感十足，不會覺得很擠擁，相信係方便食客買外賣之後可以有位置輪候。.◾️推介❤️潤肺椰皇燉雞湯$58真係估唔到咁足料啲肉可以排成一個小山仲食到幾片金華火腿添由於整個燉湯係用完個椰皇去等，所以個湯超級清甜!!超級清甜!!.餐廳標榜冇味精，味道會較為天然所以如果唔足料嘅話啲湯就會變得好淡飲完真係冇口渴的感覺👍🏻呢一個雞湯真係唔錯！.▪️紅酒煮牛肉飯$40另外點算了客飯，坦白說，賣相也不是特別吸引。Hm... 普普通通啦冇特別驚喜，可

I have always wanted to try this place because they specialize in soups.Soups start from $48 and onwards.Had the whelk and monkey mushroom soup there.When it came, they said there was salt on the side because they do not put salt in it.Indeed there was no salt and the taste was very light.Although it wasn't salty I didn't put any salt in to be healthy and it still tasted ok.Will come back to try their lunches and there is a branch at North Point.

星期六到荔枝角商場行街，在位置工廠區地鐵口旁，有間電視明星開的店，坐位不多，外賣為主。但食物好味，我的紅酒燴牛肉飯，魚肚排骨蒸飯，飲個靚湯，價格大衆化，份量也足夠，抵食，自己服務自己，值得走走。

2018年嘅最後一日終於都試到你揀左魚肚滑雞蒸飯同鮮奶燉花膠蒸飯：魚肚簿切黏口，味道尙可，雞肉唔算硬，整體不過不失我主要係想食呢個鮮奶燉花膠嘅花膠雖然得一塊，但都幾大塊，幾十蚊貨仔，一定無媽咪煲湯嘅花膠咁正架喇鮮奶甜度適中，我好鍾意會再encore 價錢同質量成正比嘅不過蒸飯佢用即棄餐具，我覺得唔環保♻️

荔枝角由以前紡織業工廠到宜家有不少工商業寫字樓，一到放飯啲人多過螞蟻，所以呢邊都新開唔少餐廳。朋友約我食晏，話呢頭開左間飲湯好正既。最愛湯水既我就試下先🤤。門口簡簡單單，不過唔睇清楚真係好易行過左唔知🙈。湯水都幾多款選擇，大約40至80。不過燉湯無得加錢配飯，要入會先有。。。我地散叫就已經成百元一位。橫掂試就試豪啲啦！黑鮑燉雞加個魚肚排骨飯，茶葉蛋就朋友請既！個湯都真係幾清甜，又足料。佢有包鹽我都無加已經好有味，飲落又無口渴既感覺。越飲仲越熱，冬天一流。魚肚排骨飯魚肚幾入味，飯都唔淋有口感，都幾好。茶葉蛋就唔算好入味，一般般。呢間都幾好食，不過價錢就食晏唔可以成日食了。

叫左黑邊鮑魚雞湯嘩，隻鮑魚好大隻呀幾鮮味湯好夠熱，仲有我無落鹽，個湯都已經好夠味好正蟲草花滑雞飯，份量其實都算多雞肉好多，大大件又夠滑，好味魚肚滑雞飯就一般啦，都係配蟲草花好味D

想試左好耐，見一早無咩人哩飲，又有得差電。想試完因係賣點無味精，開始涼涼地想飲燉湯既。本身想飲椰皇燉雞太早未有，蒸飯都未有，好想食蟲草排骨飯，我見佢幾抵，不過服務員ee態度好好，不停講唔好意思，叫我選其他，咁就試試 花膠響螺燉雞湯，賣相好一般，不過應有既料都各有一件既，味道超淡，我信真係無味精。。似飲熱水,都細心既，枱面有一包包鹽比你自己加，有點失望。賣點高椅幾舒服，又有差電位，呢兩樣而家真係幾重要既

今日係荔枝角做野，工業區唔知有咩好食，係OpenRice 見到間餐廳叫「燉」介紹見d 相有燉湯，蒸飯，仲有花膠扒😍😍 岩哂我呢d 少湯水既上班族我唔熟路，好彩間舖係正地鐵站D1出口，一上黎就見到，裝修唔錯要先行到櫃面落單，見有個無著制服的男士細心介紹餐牌，會問下客人有無感冒，係咪成日捱夜etc 再推介湯品 👍🏻👍🏻 我點左我最愛滋補養顏既原隻燜冬菇花膠扒同澳洲野生黑邊鮑魚燉雞湯，等左15分鐘，自己係櫃枱取餐，「嘩...」 左聲隻8頭花膠成隻手掌✋🏻咁大，冬菇好入味爽身，花膠扒係「漿」咀的，補充骨膠原一流😋😋 只係$99 有酒店幾百蚊一位既水準，呢度性價比極高，個汁最好配白飯，可惜我已經食唔落啦鮑魚燉雞湯好足料，有大大張poster 寫住無鹽無味精無雞粉，見枱面有細包鹽比客人自行調味，但本小姐無加鹽都好夠味，湯清甜，$78 蚊個燉湯足料有隻匙咁大既鮑魚，好味，推介推介👍🏻👍🏻 我見佢仲有幾款燉甜品，鮮奶燉花膠，下次一定要再黎試下

係 CGV 睇完戲，有少少肚餓，經过燉，見有位就入座，先到柜枱落單，再等叫可能因為已經4點幾，嗌左幾款都沽清😅最後叫左糯米雞，size適中，餡不多，但糯米又黏又入味，不錯，$20唔算太貴，不過食完有啲口渴咁叫左碟魚肚蒸排骨，味道清，汁唔算多，只可以話一般。主角2盅燉湯，一个是蜜瓜螺片瘦肉燉湯，原盅燉湯，有須要既就自己落鹽。本身個湯又清又甜，個人覺得就不用落鹽，幾個人分都分到2~3碗。另一盅是海底椰麥冬燉湯，相比下，味道比較濃，但也很清甜，2个燉湯都不錯，加上只是$60，間中偷懶，飲别人的燉湯，也不錯

食得多外賣汁撈飯，見到講明無味精既野覺得零舍吸引，，加上d材料好似好豐富咁，就一人叫左一個燉湯加個白飯，我叫左個猴頭菇螺片瘦肉，飲落個湯真係好清，感覺養身，，試埋朋友個個椰子瘦肉，一山還有一山高，呢個仲清甜，，仲有椰香，就係咁湯撈飯咁食，如果叫埋做就有d貴，見到佢既蒸飯同客飯都幾吸引，因為性價比好高，無味精又29-40就有，用既米都幾好味，比起茶記，呢間係幾好既選擇，，眼見都幾多人幫襯，，其實都幾闊落，可以加多d堂食位，

早排同朋友經過荔枝角，比朋友捉左入去試下。平時我唔多飲中湯，咁去到點都要叫下野，見到原隻椰皇又幾得意，所以叫左黎飲。味道其實幾好，可能用埋入面既椰子水一齊燉既關係。入面既員工仲推薦落d鹽會仲甜d，試完又真係wo。d料又好足，都有飽肚感。個湯真係好值得推薦！見佢有個湯係原隻鮑魚燉雞，下次都可以試下。食到9點左右走，見到仲有好多食客排隊落order，估唔li個時間都仲有咁多人。下次經過荔枝角都可以同其他朋友黎試下

去既時候八點十分左右喇，呢段時間無咩人食。所以唔洗等就入到去食。衛生方面都唔錯，簡單乾淨既裝修。不過個位就有d唔舒服，因為較高既座位同埋個冷氣吹住我，但個排位係點都會有冷氣吹住你。講翻正題食物方面喇，鑑於未食晚餐，太肚餓關係，所以我叫佐個涼瓜飯同埋一個椰皇雞湯黎飲。個飯就普普通通，唔算特別，不過以預先整好既飯菜黎講算唔錯啦。個椰皇就較特別喇，因為係原個上既關系佢下面有個盅接住佢。如果以為個盅有野既話，你就太天真喇少年，個盅係無野既，只係驚佢漏野所以接住個底，同埋感覺上大好多。（我個人念法姐）味道唔錯好重椰子味，d椰肉重係哂度，鐘意既可以食埋。但我個人就覺得個孔太細，隻「更」（文盲唔識打）變得唔係太好用。價位都算合理。總體黎講，都算係可以一試既。

昨晚去d2 place看the star is born前，在附近看見有燉湯的專門店「燉」，它的燉湯看似不錯，加上我喉嚨超乾涸，朋友又未來到，我自己先行喝個熱湯潤喉一番。我挑了花膠螺片燉雞湯，不一會便可取湯。打開盅蓋，湯非常熱騰騰，聞起來挺清香的，而且一點也不油膩。湯料蠻足量，有瘦肉，雞腿，螺片及花膠，當然可以將它們通通吃光。花膠螺片燉雞湯入口清甜，配料的精華都熬進湯裡。雞腿燉得超軟嫩，軟骨部份因多小時燉煮變作透明，骨肉更是輕易分離。花膠雖不肥厚，但勝在夠大片，可是螺肉略帶點腥味，若可改善螺肉味道，整碗燉湯可說接近完美。

之前睇資料話呢間鋪頭，野食無落味精，加上有養生既燉湯，仲要有養顏既花膠，已經一路好想試。🤤今日同媽咪去開荔枝角，終於試左呢間燉湯🥣啦！今日好好彩， 睇到原來五點半前落單， 買燉湯加一個飯有得平8蚊，完全滿足哂師奶心態🤣今次呢一心想食花膠野， 所以好快就決定咗， 要一個花膠螺片燉雞湯， 再要一個魚肚滑雞飯。個燉湯其實好足料， 可惜好明顯食得出係雪雞， 同埋嚿肉好鞋口， 不過以呢個價錢呢種水準，好ok！至於個飯，啲雞同埋魚肚都ok滑， 可惜用咗外賣餐具， 不過以性價比嚟講，ok😆食完正餐之後，忍唔住叫多個甜品， 諗都唔諗，要咗鮮奶燉花膠！ 呢個真係超正超好食！ 好食到我同媽咪一致認同， 有機會要再嚟食過！🤣 因為佢個底係薑汁鮮奶底， 加埋有花膠嘅膠質， 仲要有真材實料嘅一大片花膠， 真係冇得輸呀！🤗