Stormies (Closed)

當天下午三點用Apps訂枱，可以卜20:30，順利和簡單，因延遲，要21:30才到，已食慣，知到吃什麼才啱自己，三個人，食量一般，所以叫了一份西冷牛扒和一份Set Dinner ，一杯特飲埋單五百，合理。經理介紹西冷牛扒，比較合適我們，環境，食物，服務也是正常，沒有太大改變，唯可加多一點笑容，部份員工其實冇乜嘢，只是欠奉笑容。牛扒的確是明顯不錯，太太和個仔也滿意，天使面也可以接受，汁也很香。至於飲品，也是經理介紹，雞尾酒，易入口。

食晏有買一送一，飛身入去坐定定，叫咗羅勒番茄水牛芝士意大利飯，同美國牛肉漢堡拌車打芝士洋蔥配薯條，是日餐湯係南瓜湯，跟餐甜品有 Panna Cotta。由於鍾意食水牛芝士，所以一見到個飯有咁多芝士，水晶眼閃閃發光！湯汁份量收到啱啱好，同上次喺沙田食嗰個湖上泛魚版真係兩個世界。呢個芝士飯味道唔濃烈，食吓食吓好易清晒。如果飯粒煮得生啲更好，不過唔係個個鍾意食硬飯。牛肉堡塊肉厚身得嚟細細件，食落有肉汁；蔬菜夠爽鮮脆口。兩者嘅份量做到平衡，令成個漢堡睇落夠高大，加上包身經微烘，整體好養眼，味道就正正常常咁啦。配菜炸粗薯條係連皮版極品，可惜燶咗啲，但最終都食晒。飲埋杯勁多檸檬嘅熱茶，再食埋細細杯少糖甜品，胃腩即時現形。摸住肚皮作順時針打圈，感覺好幸福。

今晚又是朋友跟我慶生的生日飯喔由於我們都是住在元朗區，所以便選擇到YOHO MALL搵野食這一間餐廳我們食過幾次了，覺得好味之餘又抵食，更不時有優惠，而環境氣氛亦不遜於市區，所以成了我的食堂由於只得2人，實在食不下太多東西，所以今次只叫了2款食物。但都足以令你抱住肚皮離開脆辣蜜糖雞翼 $88 (有8隻架)(這個好好味，甜甜地辣辣地，非常惹味，必食烤豬肋骨配燒烤汁 ($245)(這個酸酸地，啖啖肉，食完肚皮好滿足)***開飯Tips :  1) 星期一至四(YOHO MALL 主菜/漢堡包/飯/意粉買一送一優惠)                              2)  星期一至四(19:40前離座更有6折定5折優惠添喔實際係有幾多折扣就忘記了)

朋友推薦，而且住戶有折扣，反正平時食黎食去都屯市～跳出框框試新店。坐室外因自己取餐，所以免加一服務費。但惹蚊嘅我無謂邊食邊餵蚊啦，橫掂住戶有折。失望室內都有蚊而且冷氣欠奉(因方便室外食客自取餐、門長開)。先黎兩杯薄荷熱情果特飲熱情果嘅酸甜加上薄荷的涼感，夠哂清新又清爽。鴨肝醬、火腿拼盤，有少許西式喬頭、酸青瓜，鹹、酸、濃味於一身，打開味蕾嘅頭盤之選。墨西哥粟米片配芝士醬芝士醬唔夠濃味，而且涼左有少許「杰」身，醮爛哂啲粟米片。辣雞翼好香辣、外皮脆，值得推介。虎蝦飯～米飯用香料煮有少許咖哩香氣，虎蝦鮮又彈牙。叫多個漢堡包餐～好飽不過為左啲薯條，單點又唔抵，七成熟美國頂級牛排配炒磨菇，本應好好味⋯⋯可惜太飽了。食物可以，但環境有待改善。

早陣子較多姊妹約會，專登找了一個不趕客，座位夠寬闊，大家都坐得舒服的西餐廳~這間位於交通方便的元朗西鐵站Yoho mall中Stormies~今次weekend搵食，餐牌中的選擇雖然不多，但每個餐都跟上餐湯、沙律、甜品及餐飲，絕對是豐富的午餐呀~餐湯及沙律，我較喜歡這個沙律，汁料調校得剛好，很醒胃！但湯的味道未見突出，我們都飲唔出是這是甚麼湯~哈哈～大概是薯仔湯吧～等待主菜時，細看餐廳周邊環境很舒適，日間到來，餐廳內日光光線充足，能夠給我們一個很寫意的中午~~拍照出來的相也特別美！雞肉蘆荀意大利飯，鍾意食creamy意大利飯嘅朋友，一定好鍾意！汁同飯比例剛好，忌廉和芝士味香濃，配上較淡味的雞肉，很夾！吃完後也不會覺膩！喜愛吃beef burger嘅我當然要order啦～burger很大個，薯條份量都不少，但如果餐廳能替客人把burger分2份或者分4份就更好喇！吃起來也更方便~漢堡牛味很出，但肉質較鞋及乾身，加上調味較少或者可能沒有調味。。。所以。。。如果能把漢堡調一調味或者加返D汁料定必更可口！雞肉漢堡，這個漢堡的雞肉質較實。。。調味也不夠。。。與牛burger相若。。如果能弄得較j

純粹同男友食餐飯 諗唔到食咩醒起之前睇open rice 呢間餐廳既食評 見到啲食物相都幾吸引 而且仲做主菜買一送一 所以就去食小食叫左個炸魷魚圈 不過不失 粉槳唔會太厚主菜叫左肉眼扒 5成熟 上枱切開岩岩好5成 但冇牛味 而且肉質好乾 最大問題明明叫肉眼但其實係西冷黎 因為其實都未試過呢間餐廳 所以都冇所謂 就冇退旁邊既薯條炸得好香脆 好食。另外叫左個羊架 5成熟 但一睇已經係3成 我自己其實可以食得好生所以我就冇退回 羊架冇羊味 而且好多筋 筋位亦冇煎香 肉質好難咬開 食左一塊已經冇再食 順帶一提 因為我係walk in 入 剛進店時我見到full full 地 就推門問下有冇位 有一位男店員 問我地有冇book枱 我就答冇book 個男店員話 冇book 位丫 你好彩喇今晚 語氣帶點輕挑可能佢覺得好funny 啦 雖然呢間餐廳唔係話好貴好高級既餐廳但我認為要有返應有既禮貌同服務態度 。

今日返完工好累， 又唔想煮飯， 緊係上openrice 睇吓有乜平靚正餐廳。 見到stormies, 有promotion 如下： "凡惠顧主餐牌點選主菜/漢堡包/飯/意粉一客，即可額外獲贈主菜一客。(星期一至四)"食材新鮮如漢堡用料非常講究，有蕃茄片、生菜 、厚身牛肉、芝士、煙肉、蘑菇、醃青瓜, 等等....Caesar salad: 好新鮮，FRESH ! Spaghetti carbonara : 有煙肉 & mushroom，醬汁做得好好， 配意粉特別美味！環境舒適， 燈光柔和 ! Relax

價錢都算合理 啲套餐有前菜有甜品又有嘢飲唔錯啲服務又唔算差但如果啲份量可以多少少就好喇 味道方面就各別啦有好食有一般 我叫咗兩樣嘢，雞肉墨西哥卷同南瓜羊奶意大利飯 個墨西哥卷就味道一般無咩特別食落去似係薄餅包住啲菜同雞肉嘅芝士卷所以係有少少失望嘅但價錢只係78蚊就唔要求太多 已個意大利飯就唔錯喇有cream香味同啲goat cheese都好多 所以相比起之下個飯係好食好多 已個甜品係士多啤梨芝士蛋糕 佢個份量係超細 細到無朋友😅 但味道都算ok起碼有少少cheesecake味但佢個texture就好似啫喱咁唔夠實 不過總括嚟講都唔錯 值得一試

今晚三五之己飯局，最欣嘗餐廳佈置好浪漫，坐位坐得好舒服，食品價格好合理，不太貴，食品都多選擇。另外當我們付錢時，店長好好的建議用匯豐銀行的信用卡付費，因為這個卡是提供八折的

元朗開發速度快人本身都唔少 去到而家更加係人口密到插針都插唔入離遠少少中心地帶 又近少少西鐵站位位置YOＨＯ　ＴＯＷＮ成為元朗新地標　不斷有開托工程　令到YOHO MALL都成為主流商場 人流不斷提升環境當然美倫美奐 今次為左有新試身 相約朋友們到呢到食個飯雖然置身於樓宇之間 但天空一樣大 環境仍然清閒悠然餐廳置於商場外 空間感大 美式主題突出有手工啤酒比你揀 不同國家都有 若然有興趣真係可以試多幾支除了啤酒還有啤酒 當然仲有一眾COCKTAIL比唔同既你去選擇由SALAD到甜品 一應俱全包你食得滿足又開心我就先黎一杯MOCKTAIL先 開車前咪飲 所以想要酒精都唔得喇呢杯係PINEAPPLE DELIGHT 開一開胃先用左鮮菠蘿加椰子水同埋自家制的忌廉搞伴而成好重菠蘿味同好滑身 清新之如又可以醒下胃 由頭食到尾 頭盤搵左少少COLD CUT去吊一吊胃口不同既凍肉火腿配埋鵝肝醬酸菜 寧舍醒神又開胃 個多士係即整即烘 鬆脆好味!!燒雞翼我鍾意食~~~有JALAPENO 醬係面層再加埋蜜糖去燒烘 好入面 而且用左比較大隻既巴西雞翼去整啖啖肉之如又唔會"鞋"口 少少辣味加蜜糖甜味惹味非常!!

見到商場apps有午市優惠買一送一coupon，於是去商場諗住試下佢嘅set lunch啦。呢間舖嘅入口係向住商場外面，如果喺商場入面搵會搵唔到個入口。一入到去就聽到侍應問有冇coupon喇，唔會話收收埋埋咁。我地一共叫左兩個餐，叫左一個雞肉辣肉腸飯配蕃茄及蕃茜，另外叫左個墨西哥牛肉餡餅配牛油果醬、酸忌廉及蕃茄蓉。套餐已經有餐湯同埋沙律，兩樣野嘅味道都唔錯。雞肉辣肉腸飯有少少辣，雞肉嘅份量都唔少。個飯嘅顏色好鮮艷，少少辣好開胃啊！至於個墨西哥牛肉餡餅係配薯條嘅，餡餅入面夾左牛肉。至於面頭就係牛油果、酸忌廉同埋蕃茄蓉！薯條都炸得好脆熱辣辣唔錯。除左餐飲之外，原來仲有甜品送。雖然係送嘅件蛋糕都唔差，件蛋糕入面都有d果肉，作為一餐嘅總結都唔錯。

朋友住元朗附近，所以揀一間元朗的西餐，在形點，可能平日關係，周圍食市也不多人我地兩位女士叫了沙律、魚同牛扒餐，原來星期一至四有主菜買一送一 ，可惜我們是個日是星期五， 不過都唔貴 ，沙律好好味 好大份，反而牛唔夠冧，整體ok

came here for an early dinner on Sunday to make use of their 50% off dealordered a smoked salmon salad, chicken quesadillas, a rib eye and a sirloin steak.the smoked salmon salad was average. had a good amount of sauce but a bit tasteless. would have liked some acidity to balance out the creaminess of the sauce and the salmon. the good thing was that it had 5 decent sized slices of smoked salmon, significantly more than in salads I've had at other places.chicken quesadillas. a good portion, b

元朗食肆愈開愈多，而且當中有不少是dogs friendly的餐廳，早前約了朋友一家五口到Stormies吃晚飯。元朗西鐵站出口穿過形點二期，再行經行人天橋就到，不太難找。 我們選了露天位，離住宅和商場中心有一段距離，所以很清靜。附近都是帶了愛犬來的家庭或年輕的夫妻，我們五大人一毛孩，點了三個前菜，煙三文魚沙律配酸奶醬很清新，酸奶醬很滑溜，跟三文魚來一個雙重誘滑！烤芝士香腸伴粗薯條則非常香口，芝士香腸很惹味。Cold Cut Platter有多種凍肉，配上酸菜很開胃。 很喜歡Stormies的意粉！辣肉腸雞肉長通粉微辣，似乎只是引發了辣肉腸的原味出來，與新鮮蕃茄粒互相配合，令人一口接一口地吃下去！長通粉煮得剛剛好。朋友小倆口是肉食獸，10安士西冷牛扒與燒烤汁燴牛肋骨正好滿足了他們！燒烤汁燴牛肋骨非常軟淋。 最後以檸檬撻作甜品，酸度剛剛好，蛋白也打得香脆，人狗也快樂。

YOHO MALL在開業之初，一度成了我的開飯熱點，不過隨着形點發展至三期，食肆之多令人眼花撩亂，要嚐遍其實是確有難度。一直留意場內的特色餐廳，攢存在到訪清單不日試試，當中有這家美式餐廳Stormies。遇上友人相約飯聚， 美式餐廳會是個不錯的選擇，因此一致選上了Stormies。訂位之際侍應表示可選室內或戶外位置，而後者是免加一的，因此便選了露天位置。但見當天這天晚上不算冷，戶外位置亦較為開揚舒適，不少食客也是選坐露天位置，室內位置反而是乏人問津。不過此處份屬公共空間，選坐便不能使用送餐服務，店方亦因此而免收加一。對於家庭客而言這無疑是省錢的好安排，不過自助取餐確是為食客帶來一點不便。等友人之際，先來一客小食拼盤($228)，份量巨大的小食拼盤，整盤都是香口炸物，當中有雞翼、薯條、芝士炸薯、魷魚圈、墨西哥牛肉薄餅、意式煙三文魚多士，有一大群朋友Happy share最好不過了。當中又以芝士炸薯、魷魚圈、墨西哥牛肉薄餅最受歡迎，轉眼便被搶吃一空。點了不少小食，還是配酒為佳。相比友人的那甜膩的 Mocktail，更喜歡這杯Cocktail Ocean Breeze($88)，迷人的酒色卻