Video
Additional Information
Some vegetarian dishes available daily.
Opening Hours
Mon - Sun
08:00 - 06:00
Above information is for reference only. Please check details with the restaurant.
Signature Dishes
周末早餐，就來吃個豐富一點吧，剛好收到公關送來的換領信，就吃個Subway的潛艇堡吧，配一瓶的維他命水。。選了蜜糖麵包，是款軟包來的，有雞肉和牛肉片在裏面，要在裏面加芝士。一口吃到那麽多配料的感覺是挺滿足的，溫溫的，半融的芝士是加分點。吃過豐富的早餐，又是精神滿滿的一天。這種維他命水，聽說過是好幾篇了，但還是初次喝到，有好幾款口味可選了，選了檸檬口味，入口是沒太强的甜感，也不錯。
continue reading
796 views
一向都幾鍾意Subway嘅產品，因為價錢實惠之餘，份量十足，又可以自由選擇配料。以往多數幫襯半島中心分店，貪佢近尖東百週年紀念公園，尤其秋涼，買個潛水堡，邊享受陽光，邊享受美食，心情都寧捨開朗。不過，自半島中心分店結業後，如再要晌百週年紀念公園嘆潛水堡，就要光顧帝國中心分店嘞。依晚走到過嚟，估唔到咁多人排隊。大抵因為潛艇堡選擇款式多，用料豐富，由包款、配料、醬汁都可按個人喜好自由配搭，實在好適合香港人多心又成日想試新嘢嘅心態，當然，味道好先可以長遠留住客人嘅。記得以前Subway嘅潛水堡分4個級別：經典Classics、滋味Favorites、傳統Traditional及優質Premium，雖然依家取消咗名稱上嘅分級，但都照樣分開4個價錢：$25.8、$29.8、$35.8、$39.8（以6吋單價計），分別在於所用嘅主材料。加$13.8就可以轉為套餐，包括多杯16安士汽水或330亳升罐裝，以及兩塊美式曲奇或薯片一包，其實加十幾蚊多兩塊美式曲奇都抵啦。有食開Subway嘅人都知，佢哋一向都有5選1嘅抵食「$25Combos」組合，一款6吋潛水堡加一杯中汽水或330亳升罐裝，都只喺賣$25。貪小便宜嘅小弟就一定揀本身最貴嘅辣味經典，因為單價都要成$35.8，加埋杯中杯汽水$10，足足喺55折，抵過食麥記啦。不過，今次嚟就唔喺食依個$25Combos喇，而喺另一個限定供應嘅組合：6吋公司潛艇堡 + GLACÉAU vitaminwater。以單價計，前者賣$39.8，後者每樽賣$18，依家合計賣$42，都平近3成；又或者咁諗，買個公司潛艇堡，加多兩蚊多啲就有成支「維他命水」，感覺就仲抵。反正有啲人唔飲得汽水，又唔鍾意食曲奇，套餐優惠都無佢份，而依個組合又可能幾啱佢哋。公司潛艇堡4種麵包（蜜糖燕麥、全麥、意式香草芝士、白麵包），始終都喺蜜糖燕麥包喺小弟至愛，因為外型粗中有柔，軟熟而帶有點點甜香，又有種燕麥嘅粗糙口感。如果唔鍾意食包，客人亦可揀卷餅，即喺好似啲墨西哥卷咁，免費轉唔需要額外加錢，較為人性化嘅政策。依款潛艇堡預設好嘅主材料包括火雞胸肉片、火腿薄片及燒牛肉，既然要食得「芝選」，梗要求加芝士啦，而配菜要咗青瓜、蕃茄、醃酸瓜、紫洋蔥、青椒、生菜絲和橄欖，加起嚟一啲都唔配角呀。醬汁，又喺蜜糖，蜜糖芥辣醬吖，唔該！一份滿滿嘅公司潛艇堡就即時呈現眼前，拿上手已知斤兩十足，非常墜手。實在太多材料喇，影相可能唔多好睇，不過味道就絕對唔失禮。啲薄肉片薄嫩好食，尤其燒牛肉，就算薄薄一片都食出味道，而紛陳嘅配菜，滿足晒味蕾嘅好奇，口感、味道晌口腔內都變化萬千，每一啖都有所不同，依個就喺Subway潛艇堡嘅精彩之處。GLACÉAU vitaminwater檸檬味「維他命水」印象中都喺第一次飲，以低卡、縕含豐富維他命、無添加人工色素或香料為賣點，據知已經出咗近十款，不過，今日晌度所見，就只有4款：blueberry、orange、dragonfruit、lemonade。揀嚟檸檬味因為喜歡清爽嘅感覺，冰涼嘅檸檬味維他命水，入口微酸，檸檬味唔會太搶，雖則話喺無添加嘅營養素飲品，始終跟鮮榨果汁唔同，個人覺得較似飲「得力素」一類嘅營養飲品。再睇番個宣傳板話件6吋公司潛艇堡只有6克脂肪，雖然唔知實際點樣量度，但食落的確滋味輕盈，尤其配以開胃醬汁。多謝公關嘅送贈，一份美味嘅潛艇堡，一樽滿載活動嘅營養飲品，叫人好好準備迎接依個炎炎盛夏。
continue reading
Tried this $42 combo set which consists of a SUBWAY Club™ and a bottle of GLACÉAU vitaminwater at SUBWAY. (Normally it would cost HK$57.8).According to Subway, the SUBWAY Club™ is low-fat and low-calorie containing only 6-grams of fat.Subway has met the nutritional criteria set forth by the American Heart Association's Heart-Check Meal Certification Program.For drinks, there are quite a few flavours.Glacéau vitaminwater is from New York, sold in major cities including London, Paris, Tokyo, Seoul. It is enhanced with nutrients without artificial flavourings.★☆★☆★☆★☆★☆★☆★☆★☆★☆★ SUBWAY Club™:I liked combination of ham, beef and turkey because it was filling, and all the meats were lean.I had a simple sub, so I just opted for tomatoes and olives with ranch sauce.The sub was simple and delicious with the juicy tomato slices and meats.★☆★☆★☆★☆★☆★☆★☆★☆★☆★ xxx: blueberry pomegranate:The drink was light and not too sweet so next time I will try other flavours.★☆★☆★☆★☆★☆★☆★☆★☆★☆★
continue reading
炎熱既天氣真係我既天敵 可以令我咩都唔想做連飯都唔想食。星期六要上課既我選擇午餐都係以輕便為主。今個星期我就選了Subway的三文治餐這個有維他命水又有三文治的餐不錯, 感覺比配汽水light一點 (價錢: $42)如平常的套餐一樣可選擇不同的包及醬汁, 今次我選了蜜糖燕麥包+蛋黃醬的組合以往的從未點過這款包, 味道令我有點意外, 烘烤過的包燕麥有點脆口, 帶有一點蜜糖的甜味,半溶化的芝士還夾著火腿滿滿是濃郁, 再配上大量洋蔥蕃茄生菜青椒等爽口蔬菜,使味道十分清新。不用十分鐘我就ko左佢
continue reading
在美國生活的時候, 當然有到訪過SUBWAY, 對這個品牌是很熟悉的. 回到香港之後, 如果想吃得輕宜一點, 也會前來SUBWAY的. 是日就在店方的邀請下, 前來一試SUBWAY於五月份推出的全新低脂低卡路里輕盈滋味套餐.其實SUBWAY是全球第一家能夠符合美國心臟協會心臟檢查膳食認證計劃所訂營養標準的快餐餐廳, 而這個全新低脂低卡路里輕盈滋味套餐就為客人帶來有營套餐, 以脂肪含量低於6克的6吋公司潛艇堡, 再配以低卡路里的GLACÉAU vitaminwater, 只是$42一客, 很適合這個夏天去享用.低脂低卡路里輕盈滋味套餐 $42: 8分, 這客6吋公司潛艇堡, 有好幾款麵包選擇, 我是日的選擇是白麵包.接下來店員就會配上火雞胸嫩肉切片, 燒牛肉以及黑森林火腿切片. 至於自選新鮮蔬菜和配料也有不少選擇, 包括蕃茄, 洋蔥, 生菜, 青瓜等等, 大家可以自行選擇, 配搭出最適合自己的款式. 最後, 還要選擇醬汁, 我就揀選了甜洋蔥醬.這個就是我的6吋公司潛艇堡.白麵包會是比較大路的選擇, 質感鬆軟, 而幾款肉類配搭就讓愛吃肉的我滿足, 但脂肪含量只有6克, 很健康呢. 而其他新鮮蔬菜和配料讓這客潛艇堡更加清新.至於GLACÉAU vitaminwater這款健康飲品, 也是很低卡路里的, 還有豐富維他命. 我就揀選了熱帶柑桔味, 味道清新, 酸酸甜甜的, 很開胃.SUBWAY的低脂低卡路里輕盈滋味套餐, 原價合共$57.8元, 現只以特價$42發售. 這客套餐用料豐富, 配上火雞胸嫩肉切片, 燒牛肉, 黑森林火腿切片以及自選新鮮蔬菜和配料, 健康美味, 低脂低卡路里, 真的是讓大家lighten up的好選擇.
continue reading