小方糖甜品 (龍崗道)

Open Now

Now Closed

.小方糖甜品.九龍城呢間由開張到宜家咁多年每次去都係淨係會嗌留戀天使雖然每次落單嗰陣都會覺得好老尷咁向職員指住個餐牌講唔到「唔該想要一個留戀天使」🫢✨留戀天使入面有榴槤肉/榴槤汁/水晶珠/一球雲呢拿雪糕一攞埋嚟已經聞到超濃郁嘅榴槤味榴槤亦都啖啖肉而雲呢拿雪糕令成件事平衡番咁多年嚟味道都算不過不失坦白講榴槤肉有時大有時細啦始終榴槤嘅成本都比較高都係睇彩數加上呢度嘅榴槤產品係全年都供應好多時唔係榴槤當造嘅季節都係去小方糖止止渴

最愛の甜品鋪 ｜ 小方糖甜品九龍城甜品選擇多，尋尋覓覓我始終最愛嘅都係小方糖，啱晒我哋口味，中式西式都包羅萬有。今晚都叫咗3樣甜品🤭🍫 80°暖意心太軟 $55心太軟準備需時10分鐘左右，配自選2球雪糕，我揀咗綠茶同芒果😍小方糖好可愛，喺個碟上用朱古力畫上可愛嘅三眼仔（應該都幾難畫？）☺️極有心思，值得一讚👍🏻🍧悟空 $40椰汁味重👍🏻沙冰都冇話一舊舊，好食😋🍓 士多啤梨粒粒拿破倫 $46拿破崙份量好像縮咗水，加咗價嘅同時縮咗水，雖然有少少失望，但依然都算比其他甜品鋪抵食！Bible rating: 9/10📍地址：小方糖甜品 (龍崗道) (九龍城)九龍城龍崗道23號地下

杏汁燉燕窩蛋白榴蓮奶凍榴蓮肉椰汁龍眼小丸子芒果椰汁小丸子燉蛋白雖然吃過午飯 吃得很飽但還是跟朋友兩人吃了三碗早春就是要吃蛋白燕窩潤一潤  榴蓮肉也夠新鮮 但入味方面稍有不足

一向外賣買開九龍城另一間甜品店，相安無事。點知前晚身痕試新嘢，order 咗兩個龍珠超甜品俾兩個仔宵夜，即刻瀨嘢，急性腸胃炎，考試都去唔到 搞到我呢個阿媽心痛又內疚以後唔敢再幫襯呢間嘢

小方糖今日難得黎到九龍城， 想食埋甜品先返歸，就搵到呢間。即刻入去坐低先😆😆😆😆😆😆——————————————一入到去間鋪就聞到一陣好香嘅椰皇味☺️☺️☺️☺️，香到忍唔住，所以即刻叫咗椰皇湯丸芋圓燉蛋白（熱）啲芋圓煮得幾淋，湯圓無記錯係芝麻餡🤣講返個個燉蛋白先，佢好香好滑好好味呀🥰🥰🥰🥰🥰～椰皇入面啲肉都好淋好正，無食錯。芒果班戟，兩大舊，份量唔少，味道不過不失，啲芒果都幾甜。

九龍城人氣甜品店～小方糖飯後宵夜好去處～～～～～～～～～～～～～～～～～小編趁住週未前到甜品店吃一下甜點放鬆一下🥰🥰今日黎到九龍城小方糖試下佢哋既甜品～～朱古力拿破崙配雪糕：味道很好，拿破崙脆卜卜同朱古力醬好夾，食落好鬆脆，再配上朱古力醬同Cream，味道一流～～ ($45)芒果糯米糍：糯米糍皮包大大件芒果～口感一流～～ ($32)

一般般….點的是外賣店了椰子燉蛋湯圓芋圓榴蓮班戟…..就很一般………………榴槤班戟的皮很硬，奶油好膩🥲芋圓的口感也不好，不會回購的一家店…..🥹🥹🥹🥹

排天氣真係又熱又焗，緊係要食返個透心涼甜品，所以決定買返個甜品返屋企食。芋圓豆腐花仙草凍芋圓口感煙韌，豆腐花軟滑，仙草清甜，配上香滑椰漿，整個甜品甜度適中，非常美味。

喺附近食完晚飯，就隨便入左哩間糖水舖食個飯後甜品。我叫咗哩個芒果益力多沙冰，芒果算甜，珍珠好嚼勁，仲有啲啫喱，口感唔錯。但沙冰冰粒較大，如果可以再綿啲就會再好食啲。同行朋友叫咗榴槤甜品，榴槤好香，幾乎半碗都係榴槤肉，推薦 👍另一位朋友叫咗芒果樂園，中間有牛奶布丁，香滑。加埋芒果雪糕，透心涼

今日食心太軟同芒果拿破崙心太軟平時試中式糖水覺得不過不失呢間心太軟真係做得差吾知係因為去既時候多人太忙就水準咁差外皮好軟焗爐溫度不夠又勁乾內心又吾夠熱好難食既心太軟不過有得選擇2/3球雪糕芒果雪糕幾好味同埋曲奇雪糕都ok正常水準唯一值得讚賞係朱古力畫碟畫得好靚店老鴨好得意 睇到就開心返少少另外仲食左芒果拿破崙好多芒果好夠甜 大大舊拿破崙夠脆份量夠大總結而言吾會再光顧😂好逼好嘈又吾係太好食下次食返隔離街果間算

同個朋友太耐無見，食完晚飯仲想繼續傾，當然要食甜品當下場啦，係九龍城呢個美食一級戰場，有一間開左頂幾耐嘅小方糖！士多啤梨粒粒拿破崙（$45）除咗拿破崙中間夾住香甜忌廉，配埋士多啤梨雪糕，真係無得頂！不過士多啤梨有啲酸，要配雪糕食！芒果乳酪雪芭（$42）好清新！仲有新鮮芒果，黑白配同蜜糖星星，口感非常豐富！

App 叫定糖水到店取，西瓜涼粉（加錢$3西瓜汁底），行行吓發現比錯西瓜西米露，因吾食西米，返轉頭換返。啲店員一句吾好意思都無，要再浪費時間等，再整梗系問清楚係咪西瓜涼粉+西瓜汁底啦！個店員勁寸話紅色底梗系西瓜汁，比錯野無道歉，更寸嘴，唔會再幫襯你羅，你估九龍城得你一間糖水舖咩！

今日放假同媽媽去九龍城行下，見到呢間糖水舖岩岩開舖，店面整潔，同埋冇咁多人，所以就入去食碗糖水開心下媽媽叫左傳統既芝麻糊，我就俾佢餐牌好多新式甜品吸引住，最後叫左碗芒果樂園！一黎到就覺得好正，入面又有雪糕、布丁、芒果、西米、仲有啲有咬口既啫喱，我每啖都食到唔同既口感，覺得好滿足再加上價錢超值，我覺得cp值好高媽媽碗芝麻糊佢話都唔錯，但佢見到我個碗都忍唔住食左幾啖，哈哈，下次再去食都要試下食佢地新式既甜品

小方糖甜品🍡📍九龍城龍崗道23號地下∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎最近冇左堂食，但買外賣🥡都係一個唔錯既選擇🥲。今日介紹下呢間位於九龍城既 小方糖甜品，雖然係外賣，但放得一d都唔肉酸，而且都幾好味🤩🌟日式紅豆豆腐花 $33個豆腐都幾滑，上面淋既係椰汁🥥，都唔錯👍🏻，但可惜紅豆實在太少，與圖片不乎😮‍💨🌟朱古力棉花冰 $42呢個棉花冰都係一般既朱古力雪糕🍦，但有d香蕉🍌同埋星星脆脆係面，外賣都算整得幾靚😂整體推介指數：❤️❤️❤️❤️🤍∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎

估唔到一段時間冇嚟，呢度啲甜品差晒，冇以前咁好食😞芒果沙冰豆腐花$38以前食呢個係好好味，而家芒果醬變咗一堆嘢完全感覺唔到有沙冰🥲芒果唔算甜😞CP值降低上層是芒果醬混雜幾件鮮芒果，下層是豆腐花糖不甩$22，曾幾何時呢款甜品都係必食不過依家濕淋淋完全唔係嗰回事😖朱古力棉花冰$42朱古力棉花好有層次感，越食越想食呢個保持得最好👍🏻芒果拿破崙，一份可以分幾個人食飽肚感充足，拿破崙十分鬆脆😙超值之選😋